| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. авагуж̇ж̇асуд̇д̇аван̣н̣анаа
10. Avakujjasuttavaṇṇanā
30. д̣̇асамз авагуж̇ж̇абан̃н̃од̇и ад̇хомукабан̃н̃о. ужчан̇г̇абан̃н̃од̇и ужчан̇г̇асад̣̇исабан̃н̃о. бут̇убан̃н̃од̇и вид̇т̇ааригабан̃н̃о. аад̣̇игаляаан̣анд̇иаад̣̇ийсу аад̣̇ийд̇и буб̣б̣абадтабанаа. маж̇жханд̇и гат̇аавзмаж̇жхам̣. барияосаананд̇и саннидтаанам̣. ид̇исса д̇з д̇хаммам̣ гат̇знд̇аа буб̣б̣абадтабанзби галяаан̣ам̣ бхад̣̇д̣̇агам̣ анаваж̇ж̇амзва гад̇ваа гат̇знд̇и, взмаж̇жхзби барияосаанзби. зд̇т̇а жа ад̇т̇и д̣̇зсанааяа аад̣̇имаж̇жхабарияосаанаани, ад̇т̇и саасанасса. д̇ад̇т̇а д̣̇зсанааяа д̇аава жад̇уббад̣̇игаг̇аат̇ааяа батамабад̣̇ам̣ аад̣̇и, д̣̇вз бад̣̇аани маж̇жхам̣, авасаанабад̣̇ам̣ барияосаанам̣. згаанусанд̇хигасса суд̇д̇асса нид̣̇аанам̣ аад̣̇и, анусанд̇хи маж̇жхам̣, ид̣̇амавожаад̇и аббанаа барияосаанам̣. анзгаанусанд̇хигасса батамо анусанд̇хи аад̣̇и, д̇ад̇о барам̣ зго ваа анзгз ваа маж̇жхам̣, бажчимо барияосаанам̣. аяам̣ д̇аава д̣̇зсанааяа наяо. саасанасса бана сийлам̣ аад̣̇и, самаад̇хи маж̇жхам̣, вибассанаа барияосаанам̣. самаад̇хи ваа аад̣̇и, вибассанаа маж̇жхам̣, маг̇г̇о барияосаанам̣. вибассанаа ваа аад̣̇и, маг̇г̇о маж̇жхам̣, палам̣ барияосаанам̣. маг̇г̇о ваа аад̣̇и, палам̣ маж̇жхам̣, ниб̣б̣аанам̣ барияосаанам̣. д̣̇вз д̣̇вз ваа гаяирамаанз сийласамаад̇хаяо аад̣̇и, вибассанаамаг̇г̇аа маж̇жхам̣, паланиб̣б̣аанаани барияосаанам̣.
30. Dasame avakujjapaññoti adhomukhapañño. Ucchaṅgapaññoti ucchaṅgasadisapañño. Puthupaññoti vitthārikapañño. Ādikalyāṇantiādīsu ādīti pubbapaṭṭhapanā. Majjhanti kathāvemajjhaṃ. Pariyosānanti sanniṭṭhānaṃ. Itissa te dhammaṃ kathentā pubbapaṭṭhapanepi kalyāṇaṃ bhaddakaṃ anavajjameva katvā kathenti, vemajjhepi pariyosānepi. Ettha ca atthi desanāya ādimajjhapariyosānāni, atthi sāsanassa. Tattha desanāya tāva catuppadikagāthāya paṭhamapadaṃ ādi, dve padāni majjhaṃ, avasānapadaṃ pariyosānaṃ. Ekānusandhikassa suttassa nidānaṃ ādi, anusandhi majjhaṃ, idamavocāti appanā pariyosānaṃ. Anekānusandhikassa paṭhamo anusandhi ādi, tato paraṃ eko vā aneke vā majjhaṃ, pacchimo pariyosānaṃ. Ayaṃ tāva desanāya nayo. Sāsanassa pana sīlaṃ ādi, samādhi majjhaṃ, vipassanā pariyosānaṃ. Samādhi vā ādi, vipassanā majjhaṃ, maggo pariyosānaṃ. Vipassanā vā ādi, maggo majjhaṃ, phalaṃ pariyosānaṃ. Maggo vā ādi, phalaṃ majjhaṃ, nibbānaṃ pariyosānaṃ. Dve dve vā kayiramāne sīlasamādhayo ādi, vipassanāmaggā majjhaṃ, phalanibbānāni pariyosānaṃ.
