| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
အဝန္ဒနီယပုဂ္ဂလာဒိဝဏ္ဏနာ
Avandanīyapuggalādivaṇṇanā
၄၇၇. ဒသ ဇနာတိ ‘‘ဒသ ဣမေ, ဘိက္ခဝေ, အဝန္ဒိယာ’’တိအာဒိနာ (ပရိ. ၃၃၀) ဝုတ္တာ နဝကအနုပသမ္ပန္နနာနာသံဝာသကမာတုဂာမပဏ္ဍကာ ပဉ္စ, ပာရိဝာသိကာဒယော စ ပဉ္စာတိ ဒသ ဇနာ။
477.Dasa janāti ‘‘dasa ime, bhikkhave, avandiyā’’tiādinā (pari. 330) vuttā navakaanupasampannanānāsaṃvāsakamātugāmapaṇḍakā pañca, pārivāsikādayo ca pañcāti dasa janā.
ဒ္ဝာဒသ ကမ္မဒောသာတိ ဒောသယုတ္တကမ္မာနိ ဒ္ဝာဒသာတိ အတ္ထော။ ကမ္မသမ္ပတ္တိယောတိ သမ္ပန္နကမ္မာနိ, ဝိသုဒ္ဓကမ္မာနီတိ အတ္ထော။ ဧတဒေဝာတိ ဓမ္မေန သမဂ္ဂမေဝ။
Dvādasa kammadosāti dosayuttakammāni dvādasāti attho. Kammasampattiyoti sampannakammāni, visuddhakammānīti attho. Etadevāti dhammena samaggameva.
အနန္တံ နိဗ္ဗာနံ အဇိနိ ဇိနိတ္ဝာ ပဋိလဘတီတိ အနန္တဇိနောတိ အာဟ ‘‘ပရိယန္တ’’ဣစ္စာဒိ။ သ္ဝေဝာတိ သော ဧဝ ဘဂဝာ။
Anantaṃ nibbānaṃ ajini jinitvā paṭilabhatīti anantajinoti āha ‘‘pariyanta’’iccādi. Svevāti so eva bhagavā.
‘‘ဝိနယံ ပဋိဇာနန္တသ္သ, ဝိနယာနိ သုဏောမ တေ’’တိအာဒိနာ ဥပာလိတ္ထေရေနေဝ ဧကံ ဝိနယဓရံ သမ္မုခေ ဌိတံ ပုစ္ဆန္တေန ဝိယ ပုစ္ဆိတ္ဝာ တေန ဝိသ္သဇ္ဇိတံ ဝိယ ဝိသ္သဇ္ဇနံ ကတံ။ တတ္ထ ဝိနယံ ပဋိဇာနန္တသ္သာတိ ဝိနယံ ဇာနာမီတိ ပဋိဇာနန္တသ္သ။ ဝိနယာနီတိ ဝိနယေ တယာ ဝုစ္စမာနေ သုဏောမ။
‘‘Vinayaṃ paṭijānantassa, vinayāni suṇoma te’’tiādinā upālitthereneva ekaṃ vinayadharaṃ sammukhe ṭhitaṃ pucchantena viya pucchitvā tena vissajjitaṃ viya vissajjanaṃ kataṃ. Tattha vinayaṃ paṭijānantassāti vinayaṃ jānāmīti paṭijānantassa. Vinayānīti vinaye tayā vuccamāne suṇoma.
၄၇၈. ပာဠိယံ ပာရာဇိကာတိအာဒိ ဥဘတောဝိဘင္ဂေသု အာဂတေသု အဂ္ဂဟိတဂ္ဂဟဏဝသေန ဝုတ္တံ။
478. Pāḷiyaṃ pārājikātiādi ubhatovibhaṅgesu āgatesu aggahitaggahaṇavasena vuttaṃ.
အဝန္ဒနီယပုဂ္ဂလာဒိဝဏ္ဏနာ နိဋ္ဌိတာ။
Avandanīyapuggalādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi
၄. အဝန္ဒနီယပုဂ္ဂလာဒိ • 4. Avandanīyapuggalādi
၅. သောဠသကမ္မာဒိ • 5. Soḷasakammādi
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā
(၄) အဝန္ဒနီယပုဂ္ဂလာဒိဝဏ္ဏနာ • (4) Avandanīyapuggalādivaṇṇanā
(၅) သောဠသကမ္မာဒိဝဏ္ဏနာ • (5) Soḷasakammādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပာစိတ္တိယဝဏ္ဏနာ • Pācittiyavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā
အဝန္ဒနီယပုဂ္ဂလာဒိဝဏ္ဏနာ • Avandanīyapuggalādivaṇṇanā
သောဠသကမ္မာဒိဝဏ္ဏနာ • Soḷasakammādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / (၄) အဝန္ဒနီယပုဂ္ဂလာဒိဝဏ္ဏနာ • (4) Avandanīyapuggalādivaṇṇanā
