| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
(4) аванд̣̇анийяабуг̇г̇алаад̣̇иван̣н̣анаа
(4) Avandanīyapuggalādivaṇṇanā
477. д̣̇аса буг̇г̇алаа наабхиваад̣̇зд̇аб̣б̣аад̇и сзнаасанагканд̇хагз вуд̇д̇аа д̣̇аса ж̇анаа. ан̃ж̇али саамийжзна жаад̇и саамийжигаммзна сад̣̇д̇хим̣ ан̃ж̇али жа д̇зсам̣ на гаад̇аб̣б̣о, нзва баанийяаабужчанад̇аалаван̣даг̇г̇ахан̣аад̣̇и канд̇хагавад̇д̇ам̣ д̇зсам̣ д̣̇ассзд̇аб̣б̣ам̣, на ан̃ж̇али баг̇г̇ан̣хид̇аб̣б̣од̇и ад̇т̇о. д̣̇асаннам̣ д̣̇уггаданд̇и д̇зсам̣язва д̣̇асаннам̣ звам̣ гаронд̇асса д̣̇уггадам̣ ход̇и. д̣̇аса жийварад̇хааран̣аад̇и д̣̇аса д̣̇ивасаани ад̇ирзгажийварасса д̇хааран̣аа анун̃н̃аад̇аад̇и ад̇т̇о.
477.Dasa puggalā nābhivādetabbāti senāsanakkhandhake vuttā dasa janā. Añjali sāmīcena cāti sāmīcikammena saddhiṃ añjali ca tesaṃ na kātabbo, neva pānīyāpucchanatālavaṇṭaggahaṇādi khandhakavattaṃ tesaṃ dassetabbaṃ, na añjali paggaṇhitabboti attho. Dasannaṃ dukkaṭanti tesaṃyeva dasannaṃ evaṃ karontassa dukkaṭaṃ hoti. Dasa cīvaradhāraṇāti dasa divasāni atirekacīvarassa dhāraṇā anuññātāti attho.
бан̃жаннам̣ вассам̣вудтаанам̣, д̣̇аад̇аб̣б̣ам̣ ид̇ха жийваранд̇и бан̃жаннам̣ сахад̇хаммигаанам̣ саммукаава д̣̇аад̇аб̣б̣ам̣. сад̇д̇аннам̣ санд̇зд̇и д̣̇исаабагганд̇ауммад̇д̇агакид̇д̇ажид̇д̇авзд̣̇анааддаанам̣ д̇ин̣н̣ан̃жа угкид̇д̇агаананд̇и имзсам̣ сад̇д̇аннам̣ санд̇з бад̇ируубз г̇аахагз бараммукааби д̣̇аад̇аб̣б̣ам̣. сол̣асаннам̣ на д̣̇аад̇аб̣б̣анд̇и сзсаанам̣ жийварагканд̇хагз вуд̇д̇аанам̣ бан̣д̣агаад̣̇ийнам̣ сол̣асаннам̣ на д̣̇аад̇аб̣б̣ам̣.
Pañcannaṃ vassaṃvuṭṭhānaṃ, dātabbaṃ idha cīvaranti pañcannaṃ sahadhammikānaṃ sammukhāva dātabbaṃ. Sattannaṃ santeti disāpakkantaummattakakhittacittavedanāṭṭānaṃ tiṇṇañca ukkhittakānanti imesaṃ sattannaṃ sante patirūpe gāhake parammukhāpi dātabbaṃ. Soḷasannaṃ na dātabbanti sesānaṃ cīvarakkhandhake vuttānaṃ paṇḍakādīnaṃ soḷasannaṃ na dātabbaṃ.
гад̇исад̇ам̣ рад̇д̇исад̇ам̣, аабад̇д̇ияо чаад̣̇аяид̇ваанаад̇и гад̇исад̇ам̣ аабад̇д̇ияо рад̇д̇исад̇ам̣ чаад̣̇аяид̇ваана. д̣̇асасад̇ам̣ рад̇д̇исад̇ам̣, аабад̇д̇ияо чаад̣̇аяид̇ваанаад̇и д̣̇асасад̇ам̣ аабад̇д̇ияо рад̇д̇исад̇ам̣ чаад̣̇аяид̇ваана. аяан̃хзд̇т̇а сан̇кзбад̇т̇о – яо д̣̇ивасз сад̇ам̣ сад̇ам̣ сан̇гхаад̣̇исзсаабад̇д̇ияо аабаж̇ж̇ид̇ваа д̣̇аса д̣̇аса д̣̇ивасз бадижчаад̣̇зд̇и, д̇зна рад̇д̇исад̇ам̣ аабад̇д̇исахассам̣ бадижчаад̣̇ид̇ам̣ ход̇и, со саб̣б̣аава д̇аа аабад̇д̇ияо д̣̇асаахабадижчаннаад̇и бариваасам̣ яаажид̇ваа д̣̇аса рад̇д̇ияо васид̇ваана мужжзяяа баариваасигод̇и.
