| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
аванд̣̇ияаад̣̇ибуг̇г̇алаа
Avandiyādipuggalā
312. ‘‘д̣̇асаяимз , бхигкавз, аванд̣̇ияаа – бурз убасамбаннзна бажчаа убасамбанно аванд̣̇ияо, анубасамбанно аванд̣̇ияо, наанаасам̣ваасаго вуд̣дхад̇аро ад̇хаммаваад̣̇ий аванд̣̇ияо, маад̇уг̇аамо аванд̣̇ияо, бан̣д̣аго аванд̣̇ияо, баариваасиго аванд̣̇ияо, муулааяабадигассанаарахо аванд̣̇ияо, маанад̇д̇аарахо аванд̣̇ияо, маанад̇д̇ажаариго аванд̣̇ияо, аб̣бхаанаарахо аванд̣̇ияо. имз ко, бхигкавз, д̣̇аса аванд̣̇ияаа.
312. ‘‘Dasayime , bhikkhave, avandiyā – pure upasampannena pacchā upasampanno avandiyo, anupasampanno avandiyo, nānāsaṃvāsako vuḍḍhataro adhammavādī avandiyo, mātugāmo avandiyo, paṇḍako avandiyo, pārivāsiko avandiyo, mūlāyapaṭikassanāraho avandiyo, mānattāraho avandiyo, mānattacāriko avandiyo, abbhānāraho avandiyo. Ime kho, bhikkhave, dasa avandiyā.
‘‘д̇аяомз, бхигкавз, ванд̣̇ияаа – бажчаа убасамбаннзна бурз убасамбанно ванд̣̇ияо, наанаасам̣ваасаго вуд̣дхад̇аро д̇хаммаваад̣̇ий ванд̣̇ияо, сад̣̇звагз бхигкавз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа д̇ат̇ааг̇ад̇о арахам̣ саммаасамб̣уд̣̇д̇хо ванд̣̇ияо. имз ко, бхигкавз, д̇аяо ванд̣̇ияаа’’д̇и.
‘‘Tayome, bhikkhave, vandiyā – pacchā upasampannena pure upasampanno vandiyo, nānāsaṃvāsako vuḍḍhataro dhammavādī vandiyo, sadevake bhikkhave loke samārake sabrahmake sassamaṇabrāhmaṇiyā pajāya sadevamanussāya tathāgato arahaṃ sammāsambuddho vandiyo. Ime kho, bhikkhave, tayo vandiyā’’ti.
