| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
4. бхож̇анаваг̇г̇о
4. Bhojanavaggo
1. аавасат̇асигкаабад̣̇аван̣н̣анаа
1. Āvasathasikkhāpadavaṇṇanā
‘‘аг̇илаано’’д̇и зд̇т̇а анд̇амасо д̣̇виг̇аавуд̇ам̣ г̇анд̇ум̣ самад̇т̇о ад̇хиббзд̇од̇и ааха ‘‘ад̣̇д̇хаяож̇анамби г̇анд̇ум̣ самад̇т̇знаа’’д̇и. аавасат̇абин̣д̣од̇и аавасат̇з бин̣д̣о, саалаад̣̇ийсу анод̣̇исса яаавад̣̇ад̇т̇ам̣ бан̃н̃ад̇д̇ам̣ бан̃жаннам̣ бхож̇анаанам̣ ан̃н̃ад̇арам̣ бхож̇ананд̇и ад̇т̇о. д̇знааха ‘‘имзсам̣ ваа’’д̇иаад̣̇и. д̇ад̇т̇а имзсам̣ ваад̇и имзсам̣ баасан̣д̣аанам̣ ваа. зд̇д̇агаанам̣ ваад̇и имасмим̣ баасан̣д̣з зд̇д̇агаанам̣ баасан̣д̣аанам̣ ваа. баасан̣д̣анд̇и чаннавуд̇ивид̇хам̣ саман̣абариб̣б̣ааж̇агаад̣̇им̣. д̇з хи д̇ан̣хаабаасан̃жзва д̣̇идтибаасан̃жа д̣знд̇и од̣д̣знд̇ийд̇и баасан̣д̣аад̇и вужжанд̇и. анод̣̇иссаад̇и ануд̣̇д̣̇исид̇ваа, абарижчинд̣̇ид̇ваад̇и ад̇т̇о. саалаад̣̇ийсу яад̇т̇а гад̇т̇ажийд̇и саалааругкамуулааб̣бхогаасаад̣̇ийсу яад̇т̇а гад̇т̇ажи таанзсу. згад̣̇ивасамзва бхун̃ж̇ид̇аб̣б̣од̇и згад̣̇ивасам̣ сагим̣язва бхун̃ж̇ид̇аб̣б̣о, згасмим̣ д̣̇ивасз бунаббунам̣ бхун̃ж̇ид̇ум̣ на ваддад̇и. д̣̇уд̇ияад̣̇ивасад̇о бадтааяаад̇и бхуд̇д̇ад̣̇ивасасса д̣̇уд̇ияад̣̇ивасад̇о бадтааяа. аж̇жхохаарз аж̇жхохаарз баажид̇д̇ияанд̇и аалобз аалобз габ̣ал̣з габ̣ал̣з баажид̇д̇ияам̣. наанаагулзхи (баажи. адта. 206) бана наанаадтаанзсу бан̃н̃ад̇д̇ам̣, згасмим̣ таанз згад̣̇ивасам̣ бхун̃ж̇ид̇ваа д̣̇уд̇ияад̣̇ивасз ан̃н̃ад̇т̇а бхун̃ж̇ид̇ум̣ ваддад̇и, бадибаадим̣ бана кзбзд̇ваа буна аад̣̇ид̇о бадтааяа бхун̃ж̇ид̇ум̣ на ваддад̇и. згабууг̇анаанаабууг̇азгаг̇ааманаанааг̇аамзсуби зсзва наяо. яоби згагуласса ваа наанаагулаанам̣ ваа згад̇о бан̃н̃ад̇д̇о д̇ан̣д̣улаад̣̇ийнам̣ абхаавзна анд̇аранд̇араа чиж̇ж̇ад̇и, соби на бхун̃ж̇ид̇аб̣б̣о. сажз бана ‘‘на саггома д̣̇аад̇у’’нд̇и убажчинд̣̇ид̇ваа буна галяаан̣ажид̇д̇з уббаннз д̣̇аад̇ум̣ аарабханд̇и, зд̇ам̣ буна згад̣̇ивасам̣ бхун̃ж̇ид̇ум̣ ваддад̇и.
