| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
८. आवरणनीवरणसुत्तवण्णना
8. Āvaraṇanīvaraṇasuttavaṇṇanā
२१९. पञ्ञा दुब्बला होति, न बलवती पटिपक्खेन उपक्किलिट्ठभावतो। तेनाह ‘‘मन्दा अविसदा’’ति।
219.Paññādubbalā hoti, na balavatī paṭipakkhena upakkiliṭṭhabhāvato. Tenāha ‘‘mandā avisadā’’ti.
पञ्च नीवरणा दूरे होन्ति आवरणाभावतो। तमेव पीतिन्ति सप्पायधम्मसवने उप्पन्नं पीतिं। तस्सा तदा उप्पन्नाकारसल्लक्खणेन अविजहन्तो पुनप्पुनं तस्सा निब्बत्तनेन। तेनाह ‘‘पञ्च नीवरणे विक्खम्भेत्वा’’ति। इदं सन्धायाति एत्तके दिवसेपि न विनस्सन्ति, सा धम्मपीति लद्धपच्चया हुत्वा विसेसावहाति इममत्थं सन्धाय एतं ‘‘इमस्स पञ्च नीवरणा तस्मिं समये न होन्ती’’तिआदि वुत्तं। पीतिपामोज्जपक्खियाति पीतिपामोज्जपच्चया। नस्सन्तीति निरोधपच्चयवसेन पवत्तनतो नस्सन्ति। सभागपच्चयवसेन पुन उप्पज्जन्तापि…पे॰… वुच्चति किच्चसाधनवसेन पवत्तनतो।
Pañca nīvaraṇā dūre honti āvaraṇābhāvato. Tameva pītinti sappāyadhammasavane uppannaṃ pītiṃ. Tassā tadā uppannākārasallakkhaṇena avijahanto punappunaṃ tassā nibbattanena. Tenāha ‘‘pañca nīvaraṇe vikkhambhetvā’’ti. Idaṃ sandhāyāti ettake divasepi na vinassanti, sā dhammapīti laddhapaccayā hutvā visesāvahāti imamatthaṃ sandhāya etaṃ ‘‘imassa pañca nīvaraṇā tasmiṃ samaye na hontī’’tiādi vuttaṃ. Pītipāmojjapakkhiyāti pītipāmojjapaccayā. Nassantīti nirodhapaccayavasena pavattanato nassanti. Sabhāgapaccayavasena puna uppajjantāpi…pe… vuccati kiccasādhanavasena pavattanato.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ८. आवरणनीवरणसुत्तं • 8. Āvaraṇanīvaraṇasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ८. आवरणनीवरणसुत्तवण्णना • 8. Āvaraṇanīvaraṇasuttavaṇṇanā
