| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. авассуд̇абарияааяасуд̇д̇аван̣н̣анаа
6. Avassutapariyāyasuttavaṇṇanā
243. сант̇ааг̇ааранд̇и сан̃н̃аабанааг̇аарам̣. д̇знааха ‘‘уяяог̇агаалаад̣̇ийсуу’’д̇иаад̣̇и. аад̣̇и-сад̣̇д̣̇зна ман̇г̇аламахаад̣̇ийнам̣ сан̇г̇ахо д̣̇адтаб̣б̣о. сант̇аранд̇ийд̇и виссаманд̇и , бариссамам̣ винод̣̇знд̇ийд̇и ад̇т̇о. сахаад̇и саннибаад̇авасзна згаж̇жхам̣. саха ад̇т̇аанусаасанам̣ аг̇ааранд̇и д̇асмим̣ ад̇т̇з д̇т̇а-гаарасса нт̇а-гаарам̣ гад̇ваа ‘‘сант̇ааг̇аара’’нд̇и вужжад̇ийд̇и д̣̇адтаб̣б̣ам̣, батамам̣ д̇ад̇т̇а самманд̇анавасзна сант̇аранд̇и вижаарзнд̇ийд̇и ад̇т̇о.
243.Santhāgāranti saññāpanāgāraṃ. Tenāha ‘‘uyyogakālādīsū’’tiādi. Ādi-saddena maṅgalamahādīnaṃ saṅgaho daṭṭhabbo. Santharantīti vissamanti , parissamaṃ vinodentīti attho. Sahāti sannipātavasena ekajjhaṃ. Saha atthānusāsanaṃ agāranti tasmiṃ atthe ttha-kārassa ntha-kāraṃ katvā ‘‘santhāgāra’’nti vuccatīti daṭṭhabbaṃ, paṭhamaṃ tattha sammantanavasena santharanti vicārentīti attho.
д̇збидагам̣ б̣уд̣̇д̇хаважанам̣ ааг̇ад̇амзва бхависсад̇ийд̇и б̣уд̣̇д̇хаважанасса ааг̇аманасийсзна арияапалад̇хаммаанамби ааг̇аманам̣ вуд̇д̇амзва. д̇ияаамарад̇д̇им̣ д̇ад̇т̇а васанд̇аанам̣ паласамаабад̇д̇ивал̣ан̃ж̇анам̣ ход̇ийд̇и. д̇асмин̃жа бхигкусан̇гхз галяаан̣ад̇хаммаа галяаан̣абут̇уж̇ж̇анаа вибассанам̣ уссуггаабзнд̇аа хонд̇ийд̇и арияамаг̇г̇ад̇хаммаанамби д̇ад̇т̇а ааг̇аманам̣ ход̇иязва.
Tepiṭakaṃ buddhavacanaṃ āgatameva bhavissatīti buddhavacanassa āgamanasīsena ariyaphaladhammānampi āgamanaṃ vuttameva. Tiyāmarattiṃ tattha vasantānaṃ phalasamāpattivaḷañjanaṃ hotīti. Tasmiñca bhikkhusaṅghe kalyāṇadhammā kalyāṇaputhujjanā vipassanaṃ ussukkāpentā hontīti ariyamaggadhammānampi tattha āgamanaṃ hotiyeva.
аллаг̇омаязнаад̇и ажчзна аллаг̇омаяарасзна. обун̃ж̇аабзд̇ваад̇и вилимбзд̇ваа. жад̇уж̇ж̇аад̇ияаг̇анд̇хзхийд̇и гун̇гумад̇уругкаяаванабубпад̇амаалабад̇д̇аг̇анд̇хзхи. наанааван̣н̣зд̇и нийлаад̣̇ивасзна наанааван̣н̣з, бхид̇д̇ивисзсавасзна наанаасан̣таанаруубз. ‘‘махаабидтигагож̇авзд̇и хад̇т̇ибидтиаад̣̇ийсу ад̇т̇арид̇аб̣б̣ад̇ааяа ‘махаабидтигаа’д̇и лад̣̇д̇хасаман̃н̃з гож̇авз’’д̇и вад̣̇анд̇и. гуд̇д̇агз бана санд̇хааязд̇ам̣ вуд̇д̇ам̣, ‘‘жад̇уран̇г̇улаад̇хигабубпаа махаабидтигагож̇аваа’’д̇иби вад̣̇анд̇и. хад̇т̇ад̇т̇араассад̇т̇араа хад̇т̇иассабидтийсу ад̇т̇арид̇аб̣б̣аа хад̇т̇иассаруубавижид̇д̇аа жа ад̇т̇арагаа. сийхад̇т̇арагаад̣̇аяо бана сийхаруубаад̣̇ивижид̇д̇аа зва ад̇т̇арагаа. жид̇д̇ад̇т̇арагам̣ наанаавид̇харуубзхи жзва наанаавид̇хамаалаагаммаад̣̇ийхи жа вижид̇д̇ам̣ ад̇т̇арагам̣.
Allagomayenāti acchena allagomayarasena. Opuñjāpetvāti vilimpetvā. Catujjātiyagandhehīti kuṅkumaturukkhayavanapupphatamālapattagandhehi. Nānāvaṇṇeti nīlādivasena nānāvaṇṇe, bhittivisesavasena nānāsaṇṭhānarūpe. ‘‘Mahāpiṭṭhikakojaveti hatthipiṭṭhiādīsu attharitabbatāya ‘mahāpiṭṭhikā’ti laddhasamaññe kojave’’ti vadanti. Kuttake pana sandhāyetaṃ vuttaṃ, ‘‘caturaṅgulādhikapupphā mahāpiṭṭhikakojavā’’tipi vadanti. Hatthattharaassattharā hatthiassapiṭṭhīsu attharitabbā hatthiassarūpavicittā ca attharakā. Sīhattharakādayo pana sīharūpādivicittā eva attharakā. Cittattharakaṃ nānāvidharūpehi ceva nānāvidhamālākammādīhi ca vicittaṃ attharakaṃ.