‘‘Agilāno’’ti ettha antamaso dvigāvutaṃ gantuṃ samattho adhippetoti āha ‘‘addhayojanampi gantuṃ samatthenā’’ti. Āvasathapiṇḍoti āvasathe piṇḍo, sālādīsu anodissa yāvadatthaṃ paññattaṃ pañcannaṃ bhojanānaṃ aññataraṃ bhojananti attho. Tenāha ‘‘imesaṃ vā’’tiādi. Tattha imesaṃ vāti imesaṃ pāsaṇḍānaṃ vā. Ettakānaṃ vāti imasmiṃ pāsaṇḍe ettakānaṃ pāsaṇḍānaṃ vā. Pāsaṇḍanti channavutividhaṃ samaṇaparibbājakādiṃ. Te hi taṇhāpāsañceva diṭṭhipāsañca ḍenti oḍḍentīti pāsaṇḍāti vuccanti. Anodissāti anuddisitvā, aparicchinditvāti attho. Sālādīsu yattha katthacīti sālārukkhamūlaabbhokāsādīsu yattha katthaci ṭhānesu. Ekadivasameva bhuñjitabboti ekadivasaṃ sakiṃyeva bhuñjitabbo, ekasmiṃ divase punappunaṃ bhuñjituṃ na vaṭṭati. Dutiyadivasato paṭṭhāyāti bhuttadivasassa dutiyadivasato paṭṭhāya. Ajjhohāre ajjhohāre pācittiyanti ālope ālope kabaḷe kabaḷe pācittiyaṃ. Nānākulehi (pāci. aṭṭha. 206) pana nānāṭṭhānesu paññattaṃ, ekasmiṃ ṭhāne ekadivasaṃ bhuñjitvā dutiyadivase aññattha bhuñjituṃ vaṭṭati, paṭipāṭiṃ pana khepetvā puna ādito paṭṭhāya bhuñjituṃ na vaṭṭati. Ekapūganānāpūgaekagāmanānāgāmesupi eseva nayo. Yopi ekakulassa vā nānākulānaṃ vā ekato paññatto taṇḍulādīnaṃ abhāvena antarantarā chijjati, sopi na bhuñjitabbo. Sace pana ‘‘na sakkoma dātu’’nti upacchinditvā puna kalyāṇacitte uppanne dātuṃ ārabhanti, etaṃ puna ekadivasaṃ bhuñjituṃ vaṭṭati.
д̇игабаажид̇д̇ияанд̇и аг̇илаанз аг̇илаанасан̃н̃ивзмад̇игаг̇илаанасан̃н̃ийнам̣ васзна д̇ийн̣и баажид̇д̇ияаани. г̇илаанасса г̇илаанасан̃н̃инод̇и г̇илаанасса бана ‘‘г̇илаано аха’’нд̇и сан̃н̃ино анувасид̇ваа бхун̃ж̇анд̇асса анаабад̇д̇и. сагим̣ бхун̃ж̇ад̇ийд̇и згад̣̇ивасам̣ бхун̃ж̇ад̇и. ‘‘г̇ажчанд̇о ваа’’д̇и ид̣̇ам̣ ад̣̇д̇хаяож̇анавасзна г̇ахзд̇аб̣б̣ам̣, д̇ат̇аа ‘‘бажжааг̇ажчанд̇о’’д̇и (саарад̇т̇а. дий. баажид̇д̇ияа 3.208) ид̣̇амбийд̇и вад̣̇анд̇и. гзнажи убад̣̇д̣̇авзнаад̇и над̣̇ибууражорабхаяаад̣̇инаа гзнажи убад̣̇д̣̇авзна. ан̃н̃анд̇и яааг̇укаж̇ж̇агапалаапалаад̣̇ибхзд̣̇ам̣ яам̣ гин̃жи ан̃н̃ам̣. анувасид̇ваад̇и буна васид̇ваа.
Tikapācittiyanti agilāne agilānasaññivematikagilānasaññīnaṃ vasena tīṇi pācittiyāni. Gilānassa gilānasaññinoti gilānassa pana ‘‘gilāno aha’’nti saññino anuvasitvā bhuñjantassa anāpatti. Sakiṃ bhuñjatīti ekadivasaṃ bhuñjati. ‘‘Gacchanto vā’’ti idaṃ addhayojanavasena gahetabbaṃ, tathā ‘‘paccāgacchanto’’ti (sārattha. ṭī. pācittiya 3.208) idampīti vadanti. Kenaci upaddavenāti nadipūracorabhayādinā kenaci upaddavena. Aññanti yāgukhajjakaphalāphalādibhedaṃ yaṃ kiñci aññaṃ. Anuvasitvāti puna vasitvā.
аавасат̇асигкаабад̣̇аван̣н̣анаа нидтид̇аа.
Āvasathasikkhāpadavaṇṇanā niṭṭhitā.
