| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਆવਰਣਨੀવਰਣਸੁਤ੍ਤવਣ੍ਣਨਾ
8. Āvaraṇanīvaraṇasuttavaṇṇanā
੨੧੯. ਅਟ੍ਠਮੇ ਪਞ੍ਞਾਯ ਦੁਬ੍ਬਲੀਕਰਣਾਤਿ ਪਞ੍ਞਾਯ ਮਨ੍ਦਭਾવਕਰਾ। ਨੀવਰਣਾਨਞ੍ਹਿ ਅਭਿਣ੍ਹੁਪ੍ਪਾਦੇ ਸਤਿ ਅਨ੍ਤਰਨ੍ਤਰਾ ਉਪ੍ਪਜ੍ਜਮਾਨਾ ਪਞ੍ਞਾ ਦੁਬ੍ਬਲਾ ਹੋਤਿ ਮਨ੍ਦਾ ਅવਿਸਦਾ।
219. Aṭṭhame paññāya dubbalīkaraṇāti paññāya mandabhāvakarā. Nīvaraṇānañhi abhiṇhuppāde sati antarantarā uppajjamānā paññā dubbalā hoti mandā avisadā.
ਪਞ੍ਚ ਨੀવਰਣਾ ਤਸ੍ਮਿਂ ਸਮਯੇ ਨ ਹੋਨ੍ਤਿ। ਸਤ੍ਤਬੋਜ੍ਝਙ੍ਗਾ ਤਸ੍ਮਿਂ ਸਮਯੇ ਭਾવਨਾਪਾਰਿਪੂਰਿਂ ਗਚ੍ਛਨ੍ਤੀਤਿ ਅਰਿਯਸਾવਕਸ੍ਸ ਹਿ ਸਪ੍ਪਾਯਧਮ੍ਮਸ੍ਸવਨਂ ਸੁਣਨ੍ਤਸ੍ਸ ਪਞ੍ਚ ਨੀવਰਣਾ ਦੂਰੇ ਹੋਨ੍ਤਿ। ਸੋ ਸਚੇ ਤਸ੍ਮਿਂਯੇવ ਠਾਨੇ વਿਸੇਸਂ ਨਿਬ੍ਬਤ੍ਤੇਤੁਂ ਸਕ੍ਕੋਤਿ, ਏવਮਸ੍ਸ ਸਤ੍ਤ ਬੋਜ੍ਝਙ੍ਗਾ ਭਾવਨਾਪਾਰਿਪੂਰਿਂ ਗਚ੍ਛਨ੍ਤਿ। ਨੋ ਚੇ ਸਕ੍ਕੋਤਿ, ਤਤੋ વੁਟ੍ਠਾਯ ਰਤ੍ਤਿਟ੍ਠਾਨਦਿવਾਟ੍ਠਾਨਂ ਗਤੋ ਤਮੇવ ਪੀਤਿਂ ਅવਿਜਹਨ੍ਤੋ ਪਞ੍ਚ ਨੀવਰਣੇ વਿਕ੍ਖਮ੍ਭੇਤ੍વਾ વਿਸੇਸਂ ਨਿਬ੍ਬਤ੍ਤੇਸ੍ਸਤਿ। ਤਤ੍ਥ ਅਸਕ੍ਕੋਨ੍ਤੋਪਿ ਯਾવ ਸਤ੍ਤਦਿવਸਬ੍ਭਨ੍ਤਰਾ ਤਮੇવ ਪੀਤਿਂ ਅવਿਜਹਨ੍ਤੋ ਨੀવਰਣੇ વਿਕ੍ਖਮ੍ਭੇਤ੍વਾ વਿਸੇਸਂ ਨਿਬ੍ਬਤ੍ਤੇਸ੍ਸਤੀਤਿ ਇਦਂ ਸਨ੍ਧਾਯੇਤਂ વੁਤ੍ਤਂ। ਧਮ੍ਮਸ੍ਸવਨવਸੇਨ ਸਕਿਂ ਪੀਤਿਪਾਮੋਜ੍ਜਪਕ੍ਖਿਯਾ ਪਟਿਲਦ੍ਧਬੋਜ੍ਝਙ੍ਗਾ ਹਿ ਕਮ੍ਮਾਰਾਮਤਾਦੀਨਿ ਆਗਮ੍ਮ ਨਸ੍ਸਨ੍ਤਿ, ਤਥਾਰੂਪਂ ਪਨ ਉਤੁਸਪ੍ਪਾਯਾਦਿਂ ਲਭਿਤ੍વਾ ਪੁਨ ਉਪ੍ਪਜ੍ਜਨ੍ਤਾਪਿ ਤਸ੍ਮਿਂ ਸਮਯੇ ਭਾવਨਾਪਾਰਿਪੂਰਿਂ ਗਚ੍ਛਨ੍ਤਿ ਇਚ੍ਚੇવ વੁਚ੍ਚਤਿ।
Pañca nīvaraṇā tasmiṃ samaye na honti. Sattabojjhaṅgā tasmiṃ samaye bhāvanāpāripūriṃ gacchantīti ariyasāvakassa hi sappāyadhammassavanaṃ suṇantassa pañca nīvaraṇā dūre honti. So sace tasmiṃyeva ṭhāne visesaṃ nibbattetuṃ sakkoti, evamassa satta bojjhaṅgā bhāvanāpāripūriṃ gacchanti. No ce sakkoti, tato vuṭṭhāya rattiṭṭhānadivāṭṭhānaṃ gato tameva pītiṃ avijahanto pañca nīvaraṇe vikkhambhetvā visesaṃ nibbattessati. Tattha asakkontopi yāva sattadivasabbhantarā tameva pītiṃ avijahanto nīvaraṇe vikkhambhetvā visesaṃ nibbattessatīti idaṃ sandhāyetaṃ vuttaṃ. Dhammassavanavasena sakiṃ pītipāmojjapakkhiyā paṭiladdhabojjhaṅgā hi kammārāmatādīni āgamma nassanti, tathārūpaṃ pana utusappāyādiṃ labhitvā puna uppajjantāpi tasmiṃ samaye bhāvanāpāripūriṃ gacchanti icceva vuccati.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਆવਰਣਨੀવਰਣਸੁਤ੍ਤਂ • 8. Āvaraṇanīvaraṇasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਆવਰਣਨੀવਰਣਸੁਤ੍ਤવਣ੍ਣਨਾ • 8. Āvaraṇanīvaraṇasuttavaṇṇanā