Katisataṃ rattisataṃ, āpattiyo chādayitvānāti katisataṃ āpattiyo rattisataṃ chādayitvāna. Dasasataṃ rattisataṃ, āpattiyo chādayitvānāti dasasataṃ āpattiyo rattisataṃ chādayitvāna. Ayañhettha saṅkhepattho – yo divase sataṃ sataṃ saṅghādisesāpattiyo āpajjitvā dasa dasa divase paṭicchādeti, tena rattisataṃ āpattisahassaṃ paṭicchāditaṃ hoti, so sabbāva tā āpattiyo dasāhapaṭicchannāti parivāsaṃ yācitvā dasa rattiyo vasitvāna mucceyya pārivāsikoti.
д̣̇ваад̣̇аса гаммад̣̇осаа вуд̇д̇аад̇и абалоганагаммам̣ ад̇хаммзнаваг̇г̇ам̣, ад̇хаммзнасамаг̇г̇ам̣, д̇хаммзнаваг̇г̇ам̣, д̇ат̇аа н̃ад̇д̇игамман̃ад̇д̇ид̣̇уд̇ияагамман̃ад̇д̇ижад̇уд̇т̇агаммаанибийд̇и звам̣ згзгасмим̣ гаммз д̇аяо д̇аяо гад̇ваа д̣̇ваад̣̇аса гаммад̣̇осаа вуд̇д̇аа.
Dvādasa kammadosā vuttāti apalokanakammaṃ adhammenavaggaṃ, adhammenasamaggaṃ, dhammenavaggaṃ, tathā ñattikammañattidutiyakammañatticatutthakammānipīti evaṃ ekekasmiṃ kamme tayo tayo katvā dvādasa kammadosā vuttā.
жад̇ассо гаммасамбад̇д̇ияод̇и абалоганагаммам̣ д̇хаммзнасамаг̇г̇ам̣, д̇ат̇аа сзсаанибийд̇и звам̣ жад̇ассо гаммасамбад̇д̇ияо вуд̇д̇аа.
Catasso kammasampattiyoti apalokanakammaṃ dhammenasamaggaṃ, tathā sesānipīti evaṃ catasso kammasampattiyo vuttā.
ча гаммаанийд̇и ад̇хаммзнаваг̇г̇агаммам̣, ад̇хаммзнасамаг̇г̇агаммам̣, д̇хаммабад̇ируубагзнаваг̇г̇агаммам̣, д̇хаммабад̇ируубагзнасамаг̇г̇агаммам̣, д̇хаммзнаваг̇г̇агаммам̣, д̇хаммзнасамаг̇г̇агамманд̇и звам̣ ча гаммаани вуд̇д̇аани. згзд̇т̇а д̇хаммигаа гад̇аад̇и згам̣ д̇хаммзна самаг̇г̇агаммамзвзд̇т̇а д̇хаммигам̣ гад̇анд̇и ад̇т̇о. д̣̇уд̇ияаг̇аат̇аависсаж̇ж̇анзби зд̇ад̣̇зва д̇хаммигам̣.
Cha kammānīti adhammenavaggakammaṃ, adhammenasamaggakammaṃ, dhammapatirūpakenavaggakammaṃ, dhammapatirūpakenasamaggakammaṃ, dhammenavaggakammaṃ, dhammenasamaggakammanti evaṃ cha kammāni vuttāni. Ekettha dhammikā katāti ekaṃ dhammena samaggakammamevettha dhammikaṃ katanti attho. Dutiyagāthāvissajjanepi etadeva dhammikaṃ.
