| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೮. ಆವರಣನೀವರಣಸುತ್ತವಣ್ಣನಾ
8. Āvaraṇanīvaraṇasuttavaṇṇanā
೨೧೯. ಅಟ್ಠಮೇ ಪಞ್ಞಾಯ ದುಬ್ಬಲೀಕರಣಾತಿ ಪಞ್ಞಾಯ ಮನ್ದಭಾವಕರಾ। ನೀವರಣಾನಞ್ಹಿ ಅಭಿಣ್ಹುಪ್ಪಾದೇ ಸತಿ ಅನ್ತರನ್ತರಾ ಉಪ್ಪಜ್ಜಮಾನಾ ಪಞ್ಞಾ ದುಬ್ಬಲಾ ಹೋತಿ ಮನ್ದಾ ಅವಿಸದಾ।
219. Aṭṭhame paññāya dubbalīkaraṇāti paññāya mandabhāvakarā. Nīvaraṇānañhi abhiṇhuppāde sati antarantarā uppajjamānā paññā dubbalā hoti mandā avisadā.
ಪಞ್ಚ ನೀವರಣಾ ತಸ್ಮಿಂ ಸಮಯೇ ನ ಹೋನ್ತಿ। ಸತ್ತಬೋಜ್ಝಙ್ಗಾ ತಸ್ಮಿಂ ಸಮಯೇ ಭಾವನಾಪಾರಿಪೂರಿಂ ಗಚ್ಛನ್ತೀತಿ ಅರಿಯಸಾವಕಸ್ಸ ಹಿ ಸಪ್ಪಾಯಧಮ್ಮಸ್ಸವನಂ ಸುಣನ್ತಸ್ಸ ಪಞ್ಚ ನೀವರಣಾ ದೂರೇ ಹೋನ್ತಿ। ಸೋ ಸಚೇ ತಸ್ಮಿಂಯೇವ ಠಾನೇ ವಿಸೇಸಂ ನಿಬ್ಬತ್ತೇತುಂ ಸಕ್ಕೋತಿ, ಏವಮಸ್ಸ ಸತ್ತ ಬೋಜ್ಝಙ್ಗಾ ಭಾವನಾಪಾರಿಪೂರಿಂ ಗಚ್ಛನ್ತಿ। ನೋ ಚೇ ಸಕ್ಕೋತಿ, ತತೋ ವುಟ್ಠಾಯ ರತ್ತಿಟ್ಠಾನದಿವಾಟ್ಠಾನಂ ಗತೋ ತಮೇವ ಪೀತಿಂ ಅವಿಜಹನ್ತೋ ಪಞ್ಚ ನೀವರಣೇ ವಿಕ್ಖಮ್ಭೇತ್ವಾ ವಿಸೇಸಂ ನಿಬ್ಬತ್ತೇಸ್ಸತಿ। ತತ್ಥ ಅಸಕ್ಕೋನ್ತೋಪಿ ಯಾವ ಸತ್ತದಿವಸಬ್ಭನ್ತರಾ ತಮೇವ ಪೀತಿಂ ಅವಿಜಹನ್ತೋ ನೀವರಣೇ ವಿಕ್ಖಮ್ಭೇತ್ವಾ ವಿಸೇಸಂ ನಿಬ್ಬತ್ತೇಸ್ಸತೀತಿ ಇದಂ ಸನ್ಧಾಯೇತಂ ವುತ್ತಂ। ಧಮ್ಮಸ್ಸವನವಸೇನ ಸಕಿಂ ಪೀತಿಪಾಮೋಜ್ಜಪಕ್ಖಿಯಾ ಪಟಿಲದ್ಧಬೋಜ್ಝಙ್ಗಾ ಹಿ ಕಮ್ಮಾರಾಮತಾದೀನಿ ಆಗಮ್ಮ ನಸ್ಸನ್ತಿ, ತಥಾರೂಪಂ ಪನ ಉತುಸಪ್ಪಾಯಾದಿಂ ಲಭಿತ್ವಾ ಪುನ ಉಪ್ಪಜ್ಜನ್ತಾಪಿ ತಸ್ಮಿಂ ಸಮಯೇ ಭಾವನಾಪಾರಿಪೂರಿಂ ಗಚ್ಛನ್ತಿ ಇಚ್ಚೇವ ವುಚ್ಚತಿ।
Pañca nīvaraṇā tasmiṃ samaye na honti. Sattabojjhaṅgā tasmiṃ samaye bhāvanāpāripūriṃ gacchantīti ariyasāvakassa hi sappāyadhammassavanaṃ suṇantassa pañca nīvaraṇā dūre honti. So sace tasmiṃyeva ṭhāne visesaṃ nibbattetuṃ sakkoti, evamassa satta bojjhaṅgā bhāvanāpāripūriṃ gacchanti. No ce sakkoti, tato vuṭṭhāya rattiṭṭhānadivāṭṭhānaṃ gato tameva pītiṃ avijahanto pañca nīvaraṇe vikkhambhetvā visesaṃ nibbattessati. Tattha asakkontopi yāva sattadivasabbhantarā tameva pītiṃ avijahanto nīvaraṇe vikkhambhetvā visesaṃ nibbattessatīti idaṃ sandhāyetaṃ vuttaṃ. Dhammassavanavasena sakiṃ pītipāmojjapakkhiyā paṭiladdhabojjhaṅgā hi kammārāmatādīni āgamma nassanti, tathārūpaṃ pana utusappāyādiṃ labhitvā puna uppajjantāpi tasmiṃ samaye bhāvanāpāripūriṃ gacchanti icceva vuccati.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೮. ಆವರಣನೀವರಣಸುತ್ತಂ • 8. Āvaraṇanīvaraṇasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೮. ಆವರಣನೀವರಣಸುತ್ತವಣ್ಣನಾ • 8. Āvaraṇanīvaraṇasuttavaṇṇanā