убад̇хаананд̇и абассаяанам̣. убад̣̇ахид̇ваад̇и абассаяаяог̇г̇абхаавзна табзд̇ваа. г̇анд̇хзхи гад̇амаалаа г̇анд̇хад̣̇аамам̣. д̇амаалабад̇д̇аад̣̇ийхи гад̇амаалаа бад̇д̇ад̣̇аамам̣. аад̣̇и-сад̣̇д̣̇зна хин̇г̇улад̇агголаж̇аад̇ипалаж̇аад̇ибубпаад̣̇ийхи гад̇ад̣̇аамам̣ сан̇г̇ан̣хаад̇и. баллан̇гаагаарзна гад̇абийтам̣ баллан̇габийтам̣. д̇ийсу бассзсу згабассз зва ваа саубассаяам̣ абассаяабийтам̣. анабассаяам̣ мун̣д̣абийтам̣. яож̇анааваддзд̇и яож̇анабаригкзбогаасз.
Upadhānanti apassayanaṃ. Upadahitvāti apassayayoggabhāvena ṭhapetvā. Gandhehi katamālā gandhadāmaṃ. Tamālapattādīhi katamālā pattadāmaṃ. Ādi-saddena hiṅgulatakkolajātiphalajātipupphādīhi katadāmaṃ saṅgaṇhāti. Pallaṅkākārena katapīṭhaṃ pallaṅkapīṭhaṃ. Tīsu passesu ekapasse eva vā saupassayaṃ apassayapīṭhaṃ. Anapassayaṃ muṇḍapīṭhaṃ. Yojanāvaṭṭeti yojanaparikkhepokāse.
сам̣вид̇хааяаад̇и анд̇араваасагасса гон̣абад̣̇зсам̣ ид̇арабад̣̇зсан̃жа самам̣ гад̇ваа вид̇хааяа. д̇знааха – ‘‘гад̇д̇арияаа бад̣̇умам̣ ганд̇знд̇о вияаа’’д̇и, ‘‘д̇иман̣д̣алам̣ бадижчаад̣̇знд̇о’’д̇и жа. яасмаа б̣уд̣̇д̇хаанам̣ руубасамбад̣̇аа вияа аагаббасамбад̣̇ааби барамуггам̣сад̇ам̣ г̇ад̇аа, д̇асмаа д̇ад̣̇аа бхаг̇аваа звам̣ собхзяяаад̇и д̣̇ассзнд̇о ‘‘суван̣н̣абааман̇г̇знаа’’д̇иаад̣̇имааха. д̇ад̇т̇а ‘‘асамзна б̣уд̣̇д̇хавзсзнаа’’д̇иаад̣̇инаа д̇ад̣̇аа бхаг̇аваа б̣уд̣̇д̇хаанубхаавасса ниг̇уханз гааран̣аабхаавад̇о д̇ад̇т̇а саннибад̇ид̇ад̣̇звамануссанааг̇аяагкаг̇анд̇хаб̣б̣аад̣̇ийнам̣ басаад̣̇аж̇ананад̇т̇ам̣ ад̇д̇ано сабхаавабагад̇ияаава габилавад̇т̇ум̣ баависийд̇и д̣̇ассзд̇и. б̣уд̣̇д̇хаанам̣ гааяабабхаа наама багад̇ияаа асийд̇ихад̇т̇амад̇д̇абад̣̇зсам̣ висарад̇ийд̇и ааха ‘‘асийд̇ихад̇т̇адтаанам̣ аг̇г̇ахзсий’’д̇и. нийлабийд̇алохид̇од̣̇аад̇аман̃ж̇идтабабхассараанам̣ васзна чаб̣б̣ан̣н̣аа б̣уд̣̇д̇харасмияо.
Saṃvidhāyāti antaravāsakassa koṇapadesaṃ itarapadesañca samaṃ katvā vidhāya. Tenāha – ‘‘kattariyā padumaṃ kantento viyā’’ti, ‘‘timaṇḍalaṃ paṭicchādento’’ti ca. Yasmā buddhānaṃ rūpasampadā viya ākappasampadāpi paramukkaṃsataṃ gatā, tasmā tadā bhagavā evaṃ sobheyyāti dassento ‘‘suvaṇṇapāmaṅgenā’’tiādimāha. Tattha ‘‘asamena buddhavesenā’’tiādinā tadā bhagavā buddhānubhāvassa niguhane kāraṇābhāvato tattha sannipatitadevamanussanāgayakkhagandhabbādīnaṃ pasādajananatthaṃ attano sabhāvapakatiyāva kapilavatthuṃ pāvisīti dasseti. Buddhānaṃ kāyapabhā nāma pakatiyā asītihatthamattapadesaṃ visaratīti āha ‘‘asītihatthaṭṭhānaṃ aggahesī’’ti. Nīlapītalohitodātamañjiṭṭhapabhassarānaṃ vasena chabbaṇṇā buddharasmiyo.