яам̣ д̣̇зсид̇аад̇и яаани д̣̇зсид̇аани вуд̇д̇аани багаасид̇аани. ананд̇аж̇инзнаад̇иаад̣̇ийсу барияанд̇абарижчзд̣̇абхааварахид̇ад̇д̇аа ананд̇ам̣ вужжад̇и ниб̣б̣аанам̣, д̇ам̣ бхаг̇авад̇аа ран̃н̃аа сабад̇д̇аг̇ан̣ам̣ абхимад̣̇д̣̇ид̇ваа раж̇ж̇ам̣ вияа гилзсаг̇ан̣ам̣ абхимад̣̇д̣̇ид̇ваа ж̇ид̇ам̣ виж̇ид̇ам̣ ад̇хиг̇ад̇ам̣ самбад̇д̇ам̣, д̇асмаа бхаг̇аваа ‘‘ананд̇аж̇ино’’д̇и вужжад̇и. свзва идтаанидтзсу ниб̣б̣игаарад̇ааяа д̇аад̣̇и, вигкамбханад̇ад̣̇ан̇г̇асамужчзд̣̇абадибассад̣̇д̇хиниссаран̣авивзгасан̇каад̇ам̣ вивзгабан̃жагам̣ ад̣̇д̣̇асаад̇и вивзгад̣̇ассий; д̇зна ананд̇аж̇инзна д̇аад̣̇инаа вивзгад̣̇ассинаа яаани аабад̇д̇игканд̇хаани д̣̇зсид̇аани вуд̇д̇аани. згзд̇т̇а саммад̇и винаа самат̇зхийд̇и аяамзд̇т̇а бад̣̇асамб̣анд̇хо, яаани сад̇т̇аараа сад̇д̇а аабад̇д̇игканд̇хаани д̣̇зсид̇аани, д̇ад̇т̇а згааби аабад̇д̇и винаа самат̇зхи на саммад̇и, ат̇а ко ча самат̇аа жад̇д̇аари ад̇хигаран̣аанийд̇и саб̣б̣збимз д̇хаммаа саммукаавинаязна самманд̇и, самааяог̇ам̣ г̇ажчанд̇и. зд̇т̇а бана зго саммукаавинаяова винаа самат̇зхи саммад̇и, самат̇абхаавам̣ г̇ажчад̇и. на хи д̇асса ан̃н̃зна самат̇зна винаа анибпад̇д̇и наама ад̇т̇и. д̇зна вуд̇д̇ам̣ – ‘‘згзд̇т̇а саммад̇и винаа самат̇зхий’’д̇и. иминаа д̇аава ад̇хиббааязна адтагат̇аасу ад̇т̇о вуд̇д̇о. маяам̣ бана ‘‘винаа’’д̇и нибаад̇асса бадисзд̇ханамад̇д̇амад̇т̇ам̣ г̇ахзд̇ваа ‘‘згзд̇т̇а саммад̇и винаа самат̇зхий’’д̇и зд̇зсу сад̇д̇асу аабад̇д̇игканд̇хзсу зго баарааж̇игаабад̇д̇игканд̇хо винаа самат̇зхи саммад̇ийд̇и зд̇амад̇т̇ам̣ рожзяяаама. вуд̇д̇амби жзд̇ам̣ ‘‘яаа саа аабад̇д̇и анавасзсаа, саа аабад̇д̇и на гад̇амзна ад̇хигаран̣зна гад̇амамхи таанз на гад̇амзна самат̇зна саммад̇ий’’д̇и.
Yaṃ desitāti yāni desitāni vuttāni pakāsitāni. Anantajinenātiādīsu pariyantaparicchedabhāvarahitattā anantaṃ vuccati nibbānaṃ, taṃ bhagavatā raññā sapattagaṇaṃ abhimadditvā rajjaṃ viya kilesagaṇaṃ abhimadditvā jitaṃ vijitaṃ adhigataṃ sampattaṃ, tasmā bhagavā ‘‘anantajino’’ti vuccati. Sveva iṭṭhāniṭṭhesu nibbikāratāya tādi, vikkhambhanatadaṅgasamucchedapaṭipassaddhinissaraṇavivekasaṅkhātaṃ vivekapañcakaṃ addasāti vivekadassī; tena anantajinena tādinā vivekadassinā yāni āpattikkhandhāni desitāni vuttāni. Ekettha sammati vinā samathehīti ayamettha padasambandho, yāni satthārā satta āpattikkhandhāni desitāni, tattha ekāpi āpatti vinā samathehi na sammati, atha kho cha samathā cattāri adhikaraṇānīti sabbepime dhammā sammukhāvinayena sammanti, samāyogaṃ gacchanti. Ettha pana eko sammukhāvinayova vinā samathehi sammati, samathabhāvaṃ gacchati. Na hi tassa aññena samathena vinā anipphatti nāma atthi. Tena vuttaṃ – ‘‘ekettha sammati vinā samathehī’’ti. Iminā tāva adhippāyena aṭṭhakathāsu attho vutto. Mayaṃ pana ‘‘vinā’’ti nipātassa paṭisedhanamattamatthaṃ gahetvā ‘‘ekettha sammati vinā samathehī’’ti etesu sattasu āpattikkhandhesu eko pārājikāpattikkhandho vinā samathehi sammatīti etamatthaṃ roceyyāma. Vuttampi cetaṃ ‘‘yā sā āpatti anavasesā, sā āpatti na katamena adhikaraṇena katamamhi ṭhāne na katamena samathena sammatī’’ti.
