| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๘. อาวรณนีวรณสุตฺตวณฺณนา
8. Āvaraṇanīvaraṇasuttavaṇṇanā
๒๑๙. อฎฺฐเม ปญฺญาย ทุพฺพลีกรณาติ ปญฺญาย มนฺทภาวกราฯ นีวรณานญฺหิ อภิณฺหุปฺปาเท สติ อนฺตรนฺตรา อุปฺปชฺชมานา ปญฺญา ทุพฺพลา โหติ มนฺทา อวิสทาฯ
219. Aṭṭhame paññāya dubbalīkaraṇāti paññāya mandabhāvakarā. Nīvaraṇānañhi abhiṇhuppāde sati antarantarā uppajjamānā paññā dubbalā hoti mandā avisadā.
ปญฺจ นีวรณา ตสฺมิํ สมเย น โหนฺติฯ สตฺตโพชฺฌงฺคา ตสฺมิํ สมเย ภาวนาปาริปูริํ คจฺฉนฺตีติ อริยสาวกสฺส หิ สปฺปายธมฺมสฺสวนํ สุณนฺตสฺส ปญฺจ นีวรณา ทูเร โหนฺติฯ โส สเจ ตสฺมิํเยว ฐาเน วิเสสํ นิพฺพเตฺตตุํ สโกฺกติ, เอวมสฺส สตฺต โพชฺฌงฺคา ภาวนาปาริปูริํ คจฺฉนฺติฯ โน เจ สโกฺกติ, ตโต วุฎฺฐาย รตฺติฎฺฐานทิวาฎฺฐานํ คโต ตเมว ปีติํ อวิชหโนฺต ปญฺจ นีวรเณ วิกฺขเมฺภตฺวา วิเสสํ นิพฺพเตฺตสฺสติฯ ตตฺถ อสโกฺกโนฺตปิ ยาว สตฺตทิวสพฺภนฺตรา ตเมว ปีติํ อวิชหโนฺต นีวรเณ วิกฺขเมฺภตฺวา วิเสสํ นิพฺพเตฺตสฺสตีติ อิทํ สนฺธาเยตํ วุตฺตํฯ ธมฺมสฺสวนวเสน สกิํ ปีติปาโมชฺชปกฺขิยา ปฎิลทฺธโพชฺฌงฺคา หิ กมฺมารามตาทีนิ อาคมฺม นสฺสนฺติ, ตถารูปํ ปน อุตุสปฺปายาทิํ ลภิตฺวา ปุน อุปฺปชฺชนฺตาปิ ตสฺมิํ สมเย ภาวนาปาริปูริํ คจฺฉนฺติ อิเจฺจว วุจฺจติฯ
Pañca nīvaraṇā tasmiṃ samaye na honti. Sattabojjhaṅgā tasmiṃ samaye bhāvanāpāripūriṃ gacchantīti ariyasāvakassa hi sappāyadhammassavanaṃ suṇantassa pañca nīvaraṇā dūre honti. So sace tasmiṃyeva ṭhāne visesaṃ nibbattetuṃ sakkoti, evamassa satta bojjhaṅgā bhāvanāpāripūriṃ gacchanti. No ce sakkoti, tato vuṭṭhāya rattiṭṭhānadivāṭṭhānaṃ gato tameva pītiṃ avijahanto pañca nīvaraṇe vikkhambhetvā visesaṃ nibbattessati. Tattha asakkontopi yāva sattadivasabbhantarā tameva pītiṃ avijahanto nīvaraṇe vikkhambhetvā visesaṃ nibbattessatīti idaṃ sandhāyetaṃ vuttaṃ. Dhammassavanavasena sakiṃ pītipāmojjapakkhiyā paṭiladdhabojjhaṅgā hi kammārāmatādīni āgamma nassanti, tathārūpaṃ pana utusappāyādiṃ labhitvā puna uppajjantāpi tasmiṃ samaye bhāvanāpāripūriṃ gacchanti icceva vuccati.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. อาวรณนีวรณสุตฺตํ • 8. Āvaraṇanīvaraṇasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘. อาวรณนีวรณสุตฺตวณฺณนา • 8. Āvaraṇanīvaraṇasuttavaṇṇanā
