| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਦੁਤਿਯਪਣ੍ਣਾਸਕਂ
2. Dutiyapaṇṇāsakaṃ
(੬) ੧. ਨੀવਰਣવਗ੍ਗੋ
(6) 1. Nīvaraṇavaggo
੧. ਆવਰਣਸੁਤ੍ਤવਣ੍ਣਨਾ
1. Āvaraṇasuttavaṇṇanā
੫੧. ਦੁਤਿਯਸ੍ਸ ਪਠਮੇ ਆવਰਣવਸੇਨ ਆવਰਣਾ। ਨੀવਰਣવਸੇਨ ਨੀવਰਣਾ। ਚੇਤੋ ਅਜ੍ਝਾਰੁਹਨ੍ਤੀਤਿ ਚੇਤਸੋ ਅਜ੍ਝਾਰੁਹਾ। વਿਪਸ੍ਸਨਾਪਞ੍ਞਞ੍ਚ ਮਗ੍ਗਪਞ੍ਞਞ੍ਚ ਉਪ੍ਪਤ੍ਤਿਨਿવਾਰਣਟ੍ਠੇਨ ਦੁਬ੍ਬਲਂ ਕਰੋਨ੍ਤੀਤਿ ਪਞ੍ਞਾਯ ਦੁਬ੍ਬਲੀਕਰਣਾ। ਯਾ વਾ ਏਤੇਹਿ ਸਦ੍ਧਿਂ વੋਕਿਣ੍ਣਾ ਪਞ੍ਞਾ ਉਪ੍ਪਜ੍ਜਤਿ, ਤਂ ਦੁਬ੍ਬਲਂ ਕਰੋਨ੍ਤੀਤਿਪਿ ਪਞ੍ਞਾਯ ਦੁਬ੍ਬਲੀਕਰਣਾ। ਅਬਲਾਯਾਤਿ ਪਞ੍ਚਨੀવਰਣਪਰਿਯੋਨਦ੍ਧਤ੍ਤਾ ਅਪਗਤਬਲਾਯ। ਉਤ੍ਤਰਿ વਾ ਮਨੁਸ੍ਸਧਮ੍ਮਾ ਅਲਮਰਿਯਞਾਣਦਸ੍ਸਨવਿਸੇਸਨ੍ਤਿ ਦਸਕੁਸਲਕਮ੍ਮਪਥਸਙ੍ਖਾਤਾ ਮਨੁਸ੍ਸਧਮ੍ਮਾ ਉਤ੍ਤਰਿ ਅਰਿਯਭਾવਂ ਕਾਤੁਂ ਸਮਤ੍ਥਂ ਞਾਣਦਸ੍ਸਨવਿਸੇਸਂ। ਹਾਰਹਾਰਿਨੀਤਿ ਹਰਿਤਬ੍ਬਂ ਹਰਿਤੁਂ ਸਮਤ੍ਥਾ। ਨਙ੍ਗਲਮੁਖਾਨੀਤਿ ਮਾਤਿਕਾਮੁਖਾਨਿ। ਤਾਨਿ ਹਿ ਨਙ੍ਗਲਸਰਿਕ੍ਖਕਤ੍ਤਾ ਨਙ੍ਗਲੇਹਿ ਚ ਖਤਤ੍ਤਾ ਨਙ੍ਗਲਮੁਖਾਨੀਤਿ વੁਚ੍ਚਨ੍ਤਿ।
51. Dutiyassa paṭhame āvaraṇavasena āvaraṇā. Nīvaraṇavasena nīvaraṇā. Ceto ajjhāruhantīti cetaso ajjhāruhā. Vipassanāpaññañca maggapaññañca uppattinivāraṇaṭṭhena dubbalaṃ karontīti paññāya dubbalīkaraṇā. Yā vā etehi saddhiṃ vokiṇṇā paññā uppajjati, taṃ dubbalaṃ karontītipi paññāya dubbalīkaraṇā. Abalāyāti pañcanīvaraṇapariyonaddhattā apagatabalāya. Uttari vā manussadhammā alamariyañāṇadassanavisesanti dasakusalakammapathasaṅkhātā manussadhammā uttari ariyabhāvaṃ kātuṃ samatthaṃ ñāṇadassanavisesaṃ. Hārahārinīti haritabbaṃ harituṃ samatthā. Naṅgalamukhānīti mātikāmukhāni. Tāni hi naṅgalasarikkhakattā naṅgalehi ca khatattā naṅgalamukhānīti vuccanti.
