| Library / Tipiṭaka / තිපිටක • Tipiṭaka / අපදානපාළි • Apadānapāḷi |
6. අවටඵලියත්‌ථෙරඅපදානං
6. Avaṭaphaliyattheraapadānaṃ
26.
26.
‘‘සතරංසී නාම භගවා, සයම්‌භූ අපරාජිතො;
‘‘Sataraṃsī nāma bhagavā, sayambhū aparājito;
විවෙකකාමො සම්‌බුද්‌ධො, ගොචරායාභිනික්‌ඛමි.
Vivekakāmo sambuddho, gocarāyābhinikkhami.
27.
27.
‘‘ඵලහත්‌ථො අහං දිස්‌වා, උපගච්‌ඡිං නරාසභං;
‘‘Phalahattho ahaṃ disvā, upagacchiṃ narāsabhaṃ;
පසන්‌නචිත්‌තො සුමනො, අදාසිං අවටං ඵලං.
Pasannacitto sumano, adāsiṃ avaṭaṃ phalaṃ.
28.
28.
‘‘චතුන්‌නවුතිතො කප්‌පෙ, යං ඵලං අදදිං තදා;
‘‘Catunnavutito kappe, yaṃ phalaṃ adadiṃ tadā;
දුග්‌ගතිං නාභිජානාමි, ඵලදානස්‌සිදං ඵලං.
Duggatiṃ nābhijānāmi, phaladānassidaṃ phalaṃ.
29.
29.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
30.
30.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
31.
31.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා අවටඵලියො ථෙරො ඉමා ගාථායො
Itthaṃ sudaṃ āyasmā avaṭaphaliyo thero imā gāthāyo
අභාසිත්‌ථාති.
Abhāsitthāti.
අවටඵලියත්‌ථෙරස්‌සාපදානං ඡට්‌ඨං.
Avaṭaphaliyattherassāpadānaṃ chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-60. සකිංසම්‌මජ්‌ජකත්‌ථෙරඅපදානාදිවණ්‌ණනා • 1-60. Sakiṃsammajjakattheraapadānādivaṇṇanā