саб̣б̣абаалипуллод̇и муулад̇о бадтааяа яаава саакаг̇г̇аа саманд̇ад̇о пулло вигасид̇о. бадибаадияаа табид̇аананд̇иаад̣̇и баригаббуубамаа, яат̇аа д̇ам̣…бз… алан̇гад̇ам̣ ан̃н̃ам̣ вирожад̇и, звам̣ вирожид̇т̇а, самад̇им̣сааяа баарамид̇аахи абхисан̇кад̇ад̇д̇аа звам̣ вирожид̇т̇аад̇и вуд̇д̇ам̣ ход̇и. ‘‘бан̃жавийсад̇ияаа г̇ан̇г̇аананд̇и сад̇амукаа худ̇ваа самуд̣̇д̣̇ам̣ бавидтааяа махааг̇ан̇г̇ааяа маханд̇амаханд̇аанам̣ г̇ан̇г̇аанам̣ бан̃жавийсад̇ий’’д̇и вад̣̇анд̇и. бабан̃жасууд̣̇анияам̣ (ма. ни. адта. 2.22) ‘‘бан̃жавийсад̇ияаа над̣̇ийна’’нд̇и вуд̇д̇ам̣, г̇ан̇г̇аад̣̇ийнам̣ жанд̣̇абхааг̇аабарияосаанаанам̣ бан̃жавийсад̇ияаа махаанад̣̇ийнанд̇и ад̇т̇о. баригаббаважанан̃хзд̇ам̣. самбхиж̇ж̇аад̇и самбхзд̣̇ам̣ миссийбхаавам̣ бад̇ваа мукад̣̇ваарзд̇и самуд̣̇д̣̇ам̣ бавидтадтаанз.
Sabbapāliphulloti mūlato paṭṭhāya yāva sākhaggā samantato phullo vikasito. Paṭipāṭiyā ṭhapitānantiādi parikappūpamā, yathā taṃ…pe… alaṅkataṃ aññaṃ virocati, evaṃ virocittha, samatiṃsāya pāramitāhi abhisaṅkhatattā evaṃ virocitthāti vuttaṃ hoti. ‘‘Pañcavīsatiyā gaṅgānanti satamukhā hutvā samuddaṃ paviṭṭhāya mahāgaṅgāya mahantamahantānaṃ gaṅgānaṃ pañcavīsatī’’ti vadanti. Papañcasūdaniyaṃ (ma. ni. aṭṭha. 2.22) ‘‘pañcavīsatiyā nadīna’’nti vuttaṃ, gaṅgādīnaṃ candabhāgāpariyosānānaṃ pañcavīsatiyā mahānadīnanti attho. Parikappavacanañhetaṃ. Sambhijjāti sambhedaṃ missībhāvaṃ patvā mukhadvāreti samuddaṃ paviṭṭhaṭṭhāne.
нааг̇асубан̣н̣аг̇анд̇хаб̣б̣аяагкаад̣̇ийнанд̇иаад̣̇и баригаббавасзна вуд̇д̇ам̣. сахассзнаад̇и бад̣̇асахассзна, бхаан̣аваараббамаан̣зна г̇ант̇знаад̇и ад̇т̇о.
Nāgasupaṇṇagandhabbayakkhādīnantiādi parikappavasena vuttaṃ. Sahassenāti padasahassena, bhāṇavārappamāṇena ganthenāti attho.
гамбаяанд̇о васунд̇харанд̇и ад̇д̇ано г̇ун̣ависзсзхи бат̇авийгаммам̣ уннаад̣̇знд̇о, звам̣бхууд̇оби ахзтаяанд̇о баан̣аани. саб̣б̣абад̣̇агкин̣ад̇д̇аа б̣уд̣̇д̇хаанам̣ д̣̇агкин̣ам̣ батамам̣ баад̣̇ам̣ уд̣̇д̇харанд̇о. самам̣ сампусад̇з бхуумим̣ суббад̇идтид̇абаад̣̇ад̇ааяа. яад̣̇иби бхуумим̣ самам̣ пусад̇и, раж̇асаа нубалиббад̇и сукумад̇д̇аа чавияаа. ниннадтаанам̣ уннамад̇ийд̇иаад̣̇и б̣уд̣̇д̇хаанам̣ суббад̇идтид̇абаад̣̇ад̇аасан̇каад̇амахаабурисалагкан̣абадилаабхасса ниссанд̣̇апалам̣. наад̇ид̣̇уурз уд̣̇д̇харад̇ийд̇и ад̇ид̣̇уурз табзд̇ум̣ на уд̣̇д̇харад̇и. нажжаасаннз жа нигкибанд̇и ажжаасаннз жа таанз анигкибанд̇о нияяаад̇и. хаасаяанд̇о сад̣̇звагз логз д̇осзнд̇о. жад̇уухи баад̣̇зхи жарад̇ийд̇и жад̇ужаарий.
Kampayanto vasundharanti attano guṇavisesehi pathavīkammaṃ unnādento, evaṃbhūtopi aheṭhayanto pāṇāni. Sabbapadakkhiṇattā buddhānaṃ dakkhiṇaṃ paṭhamaṃ pādaṃ uddharanto. Samaṃ samphusate bhūmiṃ suppatiṭṭhitapādatāya. Yadipi bhūmiṃ samaṃ phusati, rajasā nupalippati sukhumattā chaviyā. Ninnaṭṭhānaṃ unnamatītiādi buddhānaṃ suppatiṭṭhitapādatāsaṅkhātamahāpurisalakkhaṇapaṭilābhassa nissandaphalaṃ. Nātidūre uddharatīti atidūre ṭhapetuṃ na uddharati. Naccāsanne ca nikkhipanti accāsanne ca ṭhāne anikkhipanto niyyāti. Hāsayanto sadevake loke tosento. Catūhi pādehi caratīti catucārī.
б̣уд̣̇д̇хаанубхаавасса багаасанавасзна г̇ад̇ад̇д̇аа ван̣н̣агаало наама зса. сарийраван̣н̣з ваа г̇ун̣аван̣н̣з ваа гат̇ияамаанз д̣̇уггат̇ид̇анд̇и на вад̇д̇аб̣б̣ам̣. гасмаа? аббамаан̣аван̣н̣аа хи б̣уд̣̇д̇хаа бхаг̇аванд̇о, б̣уд̣̇д̇хаг̇ун̣асам̣ван̣н̣анаа ж̇аананд̇асса яат̇аарад̣̇д̇хасам̣ван̣н̣анам̣язва анубависад̇и. д̣̇угуулажумб̣адагзнаад̇и г̇ант̇ид̇ваа г̇ахид̇ад̣̇угуулавад̇т̇зна.
