| Library / Tipiṭaka / д̇ибидага • Tipiṭaka / нзд̇д̇иббагаран̣а-дийгаа • Nettippakaraṇa-ṭīkā |
7. ааваддахааравибхан̇г̇аван̣н̣анаа
7. Āvaṭṭahāravibhaṅgavaṇṇanā
29. агусалаанам̣ д̇хаммаанам̣ вид̣̇д̇хам̣санасабхаавад̇д̇аа, агусалаанам̣ ваа баж̇аханз гусалаанам̣ самбаад̣̇анз бадтабанасабхаавад̇д̇аа аарамбхад̇хаад̇у. д̇ат̇аабхууд̇аад̇и сийлаад̣̇ийхи саман̇г̇ийбхууд̇аа. гаамад̇хаад̇уаад̣̇игаа д̇ид̇хаад̇уяова д̇зд̇хаад̇у. д̇асса абхибхаванад̇о д̇зд̇хаад̇уиссаро мажжурааж̇аа. анаад̣̇имад̇исам̣саарз жирагаалам̣ лад̣̇д̇хабад̇идтааби ажирагаалам̣ бхаавид̇зхи гусалзхи д̇хаммзхи самужчинд̣̇анийяад̇д̇аа аб̣алаа гилзсаад̇и вуд̇д̇ам̣ ‘‘аб̣алам̣ д̣̇уб̣б̣ала’’нд̇и. д̇знааха ‘‘аб̣алаа нам̣ б̣алийяанд̇ий’’д̇и.
29. Akusalānaṃ dhammānaṃ viddhaṃsanasabhāvattā, akusalānaṃ vā pajahane kusalānaṃ sampādane paṭṭhapanasabhāvattā ārambhadhātu. Tathābhūtāti sīlādīhi samaṅgībhūtā. Kāmadhātuādikā tidhātuyova tedhātu. Tassa abhibhavanato tedhātuissaro maccurājā. Anādimatisaṃsāre cirakālaṃ laddhapatiṭṭhāpi acirakālaṃ bhāvitehi kusalehi dhammehi samucchindanīyattā abalā kilesāti vuttaṃ ‘‘abalaṃ dubbala’’nti. Tenāha ‘‘abalā naṃ balīyantī’’ti.
ид̣̇ам̣ важанам̣ аяам̣ г̇аат̇аабаад̣̇о. самаад̇хисса бад̣̇адтаананд̇и зд̇т̇а самаад̇хисса гааран̣ам̣ самад̇аануяог̇з нияож̇анад̇од̇и яож̇зд̇аб̣б̣ам̣. зса наяо сзсзсуби. бабан̃жаад̇и рааг̇аад̣̇аяова. д̇ат̇аа жзва сам̣ван̣н̣ид̇анд̇и д̣̇зсанааяа бад̣̇адтаанабхаавзнзва ад̇т̇асам̣ван̣н̣анаа гад̇аад̇и ад̇т̇о.
Idaṃ vacanaṃ ayaṃ gāthāpādo. Samādhissa padaṭṭhānanti ettha samādhissa kāraṇaṃ samatānuyoge niyojanatoti yojetabbaṃ. Esa nayo sesesupi. Papañcāti rāgādayova. Tathā ceva saṃvaṇṇitanti desanāya padaṭṭhānabhāveneva atthasaṃvaṇṇanā katāti attho.
