| Library / Tipiṭaka / ਤਿਪਿਟਕ • Tipiṭaka / ਨੇਤ੍ਤਿਪ੍ਪਕਰਣ-ਅਟ੍ਠਕਥਾ • Nettippakaraṇa-aṭṭhakathā |
੭. ਆવਟ੍ਟਹਾਰਸਮ੍ਪਾਤવਣ੍ਣਨਾ
7. Āvaṭṭahārasampātavaṇṇanā
੬੯. ਨੇਕ੍ਖਮ੍ਮਸਙ੍ਕਪ੍ਪਬਹੁਲੋ ਕਸਿਣવਸੇਨ ਮੇਤ੍ਤਾਦਿવਸੇਨ વਾ ਲਦ੍ਧਾਯ ਚਿਤ੍ਤੇਕਗ੍ਗਤਾਸਙ੍ਖਾਤਾਯ ਚਿਤ੍ਤਮਞ੍ਜੂਸਾਯ ਚਿਤ੍ਤਂ ਠਪੇਤ੍વਾ ਸਮਾਧਿਂਯੇવ વਾ ਯਥਾਲਦ੍ਧਂ ਸਂਕਿਲੇਸਤੋ ਰਕ੍ਖਿਤਚਿਤ੍ਤੋ ਨਾਮ ਹੋਤੀਤਿ વੁਤ੍ਤਂ – ‘‘ਤਸ੍ਮਾ ਰਕ੍ਖਿਤਚਿਤ੍ਤਸ੍ਸ ਸਮ੍ਮਾਸਙ੍ਕਪ੍ਪਗੋਚਰੋਤਿ ਅਯਂ ਸਮਥੋ’’ਤਿ। ਪਞ੍ਞਾਪਧਾਨਾ વਿਪਸ੍ਸਨਾਤਿ ਆਹ – ‘‘ਸਮ੍ਮਾਦਿਟ੍ਠਿਪੁਰੇਕ੍ਖਾਰੋਤਿ ਅਯਂ વਿਪਸ੍ਸਨਾ’’ਤਿ। ਅਰਿਯਮਗ੍ਗੇਨ ਦੁਕ੍ਖਸਚ੍ਚੇ ਪਰਿਞ੍ਞਾਤੇ ਉਦਯਬ੍ਬਯਦਸ੍ਸਨਂ ਮਤ੍ਥਕਪ੍ਪਤ੍ਤਂ ਨਾਮ ਹੋਤੀਤਿ વੁਤ੍ਤਂ – ‘‘ਞਤ੍વਾਨ ਉਦਯਬ੍ਬਯਨ੍ਤਿ ਦੁਕ੍ਖਪਰਿਞ੍ਞਾ’’ਤਿ। ‘‘ਯਂ ਕਿਞ੍ਚਿ ਸਮੁਦਯਧਮ੍ਮਂ, ਸਬ੍ਬਂ ਤਂ ਨਿਰੋਧਧਮ੍ਮ’’ਨ੍ਤਿ ਹਿ ਮਗ੍ਗਞਾਣਸ੍ਸ ਪવਤ੍ਤਿਦਸ੍ਸਨਾਤਿ। ਇਮਾਨਿ ਚਤ੍ਤਾਰਿ ਸਚ੍ਚਾਨੀਤਿ ਚਤੁਸਚ੍ਚਧਮ੍ਮવਸੇਨ ਆવਟ੍ਟਨਂ ਨਿਟ੍ਠਪੇਤਿ। ਤਤ੍ਥ ਪੁਰਿਮੇਨ ਸਚ੍ਚਦ੍વਯਟ੍ਠਪਨੇਨ વਿਸਭਾਗਧਮ੍ਮવਸੇਨ, ਪਚ੍ਛਿਮੇਨ ਸਭਾਗਧਮ੍ਮવਸੇਨ ਆવਟ੍ਟਨਨ੍ਤਿ ਦਟ੍ਠਬ੍ਬਂ।
69. Nekkhammasaṅkappabahulo kasiṇavasena mettādivasena vā laddhāya cittekaggatāsaṅkhātāya cittamañjūsāya cittaṃ ṭhapetvā samādhiṃyeva vā yathāladdhaṃ saṃkilesato rakkhitacitto nāma hotīti vuttaṃ – ‘‘tasmā rakkhitacittassa sammāsaṅkappagocaroti ayaṃ samatho’’ti. Paññāpadhānā vipassanāti āha – ‘‘sammādiṭṭhipurekkhāroti ayaṃ vipassanā’’ti. Ariyamaggena dukkhasacce pariññāte udayabbayadassanaṃ matthakappattaṃ nāma hotīti vuttaṃ – ‘‘ñatvāna udayabbayanti dukkhapariññā’’ti. ‘‘Yaṃ kiñci samudayadhammaṃ, sabbaṃ taṃ nirodhadhamma’’nti hi maggañāṇassa pavattidassanāti. Imāni cattāri saccānīti catusaccadhammavasena āvaṭṭanaṃ niṭṭhapeti. Tattha purimena saccadvayaṭṭhapanena visabhāgadhammavasena, pacchimena sabhāgadhammavasena āvaṭṭananti daṭṭhabbaṃ.
ਆવਟ੍ਟਹਾਰਸਮ੍ਪਾਤવਣ੍ਣਨਾ ਨਿਟ੍ਠਿਤਾ।
Āvaṭṭahārasampātavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਨੇਤ੍ਤਿਪ੍ਪਕਰਣਪਾਲ਼ਿ • Nettippakaraṇapāḷi / ੭. ਆવਟ੍ਟਹਾਰਸਮ੍ਪਾਤੋ • 7. Āvaṭṭahārasampāto
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿવਿਭਾવਿਨੀ • Nettivibhāvinī / ੭. ਆવਟ੍ਟਹਾਰਸਮ੍ਪਾਤવਿਭਾવਨਾ • 7. Āvaṭṭahārasampātavibhāvanā