Buddhānubhāvassa pakāsanavasena gatattā vaṇṇakālo nāma esa. Sarīravaṇṇe vā guṇavaṇṇe vā kathiyamāne dukkathitanti na vattabbaṃ. Kasmā? Appamāṇavaṇṇā hi buddhā bhagavanto, buddhaguṇasaṃvaṇṇanā jānantassa yathāraddhasaṃvaṇṇanaṃyeva anupavisati. Dukūlacumbaṭakenāti ganthitvā gahitadukūlavatthena.
нааг̇авигганд̇ажааран̣од̇и хад̇т̇инааг̇асад̣̇исабад̣̇анигкзбо. сад̇абун̃н̃алагкан̣од̇и анзгасад̇абун̃н̃аабхиниб̣б̣ад̇д̇амахаабурисалагкан̣о. ман̣ивзрожано яат̇аад̇и жад̇ураасийд̇исахассаман̣ибариваарид̇о ад̇ивияа вирожамаано виж̇ж̇од̇амаано ман̣и вияа. ‘‘взрожано наама зго ман̣ий’’д̇и гзжи. махаасааловаад̇и маханд̇о сааларугко вияа, суд̣̇д̇хадтид̇о говил̣аараад̣̇и махааругко вияа ваа. бад̣̇умо гоганад̣̇о яат̇аад̇и гоганад̣̇асан̇каад̇ам̣ махаабад̣̇умам̣ вияа, вигасамаанабад̣̇умам̣ вияа ваа.
Nāgavikkantacāraṇoti hatthināgasadisapadanikkhepo. Satapuññalakkhaṇoti anekasatapuññābhinibbattamahāpurisalakkhaṇo. Maṇiverocano yathāti caturāsītisahassamaṇiparivārito ativiya virocamāno vijjotamāno maṇi viya. ‘‘Verocano nāma eko maṇī’’ti keci. Mahāsālovāti mahanto sālarukkho viya, suddhaṭṭhito koviḷārādi mahārukkho viya vā. Padumo kokanado yathāti kokanadasaṅkhātaṃ mahāpadumaṃ viya, vikasamānapadumaṃ viya vā.
аагаасаг̇ан̇г̇ам̣ од̇аарзнд̇о вияаад̇иаад̣̇и д̇ассаа багин̣н̣агагат̇ааяа ан̃н̃зсам̣ суд̣̇уггарабхаавад̣̇ассанан̃жзва сун̣анд̇аанам̣ ажжанд̇асукаавахабхаавад̣̇ассанан̃жа. бат̇авож̇ам̣ аагад̣дханд̇о вияаад̇и наал̣ияанд̇ам̣ яож̇зд̇ваа махаабат̇авияаа хздтимад̇алз баббадагож̇ам̣ уд̣̇д̇хам̣ мукам̣ гад̇ваа аагад̣дханд̇о вияа. яож̇аниганд̇и яож̇анабамаан̣ам̣. мад̇хубхан̣д̣анд̇и мад̇хубадалам̣.
Ākāsagaṅgaṃ otārento viyātiādi tassā pakiṇṇakakathāya aññesaṃ sudukkarabhāvadassanañceva suṇantānaṃ accantasukhāvahabhāvadassanañca. Pathavojaṃ ākaḍḍhanto viyāti nāḷiyantaṃ yojetvā mahāpathaviyā heṭṭhimatale pappaṭakojaṃ uddhaṃ mukhaṃ katvā ākaḍḍhanto viya. Yojanikanti yojanapamāṇaṃ. Madhubhaṇḍanti madhupaṭalaṃ.
маханд̇анд̇и вибулам̣ ул̣аарабун̃н̃ам̣. саб̣б̣ад̣̇аанам̣ д̣̇иннамзва ход̇ийд̇и саб̣б̣амзва бажжаяаж̇аад̇ам̣ ааваасад̣̇ааяагзна д̣̇иннамзва ход̇и. д̇ат̇аа хи д̣̇вз д̇аяо г̇аамз бин̣д̣ааяа жарид̇ваа гин̃жи алад̣̇д̇хаа ааг̇ад̇ассаби чааяууд̣̇агасамбаннам̣ аараамам̣ бависид̇ваа нхааяид̇ваа бадиссаяз мухуд̇д̇ам̣ нибаж̇ж̇ид̇ваа удтааяа нисиннасса гааяз б̣алам̣ аахарид̇ваа багкид̇д̇ам̣ вияа ход̇и. б̣ахи вижаранд̇асса жа гааяз ван̣н̣ад̇хаад̇у ваад̇аад̇абзхи гиламад̇и, бадиссаяам̣ бависид̇ваа д̣̇ваарам̣ бид̇хааяа мухуд̇д̇ам̣ нисиннасса висабхааг̇асанд̇ад̇и вуубасаммад̇и, сабхааг̇асанд̇ад̇и бад̇идтаад̇и, ван̣н̣ад̇хаад̇у аахарид̇ваа багкид̇д̇аа вияа ход̇и, б̣ахи вижаранд̇асса жа баад̣̇з ган̣дагаа виж̇жханд̇и, каан̣у бахарад̇и, сарийсабаад̣̇ибариссаяаа жзва жорабхаяан̃жа уббаж̇ж̇ад̇и, бадиссаяам̣ бависид̇ваа д̣̇ваарам̣ бид̇хааяа нисиннасса бана саб̣б̣збзд̇з бариссаяаа на хонд̇и. саж̇жхааяанд̇асса д̇хаммабийд̇исукам̣, гаммадтаанам̣ манасигаронд̇асса убасамасукам̣ уббаж̇ж̇ад̇и б̣ахид̣̇д̇хаа вигкзбаабхаавад̇о. б̣ахи вижаранд̇асса жа гааяз сзд̣̇аа мужжанд̇и, агкийни панд̣̇анд̇и, сзнаасанам̣ бависанагкан̣з ман̃жабийтаад̣̇ийни на бан̃н̃ааяанд̇и, мухуд̇д̇ам̣ нисиннасса бана агкибасаад̣̇о аахарид̇ваа багкид̇д̇о вияа ход̇и, д̣̇ваараваад̇абаанаман̃жабийтаад̣̇ийни бан̃н̃ааяанд̇и. зд̇асмин̃жа ааваасз васанд̇ам̣ д̣̇исваа мануссаа жад̇уухи бажжаязхи саггажжам̣ убадтаханд̇и. д̇зна вуд̇д̇ам̣ – ‘‘ааваасад̣̇аанасмин̃хи д̣̇иннз саб̣б̣ад̣̇аанам̣ д̣̇иннамзва ход̇ий’’д̇и. бхуумадтага…бз… на саггаад̇и аяамад̇т̇о махаасуд̣̇ассанавад̇т̇унаа (д̣̇ий. ни. 2.241 аад̣̇аяо) д̣̇ийбзд̇аб̣б̣о. маад̇угужчи асамб̣аад̇хова ход̇ийд̇и аяамад̇т̇о анд̇имабхавигаанам̣ махааб̣од̇хисад̇д̇аанам̣ бадисанд̇хивасзна д̣̇ийбзд̇аб̣б̣о.
