| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. д̣̇уд̇ияабан̣н̣аасагам̣
2. Dutiyapaṇṇāsakaṃ
(6) 1. нийваран̣аваг̇г̇о
(6) 1. Nīvaraṇavaggo
1-2. ааваран̣асуд̇д̇аад̣̇иван̣н̣анаа
1-2. Āvaraṇasuttādivaṇṇanā
51-52. д̣̇уд̇ияасса батамз ааваранд̇ийд̇и ааваран̣аа, нийваараяанд̇ийд̇и нийваран̣аа. зд̇т̇а жа ааваранд̇ийд̇и гусалад̇хаммуббад̇д̇им̣ аад̣̇ид̇о бариваарзнд̇и. нийваараяанд̇ийд̇и ниравасзсад̇о ваараяанд̇ийд̇и ад̇т̇о, д̇асмаа ааваран̣авасзнаад̇и аад̣̇ид̇о гусалуббад̇д̇ивааран̣авасзна. нийваран̣авасзнаад̇и ниравасзсад̇о вааран̣авасзнаад̇и звамзд̇т̇а ад̇т̇о д̣̇адтаб̣б̣о. яасмаа бан̃жа нийваран̣аа уббаж̇ж̇амаанаа ануббаннааяа логияалогуд̇д̇арааяа бан̃н̃ааяа уббаж̇ж̇ид̇ум̣ на д̣̇знд̇и, уббаннааби адта самаабад̇д̇ияо бан̃жа ваа абхин̃н̃аа убажчинд̣̇ид̇ваа баад̇знд̇и, д̇асмаа ‘‘бан̃н̃ааяа д̣̇уб̣б̣алийгаран̣аа’’д̇и вужжанд̇и. убажчинд̣̇анам̣ баад̇анан̃жзд̇т̇а д̇аасам̣ бан̃н̃аанам̣ ануббаннаанам̣ уббаж̇ж̇ид̇ум̣ аббад̣̇аанамзва. ид̇и махаг̇г̇ад̇аануд̇д̇арабан̃н̃аанам̣ згажжааяа жа барид̇д̇абан̃н̃ааяа ануббад̇д̇ихзд̇убхууд̇аа нийваран̣ад̇хаммаа ид̇араасам̣ самад̇т̇ад̇ам̣ вихананд̇иязваад̇и бан̃н̃ааяа д̣̇уб̣б̣алийгаран̣аа вуд̇д̇аа. бхааванааманасигаарзна винаа багад̇ияаа мануссзхи ниб̣б̣ад̇д̇зд̇аб̣б̣о д̇хаммод̇и мануссад̇хаммо, мануссад̇д̇абхааваавахо ваа д̇хаммо мануссад̇хаммо, анул̣аарам̣ барид̇д̇агусалам̣. яам̣ асад̇иби б̣уд̣̇д̇хуббаад̣̇з вад̇д̇ад̇и, яан̃жа санд̇хааяааха ‘‘хийнзна б̣рахмажариязна, кад̇д̇ияз убабаж̇ж̇ад̇ий’’д̇и (ж̇аа. 1.8.75). алам̣ арияааяа арияабхаавааяаад̇и аламарияо, арияабхаавааяа самад̇т̇од̇и вуд̇д̇ам̣ ход̇и. н̃аан̣ад̣̇ассанамзва н̃аан̣ад̣̇ассанависзсо, аламарияо жа со н̃аан̣ад̣̇ассанависзсо жаад̇и аламарияан̃аан̣ад̣̇ассанависзсо.