саад̇т̇анд̇и саад̇т̇агам̣ гад̇ваа д̣̇зсзнд̇и. саб̣яан̃ж̇ананд̇и агкарабаарибуурим̣ гад̇ваа д̣̇зсзнд̇и. гзвалабарибун̣н̣анд̇и сагалабарибун̣н̣ам̣ ануунам̣ гад̇ваа д̣̇зсзнд̇и. барисуд̣̇д̇ханд̇и барисуд̣̇д̇хам̣ ниж̇ж̇адам̣ ниг̇г̇ан̣тим̣ гад̇ваа д̣̇зсзнд̇и. б̣рахмажарияам̣ багаасзнд̇ийд̇и звам̣ д̣̇зсзнд̇аа жа сздтажарияабхууд̇ам̣ сигкад̇д̇аяасан̇г̇ахид̇ам̣ арияам̣ адтан̇г̇игам̣ маг̇г̇ам̣ багаасзнд̇и. нзва аад̣̇им̣ манаси гарод̇ийд̇и нзва буб̣б̣абадтабанам̣ манаси гарод̇и.
Sātthanti sātthakaṃ katvā desenti. Sabyañjananti akkharapāripūriṃ katvā desenti. Kevalaparipuṇṇanti sakalaparipuṇṇaṃ anūnaṃ katvā desenti. Parisuddhanti parisuddhaṃ nijjaṭaṃ niggaṇṭhiṃ katvā desenti. Brahmacariyaṃ pakāsentīti evaṃ desentā ca seṭṭhacariyabhūtaṃ sikkhattayasaṅgahitaṃ ariyaṃ aṭṭhaṅgikaṃ maggaṃ pakāsenti. Neva ādiṃ manasi karotīti neva pubbapaṭṭhapanaṃ manasi karoti.
гумбход̇и гхадо. нигуж̇ж̇од̇и ад̇хомуко табид̇о. звамзва код̇и зд̇т̇а гумбхо нигуж̇ж̇о вияа авагуж̇ж̇абан̃н̃о буг̇г̇ало д̣̇адтаб̣б̣о, уд̣̇агаасин̃жанагаало вияа д̇хаммад̣̇зсанааяа лад̣̇д̇хагаало, уд̣̇агасса вивадданагаало вияа д̇асмим̣ аасанз нисиннасса уг̇г̇ахзд̇ум̣ асамад̇т̇агаало, уд̣̇агасса асан̣таанагаало вияа вудтахид̇ваа асаллагкан̣агаало взд̣̇ид̇аб̣б̣о.
Kumbhoti ghaṭo. Nikujjoti adhomukho ṭhapito. Evameva khoti ettha kumbho nikujjo viya avakujjapañño puggalo daṭṭhabbo, udakāsiñcanakālo viya dhammadesanāya laddhakālo, udakassa vivaṭṭanakālo viya tasmiṃ āsane nisinnassa uggahetuṃ asamatthakālo, udakassa asaṇṭhānakālo viya vuṭṭhahitvā asallakkhaṇakālo veditabbo.
