| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
7. ааваддахааравибхан̇г̇авибхааванаа
7. Āvaṭṭahāravibhaṅgavibhāvanā
29. язна язна сам̣ван̣н̣анаависзсабхууд̇зна жад̇уб̣яуухахааравибхан̇г̇зна нзруд̇д̇аад̣̇аяо вибхад̇д̇аа, со…бз… жад̇уб̣яуухахааравибхан̇г̇о барибун̣н̣о, ‘‘гад̇амо ааваддо хааравибхан̇г̇о’’д̇и бужчид̇аб̣б̣ад̇д̇аа д̇ад̇т̇а гад̇амо ааваддо хааро’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу нид̣̇д̣̇идтзсу сол̣асасу д̣̇зсанаахаараад̣̇ийсу гад̇амо сам̣ван̣н̣анаависзсо ааваддо хааро ааваддахааравибхан̇г̇о наамаад̇и бужчад̇и. ‘‘згамхи бад̣̇адтаанз’’нд̇иаад̣̇инид̣̇д̣̇зсасса ид̣̇аани маяаа вужжамаано ‘‘аарамбхат̇аа’’д̇иаад̣̇иго вид̇т̇аарасам̣ван̣н̣анаависзсо ааваддахааравибхан̇г̇о наамаад̇и г̇ахид̇о. ‘‘д̇ад̇т̇а д̣̇зсанааяам̣ згасмим̣ бад̣̇адтаанз д̣̇зсанаарул̣хз сзсагам̣ бад̣̇адтаанам̣ бариязсад̇и, бариязсид̇ваа гат̇ам̣ бадибагкз ааваддзд̇ий’’д̇и вад̇д̇аб̣б̣ад̇д̇аа –
29. Yena yena saṃvaṇṇanāvisesabhūtena catubyūhahāravibhaṅgena neruttādayo vibhattā, so…pe… catubyūhahāravibhaṅgo paripuṇṇo, ‘‘katamo āvaṭṭo hāravibhaṅgo’’ti pucchitabbattā tattha katamo āvaṭṭo hāro’’tiādi vuttaṃ. Tattha tatthāti tesu niddiṭṭhesu soḷasasu desanāhārādīsu katamo saṃvaṇṇanāviseso āvaṭṭo hāro āvaṭṭahāravibhaṅgo nāmāti pucchati. ‘‘Ekamhi padaṭṭhāne’’ntiādiniddesassa idāni mayā vuccamāno ‘‘ārambhathā’’tiādiko vitthārasaṃvaṇṇanāviseso āvaṭṭahāravibhaṅgo nāmāti gahito. ‘‘Tattha desanāyaṃ ekasmiṃ padaṭṭhāne desanāruḷhe sesakaṃ padaṭṭhānaṃ pariyesati, pariyesitvā kathaṃ paṭipakkhe āvaṭṭetī’’ti vattabbattā –
‘‘аарамбхат̇а ниггамат̇а, яун̃ж̇ат̇а б̣уд̣̇д̇хасаасанз;
‘‘Ārambhatha nikkamatha, yuñjatha buddhasāsane;
д̇хунаат̇а мажжуно сзнам̣, нал̣ааг̇аарам̣ва гун̃ж̇аро’’д̇и. –
Dhunātha maccuno senaṃ, naḷāgāraṃva kuñjaro’’ti. –
г̇аат̇аа вуд̇д̇аа. ид̇ха г̇аат̇ааяам̣ згасмим̣ бад̣̇адтаанз д̣̇зсанаарул̣хз сзсагам̣ бад̣̇адтаанам̣ бариязсад̇ийд̇и вуд̇д̇ам̣ ход̇и. г̇аат̇аад̇т̇о бана адтагат̇ааяам̣ (нзд̇д̇и. адта. 29) вуд̇д̇о.
Gāthā vuttā. Idha gāthāyaṃ ekasmiṃ padaṭṭhāne desanāruḷhe sesakaṃ padaṭṭhānaṃ pariyesatīti vuttaṃ hoti. Gāthāttho pana aṭṭhakathāyaṃ (netti. aṭṭha. 29) vutto.