Mahantanti vipulaṃ uḷārapuññaṃ. Sabbadānaṃ dinnameva hotīti sabbameva paccayajātaṃ āvāsadāyakena dinnameva hoti. Tathā hi dve tayo gāme piṇḍāya caritvā kiñci aladdhā āgatassapi chāyūdakasampannaṃ ārāmaṃ pavisitvā nhāyitvā paṭissaye muhuttaṃ nipajjitvā uṭṭhāya nisinnassa kāye balaṃ āharitvā pakkhittaṃ viya hoti. Bahi vicarantassa ca kāye vaṇṇadhātu vātātapehi kilamati, paṭissayaṃ pavisitvā dvāraṃ pidhāya muhuttaṃ nisinnassa visabhāgasantati vūpasammati, sabhāgasantati patiṭṭhāti, vaṇṇadhātu āharitvā pakkhittā viya hoti, bahi vicarantassa ca pāde kaṇṭakā vijjhanti, khāṇu paharati, sarīsapādiparissayā ceva corabhayañca uppajjati, paṭissayaṃ pavisitvā dvāraṃ pidhāya nisinnassa pana sabbepete parissayā na honti. Sajjhāyantassa dhammapītisukhaṃ, kammaṭṭhānaṃ manasikarontassa upasamasukhaṃ uppajjati bahiddhā vikkhepābhāvato. Bahi vicarantassa ca kāye sedā muccanti, akkhīni phandanti, senāsanaṃ pavisanakkhaṇe mañcapīṭhādīni na paññāyanti, muhuttaṃ nisinnassa pana akkhipasādo āharitvā pakkhitto viya hoti, dvāravātapānamañcapīṭhādīni paññāyanti. Etasmiñca āvāse vasantaṃ disvā manussā catūhi paccayehi sakkaccaṃ upaṭṭhahanti. Tena vuttaṃ – ‘‘āvāsadānasmiñhi dinne sabbadānaṃ dinnameva hotī’’ti. Bhūmaṭṭhaka…pe… nasakkāti ayamattho mahāsudassanavatthunā (dī. ni. 2.241 ādayo) dīpetabbo. Mātukucchi asambādhova hotīti ayamattho antimabhavikānaṃ mahābodhisattānaṃ paṭisandhivasena dīpetabbo.
сийд̇анд̇и аж̇жхад̇д̇ам̣ д̇хаад̇угкобхавасзна ваа б̣ахид̣̇д̇хаа уд̇увибарин̣аамавасзна ваа уббаж̇ж̇анагасийд̇ам̣. ун̣ханд̇и аг̇г̇исанд̇аабам̣, д̇асса жа д̣̇авад̣̇аахаад̣̇ийсу самбхаво д̣̇адтаб̣б̣о. бадиханд̇ийд̇и бадиханад̇и. яат̇аа д̇ад̣̇убхаяавасзна гааяажид̇д̇аанам̣ ааб̣аад̇хо на ханад̇и, звам̣ гарод̇и. сийд̇ун̣хаб̣бхаахад̇з хи сарийрз вигкид̇д̇ажид̇д̇о бхигку яонисо бад̣̇ахид̇ум̣ на саггод̇и. ваал̣амиг̇аанийд̇и сийхаб̣яаг̇гхаад̣̇иваал̣амиг̇з. г̇уд̇д̇асзнаасанан̃хи бависид̇ваа д̣̇ваарам̣ бид̇хааяа нисиннасса д̇з бариссаяаа на хонд̇и. сарийсабзд̇и яз гзжи саранд̇аа г̇ажчанд̇з д̣̇ийгхаж̇аад̇игз саббаад̣̇игз ан̃н̃з жа д̇ат̇ааруубз. магасзд̇и нид̣̇ассанамад̇д̇амзд̇ам̣, д̣ам̣саад̣̇ийнам̣ зд̇знзва сан̇г̇ахо д̣̇адтаб̣б̣о. сисирзд̇и сийд̇агаалавасзна сад̇д̇аахавад̣̇д̣̇алигаад̣̇ивасзна жа уббаннз сисирасампассз. вудтияод̇и яад̣̇аа д̇ад̣̇аа уббаннаа вассавудтияо бадиханад̇ийд̇и яож̇анаа.
