| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
4. бхож̇анаваг̇г̇о
4. Bhojanavaggo
1. аавасат̇абин̣д̣асигкаабад̣̇аван̣н̣анаа
1. Āvasathapiṇḍasikkhāpadavaṇṇanā
206. бхож̇анаваг̇г̇асса батамасигкаабад̣̇з ад̣̇д̇хаяож̇анам̣ ваа яож̇анам̣ ваа г̇анд̇ум̣ саггод̇ийд̇и зд̇т̇а д̇ад̇д̇агам̣ г̇анд̇ум̣ саггонд̇ассаби д̇аавад̇агам̣ г̇анд̇ваа алад̣̇д̇хабхигкасса ид̇о бхун̃ж̇ид̇ум̣ ваддад̇и. имзсам̣язваад̇и имзсам̣ баасан̣д̣аанам̣язва. зд̇д̇агаананд̇и имасмим̣ баасан̣д̣з зд̇д̇агаанам̣. згад̣̇ивасам̣ бхун̃ж̇ид̇аб̣б̣анд̇и згад̣̇ивасам̣ сагим̣язва бхун̃ж̇ид̇аб̣б̣ам̣. ‘‘згад̣̇ивасам̣ бхун̃ж̇ид̇аб̣б̣а’’нд̇и важанад̇о бана згасмим̣ д̣̇ивасз бунаббунам̣ бхун̃ж̇ид̇ум̣ ваддад̇ийд̇и на г̇ахзд̇аб̣б̣ам̣. буна аад̣̇ид̇о бадтааяа бхун̃ж̇ид̇ум̣ на ваддад̇ийд̇и иминаа батамам̣ бхуд̇д̇адтаанзсу буна згасмимби таанз бхун̃ж̇ид̇ум̣ на ваддад̇ийд̇и д̣̇ассзд̇и.
206. Bhojanavaggassa paṭhamasikkhāpade addhayojanaṃ vā yojanaṃ vā gantuṃ sakkotīti ettha tattakaṃ gantuṃ sakkontassapi tāvatakaṃ gantvā aladdhabhikkhassa ito bhuñjituṃ vaṭṭati. Imesaṃyevāti imesaṃ pāsaṇḍānaṃyeva. Ettakānanti imasmiṃ pāsaṇḍe ettakānaṃ. Ekadivasaṃ bhuñjitabbanti ekadivasaṃ sakiṃyeva bhuñjitabbaṃ. ‘‘Ekadivasaṃ bhuñjitabba’’nti vacanato pana ekasmiṃ divase punappunaṃ bhuñjituṃ vaṭṭatīti na gahetabbaṃ. Puna ādito paṭṭhāya bhuñjituṃ na vaṭṭatīti iminā paṭhamaṃ bhuttaṭṭhānesu puna ekasmimpi ṭhāne bhuñjituṃ na vaṭṭatīti dasseti.
208. ‘‘г̇ажчанд̇о ваа ааг̇ажчанд̇о ваад̇и ид̣̇ам̣ ад̣̇д̇хаяож̇анавасзна г̇ахзд̇аб̣б̣а’’нд̇и вад̣̇анд̇и. анд̇араамаг̇г̇з г̇ад̇адтаанзд̇и згассзва санд̇агам̣ санд̇хааяа вуд̇д̇ам̣. ‘‘ааг̇ажчанд̇зби зсзва наяо’’д̇и сан̇кзбзна вуд̇д̇амзвад̇т̇ам̣ вибхаавзнд̇о ‘‘г̇анд̇ваа бажжааг̇ажчанд̇о’’д̇иаад̣̇имааха. аабад̇д̇идтаанзязва буна бхун̃ж̇анд̇асса анаабад̇д̇и вад̇д̇аб̣б̣аад̇и г̇аманз ааг̇аманз жа батамам̣ бхож̇анам̣ авад̇ваа анд̇араамаг̇г̇з згад̣̇ивасам̣ г̇ад̇адтаанз жа згад̣̇ивасанд̇и бунаббунам̣ бхож̇анамзва д̣̇ассид̇ам̣, г̇аманад̣̇ивасз бана ааг̇аманад̣̇ивасз жа ‘‘г̇амиссаами ааг̇амиссаамий’’д̇и бхун̃ж̇ид̇ум̣ ваддад̇иязва. суд̣̇д̇хажид̇д̇зна бунаббунам̣ бхун̃ж̇анд̇ассаби бунаббунам̣ бхож̇анз анаабад̇д̇и. ан̃н̃ассад̇т̇ааяа уд̣̇д̣̇исид̇ваа бан̃н̃ад̇д̇ам̣ бхигкуно г̇ахзд̇умзва на ваддад̇ийд̇и ааха ‘‘бхигкуунам̣язва ад̇т̇ааяаа’’д̇и. сзсамзд̇т̇а уд̇д̇аанамзва. аавасат̇абин̣д̣ад̇аа, аг̇илаанад̇аа, анувасид̇ваа бхож̇ананд̇и имаани банзд̇т̇а д̇ийн̣и ан̇г̇аани.
208.‘‘Gacchanto vā āgacchanto vāti idaṃ addhayojanavasena gahetabba’’nti vadanti. Antarāmagge gataṭṭhāneti ekasseva santakaṃ sandhāya vuttaṃ. ‘‘Āgacchantepi eseva nayo’’ti saṅkhepena vuttamevatthaṃ vibhāvento ‘‘gantvā paccāgacchanto’’tiādimāha. Āpattiṭṭhāneyeva puna bhuñjantassa anāpatti vattabbāti gamane āgamane ca paṭhamaṃ bhojanaṃ avatvā antarāmagge ekadivasaṃ gataṭṭhāne ca ekadivasanti punappunaṃ bhojanameva dassitaṃ, gamanadivase pana āgamanadivase ca ‘‘gamissāmi āgamissāmī’’ti bhuñjituṃ vaṭṭatiyeva. Suddhacittena punappunaṃ bhuñjantassapi punappunaṃ bhojane anāpatti. Aññassatthāya uddisitvā paññattaṃ bhikkhuno gahetumeva na vaṭṭatīti āha ‘‘bhikkhūnaṃyeva atthāyā’’ti. Sesamettha uttānameva. Āvasathapiṇḍatā, agilānatā, anuvasitvā bhojananti imāni panettha tīṇi aṅgāni.
аавасат̇абин̣д̣асигкаабад̣̇аван̣н̣анаа нидтид̇аа.
Āvasathapiṇḍasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. аавасат̇абин̣д̣асигкаабад̣̇аван̣н̣анаа • 1. Āvasathapiṇḍasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. аавасат̇абин̣д̣асигкаабад̣̇аван̣н̣анаа • 1. Āvasathapiṇḍasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. аавасат̇абин̣д̣асигкаабад̣̇аван̣н̣анаа • 1. Āvasathapiṇḍasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. аавасат̇абин̣д̣асигкаабад̣̇а-ад̇т̇аяож̇анаа • 1. Āvasathapiṇḍasikkhāpada-atthayojanā