‘‘аарамбхат̇аа’д̇иаад̣̇иг̇аат̇ааяам̣ гад̇арасмим̣ бад̣̇адтаанз д̣̇зсанаарул̣хз гад̇амам̣ сзсагам̣ бад̣̇адтаанам̣ бариязсад̇ий’’д̇и вад̇д̇аб̣б̣ад̇д̇аа ‘‘аарамбхат̇а ниггамат̇аад̇и вийрияасса бад̣̇адтаана’’нд̇иаад̣̇и вуд̇д̇ам̣. д̇ад̇т̇а ‘‘вийрияасса бад̣̇адтаана’’нд̇и сааман̃н̃авасзна вуд̇д̇амби аарамбхад̇хаад̇усан̇каад̇ам̣ вийрияам̣ ниггамад̇хаад̇усан̇каад̇асса вийрияасса бад̣̇адтаанам̣, ниггамад̇хаад̇усан̇каад̇ам̣ вийрияам̣ бараггамад̇хаад̇усан̇каад̇асса вийрияасса бад̣̇адтаанам̣, бараггамад̇хаад̇усан̇каад̇ам̣ вийрияам̣ самат̇абхааванаасахид̇асса вийрияасса бад̣̇адтаананд̇иаад̣̇инаа бариязсид̇аб̣б̣анд̇и г̇ахзд̇аб̣б̣ам̣. ‘‘яун̃ж̇ат̇аа’’д̇и иминаа вуд̇д̇ам̣ самат̇абхааванаасахид̇ам̣ вийрияам̣ ‘‘б̣уд̣̇д̇хасаасанз’’д̇и иминаа вуд̇д̇асса махаг̇г̇ад̇асамаад̇хисса бад̣̇адтаанам̣, д̣̇зсанаарул̣хам̣ сукаад̣̇игам̣ сзсагамби бад̣̇адтаанам̣ бариязсид̇аб̣б̣ам̣. ‘‘д̇хунаат̇а мажжуно сзна’’нд̇и бад̣̇зна г̇ахид̇ам̣ вибассанаасахид̇ам̣ вийрияам̣ гилзсад̇хунанз самад̇т̇ааяа бан̃н̃ааяа бад̣̇адтаанам̣, д̣̇зсанаарул̣хам̣ самаад̇хиаад̣̇игам̣ сзсагамби бад̣̇адтаанам̣ бариязсид̇аб̣б̣ам̣.
‘‘Ārambhathā’tiādigāthāyaṃ katarasmiṃ padaṭṭhāne desanāruḷhe katamaṃ sesakaṃ padaṭṭhānaṃ pariyesatī’’ti vattabbattā ‘‘ārambhatha nikkamathāti vīriyassa padaṭṭhāna’’ntiādi vuttaṃ. Tattha ‘‘vīriyassa padaṭṭhāna’’nti sāmaññavasena vuttampi ārambhadhātusaṅkhātaṃ vīriyaṃ nikkamadhātusaṅkhātassa vīriyassa padaṭṭhānaṃ, nikkamadhātusaṅkhātaṃ vīriyaṃ parakkamadhātusaṅkhātassa vīriyassa padaṭṭhānaṃ, parakkamadhātusaṅkhātaṃ vīriyaṃ samathabhāvanāsahitassa vīriyassa padaṭṭhānantiādinā pariyesitabbanti gahetabbaṃ. ‘‘Yuñjathā’’ti iminā vuttaṃ samathabhāvanāsahitaṃ vīriyaṃ ‘‘buddhasāsane’’ti iminā vuttassa mahaggatasamādhissa padaṭṭhānaṃ, desanāruḷhaṃ sukhādikaṃ sesakampi padaṭṭhānaṃ pariyesitabbaṃ. ‘‘Dhunātha maccuno sena’’nti padena gahitaṃ vipassanāsahitaṃ vīriyaṃ kilesadhunane samatthāya paññāya padaṭṭhānaṃ, desanāruḷhaṃ samādhiādikaṃ sesakampi padaṭṭhānaṃ pariyesitabbaṃ.
