| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៨. អាវរណនីវរណសុត្តវណ្ណនា
8. Āvaraṇanīvaraṇasuttavaṇṇanā
២១៩. អដ្ឋមេ បញ្ញាយ ទុព្ពលីករណាតិ បញ្ញាយ មន្ទភាវករា។ នីវរណានញ្ហិ អភិណ្ហុប្បាទេ សតិ អន្តរន្តរា ឧប្បជ្ជមានា បញ្ញា ទុព្ពលា ហោតិ មន្ទា អវិសទា។
219. Aṭṭhame paññāya dubbalīkaraṇāti paññāya mandabhāvakarā. Nīvaraṇānañhi abhiṇhuppāde sati antarantarā uppajjamānā paññā dubbalā hoti mandā avisadā.
បញ្ច នីវរណា តស្មិំ សមយេ ន ហោន្តិ។ សត្តពោជ្ឈង្គា តស្មិំ សមយេ ភាវនាបារិបូរិំ គច្ឆន្តីតិ អរិយសាវកស្ស ហិ សប្បាយធម្មស្សវនំ សុណន្តស្ស បញ្ច នីវរណា ទូរេ ហោន្តិ។ សោ សចេ តស្មិំយេវ ឋានេ វិសេសំ និព្ពត្តេតុំ សក្កោតិ, ឯវមស្ស សត្ត ពោជ្ឈង្គា ភាវនាបារិបូរិំ គច្ឆន្តិ។ នោ ចេ សក្កោតិ, តតោ វុដ្ឋាយ រត្តិដ្ឋានទិវាដ្ឋានំ គតោ តមេវ បីតិំ អវិជហន្តោ បញ្ច នីវរណេ វិក្ខម្ភេត្វា វិសេសំ និព្ពត្តេស្សតិ។ តត្ថ អសក្កោន្តោបិ យាវ សត្តទិវសព្ភន្តរា តមេវ បីតិំ អវិជហន្តោ នីវរណេ វិក្ខម្ភេត្វា វិសេសំ និព្ពត្តេស្សតីតិ ឥទំ សន្ធាយេតំ វុត្តំ។ ធម្មស្សវនវសេន សកិំ បីតិបាមោជ្ជបក្ខិយា បដិលទ្ធពោជ្ឈង្គា ហិ កម្មារាមតាទីនិ អាគម្ម នស្សន្តិ, តថារូបំ បន ឧតុសប្បាយាទិំ លភិត្វា បុន ឧប្បជ្ជន្តាបិ តស្មិំ សមយេ ភាវនាបារិបូរិំ គច្ឆន្តិ ឥច្ចេវ វុច្ចតិ។
Pañca nīvaraṇā tasmiṃ samaye na honti. Sattabojjhaṅgā tasmiṃ samaye bhāvanāpāripūriṃ gacchantīti ariyasāvakassa hi sappāyadhammassavanaṃ suṇantassa pañca nīvaraṇā dūre honti. So sace tasmiṃyeva ṭhāne visesaṃ nibbattetuṃ sakkoti, evamassa satta bojjhaṅgā bhāvanāpāripūriṃ gacchanti. No ce sakkoti, tato vuṭṭhāya rattiṭṭhānadivāṭṭhānaṃ gato tameva pītiṃ avijahanto pañca nīvaraṇe vikkhambhetvā visesaṃ nibbattessati. Tattha asakkontopi yāva sattadivasabbhantarā tameva pītiṃ avijahanto nīvaraṇe vikkhambhetvā visesaṃ nibbattessatīti idaṃ sandhāyetaṃ vuttaṃ. Dhammassavanavasena sakiṃ pītipāmojjapakkhiyā paṭiladdhabojjhaṅgā hi kammārāmatādīni āgamma nassanti, tathārūpaṃ pana utusappāyādiṃ labhitvā puna uppajjantāpi tasmiṃ samaye bhāvanāpāripūriṃ gacchanti icceva vuccati.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៨. អាវរណនីវរណសុត្តំ • 8. Āvaraṇanīvaraṇasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៨. អាវរណនីវរណសុត្តវណ្ណនា • 8. Āvaraṇanīvaraṇasuttavaṇṇanā