нд̇и д̇ам̣ д̣̇зсанам̣. д̇ассаад̇и сабхааг̇аад̣̇ивасзна аавадданасса. барибагган̃аан̣аанам̣ висзсаад̇хиг̇амааяа. лаабхавинижчаяабариг̇г̇ахамажчарияаанийд̇иаад̣̇ийсу лаабход̇и руубаад̣̇иаарамман̣аббадилаабхо. со бариязсанааяа сад̇и ход̇ийд̇и бариязсанааг̇г̇ахан̣зна г̇ахид̇о. винижчаяод̇и ‘‘зд̇д̇агам̣ мз руубаарамман̣ад̇т̇ааяа бхависсад̇и, зд̇д̇агам̣ сад̣̇д̣̇аад̣̇иаарамман̣ад̇т̇ааяа, зд̇д̇агам̣ маяхам̣, зд̇д̇агам̣ барасса, зд̇д̇агам̣ барибхун̃ж̇иссаами, зд̇д̇агам̣ нид̣̇ахиссаамий’’д̇и звам̣ бавад̇д̇о вид̇агго винижчаяо. со лаабид̇ахзд̇угад̇д̇аа бариязсанамуулагад̇ааяа бариязсанааг̇г̇ахан̣знзва г̇ахид̇о, д̇ат̇аа бариг̇г̇ахамажчарияаани. д̇ад̇т̇а бариг̇г̇ахо ‘‘мама ид̣̇а’’нд̇и бариг̇г̇ан̣ханам̣. мажчарияам̣ ‘‘маяхзва ход̇уу’’д̇и барзхи саад̇хааран̣абхааваасаханам̣. д̇знзвасса бораан̣аа звам̣ важанад̇т̇ам̣ вад̣̇анд̇и ‘‘маяхзвид̣̇амажчарияам̣ ход̇у, маа ан̃н̃зсам̣ ажчарияам̣ ход̇ууд̇и бавад̇д̇ад̇д̇аа мажчарияанд̇и вужжад̇ий’’д̇и (д̣̇ий. ни. адта. 2.103; а. ни. адта. 3.9.23). барибхог̇ад̇т̇аанам̣ бана винижчаяаад̣̇ийнам̣ барибхог̇анд̇ог̇ад̇хад̇аа взд̣̇ид̇аб̣б̣аа. чанд̣̇арааг̇о д̣̇уб̣б̣аларааг̇о. аж̇жхосаанам̣ ‘‘мама ид̣̇а’’нд̇и д̇ан̣хаавасзна б̣алавасаннидтаананд̇и ааха ‘‘чанд̣̇арааг̇ааж̇жхосаанаа д̇ан̣хаа зваа’’д̇и. аарагканимид̇д̇ам̣ д̣̇ваарабид̣̇аханаман̃ж̇уусааг̇обанаад̣̇инаа судту рагкан̣анимид̇д̇ам̣. баабаани гаронд̇о барибхог̇анимид̇д̇ам̣ рад̇д̇о г̇ид̣̇д̇хо г̇ад̇хид̇о мужчид̇о худ̇ваа миг̇ова барибхун̃ж̇ананимид̇д̇ам̣ бамаад̣̇ам̣ аабаж̇ж̇ад̇ийд̇и звам̣ бариязнаарагкаа барибхог̇анимид̇д̇ам̣. бамаад̣̇о д̇ивид̇хо д̇ан̣хааяа васзна гат̇ид̇од̇и д̣̇ассзнд̇о ‘‘д̇ивид̇хо д̇ан̣хааяаад̇и вуд̇д̇а’’нд̇и ааха.
Nti taṃ desanaṃ. Tassāti sabhāgādivasena āvaṭṭanassa. Paripakkañāṇānaṃ visesādhigamāya. Lābhavinicchayapariggahamacchariyānītiādīsu lābhoti rūpādiārammaṇappaṭilābho. So pariyesanāya sati hotīti pariyesanāggahaṇena gahito. Vinicchayoti ‘‘ettakaṃ me rūpārammaṇatthāya bhavissati, ettakaṃ saddādiārammaṇatthāya, ettakaṃ mayhaṃ, ettakaṃ parassa, ettakaṃ paribhuñjissāmi, ettakaṃ nidahissāmī’’ti evaṃ pavatto vitakko vinicchayo. So lāpitahetukattā pariyesanamūlakatāya pariyesanāggahaṇeneva gahito, tathā pariggahamacchariyāni. Tattha pariggaho ‘‘mama ida’’nti pariggaṇhanaṃ. Macchariyaṃ ‘‘mayheva hotū’’ti parehi sādhāraṇabhāvāsahanaṃ. Tenevassa porāṇā evaṃ vacanatthaṃ vadanti ‘‘mayhevidamacchariyaṃ hotu, mā aññesaṃ acchariyaṃ hotūti pavattattā macchariyanti vuccatī’’ti (dī. ni. aṭṭha. 2.103; a. ni. aṭṭha. 3.9.23). Paribhogatthānaṃ pana vinicchayādīnaṃ paribhogantogadhatā veditabbā. Chandarāgo dubbalarāgo. Ajjhosānaṃ ‘‘mama ida’’nti taṇhāvasena balavasanniṭṭhānanti āha ‘‘chandarāgaajjhosānā taṇhā evā’’ti. Ārakkhanimittaṃ dvārapidahanamañjūsāgopanādinā suṭṭhu rakkhaṇanimittaṃ. Pāpāni karonto paribhoganimittaṃ ratto giddho gadhito mucchito hutvā migova paribhuñjananimittaṃ pamādaṃ āpajjatīti evaṃ pariyenārakkhā paribhoganimittaṃ. Pamādo tividho taṇhāya vasena kathitoti dassento ‘‘tividho taṇhāyāti vutta’’nti āha.
ависзсзна вуд̇д̇анд̇и ‘‘гад̇амзна убаад̣̇аанзна саубаад̣̇аанаа’’д̇и вибхааг̇зна бужчид̇вааби ‘‘авиж̇ж̇ааяа жа д̇ан̣хааяа жаа’’д̇и авиниб̣бхуж̇ид̇ваа вуд̇д̇ам̣. д̇ан̣хан̃жа авиж̇ж̇ан̃жа жад̇урубаад̣̇аанам̣ васзнаад̇и гаамубаад̣̇аанаад̣̇ийнам̣ жад̇уннам̣ убаад̣̇аанаанам̣ васзна вибхаж̇ид̇ваа канд̇хаанам̣ д̣̇угкабхаавзна д̣̇угкасажжабхаавзна саха барин̃н̃зяяабхаавам̣, убаад̣̇аанаанам̣ самуд̣̇аяабхаавзна самуд̣̇аяасажжабхаавзна саха бахаад̇аб̣б̣абхаавам̣ д̣̇ассзд̇ийд̇и яож̇анаа.
Avisesena vuttanti ‘‘katamena upādānena saupādānā’’ti vibhāgena pucchitvāpi ‘‘avijjāya ca taṇhāya cā’’ti avinibbhujitvā vuttaṃ. Taṇhañca avijjañca caturupādānaṃvasenāti kāmupādānādīnaṃ catunnaṃ upādānānaṃ vasena vibhajitvā khandhānaṃ dukkhabhāvena dukkhasaccabhāvena saha pariññeyyabhāvaṃ, upādānānaṃ samudayabhāvena samudayasaccabhāvena saha pahātabbabhāvaṃ dassetīti yojanā.
30. ‘‘яо’’д̇иаад̣̇инаа вуд̇д̇о д̇ивид̇хо бамаад̣̇о бариязсад̇и, аарагкан̣ан̃жа гарод̇и, барибхог̇анимид̇д̇ан̃жаад̇и самб̣анд̇хо. бамаад̣̇о хи бамаж̇ж̇анд̇асса буг̇г̇аласса бхог̇аанам̣ бариязсанааяа, аарагкан̣ааяа жа хзд̇убхууд̇о гад̇д̇убхаавзна убажарид̇о, барибхог̇асса бана нимид̇д̇ам̣. ‘‘д̇аббадибагкзнаа’’д̇и бад̣̇асса ад̇т̇ам̣ виварад̇и ‘‘аббамаад̣̇аануяог̇знаа’’д̇и, д̇зна самат̇абхаавам̣ д̣̇ассзд̇и . кзбанаад̇и каяабаабанаа. вод̣̇аанабагкависабхааг̇ад̇хаммавасзнаад̇и вод̣̇аанабагко жа со бамаад̣̇асса висабхааг̇ад̇хаммо жаад̇и вод̣̇аана…бз… д̇хаммо, самат̇о, д̇асса васзна.
