| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
අවන්‌දනීයපුග්‌ගලාදිවණ්‌ණනා
Avandanīyapuggalādivaṇṇanā
477. දස ජනාති ‘‘දස ඉමෙ, භික්‌ඛවෙ, අවන්‌දියා’’තිආදිනා (පරි. 330) වුත්‌තා නවකඅනුපසම්‌පන්‌නනානාසංවාසකමාතුගාමපණ්‌ඩකා පඤ්‌ච, පාරිවාසිකාදයො ච පඤ්‌චාති දස ජනා.
477.Dasa janāti ‘‘dasa ime, bhikkhave, avandiyā’’tiādinā (pari. 330) vuttā navakaanupasampannanānāsaṃvāsakamātugāmapaṇḍakā pañca, pārivāsikādayo ca pañcāti dasa janā.
ද්‌වාදස කම්‌මදොසාති දොසයුත්‌තකම්‌මානි ද්‌වාදසාති අත්‌ථො. කම්‌මසම්‌පත්‌තියොති සම්‌පන්‌නකම්‌මානි, විසුද්‌ධකම්‌මානීති අත්‌ථො. එතදෙවාති ධම්‌මෙන සමග්‌ගමෙව.
Dvādasa kammadosāti dosayuttakammāni dvādasāti attho. Kammasampattiyoti sampannakammāni, visuddhakammānīti attho. Etadevāti dhammena samaggameva.
අනන්‌තං නිබ්‌බානං අජිනි ජිනිත්‌වා පටිලභතීති අනන්‌තජිනොති ආහ ‘‘පරියන්‌ත’’ඉච්‌චාදි. ස්‌වෙවාති සො එව භගවා.
Anantaṃ nibbānaṃ ajini jinitvā paṭilabhatīti anantajinoti āha ‘‘pariyanta’’iccādi. Svevāti so eva bhagavā.
‘‘විනයං පටිජානන්‌තස්‌ස, විනයානි සුණොම තෙ’’තිආදිනා උපාලිත්‌ථෙරෙනෙව එකං විනයධරං සම්‌මුඛෙ ඨිතං පුච්‌ඡන්‌තෙන විය පුච්‌ඡිත්‌වා තෙන විස්‌සජ්‌ජිතං විය විස්‌සජ්‌ජනං කතං. තත්‌ථ විනයං පටිජානන්‌තස්‌සාති විනයං ජානාමීති පටිජානන්‌තස්‌ස. විනයානීති විනයෙ තයා වුච්‌චමානෙ සුණොම.
‘‘Vinayaṃ paṭijānantassa, vinayāni suṇoma te’’tiādinā upālitthereneva ekaṃ vinayadharaṃ sammukhe ṭhitaṃ pucchantena viya pucchitvā tena vissajjitaṃ viya vissajjanaṃ kataṃ. Tattha vinayaṃ paṭijānantassāti vinayaṃ jānāmīti paṭijānantassa. Vinayānīti vinaye tayā vuccamāne suṇoma.
478. පාළියං පාරාජිකාතිආදි උභතොවිභඞ්‌ගෙසු ආගතෙසු අග්‌ගහිතග්‌ගහණවසෙන වුත්‌තං.
478. Pāḷiyaṃ pārājikātiādi ubhatovibhaṅgesu āgatesu aggahitaggahaṇavasena vuttaṃ.
අවන්‌දනීයපුග්‌ගලාදිවණ්‌ණනා නිට්‌ඨිතා.
Avandanīyapuggalādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
4. අවන්‌දනීයපුග්‌ගලාදි • 4. Avandanīyapuggalādi
5. සොළසකම්‌මාදි • 5. Soḷasakammādi
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā
(4) අවන්‌දනීයපුග්‌ගලාදිවණ්‌ණනා • (4) Avandanīyapuggalādivaṇṇanā
(5) සොළසකම්‌මාදිවණ්‌ණනා • (5) Soḷasakammādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පාචිත්‌තියවණ්‌ණනා • Pācittiyavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā
අවන්‌දනීයපුග්‌ගලාදිවණ්‌ණනා • Avandanīyapuggalādivaṇṇanā
සොළසකම්‌මාදිවණ්‌ණනා • Soḷasakammādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / (4) අවන්‌දනීයපුග්‌ගලාදිවණ්‌ණනා • (4) Avandanīyapuggalādivaṇṇanā
