| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੪. ਭੋਜਨવਗ੍ਗੋ
4. Bhojanavaggo
੧. ਆવਸਥਪਿਣ੍ਡਸਿਕ੍ਖਾਪਦવਣ੍ਣਨਾ
1. Āvasathapiṇḍasikkhāpadavaṇṇanā
੨੦੬. ਭੋਜਨવਗ੍ਗਸ੍ਸ ਪਠਮਸਿਕ੍ਖਾਪਦੇ ਅਦ੍ਧਯੋਜਨਂ વਾ ਯੋਜਨਂ વਾ ਗਨ੍ਤੁਂ ਸਕ੍ਕੋਤੀਤਿ ਏਤ੍ਥ ਤਤ੍ਤਕਂ ਗਨ੍ਤੁਂ ਸਕ੍ਕੋਨ੍ਤਸ੍ਸਪਿ ਤਾવਤਕਂ ਗਨ੍ਤ੍વਾ ਅਲਦ੍ਧਭਿਕ੍ਖਸ੍ਸ ਇਤੋ ਭੁਞ੍ਜਿਤੁਂ વਟ੍ਟਤਿ। ਇਮੇਸਂਯੇવਾਤਿ ਇਮੇਸਂ ਪਾਸਣ੍ਡਾਨਂਯੇવ। ਏਤ੍ਤਕਾਨਨ੍ਤਿ ਇਮਸ੍ਮਿਂ ਪਾਸਣ੍ਡੇ ਏਤ੍ਤਕਾਨਂ। ਏਕਦਿવਸਂ ਭੁਞ੍ਜਿਤਬ੍ਬਨ੍ਤਿ ਏਕਦਿવਸਂ ਸਕਿਂਯੇવ ਭੁਞ੍ਜਿਤਬ੍ਬਂ। ‘‘ਏਕਦਿવਸਂ ਭੁਞ੍ਜਿਤਬ੍ਬ’’ਨ੍ਤਿ વਚਨਤੋ ਪਨ ਏਕਸ੍ਮਿਂ ਦਿવਸੇ ਪੁਨਪ੍ਪੁਨਂ ਭੁਞ੍ਜਿਤੁਂ વਟ੍ਟਤੀਤਿ ਨ ਗਹੇਤਬ੍ਬਂ। ਪੁਨ ਆਦਿਤੋ ਪਟ੍ਠਾਯ ਭੁਞ੍ਜਿਤੁਂ ਨ વਟ੍ਟਤੀਤਿ ਇਮਿਨਾ ਪਠਮਂ ਭੁਤ੍ਤਟ੍ਠਾਨੇਸੁ ਪੁਨ ਏਕਸ੍ਮਿਮ੍ਪਿ ਠਾਨੇ ਭੁਞ੍ਜਿਤੁਂ ਨ વਟ੍ਟਤੀਤਿ ਦਸ੍ਸੇਤਿ।
206. Bhojanavaggassa paṭhamasikkhāpade addhayojanaṃ vā yojanaṃ vā gantuṃ sakkotīti ettha tattakaṃ gantuṃ sakkontassapi tāvatakaṃ gantvā aladdhabhikkhassa ito bhuñjituṃ vaṭṭati. Imesaṃyevāti imesaṃ pāsaṇḍānaṃyeva. Ettakānanti imasmiṃ pāsaṇḍe ettakānaṃ. Ekadivasaṃ bhuñjitabbanti ekadivasaṃ sakiṃyeva bhuñjitabbaṃ. ‘‘Ekadivasaṃ bhuñjitabba’’nti vacanato pana ekasmiṃ divase punappunaṃ bhuñjituṃ vaṭṭatīti na gahetabbaṃ. Puna ādito paṭṭhāya bhuñjituṃ na vaṭṭatīti iminā paṭhamaṃ bhuttaṭṭhānesu puna ekasmimpi ṭhāne bhuñjituṃ na vaṭṭatīti dasseti.
੨੦੮. ‘‘ਗਚ੍ਛਨ੍ਤੋ વਾ ਆਗਚ੍ਛਨ੍ਤੋ વਾਤਿ ਇਦਂ ਅਦ੍ਧਯੋਜਨવਸੇਨ ਗਹੇਤਬ੍ਬ’’ਨ੍ਤਿ વਦਨ੍ਤਿ। ਅਨ੍ਤਰਾਮਗ੍ਗੇ ਗਤਟ੍ਠਾਨੇਤਿ ਏਕਸ੍ਸੇવ ਸਨ੍ਤਕਂ ਸਨ੍ਧਾਯ વੁਤ੍ਤਂ। ‘‘ਆਗਚ੍ਛਨ੍ਤੇਪਿ ਏਸੇવ ਨਯੋ’’ਤਿ ਸਙ੍ਖੇਪੇਨ વੁਤ੍ਤਮੇવਤ੍ਥਂ વਿਭਾવੇਨ੍ਤੋ ‘‘ਗਨ੍ਤ੍વਾ ਪਚ੍ਚਾਗਚ੍ਛਨ੍ਤੋ’’ਤਿਆਦਿਮਾਹ। ਆਪਤ੍ਤਿਟ੍ਠਾਨੇਯੇવ ਪੁਨ ਭੁਞ੍ਜਨ੍ਤਸ੍ਸ ਅਨਾਪਤ੍ਤਿ વਤ੍ਤਬ੍ਬਾਤਿ ਗਮਨੇ ਆਗਮਨੇ ਚ ਪਠਮਂ ਭੋਜਨਂ ਅવਤ੍વਾ ਅਨ੍ਤਰਾਮਗ੍ਗੇ ਏਕਦਿવਸਂ ਗਤਟ੍ਠਾਨੇ ਚ ਏਕਦਿવਸਨ੍ਤਿ ਪੁਨਪ੍ਪੁਨਂ ਭੋਜਨਮੇવ ਦਸ੍ਸਿਤਂ, ਗਮਨਦਿવਸੇ ਪਨ ਆਗਮਨਦਿવਸੇ ਚ ‘‘ਗਮਿਸ੍ਸਾਮਿ ਆਗਮਿਸ੍ਸਾਮੀ’’ਤਿ ਭੁਞ੍ਜਿਤੁਂ વਟ੍ਟਤਿਯੇવ। ਸੁਦ੍ਧਚਿਤ੍ਤੇਨ ਪੁਨਪ੍ਪੁਨਂ ਭੁਞ੍ਜਨ੍ਤਸ੍ਸਪਿ ਪੁਨਪ੍ਪੁਨਂ ਭੋਜਨੇ ਅਨਾਪਤ੍ਤਿ। ਅਞ੍ਞਸ੍ਸਤ੍ਥਾਯ ਉਦ੍ਦਿਸਿਤ੍વਾ ਪਞ੍ਞਤ੍ਤਂ ਭਿਕ੍ਖੁਨੋ ਗਹੇਤੁਮੇવ ਨ વਟ੍ਟਤੀਤਿ ਆਹ ‘‘ਭਿਕ੍ਖੂਨਂਯੇવ ਅਤ੍ਥਾਯਾ’’ਤਿ। ਸੇਸਮੇਤ੍ਥ ਉਤ੍ਤਾਨਮੇવ। ਆવਸਥਪਿਣ੍ਡਤਾ, ਅਗਿਲਾਨਤਾ, ਅਨੁવਸਿਤ੍વਾ ਭੋਜਨਨ੍ਤਿ ਇਮਾਨਿ ਪਨੇਤ੍ਥ ਤੀਣਿ ਅਙ੍ਗਾਨਿ।
208.‘‘Gacchanto vā āgacchanto vāti idaṃ addhayojanavasena gahetabba’’nti vadanti. Antarāmagge gataṭṭhāneti ekasseva santakaṃ sandhāya vuttaṃ. ‘‘Āgacchantepi eseva nayo’’ti saṅkhepena vuttamevatthaṃ vibhāvento ‘‘gantvā paccāgacchanto’’tiādimāha. Āpattiṭṭhāneyeva puna bhuñjantassa anāpatti vattabbāti gamane āgamane ca paṭhamaṃ bhojanaṃ avatvā antarāmagge ekadivasaṃ gataṭṭhāne ca ekadivasanti punappunaṃ bhojanameva dassitaṃ, gamanadivase pana āgamanadivase ca ‘‘gamissāmi āgamissāmī’’ti bhuñjituṃ vaṭṭatiyeva. Suddhacittena punappunaṃ bhuñjantassapi punappunaṃ bhojane anāpatti. Aññassatthāya uddisitvā paññattaṃ bhikkhuno gahetumeva na vaṭṭatīti āha ‘‘bhikkhūnaṃyeva atthāyā’’ti. Sesamettha uttānameva. Āvasathapiṇḍatā, agilānatā, anuvasitvā bhojananti imāni panettha tīṇi aṅgāni.
ਆવਸਥਪਿਣ੍ਡਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Āvasathapiṇḍasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਭੋਜਨવਗ੍ਗੋ • 4. Bhojanavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੧. ਆવਸਥਪਿਣ੍ਡਸਿਕ੍ਖਾਪਦવਣ੍ਣਨਾ • 1. Āvasathapiṇḍasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਆવਸਥਪਿਣ੍ਡਸਿਕ੍ਖਾਪਦવਣ੍ਣਨਾ • 1. Āvasathapiṇḍasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਆવਸਥਪਿਣ੍ਡਸਿਕ੍ਖਾਪਦવਣ੍ਣਨਾ • 1. Āvasathapiṇḍasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਆવਸਥਪਿਣ੍ਡਸਿਕ੍ਖਾਪਦ-ਅਤ੍ਥਯੋਜਨਾ • 1. Āvasathapiṇḍasikkhāpada-atthayojanā