Sītanti ajjhattaṃ dhātukkhobhavasena vā bahiddhā utuvipariṇāmavasena vā uppajjanakasītaṃ. Uṇhanti aggisantāpaṃ, tassa ca davadāhādīsu sambhavo daṭṭhabbo. Paṭihantīti paṭihanati. Yathā tadubhayavasena kāyacittānaṃ ābādho na hanati, evaṃ karoti. Sītuṇhabbhāhate hi sarīre vikkhittacitto bhikkhu yoniso padahituṃ na sakkoti. Vāḷamigānīti sīhabyagghādivāḷamige. Guttasenāsanañhi pavisitvā dvāraṃ pidhāya nisinnassa te parissayā na honti. Sarīsapeti ye keci sarantā gacchante dīghajātike sappādike aññe ca tathārūpe. Makaseti nidassanamattametaṃ, ḍaṃsādīnaṃ eteneva saṅgaho daṭṭhabbo. Sisireti sītakālavasena sattāhavaddalikādivasena ca uppanne sisirasamphasse. Vuṭṭhiyoti yadā tadā uppannā vassavuṭṭhiyo paṭihanatīti yojanā.
ваад̇аад̇або гхород̇и ругкаг̇ажчаад̣̇ийнам̣ уб̣б̣аханабхан̃ж̇анаад̣̇ивасзна бавад̇д̇ияаа гхоро сараж̇аараж̇аад̣̇ибхзд̣̇о ваад̇о жзва г̇имхабарил̣аахасамаязсу уббад̇д̇ияаа гхоро суурияаад̇або жа. бадихан̃н̃ад̇ийд̇и бадиб̣аахийяад̇и. лзн̣ад̇т̇анд̇и наанаарамман̣ад̇о жид̇д̇ам̣ нивад̇д̇ид̇ваа бадисаллаан̣аараамад̇т̇ам̣. сукад̇т̇анд̇и вуд̇д̇абариссаяаабхаавзна паасувихаарад̇т̇ам̣. жхааяид̇унд̇и адтад̇им̣сааяа аарамман̣зсу яад̇т̇а гад̇т̇ажи жид̇д̇ам̣ убаниб̣анд̇хид̇ваа самаад̣̇аханавасзна жхааяид̇ум̣. вибассид̇унд̇и анижжаад̣̇ивасзна сан̇каарз саммасид̇ум̣.
Vātātapo ghoroti rukkhagacchādīnaṃ ubbahanabhañjanādivasena pavattiyā ghoro sarajaarajādibhedo vāto ceva gimhapariḷāhasamayesu uppattiyā ghoro sūriyātapo ca. Paṭihaññatīti paṭibāhīyati. Leṇatthanti nānārammaṇato cittaṃ nivattitvā paṭisallāṇārāmatthaṃ. Sukhatthanti vuttaparissayābhāvena phāsuvihāratthaṃ. Jhāyitunti aṭṭhatiṃsāya ārammaṇesu yattha katthaci cittaṃ upanibandhitvā samādahanavasena jhāyituṃ. Vipassitunti aniccādivasena saṅkhāre sammasituṃ.
вихаарзд̇и бадиссаяз. гаараязд̇и гаараабзяяа. раммзд̇и манорамз. ваасаязд̇т̇а б̣ахуссуд̇зд̇и гаарзд̇ваа бана зд̇т̇а вихаарзсу б̣ахуссуд̇з сийлаванд̇з галяаан̣ад̇хаммз ниваасзяяа. д̇з ниваасзнд̇о бана д̇зсам̣ б̣ахуссуд̇аанам̣ яат̇аа бажжаязхи гиламат̇о на ход̇и. звам̣ аннан̃жа баанан̃жа вад̇т̇асзнаасанаани жа д̣̇ад̣̇зяяа уж̇убхууд̇зсу аж̇жхаасаяасамбаннзсу гаммапалаанам̣ рад̇анад̇д̇аяаг̇ун̣аанан̃жа сад̣̇д̣̇аханзна виббасаннзна жзд̇асаа. ид̣̇аани г̇ахадтабаб̣б̣аж̇ид̇аанам̣ ан̃н̃аман̃н̃уубагаарад̇ам̣ д̣̇ассзд̇ум̣ ‘‘д̇з д̇ассаа’’д̇и г̇аат̇амааха. д̇ад̇т̇а д̇зд̇и б̣ахуссуд̇аа. д̇ассаад̇и убаасагасса. д̇хаммам̣ д̣̇зсзнд̇ийд̇и сагалаваддад̣̇угкабанууд̣̇анам̣ нияяаанигам̣ д̇хаммам̣ гат̇знд̇и. яам̣ со д̇хаммам̣ ид̇хан̃н̃ааяаад̇и со буг̇г̇ало яам̣ сад̣̇д̇хаммам̣ имасмим̣ саасанз саммаабадибаж̇ж̇анзна ж̇аанид̇ваа аг̇г̇амаг̇г̇аад̇хиг̇амзна анаасаво худ̇ваа бариниб̣б̣ааяад̇и.
Vihāreti paṭissaye. Kārayeti kārāpeyya. Rammeti manorame. Vāsayettha bahussuteti kāretvā pana ettha vihāresu bahussute sīlavante kalyāṇadhamme nivāseyya. Te nivāsento pana tesaṃ bahussutānaṃ yathā paccayehi kilamatho na hoti. Evaṃ annañca pānañca vatthasenāsanāni ca dadeyya ujubhūtesu ajjhāsayasampannesu kammaphalānaṃ ratanattayaguṇānañca saddahanena vippasannena cetasā. Idāni gahaṭṭhapabbajitānaṃ aññamaññūpakārataṃ dassetuṃ ‘‘te tassā’’ti gāthamāha. Tattha teti bahussutā. Tassāti upāsakassa. Dhammaṃ desentīti sakalavaṭṭadukkhapanūdanaṃ niyyānikaṃ dhammaṃ kathenti. Yaṃ so dhammaṃ idhaññāyāti so puggalo yaṃ saddhammaṃ imasmiṃ sāsane sammāpaṭipajjanena jānitvā aggamaggādhigamena anāsavo hutvā parinibbāyati.