51-52. Dutiyassa paṭhame āvarantīti āvaraṇā, nīvārayantīti nīvaraṇā. Ettha ca āvarantīti kusaladhammuppattiṃ ādito parivārenti. Nīvārayantīti niravasesato vārayantīti attho, tasmā āvaraṇavasenāti ādito kusaluppattivāraṇavasena. Nīvaraṇavasenāti niravasesato vāraṇavasenāti evamettha attho daṭṭhabbo. Yasmā pañca nīvaraṇā uppajjamānā anuppannāya lokiyalokuttarāya paññāya uppajjituṃ na denti, uppannāpi aṭṭha samāpattiyo pañca vā abhiññā upacchinditvā pātenti, tasmā ‘‘paññāya dubbalīkaraṇā’’ti vuccanti. Upacchindanaṃ pātanañcettha tāsaṃ paññānaṃ anuppannānaṃ uppajjituṃ appadānameva. Iti mahaggatānuttarapaññānaṃ ekaccāya ca parittapaññāya anuppattihetubhūtā nīvaraṇadhammā itarāsaṃ samatthataṃ vihanantiyevāti paññāya dubbalīkaraṇā vuttā. Bhāvanāmanasikārena vinā pakatiyā manussehi nibbattetabbo dhammoti manussadhammo, manussattabhāvāvaho vā dhammo manussadhammo, anuḷāraṃ parittakusalaṃ. Yaṃ asatipi buddhuppāde vattati, yañca sandhāyāha ‘‘hīnena brahmacariyena, khattiye upapajjatī’’ti (jā. 1.8.75). Alaṃ ariyāya ariyabhāvāyāti alamariyo, ariyabhāvāya samatthoti vuttaṃ hoti. Ñāṇadassanameva ñāṇadassanaviseso, alamariyo ca so ñāṇadassanaviseso cāti alamariyañāṇadassanaviseso.
н̃аан̣ад̣̇ассананд̇и жа д̣̇иб̣б̣ажагкуби вибассанааби маг̇г̇оби паламби бажжавзгкан̣ан̃аан̣амби саб̣б̣ан̃н̃уд̇ан̃н̃аан̣амби вужжад̇и. ‘‘аббамад̇д̇о самаано н̃аан̣ад̣̇ассанам̣ аараад̇хзд̇ий’’д̇и (ма. ни. 1.311) хи зд̇т̇а д̣̇иб̣б̣ажагку н̃аан̣ад̣̇ассанам̣ наама. ‘‘н̃аан̣ад̣̇ассанааяа жид̇д̇ам̣ абхинийхарад̇и абхининнаамзд̇ий’’д̇и (д̣̇ий. ни. 1.234) зд̇т̇а вибассанаан̃аан̣ам̣. ‘‘абхаб̣б̣аа д̇з н̃аан̣ааяа д̣̇ассанааяа ануд̇д̇арааяа самб̣од̇хааяаа’’д̇и (а. ни. 4.196) зд̇т̇а маг̇г̇о. ‘‘аяаман̃н̃о уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и (ма. ни. 1.328) зд̇т̇а палам̣. ‘‘н̃аан̣ан̃жа бана мз д̣̇ассанам̣ уд̣̇абаад̣̇и, агуббаа мз вимуд̇д̇и, аяаманд̇имаа ж̇аад̇и, над̇т̇и д̣̇аани бунаб̣бхаво’’д̇и (сам̣. ни. 5.1081; махаава. 16; бади. ма. 2.30) зд̇т̇а бажжавзгкан̣ан̃аан̣ам̣. ‘‘н̃аан̣ан̃жа бана мз д̣̇ассанам̣ уд̣̇абаад̣̇и ‘сад̇д̇аахагаалагад̇о аал̣ааро гаалаамо’’’д̇и (ма. ни. 1.284; 2.340) зд̇т̇а саб̣б̣ан̃н̃уд̇ан̃н̃аан̣ам̣. ид̇ха бана логуд̇д̇арад̇хаммо ад̇хиббзд̇о. зд̇т̇а жа руубааяад̇анам̣ ж̇аанаад̇и жагкувин̃н̃аан̣ам̣ вияа бассад̇и жаад̇и н̃аан̣ад̣̇ассанам̣, д̣̇иб̣б̣ажагку. саммасануубажаарз жа д̇хаммалагкан̣ад̇д̇аяан̃жа д̇ат̇аа ж̇аанаад̇и бассад̇и жаад̇и н̃аан̣ад̣̇ассанам̣, вибассанаа. ниб̣б̣аанам̣ жад̇д̇аари ваа сажжаани асаммохаббадивзд̇хад̇о ж̇аанаад̇и бассад̇и жаад̇и н̃аан̣ад̣̇ассанам̣, маг̇г̇о. палам̣ бана ниб̣б̣аанавасзнзва яож̇зд̇аб̣б̣ам̣. бажжавзгкан̣аа маг̇г̇аад̇хиг̇ад̇асса ад̇т̇асса саб̣б̣асо ж̇од̇анадтзна н̃аан̣ад̣̇ассанам̣. саб̣б̣ан̃н̃уд̇аа анааваран̣ад̇ааяа саманд̇ажагкуд̇ааяа жа н̃аан̣ад̣̇ассанам̣. б̣яаад̣̇ин̣н̣агаалод̇и барияаад̣̇иннагаало. д̣̇уд̇ияам̣ уд̇д̇аанамзва.
