| Library / Tipiṭaka / තිපිටක • Tipiṭaka / අපදානපාළි • Apadānapāḷi |
39. අවටඵලවග්‌ගො
39. Avaṭaphalavaggo
1. අවටඵලදායකත්‌ථෙරඅපදානං
1. Avaṭaphaladāyakattheraapadānaṃ
1.
1.
‘‘සතරංසි නාම භගවා, සයම්‌භූ අපරාජිතො;
‘‘Sataraṃsi nāma bhagavā, sayambhū aparājito;
විවෙකකාමො සම්‌බුද්‌ධො, ගොචරායාභිනික්‌ඛමි.
Vivekakāmo sambuddho, gocarāyābhinikkhami.
2.
2.
‘‘ඵලහත්‌ථො අහං දිස්‌වා, උපගච්‌ඡිං නරාසභං;
‘‘Phalahattho ahaṃ disvā, upagacchiṃ narāsabhaṃ;
3.
3.
‘‘චතුන්‌නවුතිතො කප්‌පෙ, යං ඵලමදදිං අහං;
‘‘Catunnavutito kappe, yaṃ phalamadadiṃ ahaṃ;
දුග්‌ගතිං නාභිජානාමි, ඵලදානස්‌සිදං ඵලං.
Duggatiṃ nābhijānāmi, phaladānassidaṃ phalaṃ.
4.
4.
‘‘කිලෙසා ඣාපිතා මය්‌හං, භවා සබ්‌බෙ සමූහතා;
‘‘Kilesā jhāpitā mayhaṃ, bhavā sabbe samūhatā;
නාගොව බන්‌ධනං ඡෙත්‌වා, විහරාමි අනාසවො.
Nāgova bandhanaṃ chetvā, viharāmi anāsavo.
5.
5.
‘‘ස්‌වාගතං වත මෙ ආසි, මම බුද්‌ධස්‌ස සන්‌තිකෙ;
‘‘Svāgataṃ vata me āsi, mama buddhassa santike;
තිස්‌සො විජ්‌ජා අනුප්‌පත්‌තා, කතං බුද්‌ධස්‌ස සාසනං.
Tisso vijjā anuppattā, kataṃ buddhassa sāsanaṃ.
6.
6.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා අවටඵලදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā avaṭaphaladāyako thero imā gāthāyo abhāsitthāti.
අවටඵලදායකත්‌ථෙරස්‌සාපදානං පඨමං.
Avaṭaphaladāyakattherassāpadānaṃ paṭhamaṃ.
Footnotes:
