| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
(24) 4. ааваасигаваг̇г̇о
(24) 4. Āvāsikavaggo
1. ааваасигасуд̇д̇ам̣
1. Āvāsikasuttaṃ
231. ‘‘бан̃жахи , бхигкавз, д̇хаммзхи саманнааг̇ад̇о ааваасиго бхигку абхааванийяо ход̇и. гад̇амзхи бан̃жахи? на аагаббасамбанно ход̇и на вад̇д̇асамбанно; на б̣ахуссуд̇о ход̇и на суд̇ад̇харо; на бадисаллзкид̇аа 1 ход̇и на бадисаллаанаараамо; на галяаан̣аваажо ход̇и на галяаан̣авааггаран̣о; д̣̇уббан̃н̃о ход̇и ж̇ал̣о зл̣амууг̇о. имзхи ко, бхигкавз, бан̃жахи д̇хаммзхи саманнааг̇ад̇о ааваасиго бхигку абхааванийяо ход̇и.
231. ‘‘Pañcahi , bhikkhave, dhammehi samannāgato āvāsiko bhikkhu abhāvanīyo hoti. Katamehi pañcahi? Na ākappasampanno hoti na vattasampanno; na bahussuto hoti na sutadharo; na paṭisallekhitā 2 hoti na paṭisallānārāmo; na kalyāṇavāco hoti na kalyāṇavākkaraṇo; duppañño hoti jaḷo eḷamūgo. Imehi kho, bhikkhave, pañcahi dhammehi samannāgato āvāsiko bhikkhu abhāvanīyo hoti.
‘‘бан̃жахи, бхигкавз, д̇хаммзхи саманнааг̇ад̇о ааваасиго бхигку бхааванийяо ход̇и. гад̇амзхи бан̃жахи? аагаббасамбанно ход̇и вад̇д̇асамбанно; б̣ахуссуд̇о ход̇и суд̇ад̇харо; бадисаллзкид̇аа ход̇и бадисаллаанаараамо; галяаан̣аваажо ход̇и галяаан̣авааггаран̣о; бан̃н̃аваа ход̇и аж̇ал̣о анзл̣амууг̇о. имзхи ко, бхигкавз, бан̃жахи д̇хаммзхи саманнааг̇ад̇о ааваасиго бхигку бхааванийяо ход̇ий’’д̇и. батамам̣.
‘‘Pañcahi, bhikkhave, dhammehi samannāgato āvāsiko bhikkhu bhāvanīyo hoti. Katamehi pañcahi? Ākappasampanno hoti vattasampanno; bahussuto hoti sutadharo; paṭisallekhitā hoti paṭisallānārāmo; kalyāṇavāco hoti kalyāṇavākkaraṇo; paññavā hoti ajaḷo aneḷamūgo. Imehi kho, bhikkhave, pañcahi dhammehi samannāgato āvāsiko bhikkhu bhāvanīyo hotī’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. ааваасигасуд̇д̇аван̣н̣анаа • 1. Āvāsikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. батамад̣̇ийгхажааригасуд̇д̇аад̣̇иван̣н̣анаа • 1-10. Paṭhamadīghacārikasuttādivaṇṇanā
