| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. ааваран̣анийваран̣асуд̇д̇ам̣
8. Āvaraṇanīvaraṇasuttaṃ
219. ‘‘бан̃жимз, бхигкавз, ааваран̣аа нийваран̣аа жзд̇асо убаггилзсаа бан̃н̃ааяа д̣̇уб̣б̣алийгаран̣аа. гад̇амз бан̃жа? гаамажчанд̣̇о, бхигкавз, ааваран̣о нийваран̣о жзд̇асо убаггилзсо бан̃н̃ааяа д̣̇уб̣б̣алийгаран̣о. б̣яаабаад̣̇о, бхигкавз, ааваран̣о нийваран̣о жзд̇асо убаггилзсо бан̃н̃ааяа д̣̇уб̣б̣алийгаран̣о. т̇инамид̣̇д̇хам̣, бхигкавз, ааваран̣ам̣ нийваран̣ам̣ жзд̇асо убаггилзсам̣ бан̃н̃ааяа д̣̇уб̣б̣алийгаран̣ам̣. уд̣̇д̇хажжагуггужжам̣ , бхигкавз, ааваран̣ам̣ нийваран̣ам̣ жзд̇асо убаггилзсам̣ бан̃н̃ааяа д̣̇уб̣б̣алийгаран̣ам̣. вижигижчаа, бхигкавз, ааваран̣аа нийваран̣аа жзд̇асо убаггилзсаа бан̃н̃ааяа д̣̇уб̣б̣алийгаран̣аа. имз ко, бхигкавз, бан̃жа ааваран̣аа нийваран̣аа жзд̇асо убаггилзсаа бан̃н̃ааяа д̣̇уб̣б̣алийгаран̣аа.
219. ‘‘Pañcime, bhikkhave, āvaraṇā nīvaraṇā cetaso upakkilesā paññāya dubbalīkaraṇā. Katame pañca? Kāmacchando, bhikkhave, āvaraṇo nīvaraṇo cetaso upakkileso paññāya dubbalīkaraṇo. Byāpādo, bhikkhave, āvaraṇo nīvaraṇo cetaso upakkileso paññāya dubbalīkaraṇo. Thinamiddhaṃ, bhikkhave, āvaraṇaṃ nīvaraṇaṃ cetaso upakkilesaṃ paññāya dubbalīkaraṇaṃ. Uddhaccakukkuccaṃ , bhikkhave, āvaraṇaṃ nīvaraṇaṃ cetaso upakkilesaṃ paññāya dubbalīkaraṇaṃ. Vicikicchā, bhikkhave, āvaraṇā nīvaraṇā cetaso upakkilesā paññāya dubbalīkaraṇā. Ime kho, bhikkhave, pañca āvaraṇā nīvaraṇā cetaso upakkilesā paññāya dubbalīkaraṇā.
‘‘сад̇д̇имз , бхигкавз, б̣ож̇жхан̇г̇аа анааваран̣аа анийваран̣аа жзд̇асо анубаггилзсаа бхаавид̇аа б̣ахулийгад̇аа виж̇ж̇аавимуд̇д̇ипаласажчигирияааяа сам̣вад̇д̇анд̇и. гад̇амз сад̇д̇а? сад̇исамб̣ож̇жхан̇г̇о, бхигкавз, анааваран̣о анийваран̣о жзд̇асо анубаггилзсо бхаавид̇о б̣ахулийгад̇о виж̇ж̇аавимуд̇д̇ипаласажчигирияааяа сам̣вад̇д̇ад̇и…бз… убзгкаасамб̣ож̇жхан̇г̇о, бхигкавз, анааваран̣о анийваран̣о жзд̇асо анубаггилзсо бхаавид̇о б̣ахулийгад̇о виж̇ж̇аавимуд̇д̇ипаласажчигирияааяа сам̣вад̇д̇ад̇и. имз ко, бхигкавз, сад̇д̇а б̣ож̇жхан̇г̇аа анааваран̣аа анийваран̣аа жзд̇асо анубаггилзсаа бхаавид̇аа б̣ахулийгад̇аа виж̇ж̇аавимуд̇д̇ипаласажчигирияааяа сам̣вад̇д̇анд̇ийд̇и.
‘‘Sattime , bhikkhave, bojjhaṅgā anāvaraṇā anīvaraṇā cetaso anupakkilesā bhāvitā bahulīkatā vijjāvimuttiphalasacchikiriyāya saṃvattanti. Katame satta? Satisambojjhaṅgo, bhikkhave, anāvaraṇo anīvaraṇo cetaso anupakkileso bhāvito bahulīkato vijjāvimuttiphalasacchikiriyāya saṃvattati…pe… upekkhāsambojjhaṅgo, bhikkhave, anāvaraṇo anīvaraṇo cetaso anupakkileso bhāvito bahulīkato vijjāvimuttiphalasacchikiriyāya saṃvattati. Ime kho, bhikkhave, satta bojjhaṅgā anāvaraṇā anīvaraṇā cetaso anupakkilesā bhāvitā bahulīkatā vijjāvimuttiphalasacchikiriyāya saṃvattantīti.