ааваасзд̇и ааваасад̣̇аанз. аанисам̣сод̇и уд̣̇раяо. бууж̇аасаггааравасзна батамаяаамо кзбид̇о, сад̇т̇у д̇хаммад̣̇зсанааяа аббаавасзсо маж̇жхимаяаамо г̇ад̇од̇и баал̣ияам̣ ‘‘б̣ахуд̣̇зва рад̇д̇и’’нд̇и вуд̇д̇анд̇и ааха ‘‘ад̇ирзгад̇арам̣ д̣̇ияад̣дхаяаама’’нд̇и. сан̇г̇ахам̣ наарохад̇и вибулавид̇т̇аарабхаавад̇о. б̣уд̣̇д̇хаанан̃хи бхад̇д̇аанумод̣̇анааби т̇огам̣ вад̣дхзд̇ваа вужжамаанаа д̣̇ийгхамаж̇жхимабамаан̣ааби ход̇и. д̇ат̇аа хи супусид̇ам̣ д̣̇анд̇ааваран̣ам̣, ж̇ивхаа д̇анугаа, бхаван̇г̇абариваасо барид̇д̇о, над̇т̇и взг̇ааяид̇ам̣, над̇т̇и вид̇т̇ааяид̇ам̣, над̇т̇и аб̣яаавадамано, саб̣б̣ан̃н̃уд̇ан̃н̃аан̣ам̣ самубаб̣яуул̣хам̣, абаригкаяаа бадисамбхид̣̇аа.
Āvāseti āvāsadāne. Ānisaṃsoti udrayo. Pūjāsakkāravasena paṭhamayāmo khepito, satthu dhammadesanāya appāvaseso majjhimayāmo gatoti pāḷiyaṃ ‘‘bahudeva ratti’’nti vuttanti āha ‘‘atirekataraṃ diyaḍḍhayāma’’nti. Saṅgahaṃ nārohati vipulavitthārabhāvato. Buddhānañhi bhattānumodanāpi thokaṃ vaḍḍhetvā vuccamānā dīghamajjhimapamāṇāpi hoti. Tathā hi suphusitaṃ dantāvaraṇaṃ, jivhā tanukā, bhavaṅgaparivāso paritto, natthi vegāyitaṃ, natthi vitthāyitaṃ, natthi abyāvaṭamano, sabbaññutaññāṇaṃ samupabyūḷhaṃ, aparikkhayā paṭisambhidā.
санд̣̇ассзд̇ваад̇иаад̣̇ийсу санд̣̇ассзд̇ваа ааваасад̣̇аанабадисам̣яуд̇д̇ам̣ д̇хаммим̣ гат̇ам̣ гад̇ваа. д̇ад̇о барам̣, махаарааж̇а, ид̇иби сийлам̣, ид̇иби самаад̇хи, ид̇иби бан̃н̃аад̇и сийлаад̣̇иг̇ун̣з д̇зсам̣ саммаа д̣̇ассзд̇ваа хад̇т̇зна г̇ахзд̇ваа вияа бажжагкад̇о багаасзд̇ваа. самаад̣̇абзд̇ваад̇и звам̣ сийлам̣ самаад̣̇аад̇аб̣б̣ам̣, сийлз бад̇идтид̇зна звам̣ самаад̇хибан̃н̃аа бхаавзд̇аб̣б̣аад̇и яат̇аа д̇з сийлаад̣̇иг̇ун̣з саммаа аад̣̇ияанд̇и, д̇ат̇аа г̇ан̣хаабзд̇ваа. самуд̇д̇зж̇зд̇ваад̇и яат̇аасамаад̣̇иннам̣ сийлам̣ сувисуд̣̇д̇хам̣ ход̇и, самат̇авибассанаа жа бхаавияамаанаа яат̇аа судту висод̇хид̇аа убаруубари висзсаавахаа хонд̇и, звам̣ самуд̇д̇зж̇зд̇ваа нисааманавасзна вод̣̇аабзд̇ваа. самбахам̣сзд̇ваад̇и яат̇аанусидтам̣ тид̇асийлаад̣̇иг̇ун̣зхи самбад̇и бадилад̣̇д̇хаг̇ун̣аанисам̣сзхи жзва убарилад̣̇д̇хаб̣б̣апалависзсзхи жа жид̇д̇ам̣ самбахам̣сзд̇ваа лад̣̇д̇хассаасавасзна судту д̇осзд̇ваа. звамзд̇зсам̣ бад̣̇аанам̣ ад̇т̇о взд̣̇ид̇аб̣б̣о. сагяарааж̇аано язбхуяязна бхаг̇авад̇о д̇хаммад̣̇зсанааяа саасанз лад̣̇д̇хассаад̣̇аа лад̣̇д̇хаббад̇идтаа жа.
Sandassetvātiādīsu sandassetvā āvāsadānapaṭisaṃyuttaṃ dhammiṃ kathaṃ katvā. Tato paraṃ, mahārāja, itipi sīlaṃ, itipi samādhi, itipi paññāti sīlādiguṇe tesaṃ sammā dassetvā hatthena gahetvā viya paccakkhato pakāsetvā. Samādapetvāti evaṃ sīlaṃ samādātabbaṃ, sīle patiṭṭhitena evaṃ samādhipaññā bhāvetabbāti yathā te sīlādiguṇe sammā ādiyanti, tathā gaṇhāpetvā. Samuttejetvāti yathāsamādinnaṃ sīlaṃ suvisuddhaṃ hoti, samathavipassanā ca bhāviyamānā yathā suṭṭhu visodhitā uparūpari visesāvahā honti, evaṃ samuttejetvā nisāmanavasena vodāpetvā. Sampahaṃsetvāti yathānusiṭṭhaṃ ṭhitasīlādiguṇehi sampati paṭiladdhaguṇānisaṃsehi ceva upariladdhabbaphalavisesehi ca cittaṃ sampahaṃsetvā laddhassāsavasena suṭṭhu tosetvā. Evametesaṃ padānaṃ attho veditabbo. Sakyarājāno yebhuyyena bhagavato dhammadesanāya sāsane laddhassādā laddhappatiṭṭhā ca.
