| Library / Tipiṭaka / തിപിടക • Tipiṭaka / ഖുദ്ദസിക്ഖാ-മൂലസിക്ഖാ • Khuddasikkhā-mūlasikkhā |
൨൦. അവന്ദിയനിദ്ദേസവണ്ണനാ
20. Avandiyaniddesavaṇṇanā
൧൭൨. ഉക്ഖിത്തോതി ആപത്തിയാ അദസ്സനേ അപ്പടികമ്മേ ച ഉക്ഖിത്തകോ പാപികായ ദിട്ഠിയാ അപ്പടിനിസ്സഗ്ഗേ ഉക്ഖിത്തകോതി തിവിധോ ഉക്ഖിത്തകോ. നാനാസംവാസകോ നാമ ലദ്ധിനാനാസംവാസകോപി കമ്മനാനാസംവാസകോപി. ഗരുകട്ഠോ ചാതി പാരിവാസികോ മൂലായപടികസ്സനാരഹോ മാനത്താരഹോ മാനത്തചാരീ അബ്ഭാനാരഹോ ച ഇധ ഗരുകട്ഠോതി അധിപ്പേതോ. ഇമേഹി പന അഞ്ഞമഞ്ഞം വന്ദിതും വട്ടതീതി.
172.Ukkhittoti āpattiyā adassane appaṭikamme ca ukkhittako pāpikāya diṭṭhiyā appaṭinissagge ukkhittakoti tividho ukkhittako. Nānāsaṃvāsako nāma laddhinānāsaṃvāsakopi kammanānāsaṃvāsakopi. Garukaṭṭho cāti pārivāsiko mūlāyapaṭikassanāraho mānattāraho mānattacārī abbhānāraho ca idha garukaṭṭhoti adhippeto. Imehi pana aññamaññaṃ vandituṃ vaṭṭatīti.
അവന്ദിയനിദ്ദേസവണ്ണനാ നിട്ഠിതാ.
Avandiyaniddesavaṇṇanā niṭṭhitā.