Ñāṇadassananti ca dibbacakkhupi vipassanāpi maggopi phalampi paccavekkhaṇañāṇampi sabbaññutaññāṇampi vuccati. ‘‘Appamatto samāno ñāṇadassanaṃ ārādhetī’’ti (ma. ni. 1.311) hi ettha dibbacakkhu ñāṇadassanaṃ nāma. ‘‘Ñāṇadassanāya cittaṃ abhinīharati abhininnāmetī’’ti (dī. ni. 1.234) ettha vipassanāñāṇaṃ. ‘‘Abhabbā te ñāṇāya dassanāya anuttarāya sambodhāyā’’ti (a. ni. 4.196) ettha maggo. ‘‘Ayamañño uttarimanussadhammā alamariyañāṇadassanaviseso adhigato phāsuvihāro’’ti (ma. ni. 1.328) ettha phalaṃ. ‘‘Ñāṇañca pana me dassanaṃ udapādi, akuppā me vimutti, ayamantimā jāti, natthi dāni punabbhavo’’ti (saṃ. ni. 5.1081; mahāva. 16; paṭi. ma. 2.30) ettha paccavekkhaṇañāṇaṃ. ‘‘Ñāṇañca pana me dassanaṃ udapādi ‘sattāhakālakato āḷāro kālāmo’’’ti (ma. ni. 1.284; 2.340) ettha sabbaññutaññāṇaṃ. Idha pana lokuttaradhammo adhippeto. Ettha ca rūpāyatanaṃ jānāti cakkhuviññāṇaṃ viya passati cāti ñāṇadassanaṃ, dibbacakkhu. Sammasanūpacāre ca dhammalakkhaṇattayañca tathā jānāti passati cāti ñāṇadassanaṃ, vipassanā. Nibbānaṃ cattāri vā saccāni asammohappaṭivedhato jānāti passati cāti ñāṇadassanaṃ, maggo. Phalaṃ pana nibbānavaseneva yojetabbaṃ. Paccavekkhaṇā maggādhigatassa atthassa sabbaso jotanaṭṭhena ñāṇadassanaṃ. Sabbaññutā anāvaraṇatāya samantacakkhutāya ca ñāṇadassanaṃ. Byādiṇṇakāloti pariyādinnakālo. Dutiyaṃ uttānameva.
ааваран̣асуд̇д̇аад̣̇иван̣н̣анаа нидтид̇аа.
Āvaraṇasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
1. ааваран̣асуд̇д̇ам̣ • 1. Āvaraṇasuttaṃ
2. агусалараасисуд̇д̇ам̣ • 2. Akusalarāsisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. ааваран̣асуд̇д̇аван̣н̣анаа • 1. Āvaraṇasuttavaṇṇanā
