| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
੨. ਆવਾਸਿਕવਤ੍ਤਕਥਾ
2. Āvāsikavattakathā
੩੫੮. ਤੇਨ ਖੋ ਪਨ ਸਮਯੇਨ ਆવਾਸਿਕਾ ਭਿਕ੍ਖੂ ਆਗਨ੍ਤੁਕੇ ਭਿਕ੍ਖੂ ਦਿਸ੍વਾ ਨੇવ ਆਸਨਂ ਪਞ੍ਞਪੇਨ੍ਤਿ, ਨ ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਉਪਨਿਕ੍ਖਿਪਨ੍ਤਿ, ਨ ਪਚ੍ਚੁਗ੍ਗਨ੍ਤ੍વਾ ਪਤ੍ਤਚੀવਰਂ ਪਟਿਗ੍ਗਣ੍ਹਨ੍ਤਿ, ਨ ਪਾਨੀਯੇਨ ਪੁਚ੍ਛਨ੍ਤਿ 1, ਨ વੁਡ੍ਢਤਰੇਪਿ ਆਗਨ੍ਤੁਕੇ ਭਿਕ੍ਖੂ ਅਭਿવਾਦੇਨ੍ਤਿ, ਨ ਸੇਨਾਸਨਂ ਪਞ੍ਞਪੇਨ੍ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆવਾਸਿਕਾ ਭਿਕ੍ਖੂ ਆਗਨ੍ਤੁਕੇ ਭਿਕ੍ਖੂ ਦਿਸ੍વਾ ਨੇવ ਆਸਨਂ ਪਞ੍ਞਪੇਸ੍ਸਨ੍ਤਿ, ਨ ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਉਪਨਿਕ੍ਖਿਪਿਸ੍ਸਨ੍ਤਿ, ਨ ਪਚ੍ਚੁਗ੍ਗਨ੍ਤ੍વਾ ਪਤ੍ਤਚੀવਰਂ ਪਟਿਗ੍ਗਹਿਸ੍ਸਨ੍ਤਿ, ਨ ਪਾਨੀਯੇਨ ਪੁਚ੍ਛਿਸ੍ਸਨ੍ਤਿ, વੁਡ੍ਢਤਰੇਪਿ ਆਗਨ੍ਤੁਕੇ ਭਿਕ੍ਖੂ ਨ ਅਭਿવਾਦੇਸ੍ਸਨ੍ਤਿ, ਨ ਸੇਨਾਸਨਂ ਪਞ੍ਞਪੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਸਚ੍ਚਂ ਕਿਰਂ, ਭਿਕ੍ਖવੇ…ਪੇ॰… ਸਚ੍ਚਂ ਭਗવਾਤਿ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ –
358. Tena kho pana samayena āvāsikā bhikkhū āgantuke bhikkhū disvā neva āsanaṃ paññapenti, na pādodakaṃ pādapīṭhaṃ pādakathalikaṃ upanikkhipanti, na paccuggantvā pattacīvaraṃ paṭiggaṇhanti, na pānīyena pucchanti 2, na vuḍḍhatarepi āgantuke bhikkhū abhivādenti, na senāsanaṃ paññapenti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āvāsikā bhikkhū āgantuke bhikkhū disvā neva āsanaṃ paññapessanti, na pādodakaṃ pādapīṭhaṃ pādakathalikaṃ upanikkhipissanti, na