| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
ཨཝནྡནཱིཡཔུགྒལཱདིཝཎྞནཱ
Avandanīyapuggalādivaṇṇanā
༤༧༧. དས ཛནཱཏི ‘‘དས ཨིམེ, བྷིཀྑཝེ, ཨཝནྡིཡཱ’’ཏིཨཱདིནཱ (པརི॰ ༣༣༠) ཝུཏྟཱ ནཝཀཨནུཔསམྤནྣནཱནཱསཾཝཱསཀམཱཏུགཱམཔཎྜཀཱ པཉྩ, པཱརིཝཱསིཀཱདཡོ ཙ པཉྩཱཏི དས ཛནཱ།
477.Dasa janāti ‘‘dasa ime, bhikkhave, avandiyā’’tiādinā (pari. 330) vuttā navakaanupasampannanānāsaṃvāsakamātugāmapaṇḍakā pañca, pārivāsikādayo ca pañcāti dasa janā.
དྭཱདས ཀམྨདོསཱཏི དོསཡུཏྟཀམྨཱནི དྭཱདསཱཏི ཨཏྠོ། ཀམྨསམྤཏྟིཡོཏི སམྤནྣཀམྨཱནི, ཝིསུདྡྷཀམྨཱནཱིཏི ཨཏྠོ། ཨེཏདེཝཱཏི དྷམྨེན སམགྒམེཝ།
Dvādasa kammadosāti dosayuttakammāni dvādasāti attho. Kammasampattiyoti sampannakammāni, visuddhakammānīti attho. Etadevāti dhammena samaggameva.
ཨནནྟཾ ནིབྦཱནཾ ཨཛིནི ཛིནིཏྭཱ པཊིལབྷཏཱིཏི ཨནནྟཛིནོཏི ཨཱཧ ‘‘པརིཡནྟ’’ཨིཙྩཱདི། སྭེཝཱཏི སོ ཨེཝ བྷགཝཱ།
Anantaṃ nibbānaṃ ajini jinitvā paṭilabhatīti anantajinoti āha ‘‘pariyanta’’iccādi. Svevāti so eva bhagavā.
‘‘ཝིནཡཾ པཊིཛཱནནྟསྶ, ཝིནཡཱནི སུཎོམ ཏེ’’ཏིཨཱདིནཱ ཨུཔཱལིཏྠེརེནེཝ ཨེཀཾ ཝིནཡདྷརཾ སམྨུཁེ ཋིཏཾ པུཙྪནྟེན ཝིཡ པུཙྪིཏྭཱ ཏེན ཝིསྶཛྫིཏཾ ཝིཡ ཝིསྶཛྫནཾ ཀཏཾ། ཏཏྠ ཝིནཡཾ པཊིཛཱནནྟསྶཱཏི ཝིནཡཾ ཛཱནཱམཱིཏི པཊིཛཱནནྟསྶ། ཝིནཡཱནཱིཏི ཝིནཡེ ཏཡཱ ཝུཙྩམཱནེ སུཎོམ།
‘‘Vinayaṃ paṭijānantassa, vinayāni suṇoma te’’tiādinā upālitthereneva ekaṃ vinayadharaṃ sammukhe ṭhitaṃ pucchantena viya pucchitvā tena vissajjitaṃ viya vissajjanaṃ kataṃ. Tattha vinayaṃ paṭijānantassāti vinayaṃ jānāmīti paṭijānantassa. Vinayānīti vinaye tayā vuccamāne suṇoma.
༤༧༨. པཱལི༹ཡཾ པཱརཱཛིཀཱཏིཨཱདི ཨུབྷཏོཝིབྷངྒེསུ ཨཱགཏེསུ ཨགྒཧིཏགྒཧཎཝསེན ཝུཏྟཾ།
478. Pāḷiyaṃ pārājikātiādi ubhatovibhaṅgesu āgatesu aggahitaggahaṇavasena vuttaṃ.
ཨཝནྡནཱིཡཔུགྒལཱདིཝཎྞནཱ ནིཊྛིཏཱ།
Avandanīyapuggalādivaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi
༤. ཨཝནྡནཱིཡཔུགྒལཱདི • 4. Avandanīyapuggalādi
༥. སོལ༹སཀམྨཱདི • 5. Soḷasakammādi
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā
(༤) ཨཝནྡནཱིཡཔུགྒལཱདིཝཎྞནཱ • (4) Avandanīyapuggalādivaṇṇanā
(༥) སོལ༹སཀམྨཱདིཝཎྞནཱ • (5) Soḷasakammādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / པཱཙིཏྟིཡཝཎྞནཱ • Pācittiyavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā
ཨཝནྡནཱིཡཔུགྒལཱདིཝཎྞནཱ • Avandanīyapuggalādivaṇṇanā
སོལ༹སཀམྨཱདིཝཎྞནཱ • Soḷasakammādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / (༤) ཨཝནྡནཱིཡཔུགྒལཱདིཝཎྞནཱ • (4) Avandanīyapuggalādivaṇṇanā