чауунад̣̇ияад̣дхасад̇аад̇и ‘‘ид̇ха, убаали, бхигку ад̇хаммам̣ д̇хаммод̇и д̣̇ийбзд̇и, д̇асмим̣ ад̇хаммад̣̇идти бхзд̣̇з ад̇хаммад̣̇идти, д̇асмим̣ ад̇хаммад̣̇идти бхзд̣̇з д̇хаммад̣̇идти, д̇асмим̣ ад̇хаммад̣̇идти бхзд̣̇з взмад̇иго, д̇асмим̣ д̇хаммад̣̇идти бхзд̣̇з ад̇хаммад̣̇идти, д̇асмим̣ д̇хаммад̣̇идти бхзд̣̇з взмад̇иго, д̇асмим̣ взмад̇иго бхзд̣̇з ад̇хаммад̣̇идти, д̇асмим̣ взмад̇иго бхзд̣̇з д̇хаммад̣̇идти, д̇асмим̣ взмад̇иго бхзд̣̇з взмад̇иго’’д̇и звам̣ яаани адтаарасаннам̣ бхзд̣̇агаравад̇т̇уунам̣ васзна адтаараса адтагаани сан̇гхабхзд̣̇агагканд̇хагз вуд̇д̇аани, д̇зсам̣ васзна чауунад̣̇ияад̣дхасад̇ам̣ аабааяигаа взд̣̇ид̇аб̣б̣аа.
Chaūnadiyaḍḍhasatāti ‘‘idha, upāli, bhikkhu adhammaṃ dhammoti dīpeti, tasmiṃ adhammadiṭṭhi bhede adhammadiṭṭhi, tasmiṃ adhammadiṭṭhi bhede dhammadiṭṭhi, tasmiṃ adhammadiṭṭhi bhede vematiko, tasmiṃ dhammadiṭṭhi bhede adhammadiṭṭhi, tasmiṃ dhammadiṭṭhi bhede vematiko, tasmiṃ vematiko bhede adhammadiṭṭhi, tasmiṃ vematiko bhede dhammadiṭṭhi, tasmiṃ vematiko bhede vematiko’’ti evaṃ yāni aṭṭhārasannaṃ bhedakaravatthūnaṃ vasena aṭṭhārasa aṭṭhakāni saṅghabhedakakkhandhake vuttāni, tesaṃ vasena chaūnadiyaḍḍhasataṃ āpāyikā veditabbā.
адтаараса анаабааяигаад̇и ‘‘ид̇ха, убаали, бхигку ад̇хаммам̣ д̇хаммод̇и д̣̇ийбзд̇и, д̇асмим̣ д̇хаммад̣̇идти бхзд̣̇з д̇хаммад̣̇идти авинид̇хааяа д̣̇идтим̣ авинид̇хааяа канд̇им̣ авинид̇хааяа ружим̣ авинид̇хааяа бхаавам̣ ануссаавзд̇и, салаагам̣ г̇аахзд̇и ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и, аяамби ко, убаали, сан̇гхабхзд̣̇аго на аабааяиго на нзраяиго на габбадто на ад̇згижчо’’д̇и звам̣ згзгасмим̣ вад̇т̇усмим̣ згзгам̣ гад̇ваа сан̇гхабхзд̣̇агагканд̇хагаавасаанз вуд̇д̇аа адтаараса ж̇анаа. адтаараса адтагаа чауунад̣̇ияад̣дхасад̇ависсаж̇ж̇анз вуд̇д̇ааязва.
Aṭṭhārasa anāpāyikāti ‘‘idha, upāli, bhikkhu adhammaṃ dhammoti dīpeti, tasmiṃ dhammadiṭṭhi bhede dhammadiṭṭhi avinidhāya diṭṭhiṃ avinidhāya khantiṃ avinidhāya ruciṃ avinidhāya bhāvaṃ anussāveti, salākaṃ gāheti ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti, ayampi kho, upāli, saṅghabhedako na āpāyiko na nerayiko na kappaṭṭho na atekiccho’’ti evaṃ ekekasmiṃ vatthusmiṃ ekekaṃ katvā saṅghabhedakakkhandhakāvasāne vuttā aṭṭhārasa janā. Aṭṭhārasa aṭṭhakā chaūnadiyaḍḍhasatavissajjane vuttāyeva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 4. аванд̣̇анийяабуг̇г̇алаад̣̇и • 4. Avandanīyapuggalādi
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аванд̣̇анийяабуг̇г̇алаад̣̇иван̣н̣анаа • Avandanīyapuggalādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аванд̣̇анийяабуг̇г̇алаад̣̇иван̣н̣анаа • Avandanīyapuggalādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / (4) аванд̣̇анийяабуг̇г̇алаад̣̇иван̣н̣анаа • (4) Avandanīyapuggalādivaṇṇanā