paccuggantvā pattacīvaraṃ paṭiggahissanti, na pānīyena pucchissanti, vuḍḍhatarepi āgantuke bhikkhū na abhivādessanti, na senāsanaṃ paññapessantī’’ti! Atha kho te bhikkhū bhagavato etamatthaṃ ārocesuṃ…pe… saccaṃ kiraṃ, bhikkhave…pe… saccaṃ bhagavāti…pe… vigarahitvā…pe… dhammiṃ kathaṃ katvā bhikkhū āmantesi –
੩੫੯. ‘‘ਤੇਨ ਹਿ, ਭਿਕ੍ਖવੇ, ਆવਾਸਿਕਾਨਂ ਭਿਕ੍ਖੂਨਂ વਤ੍ਤਂ ਪਞ੍ਞਪੇਸ੍ਸਾਮਿ ਯਥਾ ਆવਾਸਿਕੇਹਿ ਭਿਕ੍ਖੂਹਿ ਸਮ੍ਮਾ વਤ੍ਤਿਤਬ੍ਬਂ। ਆવਾਸਿਕੇਨ, ਭਿਕ੍ਖવੇ, ਭਿਕ੍ਖੁਨਾ ਆਗਨ੍ਤੁਕਂ ਭਿਕ੍ਖੁਂ વੁਡ੍ਢਤਰਂ ਦਿਸ੍વਾ ਆਸਨਂ ਪਞ੍ਞਪੇਤਬ੍ਬਂ, ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਉਪਨਿਕ੍ਖਿਪਿਤਬ੍ਬਂ , ਪਚ੍ਚੁਗ੍ਗਨ੍ਤ੍વਾ ਪਤ੍ਤਚੀવਰਂ ਪਟਿਗ੍ਗਹੇਤਬ੍ਬਂ, ਪਾਨੀਯੇਨ ਪੁਚ੍ਛਿਤਬ੍ਬੋ 3। ਸਚੇ ਉਸ੍ਸਹਤਿ, ਉਪਾਹਨਾ ਪੁਞ੍ਛਿਤਬ੍ਬਾ। ਉਪਾਹਨਾ ਪੁਞ੍ਛਨ੍ਤੇਨ ਪਠਮਂ ਸੁਕ੍ਖੇਨ ਚੋਲ਼ਕੇਨ ਪੁਞ੍ਛਿਤਬ੍ਬਾ, ਪਚ੍ਛਾ ਅਲ੍ਲੇਨ। ਉਪਾਹਨਾਪੁਞ੍ਛਨਚੋਲ਼ਕਂ ਧੋવਿਤ੍વਾ 4 ਏਕਮਨ੍ਤਂ વਿਸ੍ਸਜ੍ਜੇਤਬ੍ਬਂ।
359. ‘‘Tena hi, bhikkhave, āvāsikānaṃ bhikkhūnaṃ vattaṃ paññapessāmi yathā āvāsikehi bhikkhūhi sammā vattitabbaṃ. Āvāsikena, bhikkhave, bhikkhunā āgantukaṃ bhikkhuṃ vuḍḍhataraṃ disvā āsanaṃ paññapetabbaṃ, pādodakaṃ pādapīṭhaṃ pādakathalikaṃ upanikkhipitabbaṃ , paccuggantvā pattacīvaraṃ paṭiggahetabbaṃ, pānīyena pucchitabbo 5. Sace ussahati, upāhanā puñchitabbā. Upāhanā puñchantena paṭhamaṃ sukkhena coḷakena puñchitabbā, pacchā allena. Upāhanāpuñchanacoḷakaṃ dhovitvā 6 ekamantaṃ vissajjetabbaṃ.
