Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi

    2. ааваасигавад̇д̇агат̇аа

    2. Āvāsikavattakathā

    358. д̇зна ко бана самаязна ааваасигаа бхигкуу ааг̇анд̇угз бхигкуу д̣̇исваа нзва аасанам̣ бан̃н̃абзнд̇и, на баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибанд̇и, на бажжуг̇г̇анд̇ваа бад̇д̇ажийварам̣ бадиг̇г̇ан̣ханд̇и, на баанийязна бужчанд̇и 1, на вуд̣дхад̇арзби ааг̇анд̇угз бхигкуу абхиваад̣̇знд̇и, на сзнаасанам̣ бан̃н̃абзнд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааваасигаа бхигкуу ааг̇анд̇угз бхигкуу д̣̇исваа нзва аасанам̣ бан̃н̃абзссанд̇и, на баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибиссанд̇и, на бажжуг̇г̇анд̇ваа бад̇д̇ажийварам̣ бадиг̇г̇ахиссанд̇и, на баанийязна бужчиссанд̇и, вуд̣дхад̇арзби ааг̇анд̇угз бхигкуу на абхиваад̣̇зссанд̇и, на сзнаасанам̣ бан̃н̃абзссанд̇ий’’д̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… сажжам̣ гирам̣, бхигкавз…бз… сажжам̣ бхаг̇аваад̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси –

    358. Tena kho pana samayena āvāsikā bhikkhū āgantuke bhikkhū disvā neva āsanaṃ paññapenti, na pādodakaṃ pādapīṭhaṃ pādakathalikaṃ upanikkhipanti, na paccuggantvā pattacīvaraṃ paṭiggaṇhanti, na pānīyena pucchanti 2, na vuḍḍhatarepi āgantuke bhikkhū abhivādenti, na senāsanaṃ paññapenti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āvāsikā bhikkhū āgantuke bhikkhū disvā neva āsanaṃ paññapessanti, na pādodakaṃ pādapīṭhaṃ pādakathalikaṃ upanikkhipissanti, na paccuggantvā pattacīvaraṃ paṭiggahissanti, na pānīyena pucchissanti, vuḍḍhatarepi āgantuke bhikkhū na abhivādessanti, na senāsanaṃ paññapessantī’’ti! Atha kho te bhikkhū bhagavato etamatthaṃ ārocesuṃ…pe… saccaṃ kiraṃ, bhikkhave…pe… saccaṃ bhagavāti…pe… vigarahitvā…pe… dhammiṃ kathaṃ katvā bhikkhū āmantesi –

    359. ‘‘д̇зна хи, бхигкавз, ааваасигаанам̣ бхигкуунам̣ вад̇д̇ам̣ бан̃н̃абзссаами яат̇аа ааваасигзхи бхигкуухи саммаа вад̇д̇ид̇аб̣б̣ам̣. ааваасигзна, бхигкавз, бхигкунаа ааг̇анд̇угам̣ бхигкум̣ вуд̣дхад̇арам̣ д̣̇исваа аасанам̣ бан̃н̃абзд̇аб̣б̣ам̣, баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибид̇аб̣б̣ам̣ , бажжуг̇г̇анд̇ваа бад̇д̇ажийварам̣ бадиг̇г̇ахзд̇аб̣б̣ам̣, баанийязна бужчид̇аб̣б̣о 3. сажз уссахад̇и, убааханаа бун̃чид̇аб̣б̣аа. убааханаа бун̃чанд̇зна батамам̣ сугкзна жол̣агзна бун̃чид̇аб̣б̣аа, бажчаа аллзна. убааханаабун̃чанажол̣агам̣ д̇ховид̇ваа 4 згаманд̇ам̣ виссаж̇ж̇зд̇аб̣б̣ам̣.