‘‘яад̣̇и ‘аарамбхат̇аа’д̇иаад̣̇игам̣ вуд̇д̇ам̣ вийрияам̣ сааман̃н̃абхууд̇аанам̣ вийрияасамаад̇хибан̃н̃аанам̣язва бад̣̇адтаанам̣ сияаа, звам̣ сад̇и гат̇ам̣ ваддамуулам̣ чинд̣̇ид̇ваа виваддам̣ баабзссанд̇ий’’д̇и вад̇д̇аб̣б̣ад̇д̇аа буна ‘‘аарамбхат̇а ниггамат̇аад̇и вийрияинд̣̇рияасса бад̣̇адтаана’’нд̇иаад̣̇и вуд̇д̇ам̣. аад̇хибажжагижжад̇ааяа яуд̇д̇ассааби вийрияаад̇хигасса бад̣̇адтаанад̇д̇аа аарабханд̇аа яог̇ааважарабуг̇г̇алаа ваддамуулам̣ чинд̣̇ид̇ваа виваддам̣ баабзнд̇ийд̇и вуд̇д̇ам̣ ход̇и. ‘‘аарамбхат̇аа’’д̇иаад̣̇игаа бана яасмаа вийрияаарамбхавад̇т̇уаад̣̇ид̣̇зсанаа ход̇и, д̇асмаа аарамбхавад̇т̇уаад̣̇ийниязва сам̣ван̣н̣ид̇аани бад̣̇адтаананд̇и жод̣̇анам̣ манаси гад̇ваа ааха ‘‘имаани бад̣̇адтаанаани д̣̇зсанаа’’д̇и. ‘‘аарамбхат̇аа’’д̇иаад̣̇игаа яат̇аавуд̇д̇абад̣̇адтаанаани д̣̇зсанаа ход̇и, на вийрияаарамбхавад̇т̇уаад̣̇ийни, д̇асмаа бад̣̇адтаанам̣язва сам̣ван̣н̣ид̇анд̇и д̣̇адтаб̣б̣ам̣.
‘‘Yadi ‘ārambhathā’tiādikaṃ vuttaṃ vīriyaṃ sāmaññabhūtānaṃ vīriyasamādhipaññānaṃyeva padaṭṭhānaṃ siyā, evaṃ sati kathaṃ vaṭṭamūlaṃ chinditvā vivaṭṭaṃ pāpessantī’’ti vattabbattā puna ‘‘ārambhatha nikkamathāti vīriyindriyassa padaṭṭhāna’’ntiādi vuttaṃ. Ādhipaccakiccatāya yuttassāpi vīriyādhikassa padaṭṭhānattā ārabhantā yogāvacarapuggalā vaṭṭamūlaṃ chinditvā vivaṭṭaṃ pāpentīti vuttaṃ hoti. ‘‘Ārambhathā’’tiādikā pana yasmā vīriyārambhavatthuādidesanā hoti, tasmā ārambhavatthuādīniyeva saṃvaṇṇitāni padaṭṭhānanti codanaṃ manasi katvā āha ‘‘imāni padaṭṭhānāni desanā’’ti. ‘‘Ārambhathā’’tiādikā yathāvuttapadaṭṭhānāni desanā hoti, na vīriyārambhavatthuādīni, tasmā padaṭṭhānaṃyeva saṃvaṇṇitanti daṭṭhabbaṃ.
звам̣ ‘‘аарамбхат̇аа’’д̇иаад̣̇ид̣̇зсанааяа бад̣̇адтаанавасзна ад̇т̇о вибхад̇д̇о, амхзхи жа н̃аад̇о, ‘‘гат̇ам̣ д̇ассааязва д̣̇зсанааяа бадибагкавасзна ад̇т̇о вибхаж̇ид̇аб̣б̣о’’д̇и вад̇д̇аб̣б̣ад̇д̇аа ‘‘аяун̃ж̇анд̇аанам̣ ваа’’д̇иаад̣̇и вуд̇д̇ам̣. д̇ад̇т̇а яог̇з бхааванааяам̣ аяун̃ж̇анд̇аанам̣ сад̇д̇аанам̣ абарибагган̃аан̣аанам̣ яог̇з яог̇ахзд̇у ваасанаабхааг̇ияавасзна ааяад̇им̣ ж̇аананад̇т̇ааяа ‘‘аарамбхат̇аа’’д̇иаад̣̇ид̣̇зсанаа аарад̣̇д̇хаа. яун̃ж̇анд̇аанам̣ барибагган̃аан̣аанам̣ сад̇д̇аанам̣ аарамбхз аарамбхахзд̇у д̣̇идтзва д̇хаммз бариж̇аананад̇т̇ааяа ‘‘аарамбхат̇аа’’д̇иаад̣̇ид̣̇зсанаа аарад̣̇д̇хаа.
Evaṃ ‘‘ārambhathā’’tiādidesanāya padaṭṭhānavasena attho vibhatto, amhehi ca ñāto, ‘‘kathaṃ tassāyeva desanāya paṭipakkhavasena attho vibhajitabbo’’ti vattabbattā ‘‘ayuñjantānaṃ vā’’tiādi vuttaṃ. Tattha yoge bhāvanāyaṃ ayuñjantānaṃ sattānaṃ aparipakkañāṇānaṃ yoge yogahetu vāsanābhāgiyavasena āyatiṃ jānanatthāya ‘‘ārambhathā’’tiādidesanā āraddhā. Yuñjantānaṃ paripakkañāṇānaṃ sattānaṃ ārambhe ārambhahetu diṭṭheva dhamme parijānanatthāya ‘‘ārambhathā’’tiādidesanā āraddhā.
д̇ад̇т̇а д̇зсу яун̃ж̇анд̇ааяун̃ж̇анд̇зсу барибаггаабарибагган̃аан̣зсу яз абарибагган̃аан̣аа сад̇д̇аа на яун̃ж̇анд̇и, д̇з абарибагган̃аан̣аа сад̇д̇аа бамаад̣̇амуулагаа худ̇ваа яог̇з бхааванааяам̣ язна бамаад̣̇зна на яун̃ж̇анд̇и, со бамаад̣̇о д̇ан̣хаамуулаго бамаад̣̇о, авиж̇ж̇аамуулаго бамаад̣̇од̇и д̣̇уб̣б̣ид̇хо ход̇и. д̇ад̇т̇а д̇асмим̣ д̣̇уб̣б̣ид̇хз бамаад̣̇з ан̃н̃аан̣зна нивуд̇о авиж̇ж̇аамуулаго сад̇д̇о язна бамаад̣̇зна н̃зяяадтаанам̣ ‘‘имз уббаад̣̇аваяад̇хаммаа бан̃жагканд̇хаа н̃зяяадтаанам̣ наамаа’’д̇и наббаж̇аанаад̇и, аяам̣ ан̃н̃аан̣ахзд̇уго бамаад̣̇о авиж̇ж̇аамуулаго бамаад̣̇аа наама. яо бамаад̣̇о д̇ан̣хаамуулаго, со бамаад̣̇о д̇ивид̇хо ануббаннаанам̣ бхог̇аанам̣ уббаад̣̇ааяа бариязсанд̇о д̇ан̣хиго сад̇д̇о яам̣ бамаад̣̇ам̣ аабаж̇ж̇ад̇и, аяам̣ бамаад̣̇о жа, уббаннаанам̣ бхог̇аанам̣ тид̇ад̇т̇ааяа рагканд̇о д̇ан̣хиго сад̇д̇о аарагканимид̇д̇ам̣ яам̣ бамаад̣̇ам̣ аабаж̇ж̇ад̇и, аяам̣ бамаад̣̇о жа, тид̇ам̣ бхог̇ам̣ барибхун̃ж̇анд̇о д̇ан̣хиго сад̇д̇о барибхог̇анимид̇д̇ам̣ яам̣ бамаад̣̇ам̣ аабаж̇ж̇ад̇и, аяам̣ бамаад̣̇о жаад̇и д̇ивид̇хо ход̇и. ид̇и логз аяам̣ бамаад̣̇о жад̇уб̣б̣ид̇хо авиж̇ж̇аабад̣̇адтаано згавид̇хо бамаад̣̇о, д̇ан̣хаабад̣̇адтаано д̇ивид̇хо бамаад̣̇од̇и жад̇уб̣б̣ид̇хо ход̇и. д̇ад̇т̇а д̇аасу авиж̇ж̇аад̇ан̣хаасу наамагааяо пассаад̣̇инаамасамуухо авиж̇ж̇ааяа бад̣̇адтаанам̣, руубагааяо бат̇авийаад̣̇ируубасамуухо д̇ан̣хааяа бад̣̇адтаанам̣ ход̇и. ид̣̇ам̣ вуд̇д̇ам̣ ход̇и – аарамбхад̇хаад̇униггамад̇хаад̇усан̇каад̇асса вийрияасса бадибагко жад̇уб̣б̣ид̇хо бамаад̣̇о нид̣̇д̇хаарзд̇аб̣б̣о, нид̣̇д̇хаарзд̇ваа згавид̇хасса бамаад̣̇асса авиж̇ж̇аа бад̣̇адтаанам̣, д̇ивид̇хасса бамаад̣̇асса д̇ан̣хаа бад̣̇адтаанам̣. авиж̇ж̇ааяа наамагааяо бад̣̇адтаанам̣, д̇ан̣хааяа руубагааяо бад̣̇адтаананд̇и бадибагкз ааваддзд̇ваа бад̣̇адтаанам̣ бариязсид̇аб̣б̣анд̇и.