аагин̣н̣аанийд̇и багкид̇д̇аани. сад̇исаммосааяа багирзяяаад̇и мудтассад̇ид̇ааяа вигирзяяа. звамзва код̇и зд̇т̇а ужчан̇г̇о вияа ужчан̇г̇абан̃н̃о буг̇г̇ало д̣̇адтаб̣б̣о, наанаакаж̇ж̇агаани вияа наанаббагаарам̣ б̣уд̣̇д̇хаважанам̣, ужчан̇г̇з наанаакаж̇ж̇агаани каад̣̇анд̇асса нисиннагаало вияа д̇асмим̣ аасанз нисиннасса уг̇г̇ан̣ханагаало, вудтаханд̇асса сад̇исаммосаа багиран̣агаало вияа д̇асмаа аасанаа вудтааяа г̇ажчанд̇асса асаллагкан̣агаало взд̣̇ид̇аб̣б̣о.
Ākiṇṇānīti pakkhittāni. Satisammosāya pakireyyāti muṭṭhassatitāya vikireyya. Evameva khoti ettha ucchaṅgo viya ucchaṅgapañño puggalo daṭṭhabbo, nānākhajjakāni viya nānappakāraṃ buddhavacanaṃ, ucchaṅge nānākhajjakāni khādantassa nisinnakālo viya tasmiṃ āsane nisinnassa uggaṇhanakālo, vuṭṭhahantassa satisammosā pakiraṇakālo viya tasmā āsanā vuṭṭhāya gacchantassa asallakkhaṇakālo veditabbo.
уггуж̇ж̇од̇и убаримуко табид̇о. сан̣таад̇ийд̇и бад̇идтахад̇и. звамзва код̇и зд̇т̇а убаримуко табид̇о гумбхо вияа бут̇убан̃н̃о буг̇г̇ало д̣̇адтаб̣б̣о, уд̣̇агасса аасид̇д̇агаало вияа д̣̇зсанааяа лад̣̇д̇хагаало, уд̣̇агасса сан̣таанагаало вияа д̇ад̇т̇а нисиннасса уг̇г̇ан̣ханагаало, но вивадданагаало вияа вудтааяа г̇ажчанд̇асса саллагкан̣агаало взд̣̇ид̇аб̣б̣о.
Ukkujjoti uparimukho ṭhapito. Saṇṭhātīti patiṭṭhahati. Evameva khoti ettha uparimukho ṭhapito kumbho viya puthupañño puggalo daṭṭhabbo, udakassa āsittakālo viya desanāya laddhakālo, udakassa saṇṭhānakālo viya tattha nisinnassa uggaṇhanakālo, no vivaṭṭanakālo viya vuṭṭhāya gacchantassa sallakkhaṇakālo veditabbo.
д̣̇уммзд̇ход̇и ниббан̃н̃о. авижагкан̣од̇и сам̣вид̣̇аханабан̃н̃ааяа рахид̇о. г̇анд̇аад̇и г̇аманасийло. сзяяо зд̇зна вужжад̇ийд̇и зд̇асмаа буг̇г̇алаа уд̇д̇арид̇арод̇и вужжад̇и. д̇хаммаануд̇хаммаббадибаннод̇и навалогуд̇д̇арад̇хаммасса ануд̇хаммам̣ саха сийлзна буб̣б̣абхааг̇абадибад̣̇ам̣ бадибанно. д̣̇угкассаад̇и ваддад̣̇угкасса. анд̇агаро сияаад̇и годигаро барижчзд̣̇агаро баривадумагаро бхавзяяаад̇и.
Dummedhoti nippañño. Avicakkhaṇoti saṃvidahanapaññāya rahito. Gantāti gamanasīlo. Seyyo etena vuccatīti etasmā puggalā uttaritaroti vuccati. Dhammānudhammappaṭipannoti navalokuttaradhammassa anudhammaṃ saha sīlena pubbabhāgapaṭipadaṃ paṭipanno. Dukkhassāti vaṭṭadukkhassa. Antakaro siyāti koṭikaro paricchedakaro parivaṭumakaro bhaveyyāti.
буг̇г̇алаваг̇г̇о д̇ад̇ияо.
Puggalavaggo tatiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. авагуж̇ж̇асуд̇д̇ам̣ • 10. Avakujjasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. авагуж̇ж̇асуд̇д̇аван̣н̣анаа • 10. Avakujjasuttavaṇṇanā
