| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. ஆவரணனீவரணஸுத்தவண்ணனா
8. Āvaraṇanīvaraṇasuttavaṇṇanā
219. அட்ட²மே பஞ்ஞாய து³ப்³ப³லீகரணாதி பஞ்ஞாய மந்த³பா⁴வகரா. நீவரணானஞ்ஹி அபி⁴ண்ஹுப்பாதே³ ஸதி அந்தரந்தரா உப்பஜ்ஜமானா பஞ்ஞா து³ப்³ப³லா ஹோதி மந்தா³ அவிஸதா³.
219. Aṭṭhame paññāya dubbalīkaraṇāti paññāya mandabhāvakarā. Nīvaraṇānañhi abhiṇhuppāde sati antarantarā uppajjamānā paññā dubbalā hoti mandā avisadā.
பஞ்ச நீவரணா தஸ்மிங் ஸமயே ந ஹொந்தி. ஸத்தபொ³ஜ்ஜ²ங்கா³ தஸ்மிங் ஸமயே பா⁴வனாபாரிபூரிங் க³ச்ச²ந்தீதி அரியஸாவகஸ்ஸ ஹி ஸப்பாயத⁴ம்மஸ்ஸவனங் ஸுணந்தஸ்ஸ பஞ்ச நீவரணா தூ³ரே ஹொந்தி. ஸோ ஸசே தஸ்மிங்யேவ டா²னே விஸேஸங் நிப்³ப³த்தேதுங் ஸக்கோதி, ஏவமஸ்ஸ ஸத்த பொ³ஜ்ஜ²ங்கா³ பா⁴வனாபாரிபூரிங் க³ச்ச²ந்தி. நோ சே ஸக்கோதி, ததோ வுட்டா²ய ரத்திட்டா²னதி³வாட்டா²னங் க³தோ தமேவ பீதிங் அவிஜஹந்தோ பஞ்ச நீவரணே விக்க²ம்பெ⁴த்வா விஸேஸங் நிப்³ப³த்தெஸ்ஸதி. தத்த² அஸக்கொந்தோபி யாவ ஸத்ததி³வஸப்³ப⁴ந்தரா தமேவ பீதிங் அவிஜஹந்தோ நீவரணே விக்க²ம்பெ⁴த்வா விஸேஸங் நிப்³ப³த்தெஸ்ஸதீதி இத³ங் ஸந்தா⁴யேதங் வுத்தங். த⁴ம்மஸ்ஸவனவஸேன ஸகிங் பீதிபாமோஜ்ஜபக்கி²யா படிலத்³த⁴பொ³ஜ்ஜ²ங்கா³ ஹி கம்மாராமதாதீ³னி ஆக³ம்ம நஸ்ஸந்தி, ததா²ரூபங் பன உதுஸப்பாயாதி³ங் லபி⁴த்வா புன உப்பஜ்ஜந்தாபி தஸ்மிங் ஸமயே பா⁴வனாபாரிபூரிங் க³ச்ச²ந்தி இச்சேவ வுச்சதி.
Pañca nīvaraṇā tasmiṃ samaye na honti. Sattabojjhaṅgā tasmiṃ samaye bhāvanāpāripūriṃ gacchantīti ariyasāvakassa hi sappāyadhammassavanaṃ suṇantassa pañca nīvaraṇā dūre honti. So sace tasmiṃyeva ṭhāne visesaṃ nibbattetuṃ sakkoti, evamassa satta bojjhaṅgā bhāvanāpāripūriṃ gacchanti. No ce sakkoti, tato vuṭṭhāya rattiṭṭhānadivāṭṭhānaṃ gato tameva pītiṃ avijahanto pañca nīvaraṇe vikkhambhetvā visesaṃ nibbattessati. Tattha asakkontopi yāva sattadivasabbhantarā tameva pītiṃ avijahanto nīvaraṇe vikkhambhetvā visesaṃ nibbattessatīti idaṃ sandhāyetaṃ vuttaṃ. Dhammassavanavasena sakiṃ pītipāmojjapakkhiyā paṭiladdhabojjhaṅgā hi kammārāmatādīni āgamma nassanti, tathārūpaṃ pana utusappāyādiṃ labhitvā puna uppajjantāpi tasmiṃ samaye bhāvanāpāripūriṃ gacchanti icceva vuccati.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. ஆவரணனீவரணஸுத்தங் • 8. Āvaraṇanīvaraṇasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. ஆவரணனீவரணஸுத்தவண்ணனா • 8. Āvaraṇanīvaraṇasuttavaṇṇanā
