| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
7. ааваддахаарасамбаад̇авибхааванаа
7. Āvaṭṭahārasampātavibhāvanā
69. язна язна жад̇уб̣яуухахаарасамбаад̇зна нируд̇яаад̇хиббааяанид̣̇аанабуб̣б̣аабараанусанд̇хаяо вибхад̇д̇аа, со жад̇уб̣яуухахаарасамбаад̇о барибун̣н̣о, ‘‘гад̇амо ааваддахаарасамбаад̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо ааваддо хаарасамбаад̇о’’д̇иаад̣̇и вуд̇д̇ам̣. д̇ад̇т̇а гад̇амо сам̣ван̣н̣анаависзсо ааваддахаарасамбаад̇о наамаад̇и бужчад̇и.
69. Yena yena catubyūhahārasampātena nirutyādhippāyanidānapubbāparānusandhayo vibhattā, so catubyūhahārasampāto paripuṇṇo, ‘‘katamo āvaṭṭahārasampāto’’ti pucchitabbattā ‘‘tattha katamo āvaṭṭo hārasampāto’’tiādi vuttaṃ. Tattha katamo saṃvaṇṇanāviseso āvaṭṭahārasampāto nāmāti pucchati.
‘‘гад̇амз суд̇д̇ад̇т̇аа гат̇ам̣ ааваддзд̇аб̣б̣аа’’д̇и бужчид̇аб̣б̣ад̇д̇аа ‘‘д̇асмаа’’д̇иаад̣̇и вуд̇д̇ам̣. нзгкаммасан̇габбасан̇каад̇асаммаасан̇габбаб̣ахуло гасин̣аад̣̇ивасзна, авихим̣саасан̇габбасан̇каад̇асаммаасан̇габбаб̣ахуло мзд̇д̇аад̣̇ивасзна ад̇хиг̇ад̇ааяа жид̇д̇згаг̇г̇ад̇ааяа жид̇д̇ам̣ табзнд̇о сам̣гилзсад̇о рагкид̇ажид̇д̇о наама ход̇и, ‘‘д̇асмаа рагкид̇ажид̇д̇асса, саммаасан̇габбаг̇ожаро’’д̇и иминаа рагкид̇ажид̇д̇з вуд̇д̇з сад̇и яаа згаг̇г̇ад̇аа ааваддзд̇аб̣б̣аа, саа аяам̣ згаг̇г̇ад̇аа самат̇о. ‘‘саммаад̣̇идтибурзгкааро’’д̇и иминаа саммаад̣̇идтибурзгкаарз вуд̇д̇з сад̇и яаа бан̃н̃аа ааваддзд̇аб̣б̣аа, саа аяам̣ бан̃н̃аа вибассанаа. ‘‘н̃ад̇ваана уд̣̇аяаб̣б̣аяа’’нд̇и иминаа уд̣̇аяаб̣б̣аяан̃аан̣асаманнааг̇ад̇з вуд̇д̇з сад̇и яаа д̣̇угкабариж̇аананаа ааваддзд̇аб̣б̣аа, саа аяам̣ д̣̇угкабариж̇аананаа д̣̇угкабарин̃н̃аа. ‘‘т̇инамид̣̇д̇хаабхибхуу бхигкуу’’д̇и иминаа буг̇г̇алаад̇хидтаанзна яам̣ т̇инамид̣̇д̇хаабхибхаванам̣ вуд̇д̇ам̣, ид̣̇ам̣ т̇инамид̣̇д̇хаабхибхаванам̣ самуд̣̇аяаббахаанам̣. ‘‘саммаа д̣̇уг̇г̇ад̇ияо ж̇ахз’’д̇и иминаа яо саб̣б̣ад̣̇уг̇г̇ад̇иж̇аханасан̇каад̇о ануббаад̣̇о вуд̇д̇о, со аяам̣ ануббаад̣̇о нирод̇хо. ид̇и д̣̇угкабарин̃н̃ааяа барин̃н̃зд̇аб̣б̣ам̣ д̣̇угкасажжам̣ ааваддзд̇аб̣б̣ам̣, самуд̣̇аяаббахаанзна бахаад̇аб̣б̣ам̣ самуд̣̇аяасажжам̣ ааваддзд̇аб̣б̣ам̣, нирод̇хзна нирод̇хасажжам̣ ааваддзд̇аб̣б̣ам̣, самат̇авибассанаахи маг̇г̇асажжам̣ ааваддзд̇аб̣б̣анд̇и имаани жад̇д̇аари сажжаани ааваддзд̇аб̣б̣аанийд̇и.
