| Library / Tipiṭaka / တိပိဋက • Tipiṭaka / ခုဒ္ဒသိက္ခာ-မူလသိက္ခာ • Khuddasikkhā-mūlasikkhā |
၂၀. အဝန္ဒိယနိဒ္ဒေသဝဏ္ဏနာ
20. Avandiyaniddesavaṇṇanā
၁၇၂. ဥက္ခိတ္တောတိ အာပတ္တိယာ အဒသ္သနေ အပ္ပဋိကမ္မေ စ ဥက္ခိတ္တကော ပာပိကာယ ဒိဋ္ဌိယာ အပ္ပဋိနိသ္သဂ္ဂေ ဥက္ခိတ္တကောတိ တိဝိဓော ဥက္ခိတ္တကော။ နာနာသံဝာသကော နာမ လဒ္ဓိနာနာသံဝာသကောပိ ကမ္မနာနာသံဝာသကောပိ။ ဂရုကဋ္ဌော စာတိ ပာရိဝာသိကော မူလာယပဋိကသ္သနာရဟော မာနတ္တာရဟော မာနတ္တစာရီ အဗ္ဘာနာရဟော စ ဣဓ ဂရုကဋ္ဌောတိ အဓိပ္ပေတော။ ဣမေဟိ ပန အညမညံ ဝန္ဒိတုံ ဝဋ္ဋတီတိ။
172.Ukkhittoti āpattiyā adassane appaṭikamme ca ukkhittako pāpikāya diṭṭhiyā appaṭinissagge ukkhittakoti tividho ukkhittako. Nānāsaṃvāsako nāma laddhinānāsaṃvāsakopi kammanānāsaṃvāsakopi. Garukaṭṭho cāti pārivāsiko mūlāyapaṭikassanāraho mānattāraho mānattacārī abbhānāraho ca idha garukaṭṭhoti adhippeto. Imehi pana aññamaññaṃ vandituṃ vaṭṭatīti.
အဝန္ဒိယနိဒ္ဒေသဝဏ္ဏနာ နိဋ္ဌိတာ။
Avandiyaniddesavaṇṇanā niṭṭhitā.
