| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
4. போ⁴ஜனவக்³கோ³
4. Bhojanavaggo
1. ஆவஸத²பிண்ட³ஸிக்கா²பத³வண்ணனா
1. Āvasathapiṇḍasikkhāpadavaṇṇanā
203-4. பூக³ஸ்ஸாதி பூகே³ன. குக்குச்சாயந்தோதி நிஸ்ஸரணேனெத்த² ப⁴விதப்³ப³ங், தங் மயங் ந ஜானாமாதி ஸன்னிட்டா²னஸ்ஸ கரணவஸேன ‘‘குக்குச்சாயந்தோ’’தி வுச்சதி. யதா² ஹி ஆயஸ்மா உபாலி நயக்³கா³ஹேன ‘‘அனாபத்தி ஆவுஸோ ஸுபினந்தேனா’’தி (பாரா॰ 78) ஆஹ, ததா² தே²ரோபி ‘‘அனாபத்தி கி³லானஸ்ஸா’’தி கஸ்மா ந பரிச்சி²ந்த³தீதி? அனத்தாதி⁴காரத்தா வினயபஞ்ஞத்தியா, ‘‘நாயங் அத்தனோ ஓகாஸோ’’தி படிக்கி²த்தத்தா, ஸிக்கா²பத³ஸ்ஸ அபரிபுண்ணத்தா. பட²மபாராஜிகஸிக்கா²பதே³ பரிபுண்ணங் கத்வா பஞ்ஞத்தேயேவ ஹி ஸோ தே²ரோ ‘‘அனாபத்தி ஸுபினந்தேனா’’தி ஆஹ ‘‘அஞ்ஞத்ர ஸுபினந்தா’’தி வுத்தபதா³னுஸாரேனாதி. யஸ்மா ஓதி³ஸ்ஸ அயாவத³த்தே²வ தா³யகானங் பீளா நத்தி², தஸ்மா ‘‘அனோதி³ஸ்ஸ யாவத³த்தோ²’’தி வுத்தங்.
203-4.Pūgassāti pūgena. Kukkuccāyantoti nissaraṇenettha bhavitabbaṃ, taṃ mayaṃ na jānāmāti sanniṭṭhānassa karaṇavasena ‘‘kukkuccāyanto’’ti vuccati. Yathā hi āyasmā upāli nayaggāhena ‘‘anāpatti āvuso supinantenā’’ti (pārā. 78) āha, tathā theropi ‘‘anāpatti gilānassā’’ti kasmā na paricchindatīti? Anattādhikārattā vinayapaññattiyā, ‘‘nāyaṃ attano okāso’’ti paṭikkhittattā, sikkhāpadassa aparipuṇṇattā. Paṭhamapārājikasikkhāpade paripuṇṇaṃ katvā paññatteyeva hi so thero ‘‘anāpatti supinantenā’’ti āha ‘‘aññatra supinantā’’ti vuttapadānusārenāti. Yasmā odissa ayāvadattheva dāyakānaṃ pīḷā natthi, tasmā ‘‘anodissa yāvadattho’’ti vuttaṃ.
208. ‘‘அந்தராமக்³கே³ ஏகதி³வஸ’ந்தி ஏகங்யேவ ஸந்தா⁴ய வுத்த’’ந்தி ச ‘‘ஏஸேவ நயோதி வுத்தனயமேவ த³ஸ்ஸேதுங் க³ந்த்வா பச்சாக³ச்ச²ந்தோ ஹீதிஆதி³மாஹா’’தி ச ‘‘ஸுத்³த⁴சித்தோ ஹுத்வா பகதிக³மனேவ பு⁴ஞ்ஜிதுங் லப⁴தீ’’தி ச ‘‘அகி³லானஸ்ஸ கி³லானஸஞ்ஞினோ காயேன ஸமுட்டா²தீ’’தி ச லிகி²தங்.
208. ‘‘Antarāmagge ekadivasa’nti ekaṃyeva sandhāya vutta’’nti ca ‘‘eseva nayoti vuttanayameva dassetuṃ gantvā paccāgacchanto hītiādimāhā’’ti ca ‘‘suddhacitto hutvā pakatigamaneva bhuñjituṃ labhatī’’ti ca ‘‘agilānassa gilānasaññino kāyena samuṭṭhātī’’ti ca likhitaṃ.
ஆவஸத²பிண்ட³ஸிக்கா²பத³வண்ணனா நிட்டி²தா.
Āvasathapiṇḍasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 4. போ⁴ஜனவக்³கோ³ • 4. Bhojanavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 1. ஆவஸத²பிண்ட³ஸிக்கா²பத³வண்ணனா • 1. Āvasathapiṇḍasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. ஆவஸத²பிண்ட³ஸிக்கா²பத³வண்ணனா • 1. Āvasathapiṇḍasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. ஆவஸத²பிண்ட³ஸிக்கா²பத³வண்ணனா • 1. Āvasathapiṇḍasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 1. ஆவஸத²பிண்ட³ஸிக்கா²பத³-அத்த²யோஜனா • 1. Āvasathapiṇḍasikkhāpada-atthayojanā
