| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༨. ཨཱཝརཎནཱིཝརཎསུཏྟཝཎྞནཱ
8. Āvaraṇanīvaraṇasuttavaṇṇanā
༢༡༩. པཉྙཱ དུབྦལཱ ཧོཏི, ན བལཝཏཱི པཊིཔཀྑེན ཨུཔཀྐིལིཊྛབྷཱཝཏོ། ཏེནཱཧ ‘‘མནྡཱ ཨཝིསདཱ’’ཏི།
219.Paññādubbalā hoti, na balavatī paṭipakkhena upakkiliṭṭhabhāvato. Tenāha ‘‘mandā avisadā’’ti.
པཉྩ ནཱིཝརཎཱ དཱུརེ ཧོནྟི ཨཱཝརཎཱབྷཱཝཏོ། ཏམེཝ པཱིཏིནྟི སཔྤཱཡདྷམྨསཝནེ ཨུཔྤནྣཾ པཱིཏིཾ། ཏསྶཱ ཏདཱ ཨུཔྤནྣཱཀཱརསལླཀྑཎེན ཨཝིཛཧནྟོ པུནཔྤུནཾ ཏསྶཱ ནིབྦཏྟནེན། ཏེནཱཧ ‘‘པཉྩ ནཱིཝརཎེ ཝིཀྑམྦྷེཏྭཱ’’ཏི། ཨིདཾ སནྡྷཱཡཱཏི ཨེཏྟཀེ དིཝསེཔི ན ཝིནསྶནྟི, སཱ དྷམྨཔཱིཏི ལདྡྷཔཙྩཡཱ ཧུཏྭཱ ཝིསེསཱཝཧཱཏི ཨིམམཏྠཾ སནྡྷཱཡ ཨེཏཾ ‘‘ཨིམསྶ པཉྩ ནཱིཝརཎཱ ཏསྨིཾ སམཡེ ན ཧོནྟཱི’’ཏིཨཱདི ཝུཏྟཾ། པཱིཏིཔཱམོཛྫཔཀྑིཡཱཏི པཱིཏིཔཱམོཛྫཔཙྩཡཱ། ནསྶནྟཱིཏི ནིརོདྷཔཙྩཡཝསེན པཝཏྟནཏོ ནསྶནྟི། སབྷཱགཔཙྩཡཝསེན པུན ཨུཔྤཛྫནྟཱཔི…པེ॰… ཝུཙྩཏི ཀིཙྩསཱདྷནཝསེན པཝཏྟནཏོ།
Pañca nīvaraṇā dūre honti āvaraṇābhāvato. Tameva pītinti sappāyadhammasavane uppannaṃ pītiṃ. Tassā tadā uppannākārasallakkhaṇena avijahanto punappunaṃ tassā nibbattanena. Tenāha ‘‘pañca nīvaraṇe vikkhambhetvā’’ti. Idaṃ sandhāyāti ettake divasepi na vinassanti, sā dhammapīti laddhapaccayā hutvā visesāvahāti imamatthaṃ sandhāya etaṃ ‘‘imassa pañca nīvaraṇā tasmiṃ samaye na hontī’’tiādi vuttaṃ. Pītipāmojjapakkhiyāti pītipāmojjapaccayā. Nassantīti nirodhapaccayavasena pavattanato nassanti. Sabhāgapaccayavasena puna uppajjantāpi…pe… vuccati kiccasādhanavasena pavattanato.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༨. ཨཱཝརཎནཱིཝརཎསུཏྟཾ • 8. Āvaraṇanīvaraṇasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༨. ཨཱཝརཎནཱིཝརཎསུཏྟཝཎྞནཱ • 8. Āvaraṇanīvaraṇasuttavaṇṇanā