    359. ‘‘Tena hi, bhikkhave, āvāsikānaṃ bhikkhūnaṃ vattaṃ paññapessāmi yathā āvāsikehi bhikkhūhi sammā vattitabbaṃ. Āvāsikena, bhikkhave, bhikkhunā āgantukaṃ bhikkhuṃ vuḍḍhataraṃ disvā āsanaṃ paññapetabbaṃ, pādodakaṃ pādapīṭhaṃ pādakathalikaṃ upanikkhipitabbaṃ , paccuggantvā pattacīvaraṃ paṭiggahetabbaṃ, pānīyena pucchitabbo 5. Sace ussahati, upāhanā puñchitabbā. Upāhanā puñchantena paṭhamaṃ sukkhena coḷakena puñchitabbā, pacchā allena. Upāhanāpuñchanacoḷakaṃ dhovitvā 6 ekamantaṃ vissajjetabbaṃ.

    ‘‘ааг̇анд̇уго бхигку вуд̣дхад̇аро абхиваад̣̇зд̇аб̣б̣о. сзнаасанам̣ бан̃н̃абзд̇аб̣б̣ам̣ – ‘зд̇ам̣ д̇з сзнаасанам̣ баабун̣аад̇ий’д̇и. аж̇жхаавудтам̣ ваа анаж̇жхаавудтам̣ ваа аажигкид̇аб̣б̣ам̣. г̇ожаро аажигкид̇аб̣б̣о. аг̇ожаро аажигкид̇аб̣б̣о. сзгкасаммад̇аани гулаани аажигкид̇аб̣б̣аани. важжадтаанам̣ аажигкид̇аб̣б̣ам̣. бассаавадтаанам̣ аажигкид̇аб̣б̣ам̣. баанийяам̣ аажигкид̇аб̣б̣ам̣. барибхож̇анийяам̣ аажигкид̇аб̣б̣ам̣. гад̇д̇арад̣̇ан̣д̣о аажигкид̇аб̣б̣о. сан̇гхасса гад̇игасан̣таанам̣ аажигкид̇аб̣б̣ам̣ – ‘имам̣ гаалам̣ бависид̇аб̣б̣ам̣, имам̣ гаалам̣ нигкамид̇аб̣б̣а’нд̇и .

    ‘‘Āgantuko bhikkhu vuḍḍhataro abhivādetabbo. Senāsanaṃ paññapetabbaṃ – ‘etaṃ te senāsanaṃ pāpuṇātī’ti. Ajjhāvuṭṭhaṃ vā anajjhāvuṭṭhaṃ vā ācikkhitabbaṃ. Gocaro ācikkhitabbo. Agocaro ācikkhitabbo. Sekkhasammatāni kulāni ācikkhitabbāni. Vaccaṭṭhānaṃ ācikkhitabbaṃ. Passāvaṭṭhānaṃ ācikkhitabbaṃ. Pānīyaṃ ācikkhitabbaṃ. Paribhojanīyaṃ ācikkhitabbaṃ. Kattaradaṇḍo ācikkhitabbo. Saṅghassa katikasaṇṭhānaṃ ācikkhitabbaṃ – ‘imaṃ kālaṃ pavisitabbaṃ, imaṃ kālaṃ nikkhamitabba’nti .