‘‘яасмим̣, бхигкавз, самаяз арияасааваго адтим̣ гад̇ваа манаси гад̇ваа саб̣б̣ам̣ жзд̇асо саманнаахарид̇ваа охид̇асод̇о д̇хаммам̣ сун̣аад̇и, имасса бан̃жа нийваран̣аа д̇асмим̣ самаяз на хонд̇и. сад̇д̇а б̣ож̇жхан̇г̇аа д̇асмим̣ самаяз бхааванаабаарибуурим̣ г̇ажчанд̇и.
‘‘Yasmiṃ, bhikkhave, samaye ariyasāvako aṭṭhiṃ katvā manasi katvā sabbaṃ cetaso samannāharitvā ohitasoto dhammaṃ suṇāti, imassa pañca nīvaraṇā tasmiṃ samaye na honti. Satta bojjhaṅgā tasmiṃ samaye bhāvanāpāripūriṃ gacchanti.
‘‘гад̇амз бан̃жа нийваран̣аа д̇асмим̣ самаяз на хонд̇и? гаамажчанд̣̇анийваран̣ам̣ д̇асмим̣ самаяз на ход̇и, б̣яаабаад̣̇анийваран̣ам̣ д̇асмим̣ самаяз на ход̇и, т̇инамид̣̇д̇ханийваран̣ам̣ д̇асмим̣ самаяз на ход̇и, уд̣̇д̇хажжагуггужжанийваран̣ам̣ д̇асмим̣ самаяз на ход̇и, вижигижчаанийваран̣ам̣ д̇асмим̣ самаяз на ход̇и. имасса бан̃жа нийваран̣аа д̇асмим̣ самаяз на хонд̇и.
‘‘Katame pañca nīvaraṇā tasmiṃ samaye na honti? Kāmacchandanīvaraṇaṃ tasmiṃ samaye na hoti, byāpādanīvaraṇaṃ tasmiṃ samaye na hoti, thinamiddhanīvaraṇaṃ tasmiṃ samaye na hoti, uddhaccakukkuccanīvaraṇaṃ tasmiṃ samaye na hoti, vicikicchānīvaraṇaṃ tasmiṃ samaye na hoti. Imassa pañca nīvaraṇā tasmiṃ samaye na honti.
‘‘гад̇амз сад̇д̇а б̣ож̇жхан̇г̇аа д̇асмим̣ самаяз бхааванаабаарибуурим̣ г̇ажчанд̇и ? сад̇исамб̣ож̇жхан̇г̇о д̇асмим̣ самаяз бхааванаабаарибуурим̣ г̇ажчад̇и…бз… убзгкаасамб̣ож̇жхан̇г̇о д̇асмим̣ самаяз бхааванаабаарибуурим̣ г̇ажчад̇и. имз сад̇д̇а б̣ож̇жхан̇г̇аа д̇асмим̣ самаяз бхааванаабаарибуурим̣ г̇ажчанд̇и. яасмим̣ , бхигкавз, самаяз арияасааваго адтим̣ гад̇ваа манаси гад̇ваа саб̣б̣ам̣ жзд̇асо саманнаахарид̇ваа охид̇асод̇о д̇хаммам̣ сун̣аад̇и, имасса бан̃жа нийваран̣аа д̇асмим̣ самаяз на хонд̇и. имз сад̇д̇а б̣ож̇жхан̇г̇аа д̇асмим̣ самаяз бхааванаабаарибуурим̣ г̇ажчанд̇ий’’д̇и. адтамам̣.
‘‘Katame satta bojjhaṅgā tasmiṃ samaye bhāvanāpāripūriṃ gacchanti ? Satisambojjhaṅgo tasmiṃ samaye bhāvanāpāripūriṃ gacchati…pe… upekkhāsambojjhaṅgo tasmiṃ samaye bhāvanāpāripūriṃ gacchati. Ime satta bojjhaṅgā tasmiṃ samaye bhāvanāpāripūriṃ gacchanti. Yasmiṃ , bhikkhave, samaye ariyasāvako aṭṭhiṃ katvā manasi katvā sabbaṃ cetaso samannāharitvā ohitasoto dhammaṃ suṇāti, imassa pañca nīvaraṇā tasmiṃ samaye na honti. Ime satta bojjhaṅgā tasmiṃ samaye bhāvanāpāripūriṃ gacchantī’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. ааваран̣анийваран̣асуд̇д̇аван̣н̣анаа • 8. Āvaraṇanīvaraṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. ааваран̣анийваран̣асуд̇д̇аван̣н̣анаа • 8. Āvaraṇanīvaraṇasuttavaṇṇanā
