| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
অৰন্দনীযপুগ্গলাদিৰণ্ণনা
Avandanīyapuggalādivaṇṇanā
৪৭৭. দস জনাতি ‘‘দস ইমে, ভিক্খৰে, অৰন্দিযা’’তিআদিনা (পরি॰ ৩৩০) ৰুত্তা নৰকঅনুপসম্পন্ননানাসংৰাসকমাতুগামপণ্ডকা পঞ্চ, পারিৰাসিকাদযো চ পঞ্চাতি দস জনা।
477.Dasa janāti ‘‘dasa ime, bhikkhave, avandiyā’’tiādinā (pari. 330) vuttā navakaanupasampannanānāsaṃvāsakamātugāmapaṇḍakā pañca, pārivāsikādayo ca pañcāti dasa janā.
দ্ৰাদস কম্মদোসাতি দোসযুত্তকম্মানি দ্ৰাদসাতি অত্থো। কম্মসম্পত্তিযোতি সম্পন্নকম্মানি, ৰিসুদ্ধকম্মানীতি অত্থো। এতদেৰাতি ধম্মেন সমগ্গমেৰ।
Dvādasa kammadosāti dosayuttakammāni dvādasāti attho. Kammasampattiyoti sampannakammāni, visuddhakammānīti attho. Etadevāti dhammena samaggameva.
অনন্তং নিব্বানং অজিনি জিনিত্ৰা পটিলভতীতি অনন্তজিনোতি আহ ‘‘পরিযন্ত’’ইচ্চাদি। স্ৰেৰাতি সো এৰ ভগৰা।
Anantaṃ nibbānaṃ ajini jinitvā paṭilabhatīti anantajinoti āha ‘‘pariyanta’’iccādi. Svevāti so eva bhagavā.
‘‘ৰিনযং পটিজানন্তস্স, ৰিনযানি সুণোম তে’’তিআদিনা উপালিত্থেরেনেৰ একং ৰিনযধরং সম্মুখে ঠিতং পুচ্ছন্তেন ৰিয পুচ্ছিত্ৰা তেন ৰিস্সজ্জিতং ৰিয ৰিস্সজ্জনং কতং। তত্থ ৰিনযং পটিজানন্তস্সাতি ৰিনযং জানামীতি পটিজানন্তস্স। ৰিনযানীতি ৰিনযে তযা ৰুচ্চমানে সুণোম।
‘‘Vinayaṃ paṭijānantassa, vinayāni suṇoma te’’tiādinā upālitthereneva ekaṃ vinayadharaṃ sammukhe ṭhitaṃ pucchantena viya pucchitvā tena vissajjitaṃ viya vissajjanaṃ kataṃ. Tattha vinayaṃ paṭijānantassāti vinayaṃ jānāmīti paṭijānantassa. Vinayānīti vinaye tayā vuccamāne suṇoma.
৪৭৮. পাল়িযং পারাজিকাতিআদি উভতোৰিভঙ্গেসু আগতেসু অগ্গহিতগ্গহণৰসেন ৰুত্তং।
478. Pāḷiyaṃ pārājikātiādi ubhatovibhaṅgesu āgatesu aggahitaggahaṇavasena vuttaṃ.
অৰন্দনীযপুগ্গলাদিৰণ্ণনা নিট্ঠিতা।
Avandanīyapuggalādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
৪. অৰন্দনীযপুগ্গলাদি • 4. Avandanīyapuggalādi
৫. সোল়সকম্মাদি • 5. Soḷasakammādi
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā
(৪) অৰন্দনীযপুগ্গলাদিৰণ্ণনা • (4) Avandanīyapuggalādivaṇṇanā
(৫) সোল়সকম্মাদিৰণ্ণনা • (5) Soḷasakammādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পাচিত্তিযৰণ্ণনা • Pācittiyavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā
অৰন্দনীযপুগ্গলাদিৰণ্ণনা • Avandanīyapuggalādivaṇṇanā
সোল়সকম্মাদিৰণ্ণনা • Soḷasakammādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / (৪) অৰন্দনীযপুগ্গলাদিৰণ্ণনা • (4) Avandanīyapuggalādivaṇṇanā