‘‘Katame suttatthā kathaṃ āvaṭṭetabbā’’ti pucchitabbattā ‘‘tasmā’’tiādi vuttaṃ. Nekkhammasaṅkappasaṅkhātasammāsaṅkappabahulo kasiṇādivasena, avihiṃsāsaṅkappasaṅkhātasammāsaṅkappabahulo mettādivasena adhigatāya cittekaggatāya cittaṃ ṭhapento saṃkilesato rakkhitacitto nāma hoti, ‘‘tasmā rakkhitacittassa, sammāsaṅkappagocaro’’ti iminā rakkhitacitte vutte sati yā ekaggatā āvaṭṭetabbā, sā ayaṃ ekaggatā samatho. ‘‘Sammādiṭṭhipurekkhāro’’ti iminā sammādiṭṭhipurekkhāre vutte sati yā paññā āvaṭṭetabbā, sā ayaṃ paññā vipassanā. ‘‘Ñatvāna udayabbaya’’nti iminā udayabbayañāṇasamannāgate vutte sati yā dukkhaparijānanā āvaṭṭetabbā, sā ayaṃ dukkhaparijānanā dukkhapariññā. ‘‘Thinamiddhābhibhū bhikkhū’’ti iminā puggalādhiṭṭhānena yaṃ thinamiddhābhibhavanaṃ vuttaṃ, idaṃ thinamiddhābhibhavanaṃ samudayappahānaṃ. ‘‘Sammā duggatiyo jahe’’ti iminā yo sabbaduggatijahanasaṅkhāto anuppādo vutto, so ayaṃ anuppādo nirodho. Iti dukkhapariññāya pariññetabbaṃ dukkhasaccaṃ āvaṭṭetabbaṃ, samudayappahānena pahātabbaṃ samudayasaccaṃ āvaṭṭetabbaṃ, nirodhena nirodhasaccaṃ āvaṭṭetabbaṃ, samathavipassanāhi maggasaccaṃ āvaṭṭetabbanti imāni cattāri saccāni āvaṭṭetabbānīti.
‘‘зд̇д̇агова ааваддо хаарасамбаад̇о барибун̣н̣о’’д̇и вад̇д̇аб̣б̣ад̇д̇аа ‘‘нияуд̇д̇о ааваддо хаарасамбаад̇о’’д̇и вуд̇д̇ам̣. язна язна сам̣ван̣н̣анаависзсабхууд̇зна ааваддахаарасамбаад̇зна самат̇аад̣̇аяо ааваддзд̇аб̣б̣аа , со со сам̣ван̣н̣анаависзсабхууд̇о ааваддахаарасамбаад̇о нияуд̇д̇о яат̇аарахам̣ нид̣̇д̇хаарзд̇ваа яуж̇ж̇ид̇аб̣б̣од̇и ад̇т̇о г̇ахзд̇аб̣б̣од̇и.
‘‘Ettakova āvaṭṭo hārasampāto paripuṇṇo’’ti vattabbattā ‘‘niyutto āvaṭṭo hārasampāto’’ti vuttaṃ. Yena yena saṃvaṇṇanāvisesabhūtena āvaṭṭahārasampātena samathādayo āvaṭṭetabbā , so so saṃvaṇṇanāvisesabhūto āvaṭṭahārasampāto niyutto yathārahaṃ niddhāretvā yujjitabboti attho gahetabboti.
ид̇и ааваддахаарасамбаад̇з сад̇д̇иб̣алаануруубаа ражид̇аа
Iti āvaṭṭahārasampāte sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана…бз… г̇ахзд̇аб̣б̣од̇и.
Paṇḍitehi pana…pe… gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 7. ааваддахаарасамбаад̇о • 7. Āvaṭṭahārasampāto
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 7. ааваддахаарасамбаад̇аван̣н̣анаа • 7. Āvaṭṭahārasampātavaṇṇanā
