| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
ааваасигавад̇д̇агат̇аа
Āvāsikavattakathā
359. ааваасигавад̇д̇з – аасанам̣ бан̃н̃абзд̇аб̣б̣анд̇и звамаад̣̇и саб̣б̣ам̣ вуд̣дхад̇арз ааг̇ад̇з жийварагаммам̣ ваа навагаммам̣ ваа табзд̇вааби гаад̇аб̣б̣ам̣. жзд̇ияан̇г̇ан̣ам̣ саммаж̇ж̇анд̇зна саммаж̇ж̇аним̣ нигкибид̇ваа д̇асса вад̇д̇ам̣ гаад̇ум̣ аарабхид̇аб̣б̣ам̣. бан̣д̣ид̇о хи ааг̇анд̇уго ‘‘саммаж̇ж̇аахи д̇аава жзд̇ияан̇г̇ан̣а’’нд̇и вагкад̇и. г̇илаанабхзсаж̇ж̇ам̣ гаронд̇зна бана сажз наад̇иаад̇уро г̇илаано ход̇и, бхзсаж̇ж̇ам̣ агад̇ваа вад̇д̇амзва гаад̇аб̣б̣ам̣. махааг̇илаанасса бана бхзсаж̇ж̇амзва гаад̇аб̣б̣ам̣. бан̣д̣ид̇о хи ааг̇анд̇уго ‘‘гарохи д̇аава бхзсаж̇ж̇а’’нд̇и вагкад̇и. баанийязна бужчанд̇зна сажз сагим̣ аанийд̇ам̣ баанийяам̣ саб̣б̣ам̣ бивад̇и , ‘‘буна аанзмий’’д̇и бужчид̇аб̣б̣оязва. абижа б̣ийж̇анзнаби б̣ийж̇ид̇аб̣б̣о, б̣ийж̇анд̇зна сагим̣ баад̣̇абидтияам̣ б̣ийж̇ид̇ваа сагим̣ маж̇жхз сагим̣ сийсз б̣ийж̇ид̇аб̣б̣ам̣, ‘‘алам̣ ход̇уу’’д̇и вуд̇д̇зна д̇ад̇о манд̣̇ад̇арам̣ б̣ийж̇ид̇аб̣б̣ам̣. буна ‘‘ала’’нд̇и вуд̇д̇зна д̇ад̇о манд̣̇ад̇арам̣ б̣ийж̇ид̇аб̣б̣ам̣. д̇ад̇ияаваарам̣ вуд̇д̇зна б̣ийж̇аний табзд̇аб̣б̣аа. баад̣̇аабисса д̇ховид̇аб̣б̣аа, д̇ховид̇ваа сажз ад̇д̇ано д̇злам̣ ад̇т̇и, д̇зна магкзд̇аб̣б̣аа. но жз ад̇т̇и, д̇асса санд̇агзна магкзд̇аб̣б̣аа. убааханаабун̃чанам̣ бана ад̇д̇ано руживасзна гаад̇аб̣б̣ам̣. д̇знзва хзд̇т̇а ‘‘сажз уссахад̇ий’’д̇и вуд̇д̇ам̣. д̇асмаа убааханаа абун̃чанд̇ассааби анаабад̇д̇и. ‘‘гад̇т̇а маяхам̣ сзнаасанам̣ баабун̣аад̇ий’’д̇и бужчид̇зна сзнаасанам̣ бан̃н̃абзд̇аб̣б̣ам̣, ‘‘зд̇ам̣ д̇умхаагам̣ сзнаасанам̣ баабун̣аад̇ий’’д̇и звам̣ аажигкид̇аб̣б̣анд̇и ад̇т̇о. бабподзд̇ваа хи бад̇т̇арид̇ум̣ бана ваддад̇иязва.
359. Āvāsikavatte – āsanaṃ paññapetabbanti evamādi sabbaṃ vuḍḍhatare āgate cīvarakammaṃ vā navakammaṃ vā ṭhapetvāpi kātabbaṃ. Cetiyaṅgaṇaṃ sammajjantena sammajjaniṃ nikkhipitvā tassa vattaṃ kātuṃ ārabhitabbaṃ. Paṇḍito hi āgantuko ‘‘sammajjāhi tāva cetiyaṅgaṇa’’nti vakkhati. Gilānabhesajjaṃ karontena pana sace nātiāturo gilāno hoti, bhesajjaṃ akatvā vattameva kātabbaṃ. Mahāgilānassa pana bhesajjameva kātabbaṃ. Paṇḍito hi āgantuko ‘‘karohi tāva bhesajja’’nti vakkhati. Pānīyena pucchantena sace sakiṃ ānītaṃ pānīyaṃ sabbaṃ pivati , ‘‘puna ānemī’’ti pucchitabboyeva. Apica bījanenapi bījitabbo, bījantena sakiṃ pādapiṭṭhiyaṃ bījitvā sakiṃ majjhe sakiṃ sīse bījitabbaṃ, ‘‘alaṃ hotū’’ti vuttena tato mandataraṃ bījitabbaṃ. Puna ‘‘ala’’nti vuttena tato mandataraṃ bījitabbaṃ. Tatiyavāraṃ vuttena bījanī ṭhapetabbā. Pādāpissa dhovitabbā, dhovitvā sace attano telaṃ atthi, tena makkhetabbā. No ce atthi, tassa santakena makkhetabbā. Upāhanāpuñchanaṃ pana attano rucivasena kātabbaṃ. Teneva hettha ‘‘sace ussahatī’’ti vuttaṃ. Tasmā upāhanā apuñchantassāpi anāpatti. ‘‘Kattha mayhaṃ senāsanaṃ pāpuṇātī’’ti pucchitena senāsanaṃ paññapetabbaṃ, ‘‘etaṃ tumhākaṃ senāsanaṃ pāpuṇātī’’ti evaṃ ācikkhitabbanti attho. Papphoṭetvā hi pattharituṃ pana vaṭṭatiyeva.
навагасса вад̇д̇з – баанийяам̣ аажигкид̇аб̣б̣анд̇и ‘‘зд̇ам̣ баанийяам̣ г̇ахзд̇ваа биваахий’’д̇и аажигкид̇аб̣б̣ам̣. барибхож̇анийязби зсзва наяо. сзсам̣ буримасад̣̇исамзва. махааааваасзби ад̇д̇ано санд̇игам̣ самбад̇д̇асса ааг̇анд̇угасса вад̇д̇ам̣ агаад̇ум̣ на лабхад̇и.
Navakassa vatte – pānīyaṃ ācikkhitabbanti ‘‘etaṃ pānīyaṃ gahetvā pivāhī’’ti ācikkhitabbaṃ. Paribhojanīyepi eseva nayo. Sesaṃ purimasadisameva. Mahāāvāsepi attano santikaṃ sampattassa āgantukassa vattaṃ akātuṃ na labhati.
ааваасигавад̇д̇агат̇аа нидтид̇аа.
Āvāsikavattakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 2. ааваасигавад̇д̇агат̇аа • 2. Āvāsikavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ааваасигавад̇д̇агат̇ааван̣н̣анаа • Āvāsikavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ааваасигавад̇д̇агат̇ааван̣н̣анаа • Āvāsikavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. ааваасигавад̇д̇агат̇аа • 2. Āvāsikavattakathā
