| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
អវន្ទនីយបុគ្គលាទិវណ្ណនា
Avandanīyapuggalādivaṇṇanā
៤៧៧. ទស ជនាតិ ‘‘ទស ឥមេ, ភិក្ខវេ, អវន្ទិយា’’តិអាទិនា (បរិ. ៣៣០) វុត្តា នវកអនុបសម្បន្ននានាសំវាសកមាតុគាមបណ្ឌកា បញ្ច, បារិវាសិកាទយោ ច បញ្ចាតិ ទស ជនា។
477.Dasa janāti ‘‘dasa ime, bhikkhave, avandiyā’’tiādinā (pari. 330) vuttā navakaanupasampannanānāsaṃvāsakamātugāmapaṇḍakā pañca, pārivāsikādayo ca pañcāti dasa janā.
ទ្វាទស កម្មទោសាតិ ទោសយុត្តកម្មានិ ទ្វាទសាតិ អត្ថោ។ កម្មសម្បត្តិយោតិ សម្បន្នកម្មានិ, វិសុទ្ធកម្មានីតិ អត្ថោ។ ឯតទេវាតិ ធម្មេន សមគ្គមេវ។
Dvādasa kammadosāti dosayuttakammāni dvādasāti attho. Kammasampattiyoti sampannakammāni, visuddhakammānīti attho. Etadevāti dhammena samaggameva.
អនន្តំ និព្ពានំ អជិនិ ជិនិត្វា បដិលភតីតិ អនន្តជិនោតិ អាហ ‘‘បរិយន្ត’’ឥច្ចាទិ។ ស្វេវាតិ សោ ឯវ ភគវា។
Anantaṃ nibbānaṃ ajini jinitvā paṭilabhatīti anantajinoti āha ‘‘pariyanta’’iccādi. Svevāti so eva bhagavā.
‘‘វិនយំ បដិជានន្តស្ស, វិនយានិ សុណោម តេ’’តិអាទិនា ឧបាលិត្ថេរេនេវ ឯកំ វិនយធរំ សម្មុខេ ឋិតំ បុច្ឆន្តេន វិយ បុច្ឆិត្វា តេន វិស្សជ្ជិតំ វិយ វិស្សជ្ជនំ កតំ។ តត្ថ វិនយំ បដិជានន្តស្សាតិ វិនយំ ជានាមីតិ បដិជានន្តស្ស។ វិនយានីតិ វិនយេ តយា វុច្ចមានេ សុណោម។
‘‘Vinayaṃ paṭijānantassa, vinayāni suṇoma te’’tiādinā upālitthereneva ekaṃ vinayadharaṃ sammukhe ṭhitaṃ pucchantena viya pucchitvā tena vissajjitaṃ viya vissajjanaṃ kataṃ. Tattha vinayaṃ paṭijānantassāti vinayaṃ jānāmīti paṭijānantassa. Vinayānīti vinaye tayā vuccamāne suṇoma.
៤៧៨. បាឡិយំ បារាជិកាតិអាទិ ឧភតោវិភង្គេសុ អាគតេសុ អគ្គហិតគ្គហណវសេន វុត្តំ។
478. Pāḷiyaṃ pārājikātiādi ubhatovibhaṅgesu āgatesu aggahitaggahaṇavasena vuttaṃ.
អវន្ទនីយបុគ្គលាទិវណ្ណនា និដ្ឋិតា។
Avandanīyapuggalādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
៤. អវន្ទនីយបុគ្គលាទិ • 4. Avandanīyapuggalādi
៥. សោឡសកម្មាទិ • 5. Soḷasakammādi
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā
(៤) អវន្ទនីយបុគ្គលាទិវណ្ណនា • (4) Avandanīyapuggalādivaṇṇanā
(៥) សោឡសកម្មាទិវណ្ណនា • (5) Soḷasakammādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / បាចិត្តិយវណ្ណនា • Pācittiyavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā
អវន្ទនីយបុគ្គលាទិវណ្ណនា • Avandanīyapuggalādivaṇṇanā
សោឡសកម្មាទិវណ្ណនា • Soḷasakammādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / (៤) អវន្ទនីយបុគ្គលាទិវណ្ណនា • (4) Avandanīyapuggalādivaṇṇanā