убасаг̇г̇асад̣̇д̣̇аанам̣ анзгад̇т̇ад̇д̇аа абхи-сад̣̇д̣̇о ад̇и-сад̣̇д̣̇зна самаанад̇т̇оби ход̇ийд̇и вуд̇д̇ам̣ ‘‘абхигганд̇аад̇и ад̇игганд̇аа’’д̇и.
Upasaggasaddānaṃ anekatthattā abhi-saddo ati-saddena samānatthopi hotīti vuttaṃ ‘‘abhikkantāti atikkantā’’ti.
д̇ад̇ра гираад̇иаад̣̇и гзживаад̣̇од̇и б̣ад̣̇д̇хоби на ход̇и. д̇знааха ‘‘агааран̣амзд̇а’’нд̇иаад̣̇и. гааяажид̇д̇алахуд̇аад̣̇аяо уббаж̇ж̇анд̇ийд̇и ид̣̇ам̣ гааяигажзд̇асигаан̃н̃ат̇аабхаавасса гааран̣аважанам̣, лахуд̇аад̣̇иуббаннз саванаануд̇д̇арияабадилаабхзна лад̣̇д̇хаб̣б̣ад̇хаммад̇т̇авзд̣̇асамад̇хиг̇амад̇о. вуд̇д̇ан̃хзд̇ам̣ –
Tatra kirātiādi kecivādoti baddhopi na hoti. Tenāha ‘‘akāraṇameta’’ntiādi. Kāyacittalahutādayo uppajjantīti idaṃ kāyikacetasikaaññathābhāvassa kāraṇavacanaṃ, lahutādiuppanne savanānuttariyapaṭilābhena laddhabbadhammatthavedasamadhigamato. Vuttañhetaṃ –
‘‘яат̇аа , яат̇аавусо, бхигкуно сад̇т̇аа ваа д̇хаммам̣ д̣̇зсзд̇и ан̃н̃ад̇аро ваа г̇арудтааниго саб̣рахмажаарий, д̇ат̇аа д̇ат̇аа со д̇асмим̣ д̇хаммз лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇а’’нд̇иаад̣̇и (д̣̇ий. ни. 3.322, 355; а. ни. 5.26).
‘‘Yathā , yathāvuso, bhikkhuno satthā vā dhammaṃ deseti aññataro vā garuṭṭhāniko sabrahmacārī, tathā tathā so tasmiṃ dhamme labhati atthavedaṃ, labhati dhammavedaṃ, labhati dhammūpasaṃhitaṃ pāmojja’’ntiādi (dī. ni. 3.322, 355; a. ni. 5.26).
бидтиваад̇о уббаж̇ж̇и убаад̣̇иннасарийрасса д̇ат̇ааруубад̇д̇аа сан̇каараанан̃жа анижжад̇ааяа д̣̇угкаануб̣анд̇хад̇д̇аа. агааран̣ам̣ ваа зд̇анд̇и язнаад̇хиббааязна вуд̇д̇ам̣, д̇амзва ад̇хиббааяам̣ виварид̇ум̣ ‘‘баход̇ий’’д̇иаад̣̇и вуд̇д̇ам̣. згабаллан̇гзна нисийд̣̇ид̇ум̣ баход̇и яат̇аа д̇ам̣ взлуваг̇аамагз. зд̇д̇агз таанзд̇и зд̇д̇агз таанз таанам̣ нибпаннанд̇и яож̇анаа. д̇ан̃жа код̇и вудтаанасан̃н̃ам̣ жид̇д̇з табанам̣. д̇хаммагат̇ам̣ сун̣амаано д̇хаммаг̇ааравзна.
Piṭṭhivāto uppajji upādinnasarīrassa tathārūpattā saṅkhārānañca aniccatāya dukkhānubandhattā. Akāraṇaṃ vā etanti yenādhippāyena vuttaṃ, tameva adhippāyaṃ vivarituṃ ‘‘pahotī’’tiādi vuttaṃ. Ekapallaṅkena nisīdituṃ pahoti yathā taṃ veluvagāmake. Ettake ṭhāneti ettake ṭhāne ṭhānaṃ nipphannanti yojanā. Tañca khoti vuṭṭhānasaññaṃ citte ṭhapanaṃ. Dhammakathaṃ suṇamāno dhammagāravena.
авассуд̇ассаад̇и авассуд̇абхаавасса рааг̇аад̣̇ивасзна. авассуд̇асса гааран̣анд̇и д̇инд̇абхаавагааран̣ам̣. гилзсаад̇химужжанзнаад̇и гилзсавасзна барибпанд̣̇ид̇авасзна. ниб̣б̣аабанам̣ вияаад̇и вуубасамо вияа. ниб̣б̣исзванаананд̇и барибпанд̣̇анарахид̇аанам̣.
Avassutassāti avassutabhāvassa rāgādivasena. Avassutassa kāraṇanti tintabhāvakāraṇaṃ. Kilesādhimuccanenāti kilesavasena paripphanditavasena. Nibbāpanaṃ viyāti vūpasamo viya. Nibbisevanānanti paripphandanarahitānaṃ.
авассуд̇абарияааяасуд̇д̇аван̣н̣анаа нидтид̇аа.
Avassutapariyāyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. авассуд̇абарияааяасуд̇д̇ам̣ • 6. Avassutapariyāyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. авассуд̇абарияааяасуд̇д̇аван̣н̣анаа • 6. Avassutapariyāyasuttavaṇṇanā