ਏવਮੇવ ਖੋਤਿ ਏਤ੍ਥ ਸੋਤਂ વਿਯ વਿਪਸ੍ਸਨਾਞਾਣਂ ਦਟ੍ਠਬ੍ਬਂ, ਉਭਤੋ ਨਙ੍ਗਲਮੁਖਾਨਂ વਿવਰਣਕਾਲੋ વਿਯ ਛਸੁ ਦ੍વਾਰੇਸੁ ਸਂવਰਸ੍ਸ વਿਸ੍ਸਟ੍ਠਕਾਲੋ, ਮਜ੍ਝੇਨਦਿਯਾ ਰੁਕ੍ਖਪਾਦੇ ਕੋਟ੍ਟੇਤ੍વਾ ਪਲਾਲਤਿਣਮਤ੍ਤਿਕਾਹਿ ਆવਰਣੇ ਕਤੇ ਉਦਕਸ੍ਸ વਿਕ੍ਖਿਤ੍ਤવਿਸਟਬ੍ਯਾਦਿਣ੍ਣਕਾਲੋ વਿਯ ਪਞ੍ਚਹਿ ਨੀવਰਣੇਹਿ ਪਰਿਯੋਨਦ੍ਧਕਾਲੋ, ਏવਂ ਆવਰਣੇ ਕਤੇ વਿਹਤવੇਗਸ੍ਸ ਉਦਕਸ੍ਸ ਤਿਣਪਲਾਲਾਦੀਨਿ ਪਰਿਕਡ੍ਢਿਤ੍વਾ ਸਮੁਦ੍ਦਂ ਪਾਪੁਣਿਤੁਂ ਅਸਮਤ੍ਥਕਾਲੋ વਿਯ વਿਪਸ੍ਸਨਾਞਾਣੇਨ ਸਬ੍ਬਾਕੁਸਲੇ વਿਦ੍ਧਂਸੇਤ੍વਾ ਨਿਬ੍ਬਾਨਸਾਗਰਂ ਪਾਪੁਣਿਤੁਂ ਅਸਮਤ੍ਥਕਾਲੋ વੇਦਿਤਬ੍ਬੋ। ਸੁਕ੍ਕਪਕ੍ਖੇ વੁਤ੍ਤવਿਪਲ੍ਲਾਸੇਨ ਯੋਜਨਾ ਕਾਤਬ੍ਬਾ। ਇਮਸ੍ਮਿਂ ਸੁਤ੍ਤੇ વਟ੍ਟવਿવਟ੍ਟਂ ਕਥਿਤਂ। ਦੁਤਿਯਂ ਉਤ੍ਤਾਨਤ੍ਥਮੇવ।
Evameva khoti ettha sotaṃ viya vipassanāñāṇaṃ daṭṭhabbaṃ, ubhato naṅgalamukhānaṃ vivaraṇakālo viya chasu dvāresu saṃvarassa vissaṭṭhakālo, majjhenadiyā rukkhapāde koṭṭetvā palālatiṇamattikāhi āvaraṇe kate udakassa vikkhittavisaṭabyādiṇṇakālo viya pañcahi nīvaraṇehi pariyonaddhakālo, evaṃ āvaraṇe kate vihatavegassa udakassa tiṇapalālādīni parikaḍḍhitvā samuddaṃ pāpuṇituṃ asamatthakālo viya vipassanāñāṇena sabbākusale viddhaṃsetvā nibbānasāgaraṃ pāpuṇituṃ asamatthakālo veditabbo. Sukkapakkhe vuttavipallāsena yojanā kātabbā. Imasmiṃ sutte vaṭṭavivaṭṭaṃ kathitaṃ. Dutiyaṃ uttānatthameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਆવਰਣਸੁਤ੍ਤਂ • 1. Āvaraṇasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੨. ਆવਰਣਸੁਤ੍ਤਾਦਿવਣ੍ਣਨਾ • 1-2. Āvaraṇasuttādivaṇṇanā
