| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၈. အာဝရဏနီဝရဏသုတ္တဝဏ္ဏနာ
8. Āvaraṇanīvaraṇasuttavaṇṇanā
၂၁၉. ပညာ ဒုဗ္ဗလာ ဟောတိ, န ဗလဝတီ ပဋိပက္ခေန ဥပက္ကိလိဋ္ဌဘာဝတော။ တေနာဟ ‘‘မန္ဒာ အဝိသဒာ’’တိ။
219.Paññādubbalā hoti, na balavatī paṭipakkhena upakkiliṭṭhabhāvato. Tenāha ‘‘mandā avisadā’’ti.
ပဉ္စ နီဝရဏာ ဒူရေ ဟောန္တိ အာဝရဏာဘာဝတော။ တမေဝ ပီတိန္တိ သပ္ပာယဓမ္မသဝနေ ဥပ္ပန္နံ ပီတိံ။ တသ္သာ တဒာ ဥပ္ပန္နာကာရသလ္လက္ခဏေန အဝိဇဟန္တော ပုနပ္ပုနံ တသ္သာ နိဗ္ဗတ္တနေန။ တေနာဟ ‘‘ပဉ္စ နီဝရဏေ ဝိက္ခမ္ဘေတ္ဝာ’’တိ။ ဣဒံ သန္ဓာယာတိ ဧတ္တကေ ဒိဝသေပိ န ဝိနသ္သန္တိ, သာ ဓမ္မပီတိ လဒ္ဓပစ္စယာ ဟုတ္ဝာ ဝိသေသာဝဟာတိ ဣမမတ္ထံ သန္ဓာယ ဧတံ ‘‘ဣမသ္သ ပဉ္စ နီဝရဏာ တသ္မိံ သမယေ န ဟောန္တီ’’တိအာဒိ ဝုတ္တံ။ ပီတိပာမောဇ္ဇပက္ခိယာတိ ပီတိပာမောဇ္ဇပစ္စယာ။ နသ္သန္တီတိ နိရောဓပစ္စယဝသေန ပဝတ္တနတော နသ္သန္တိ။ သဘာဂပစ္စယဝသေန ပုန ဥပ္ပဇ္ဇန္တာပိ။ပေ.။ ဝုစ္စတိ ကိစ္စသာဓနဝသေန ပဝတ္တနတော။
Pañca nīvaraṇā dūre honti āvaraṇābhāvato. Tameva pītinti sappāyadhammasavane uppannaṃ pītiṃ. Tassā tadā uppannākārasallakkhaṇena avijahanto punappunaṃ tassā nibbattanena. Tenāha ‘‘pañca nīvaraṇe vikkhambhetvā’’ti. Idaṃ sandhāyāti ettake divasepi na vinassanti, sā dhammapīti laddhapaccayā hutvā visesāvahāti imamatthaṃ sandhāya etaṃ ‘‘imassa pañca nīvaraṇā tasmiṃ samaye na hontī’’tiādi vuttaṃ. Pītipāmojjapakkhiyāti pītipāmojjapaccayā. Nassantīti nirodhapaccayavasena pavattanato nassanti. Sabhāgapaccayavasena puna uppajjantāpi…pe… vuccati kiccasādhanavasena pavattanato.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၈. အာဝရဏနီဝရဏသုတ္တံ • 8. Āvaraṇanīvaraṇasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၈. အာဝရဏနီဝရဏသုတ္တဝဏ္ဏနာ • 8. Āvaraṇanīvaraṇasuttavaṇṇanā