    ‘‘сажз наваго ход̇и, нисиннагзнзва аажигкид̇аб̣б̣ам̣ – ‘ад̇ра бад̇д̇ам̣ нигкибаахи, ад̇ра жийварам̣ нигкибаахи, ид̣̇ам̣ аасанам̣ нисийд̣̇аахий’д̇и. баанийяам̣ аажигкид̇аб̣б̣ам̣. барибхож̇анийяам̣ аажигкид̇аб̣б̣ам̣. убааханаабун̃чанажол̣агам̣ аажигкид̇аб̣б̣ам̣. ааг̇анд̇уго бхигку наваго абхиваад̣̇аабзд̇аб̣б̣о. сзнаасанам̣ аажигкид̇аб̣б̣ам̣ – ‘зд̇ам̣ д̇з сзнаасанам̣ баабун̣аад̇ий’д̇и. аж̇жхаавудтам̣ ваа анаж̇жхаавудтам̣ ваа аажигкид̇аб̣б̣ам̣. г̇ожаро аажигкид̇аб̣б̣о. аг̇ожаро аажигкид̇аб̣б̣о. сзгкасаммад̇аани гулаани аажигкид̇аб̣б̣аани. важжадтаанам̣ аажигкид̇аб̣б̣ам̣. бассаавадтаанам̣ аажигкид̇аб̣б̣ам̣. баанийяам̣ аажигкид̇аб̣б̣ам̣. барибхож̇анийяам̣ аажигкид̇аб̣б̣ам̣. гад̇д̇арад̣̇ан̣д̣о аажигкид̇аб̣б̣о. сан̇гхасса гад̇игасан̣таанам̣ аажигкид̇аб̣б̣ам̣ – ‘имам̣ гаалам̣ бависид̇аб̣б̣ам̣, имам̣ гаалам̣ нигкамид̇аб̣б̣а’нд̇и. ид̣̇ам̣ ко, бхигкавз , ааваасигаанам̣ бхигкуунам̣ вад̇д̇ам̣ яат̇аа ааваасигзхи бхигкуухи саммаа вад̇д̇ид̇аб̣б̣а’’нд̇и.

    ‘‘Sace navako hoti, nisinnakeneva ācikkhitabbaṃ – ‘atra pattaṃ nikkhipāhi, atra cīvaraṃ nikkhipāhi, idaṃ āsanaṃ nisīdāhī’ti. Pānīyaṃ ācikkhitabbaṃ. Paribhojanīyaṃ ācikkhitabbaṃ. Upāhanāpuñchanacoḷakaṃ ācikkhitabbaṃ. Āgantuko bhikkhu navako abhivādāpetabbo. Senāsanaṃ ācikkhitabbaṃ – ‘etaṃ te senāsanaṃ pāpuṇātī’ti. Ajjhāvuṭṭhaṃ vā anajjhāvuṭṭhaṃ vā ācikkhitabbaṃ. Gocaro ācikkhitabbo. Agocaro ācikkhitabbo. Sekkhasammatāni kulāni ācikkhitabbāni. Vaccaṭṭhānaṃ ācikkhitabbaṃ. Passāvaṭṭhānaṃ ācikkhitabbaṃ. Pānīyaṃ ācikkhitabbaṃ. Paribhojanīyaṃ ācikkhitabbaṃ. Kattaradaṇḍo ācikkhitabbo. Saṅghassa katikasaṇṭhānaṃ ācikkhitabbaṃ – ‘imaṃ kālaṃ pavisitabbaṃ, imaṃ kālaṃ nikkhamitabba’nti. Idaṃ kho, bhikkhave , āvāsikānaṃ bhikkhūnaṃ vattaṃ yathā āvāsikehi bhikkhūhi sammā vattitabba’’nti.




    Next: 3. г̇амигавад̇д̇агат̇аа • 3. Gamikavattakathā




    Footnotes:
    1. на баанийязна бужчанд̇и, на барибхож̇анийязна бужчанд̇и (сяаа. гам̣.)
    2. na pānīyena pucchanti, na paribhojanīyena pucchanti (syā. kaṃ.)
    3. баанийязна бужчид̇аб̣б̣о, барибхож̇анийязна бужчид̇аб̣б̣о (сяаа.)
    4. д̇ховид̇ваа бийл̣зд̇ваа (сяаа.)
    5. pānīyena pucchitabbo, paribhojanīyena pucchitabbo (syā.)
    6. dhovitvā pīḷetvā (syā.)



    Related texts:



    адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ааваасигавад̇д̇агат̇аа • Āvāsikavattakathā

    дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ааваасигавад̇д̇агат̇ааван̣н̣анаа • Āvāsikavattakathāvaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ааваасигавад̇д̇агат̇ааван̣н̣анаа • Āvāsikavattakathāvaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. ааваасигавад̇д̇агат̇аа • 2. Āvāsikavattakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact