| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. ааваран̣анийваран̣асуд̇д̇аван̣н̣анаа
8. Āvaraṇanīvaraṇasuttavaṇṇanā
219. адтамз бан̃н̃ааяа д̣̇уб̣б̣алийгаран̣аад̇и бан̃н̃ааяа манд̣̇абхаавагараа. нийваран̣аанан̃хи абхин̣хуббаад̣̇з сад̇и анд̇аранд̇араа уббаж̇ж̇амаанаа бан̃н̃аа д̣̇уб̣б̣алаа ход̇и манд̣̇аа ависад̣̇аа.
219. Aṭṭhame paññāya dubbalīkaraṇāti paññāya mandabhāvakarā. Nīvaraṇānañhi abhiṇhuppāde sati antarantarā uppajjamānā paññā dubbalā hoti mandā avisadā.
бан̃жа нийваран̣аа д̇асмим̣ самаяз на хонд̇и. сад̇д̇аб̣ож̇жхан̇г̇аа д̇асмим̣ самаяз бхааванаабаарибуурим̣ г̇ажчанд̇ийд̇и арияасаавагасса хи саббааяад̇хаммассаванам̣ сун̣анд̇асса бан̃жа нийваран̣аа д̣̇уурз хонд̇и. со сажз д̇асмим̣язва таанз висзсам̣ ниб̣б̣ад̇д̇зд̇ум̣ саггод̇и, звамасса сад̇д̇а б̣ож̇жхан̇г̇аа бхааванаабаарибуурим̣ г̇ажчанд̇и. но жз саггод̇и, д̇ад̇о вудтааяа рад̇д̇идтаанад̣̇иваадтаанам̣ г̇ад̇о д̇амзва бийд̇им̣ авиж̇аханд̇о бан̃жа нийваран̣з вигкамбхзд̇ваа висзсам̣ ниб̣б̣ад̇д̇зссад̇и. д̇ад̇т̇а асаггонд̇оби яаава сад̇д̇ад̣̇ивасаб̣бханд̇араа д̇амзва бийд̇им̣ авиж̇аханд̇о нийваран̣з вигкамбхзд̇ваа висзсам̣ ниб̣б̣ад̇д̇зссад̇ийд̇и ид̣̇ам̣ санд̇хааязд̇ам̣ вуд̇д̇ам̣. д̇хаммассаванавасзна сагим̣ бийд̇ибаамож̇ж̇абагкияаа бадилад̣̇д̇хаб̣ож̇жхан̇г̇аа хи гаммаараамад̇аад̣̇ийни ааг̇амма нассанд̇и, д̇ат̇ааруубам̣ бана уд̇усаббааяаад̣̇им̣ лабхид̇ваа буна уббаж̇ж̇анд̇ааби д̇асмим̣ самаяз бхааванаабаарибуурим̣ г̇ажчанд̇и ижжзва вужжад̇и.
Pañca nīvaraṇā tasmiṃ samaye na honti. Sattabojjhaṅgā tasmiṃ samaye bhāvanāpāripūriṃ gacchantīti ariyasāvakassa hi sappāyadhammassavanaṃ suṇantassa pañca nīvaraṇā dūre honti. So sace tasmiṃyeva ṭhāne visesaṃ nibbattetuṃ sakkoti, evamassa satta bojjhaṅgā bhāvanāpāripūriṃ gacchanti. No ce sakkoti, tato vuṭṭhāya rattiṭṭhānadivāṭṭhānaṃ gato tameva pītiṃ avijahanto pañca nīvaraṇe vikkhambhetvā visesaṃ nibbattessati. Tattha asakkontopi yāva sattadivasabbhantarā tameva pītiṃ avijahanto nīvaraṇe vikkhambhetvā visesaṃ nibbattessatīti idaṃ sandhāyetaṃ vuttaṃ. Dhammassavanavasena sakiṃ pītipāmojjapakkhiyā paṭiladdhabojjhaṅgā hi kammārāmatādīni āgamma nassanti, tathārūpaṃ pana utusappāyādiṃ labhitvā puna uppajjantāpi tasmiṃ samaye bhāvanāpāripūriṃ gacchanti icceva vuccati.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. ааваран̣анийваран̣асуд̇д̇ам̣ • 8. Āvaraṇanīvaraṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. ааваран̣анийваран̣асуд̇д̇аван̣н̣анаа • 8. Āvaraṇanīvaraṇasuttavaṇṇanā