‘‘ਆਗਨ੍ਤੁਕੋ ਭਿਕ੍ਖੁ વੁਡ੍ਢਤਰੋ ਅਭਿવਾਦੇਤਬ੍ਬੋ। ਸੇਨਾਸਨਂ ਪਞ੍ਞਪੇਤਬ੍ਬਂ – ‘ਏਤਂ ਤੇ ਸੇਨਾਸਨਂ ਪਾਪੁਣਾਤੀ’ਤਿ। ਅਜ੍ਝਾવੁਟ੍ਠਂ વਾ ਅਨਜ੍ਝਾવੁਟ੍ਠਂ વਾ ਆਚਿਕ੍ਖਿਤਬ੍ਬਂ। ਗੋਚਰੋ ਆਚਿਕ੍ਖਿਤਬ੍ਬੋ। ਅਗੋਚਰੋ ਆਚਿਕ੍ਖਿਤਬ੍ਬੋ। ਸੇਕ੍ਖਸਮ੍ਮਤਾਨਿ ਕੁਲਾਨਿ ਆਚਿਕ੍ਖਿਤਬ੍ਬਾਨਿ। વਚ੍ਚਟ੍ਠਾਨਂ ਆਚਿਕ੍ਖਿਤਬ੍ਬਂ। ਪਸ੍ਸਾવਟ੍ਠਾਨਂ ਆਚਿਕ੍ਖਿਤਬ੍ਬਂ। ਪਾਨੀਯਂ ਆਚਿਕ੍ਖਿਤਬ੍ਬਂ। ਪਰਿਭੋਜਨੀਯਂ ਆਚਿਕ੍ਖਿਤਬ੍ਬਂ। ਕਤ੍ਤਰਦਣ੍ਡੋ ਆਚਿਕ੍ਖਿਤਬ੍ਬੋ। ਸਙ੍ਘਸ੍ਸ ਕਤਿਕਸਣ੍ਠਾਨਂ ਆਚਿਕ੍ਖਿਤਬ੍ਬਂ – ‘ਇਮਂ ਕਾਲਂ ਪવਿਸਿਤਬ੍ਬਂ, ਇਮਂ ਕਾਲਂ ਨਿਕ੍ਖਮਿਤਬ੍ਬ’ਨ੍ਤਿ ।
‘‘Āgantuko bhikkhu vuḍḍhataro abhivādetabbo. Senāsanaṃ paññapetabbaṃ – ‘etaṃ te senāsanaṃ pāpuṇātī’ti. Ajjhāvuṭṭhaṃ vā anajjhāvuṭṭhaṃ vā ācikkhitabbaṃ. Gocaro ācikkhitabbo. Agocaro ācikkhitabbo. Sekkhasammatāni kulāni ācikkhitabbāni. Vaccaṭṭhānaṃ ācikkhitabbaṃ. Passāvaṭṭhānaṃ ācikkhitabbaṃ. Pānīyaṃ ācikkhitabbaṃ. Paribhojanīyaṃ ācikkhitabbaṃ. Kattaradaṇḍo ācikkhitabbo. Saṅghassa katikasaṇṭhānaṃ ācikkhitabbaṃ – ‘imaṃ kālaṃ pavisitabbaṃ, imaṃ kālaṃ nikkhamitabba’nti .
‘‘ਸਚੇ ਨવਕੋ ਹੋਤਿ, ਨਿਸਿਨ੍ਨਕੇਨੇવ ਆਚਿਕ੍ਖਿਤਬ੍ਬਂ – ‘ਅਤ੍ਰ ਪਤ੍ਤਂ ਨਿਕ੍ਖਿਪਾਹਿ, ਅਤ੍ਰ ਚੀવਰਂ ਨਿਕ੍ਖਿਪਾਹਿ, ਇਦਂ ਆਸਨਂ ਨਿਸੀਦਾਹੀ’ਤਿ। ਪਾਨੀਯਂ ਆਚਿਕ੍ਖਿਤਬ੍ਬਂ। ਪਰਿਭੋਜਨੀਯਂ ਆਚਿਕ੍ਖਿਤਬ੍ਬਂ। ਉਪਾਹਨਾਪੁਞ੍ਛਨਚੋਲ਼ਕਂ ਆਚਿਕ੍ਖਿਤਬ੍ਬਂ। ਆਗਨ੍ਤੁਕੋ ਭਿਕ੍ਖੁ ਨવਕੋ ਅਭਿવਾਦਾਪੇਤਬ੍ਬੋ। ਸੇਨਾਸਨਂ ਆਚਿਕ੍ਖਿਤਬ੍ਬਂ – ‘ਏਤਂ ਤੇ ਸੇਨਾਸਨਂ ਪਾਪੁਣਾਤੀ’ਤਿ। ਅਜ੍ਝਾવੁਟ੍ਠਂ વਾ ਅਨਜ੍ਝਾવੁਟ੍ਠਂ વਾ ਆਚਿਕ੍ਖਿਤਬ੍ਬਂ। ਗੋਚਰੋ ਆਚਿਕ੍ਖਿਤਬ੍ਬੋ। ਅਗੋਚਰੋ ਆਚਿਕ੍ਖਿਤਬ੍ਬੋ। ਸੇਕ੍ਖਸਮ੍ਮਤਾਨਿ ਕੁਲਾਨਿ ਆਚਿਕ੍ਖਿਤਬ੍ਬਾਨਿ। વਚ੍ਚਟ੍ਠਾਨਂ ਆਚਿਕ੍ਖਿਤਬ੍ਬਂ। ਪਸ੍ਸਾવਟ੍ਠਾਨਂ ਆਚਿਕ੍ਖਿਤਬ੍ਬਂ। ਪਾਨੀਯਂ ਆਚਿਕ੍ਖਿਤਬ੍ਬਂ। ਪਰਿਭੋਜਨੀਯਂ ਆਚਿਕ੍ਖਿਤਬ੍ਬਂ। ਕਤ੍ਤਰਦਣ੍ਡੋ ਆਚਿਕ੍ਖਿਤਬ੍ਬੋ। ਸਙ੍ਘਸ੍ਸ ਕਤਿਕਸਣ੍ਠਾਨਂ ਆਚਿਕ੍ਖਿਤਬ੍ਬਂ – ‘ਇਮਂ ਕਾਲਂ ਪવਿਸਿਤਬ੍ਬਂ, ਇਮਂ ਕਾਲਂ ਨਿਕ੍ਖਮਿਤਬ੍ਬ’ਨ੍ਤਿ। ਇਦਂ ਖੋ, ਭਿਕ੍ਖવੇ , ਆવਾਸਿਕਾਨਂ ਭਿਕ੍ਖੂਨਂ વਤ੍ਤਂ ਯਥਾ ਆવਾਸਿਕੇਹਿ ਭਿਕ੍ਖੂਹਿ ਸਮ੍ਮਾ વਤ੍ਤਿਤਬ੍ਬ’’ਨ੍ਤਿ।
‘‘Sace navako hoti, nisinnakeneva ācikkhitabbaṃ – ‘atra pattaṃ nikkhipāhi, atra cīvaraṃ nikkhipāhi, idaṃ āsanaṃ nisīdāhī’ti. Pānīyaṃ ācikkhitabbaṃ. Paribhojanīyaṃ ācikkhitabbaṃ. Upāhanāpuñchanacoḷakaṃ ācikkhitabbaṃ. Āgantuko bhikkhu navako abhivādāpetabbo. Senāsanaṃ ācikkhitabbaṃ – ‘etaṃ te senāsanaṃ pāpuṇātī’ti. Ajjhāvuṭṭhaṃ vā anajjhāvuṭṭhaṃ vā ācikkhitabbaṃ. Gocaro ācikkhitabbo. Agocaro ācikkhitabbo. Sekkhasammatāni kulāni ācikkhitabbāni. Vaccaṭṭhānaṃ ācikkhitabbaṃ. Passāvaṭṭhānaṃ ācikkhitabbaṃ. Pānīyaṃ ācikkhitabbaṃ. Paribhojanīyaṃ ācikkhitabbaṃ. Kattaradaṇḍo ācikkhitabbo. Saṅghassa katikasaṇṭhānaṃ ācikkhitabbaṃ – ‘imaṃ kālaṃ pavisitabbaṃ, imaṃ kālaṃ nikkhamitabba’nti. Idaṃ kho, bhikkhave , āvāsikānaṃ bhikkhūnaṃ vattaṃ yathā āvāsikehi bhikkhūhi sammā vattitabba’’nti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਆવਾਸਿਕવਤ੍ਤਕਥਾ • Āvāsikavattakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਆવਾਸਿਕવਤ੍ਤਕਥਾવਣ੍ਣਨਾ • Āvāsikavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਆવਾਸਿਕવਤ੍ਤਕਥਾવਣ੍ਣਨਾ • Āvāsikavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨. ਆવਾਸਿਕવਤ੍ਤਕਥਾ • 2. Āvāsikavattakathā