30.‘‘Yo’’tiādinā vutto tividho pamādo pariyesati, ārakkhaṇañca karoti, paribhoganimittañcāti sambandho. Pamādo hi pamajjantassa puggalassa bhogānaṃ pariyesanāya, ārakkhaṇāya ca hetubhūto kattubhāvena upacarito, paribhogassa pana nimittaṃ. ‘‘Tappaṭipakkhenā’’ti padassa atthaṃ vivarati ‘‘appamādānuyogenā’’ti, tena samathabhāvaṃ dasseti . Khepanāti khayapāpanā. Vodānapakkhavisabhāgadhammavasenāti vodānapakkho ca so pamādassa visabhāgadhammo cāti vodāna…pe… dhammo, samatho, tassa vasena.
самат̇з сад̇ийд̇и ад̇хидтаанабхууд̇з жхаанз сад̇и, д̇ам̣ баад̣̇агам̣ гад̇ваад̇и ад̇т̇о. яаа бан̃н̃аад̇и наамаруубабарижчзд̣̇аад̣̇ивасзна бавад̇д̇абан̃н̃аа. д̇знааха ‘‘аяам̣ вибассанаа’’д̇и. бахийнзсууд̇и бахийяамаанзсу.
Samathe satīti adhiṭṭhānabhūte jhāne sati, taṃ pādakaṃ katvāti attho. Yā paññāti nāmarūpaparicchedādivasena pavattapaññā. Tenāha ‘‘ayaṃ vipassanā’’ti. Pahīnesūti pahīyamānesu.
вод̣̇аанабагканд̇и аарамбхад̇хаад̇уаад̣̇ивод̣̇аанабагкам̣ нигкибид̇ваа. висабхааг̇ад̇хаммавасзнаад̇и бамаад̣̇авасзнзва. сабхааг̇ад̇хаммавасзнаад̇и буб̣б̣з нигкид̇д̇асса аарамбхад̇хаад̇уаад̣̇ивод̣̇аанад̇хаммасса самат̇аад̣̇исабхааг̇ад̇хаммавасзна.
Vodānapakkhanti ārambhadhātuādivodānapakkhaṃ nikkhipitvā. Visabhāgadhammavasenāti pamādavaseneva. Sabhāgadhammavasenāti pubbe nikkhittassa ārambhadhātuādivodānadhammassa samathādisabhāgadhammavasena.
буна абарияод̣̇аабанияам̣ сикааббад̇д̇абарияод̣̇аабанам̣ ид̇хаад̇хиббзд̇анд̇и ааха ‘‘д̇ам̣ бана арахад̇д̇зна ход̇ий’’д̇и.
Puna apariyodāpaniyaṃ sikhāppattapariyodāpanaṃ idhādhippetanti āha ‘‘taṃ pana arahattena hotī’’ti.
мохасамудтаанад̇аа вуд̇д̇аа ‘‘мохо зва самудтаана’’нд̇и гад̇ваа. ан̃н̃ат̇аа бисун̣ааваажааяа д̣̇осасамудтаанад̇аа мусааваад̣̇асса вияа мохасамудтаанабхааваа вад̇д̇аб̣б̣аа сияаа.
Mohasamuṭṭhānatā vuttā ‘‘moho eva samuṭṭhāna’’nti katvā. Aññathā pisuṇāvācāya dosasamuṭṭhānatā musāvādassa viya mohasamuṭṭhānabhāvā vattabbā siyā.
гаммабат̇абхаавам̣ бад̇д̇аанам̣, аббад̇д̇аанан̃жа агусалад̇хаммаанам̣ ‘‘саб̣б̣абааба’’нд̇и бад̣̇зна бариг̇г̇ахид̇ад̇д̇аа вуд̇д̇ам̣ ‘‘гаммабат̇агаммавибхааг̇знаа’’д̇и.
Kammapathabhāvaṃ pattānaṃ, appattānañca akusaladhammānaṃ ‘‘sabbapāpa’’nti padena pariggahitattā vuttaṃ ‘‘kammapathakammavibhāgenā’’ti.
31. сзсабад̣̇аананд̇и ‘‘гусаласса убасамбад̣̇аа’’д̇иаад̣̇ийнам̣ (д̣̇ий. ни. 2.90; д̇ха. ба. 183; нзд̇д̇и. 30, 50, 116, 124; бздаго. 29) г̇аат̇ааяа авасидтабад̣̇аанам̣. яат̇аад̇хиг̇ад̇анд̇и ад̇д̇анаа ад̇хиг̇ад̇аббагаарам̣, бажчаа бхуумид̣̇исаа.
31.Sesapadānanti ‘‘kusalassa upasampadā’’tiādīnaṃ (dī. ni. 2.90; dha. pa. 183; netti. 30, 50, 116, 124; peṭako. 29) gāthāya avasiṭṭhapadānaṃ. Yathādhigatanti attanā adhigatappakāraṃ, pacchā bhūmidisā.
убари яаабзнд̇ийд̇и мануссалогад̇о убаридтимам̣ д̣̇звалогам̣ г̇амзнд̇и.
Upariyāpentīti manussalokato upariṭṭhimaṃ devalokaṃ gamenti.
32. яат̇аавуд̇д̇асса д̇хаммассаад̇и сийласса жа маг̇г̇асса жа. д̇ан̣хаавиж̇ж̇аад̣̇ийнанд̇и аад̣̇исад̣̇д̣̇зна д̇ад̣̇згадтагилзсаа г̇аяханд̇и, д̇зсам̣ бад̣̇адтаанад̇хаммаа жа. самат̇авибассанаад̣̇ийнанд̇и аад̣̇исад̣̇д̣̇зна сааман̃н̃апалаанам̣ сан̇г̇ахо. яад̣̇аг̇г̇зна жзд̇т̇а ‘‘нирод̇хо рагкад̇ий’’д̇и вуд̇д̇о, д̇ад̣̇аг̇г̇зна маг̇г̇о рагкан̣агирияааяа гаран̣ам̣ вуд̇д̇ам̣ ‘‘язна рагкад̇ий’’д̇и. висабхааг̇ад̇хаммавасзна буримаани сабхааг̇ад̇хаммаавадданавасзна бажчимаани сажжаани нид̣̇д̇хаарид̇аанийд̇и яож̇зд̇аб̣б̣ам̣.
32.Yathāvuttassa dhammassāti sīlassa ca maggassa ca. Taṇhāvijjādīnanti ādisaddena tadekaṭṭhakilesā gayhanti, tesaṃ padaṭṭhānadhammā ca. Samathavipassanādīnanti ādisaddena sāmaññaphalānaṃ saṅgaho. Yadaggena cettha ‘‘nirodho rakkhatī’’ti vutto, tadaggena maggo rakkhaṇakiriyāya karaṇaṃ vuttaṃ ‘‘yena rakkhatī’’ti. Visabhāgadhammavasena purimāni sabhāgadhammāvaṭṭanavasena pacchimāni saccāni niddhāritānīti yojetabbaṃ.
ааваддахааравибхан̇г̇аван̣н̣анаа нидтид̇аа.
Āvaṭṭahāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 7. ааваддахааравибхан̇г̇о • 7. Āvaṭṭahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 7. ааваддахааравибхан̇г̇аван̣н̣анаа • 7. Āvaṭṭahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 7. ааваддахааравибхан̇г̇авибхааванаа • 7. Āvaṭṭahāravibhaṅgavibhāvanā
