| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. අවටඵලියත්‌ථෙරඅපදානං
4. Avaṭaphaliyattheraapadānaṃ
57.
57.
‘‘සහස්‌සරංසී භගවා, සයම්‌භූ අපරාජිතො;
‘‘Sahassaraṃsī bhagavā, sayambhū aparājito;
විවෙකා උට්‌ඨහිත්‌වාන, ගොචරායාභිනික්‌ඛමි.
Vivekā uṭṭhahitvāna, gocarāyābhinikkhami.
58.
58.
‘‘ඵලහත්‌ථො අහං දිස්‌වා, උපගච්‌ඡිං නරාසභං;
‘‘Phalahattho ahaṃ disvā, upagacchiṃ narāsabhaṃ;
පසන්‌නචිත්‌තො සුමනො, අවටං අදදිං ඵලං.
Pasannacitto sumano, avaṭaṃ adadiṃ phalaṃ.
59.
59.
‘‘චතුන්‌නවුතිතො කප්‌පෙ, යං ඵලං අදදිං තදා;
‘‘Catunnavutito kappe, yaṃ phalaṃ adadiṃ tadā;
දුග්‌ගතිං නාභිජානාමි, ඵලදානස්‌සිදං ඵලං.
Duggatiṃ nābhijānāmi, phaladānassidaṃ phalaṃ.
60.
60.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
61.
61.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
62.
62.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා අවටඵලියො ථෙරො ඉමා ගාථායො
Itthaṃ sudaṃ āyasmā avaṭaphaliyo thero imā gāthāyo
අභාසිත්‌ථාති.
Abhāsitthāti.
අවටඵලියත්‌ථෙරස්‌සාපදානං චතුත්‌ථං.
Avaṭaphaliyattherassāpadānaṃ catutthaṃ.
