| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
อวนฺทนียปุคฺคลาทิวณฺณนา
Avandanīyapuggalādivaṇṇanā
๔๗๗. ทส ชนาติ ‘‘ทส อิเม, ภิกฺขเว, อวนฺทิยา’’ติอาทินา (ปริ. ๓๓๐) วุตฺตา นวกอนุปสมฺปนฺนนานาสํวาสกมาตุคามปณฺฑกา ปญฺจ, ปาริวาสิกาทโย จ ปญฺจาติ ทส ชนาฯ
477.Dasa janāti ‘‘dasa ime, bhikkhave, avandiyā’’tiādinā (pari. 330) vuttā navakaanupasampannanānāsaṃvāsakamātugāmapaṇḍakā pañca, pārivāsikādayo ca pañcāti dasa janā.
ทฺวาทส กมฺมโทสาติ โทสยุตฺตกมฺมานิ ทฺวาทสาติ อโตฺถฯ กมฺมสมฺปตฺติโยติ สมฺปนฺนกมฺมานิ, วิสุทฺธกมฺมานีติ อโตฺถฯ เอตเทวาติ ธเมฺมน สมคฺคเมวฯ
Dvādasa kammadosāti dosayuttakammāni dvādasāti attho. Kammasampattiyoti sampannakammāni, visuddhakammānīti attho. Etadevāti dhammena samaggameva.
อนนฺตํ นิพฺพานํ อชินิ ชินิตฺวา ปฎิลภตีติ อนนฺตชิโนติ อาห ‘‘ปริยนฺต’’อิจฺจาทิฯ เสฺววาติ โส เอว ภควาฯ
Anantaṃ nibbānaṃ ajini jinitvā paṭilabhatīti anantajinoti āha ‘‘pariyanta’’iccādi. Svevāti so eva bhagavā.
‘‘วินยํ ปฎิชานนฺตสฺส, วินยานิ สุโณม เต’’ติอาทินา อุปาลิเตฺถเรเนว เอกํ วินยธรํ สมฺมุเข ฐิตํ ปุจฺฉเนฺตน วิย ปุจฺฉิตฺวา เตน วิสฺสชฺชิตํ วิย วิสฺสชฺชนํ กตํฯ ตตฺถ วินยํ ปฎิชานนฺตสฺสาติ วินยํ ชานามีติ ปฎิชานนฺตสฺสฯ วินยานีติ วินเย ตยา วุจฺจมาเน สุโณมฯ
‘‘Vinayaṃ paṭijānantassa, vinayāni suṇoma te’’tiādinā upālitthereneva ekaṃ vinayadharaṃ sammukhe ṭhitaṃ pucchantena viya pucchitvā tena vissajjitaṃ viya vissajjanaṃ kataṃ. Tattha vinayaṃ paṭijānantassāti vinayaṃ jānāmīti paṭijānantassa. Vinayānīti vinaye tayā vuccamāne suṇoma.
๔๗๘. ปาฬิยํ ปาราชิกาติอาทิ อุภโตวิภเงฺคสุ อาคเตสุ อคฺคหิตคฺคหณวเสน วุตฺตํฯ
478. Pāḷiyaṃ pārājikātiādi ubhatovibhaṅgesu āgatesu aggahitaggahaṇavasena vuttaṃ.
อวนฺทนียปุคฺคลาทิวณฺณนา นิฎฺฐิตาฯ
Avandanīyapuggalādivaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi
๔. อวนฺทนียปุคฺคลาทิ • 4. Avandanīyapuggalādi
๕. โสฬสกมฺมาทิ • 5. Soḷasakammādi
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā
(๔) อวนฺทนียปุคฺคลาทิวณฺณนา • (4) Avandanīyapuggalādivaṇṇanā
(๕) โสฬสกมฺมาทิวณฺณนา • (5) Soḷasakammādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ปาจิตฺติยวณฺณนา • Pācittiyavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā
อวนฺทนียปุคฺคลาทิวณฺณนา • Avandanīyapuggalādivaṇṇanā
โสฬสกมฺมาทิวณฺณนา • Soḷasakammādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / (๔) อวนฺทนียปุคฺคลาทิวณฺณนา • (4) Avandanīyapuggalādivaṇṇanā
