| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. авагуж̇ж̇асуд̇д̇аван̣н̣анаа
10. Avakujjasuttavaṇṇanā
30. д̣̇асамз авагуж̇ж̇абан̃н̃од̇и ниггуж̇ж̇абан̃н̃о. д̇знааха ‘‘ад̇хомукабан̃н̃о’’д̇и. буб̣б̣абадтабанаад̇и батамаарамбхо. саннидтаананд̇и гат̇аабарияосаанам̣. аббанаад̇и д̣̇зсанааяа нидтаабанам̣. анзгз ваа анусанд̇хияод̇и яож̇зд̇аб̣б̣ам̣. самаад̇хи ваад̇иаад̣̇ийсу логуд̇д̇арад̇хаммаа барамад̇т̇ад̇о саасананд̇и д̇ад̣̇ад̇т̇обаад̣̇агасамаад̇хи д̇асса аад̣̇ийд̇и вуд̇д̇о, д̇ад̣̇аасаннад̇д̇аа вибассанаа, д̇асса муулабхаавзна згад̣̇зсад̇д̇аа маг̇г̇о.
30. Dasame avakujjapaññoti nikkujjapañño. Tenāha ‘‘adhomukhapañño’’ti. Pubbapaṭṭhapanāti paṭhamārambho. Sanniṭṭhānanti kathāpariyosānaṃ. Appanāti desanāya niṭṭhāpanaṃ. Aneke vā anusandhiyoti yojetabbaṃ. Samādhi vātiādīsu lokuttaradhammā paramatthato sāsananti tadatthopādakasamādhi tassa ādīti vutto, tadāsannattā vipassanā, tassa mūlabhāvena ekadesattā maggo.
саасанасса баарибуурисуд̣̇д̇хияо наама сад̇т̇аараа д̣̇зсид̇анияаамзнзва сид̣̇д̇хаа, д̇аа банзд̇т̇а гат̇знд̇асса васзна г̇ахзд̇аб̣б̣аад̇и д̣̇ассзд̇ум̣ ‘‘ануунам̣ гад̇ваа д̣̇зсзнд̇ий’’д̇и, ‘‘ниг̇г̇ан̣тим̣ гад̇ваа д̣̇зсзнд̇ий’’д̇и жа вуд̇д̇ам̣. д̇ад̇т̇а ниж̇ж̇аданд̇и ниг̇г̇умб̣ам̣ анаагулам̣. ниг̇г̇ан̣тинд̇и г̇ан̣тидтаанарахид̇ам̣ сувин̃н̃зяяам̣ гад̇ваа.
Sāsanassa pāripūrisuddhiyo nāma satthārā desitaniyāmeneva siddhā, tā panettha kathentassa vasena gahetabbāti dassetuṃ ‘‘anūnaṃ katvā desentī’’ti, ‘‘niggaṇṭhiṃ katvā desentī’’ti ca vuttaṃ. Tattha nijjaṭanti niggumbaṃ anākulaṃ. Niggaṇṭhinti gaṇṭhiṭṭhānarahitaṃ suviññeyyaṃ katvā.
аагин̣н̣аанийд̇и аагирид̇ваа сам̣гирид̇ваа табид̇аанийд̇и ад̇т̇о. д̇знааха ‘‘багкид̇д̇ааний’’д̇и. ужчан̇г̇о вияа ужчан̇г̇абан̃н̃о буг̇г̇ало д̣̇адтаб̣б̣од̇и ужчан̇г̇асад̣̇исабан̃н̃ад̇ааяа ужчан̇г̇абан̃н̃о. звам̣ бан̃н̃аа вияа буг̇г̇алоби ужчан̇г̇о вияа ход̇и, д̇асмим̣ д̇хаммаанам̣ ажирадтаанад̇од̇и ад̇хиббааязна вуд̇д̇ам̣. яат̇аа жа ужчан̇г̇асад̣̇исаа бан̃н̃аа, звам̣ ниггуж̇ж̇агумбхасад̣̇исаа бан̃н̃аа зваад̇и д̣̇адтаб̣б̣аа.
Ākiṇṇānīti ākiritvā saṃkiritvā ṭhapitānīti attho. Tenāha ‘‘pakkhittānī’’ti. Ucchaṅgo viya ucchaṅgapañño puggalo daṭṭhabboti ucchaṅgasadisapaññatāya ucchaṅgapañño. Evaṃ paññā viya puggalopi ucchaṅgo viya hoti, tasmiṃ dhammānaṃ aciraṭṭhānatoti adhippāyena vuttaṃ. Yathā ca ucchaṅgasadisā paññā, evaṃ nikkujjakumbhasadisā paññā evāti daṭṭhabbā.
сам̣вид̣̇аханабан̃н̃ааяаад̇и ‘‘звам̣ гад̇з ид̣̇ам̣ наама бхависсад̇ий’’д̇и звам̣ д̇ам̣д̇ам̣ад̇т̇агижжам̣ сам̣вид̇хаад̇ум̣ самад̇т̇ад̇ааяа вижааран̣абан̃н̃ааяа рахид̇о. сзяяод̇и сздто баасам̣со. буб̣б̣абхааг̇абадибад̣̇анд̇и жид̇д̇ависуд̣̇д̇хиаад̣̇игам̣ арияамаг̇г̇асса ад̇хиг̇амааяа буб̣б̣абхааг̇абадибад̇д̇им̣.
Saṃvidahanapaññāyāti ‘‘evaṃ kate idaṃ nāma bhavissatī’’ti evaṃ taṃtaṃatthakiccaṃ saṃvidhātuṃ samatthatāya vicāraṇapaññāya rahito. Seyyoti seṭṭho pāsaṃso. Pubbabhāgapaṭipadanti cittavisuddhiādikaṃ ariyamaggassa adhigamāya pubbabhāgapaṭipattiṃ.
авагуж̇ж̇асуд̇д̇аван̣н̣анаа нидтид̇аа.
Avakujjasuttavaṇṇanā niṭṭhitā.
буг̇г̇алаваг̇г̇аван̣н̣анаа нидтид̇аа.
Puggalavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. авагуж̇ж̇асуд̇д̇ам̣ • 10. Avakujjasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. авагуж̇ж̇асуд̇д̇аван̣н̣анаа • 10. Avakujjasuttavaṇṇanā