Tattha tesu yuñjantāyuñjantesu paripakkāparipakkañāṇesu ye aparipakkañāṇā sattā na yuñjanti, te aparipakkañāṇā sattā pamādamūlakā hutvā yoge bhāvanāyaṃ yena pamādena na yuñjanti, so pamādo taṇhāmūlako pamādo, avijjāmūlako pamādoti dubbidho hoti. Tattha tasmiṃ dubbidhe pamāde aññāṇena nivuto avijjāmūlako satto yena pamādena ñeyyaṭṭhānaṃ ‘‘ime uppādavayadhammā pañcakkhandhā ñeyyaṭṭhānaṃ nāmā’’ti nappajānāti, ayaṃ aññāṇahetuko pamādo avijjāmūlako pamādā nāma. Yo pamādo taṇhāmūlako, so pamādo tividho anuppannānaṃ bhogānaṃ uppādāya pariyesanto taṇhiko satto yaṃ pamādaṃ āpajjati, ayaṃ pamādo ca, uppannānaṃ bhogānaṃ ṭhitatthāya rakkhanto taṇhiko satto ārakkhanimittaṃ yaṃ pamādaṃ āpajjati, ayaṃ pamādo ca, ṭhitaṃ bhogaṃ paribhuñjanto taṇhiko satto paribhoganimittaṃ yaṃ pamādaṃ āpajjati, ayaṃ pamādo cāti tividho hoti. Iti loke ayaṃ pamādo catubbidho avijjāpadaṭṭhāno ekavidho pamādo, taṇhāpadaṭṭhāno tividho pamādoti catubbidho hoti. Tattha tāsu avijjātaṇhāsu nāmakāyo phassādināmasamūho avijjāya padaṭṭhānaṃ, rūpakāyo pathavīādirūpasamūho taṇhāya padaṭṭhānaṃ hoti. Idaṃ vuttaṃ hoti – ārambhadhātunikkamadhātusaṅkhātassa vīriyassa paṭipakkho catubbidho pamādo niddhāretabbo, niddhāretvā ekavidhassa pamādassa avijjā padaṭṭhānaṃ, tividhassa pamādassa taṇhā padaṭṭhānaṃ. Avijjāya nāmakāyo padaṭṭhānaṃ, taṇhāya rūpakāyo padaṭṭhānanti paṭipakkhe āvaṭṭetvā padaṭṭhānaṃ pariyesitabbanti.
‘‘гасмаа наамагааяо авиж̇ж̇ааяа бад̣̇адтаанам̣ бхавад̇и, руубагааяо д̇ан̣хааяа бад̣̇адтаанам̣ бхавад̇ий’’д̇и бужчид̇аб̣б̣ад̇д̇аа ‘‘д̇ам̣ гисса хзд̇уу’’д̇и бужчид̇ваа ‘‘руубийсу бхавзсу аж̇жхосаанам̣, аруубийсу саммохо’’д̇и вуд̇д̇ам̣. руубийсу бхавзсу руубад̇хаммзсу ахам̣мамаад̣̇ивасзна аж̇жхосаанам̣ д̇ан̣хаабхинивзсо сад̇д̇зсу бад̇идтид̇о яасмаа ход̇и, д̇асмаа руубагааяо д̇ан̣хааяа бад̣̇адтаанам̣ бхавад̇и. анамад̇аг̇г̇з хи сам̣саарз ид̇т̇ибурисаа ан̃н̃аман̃н̃аруубаабхираамаа бхаванд̇и. аруубийсу пассаад̣̇ийсу сукумабхаавад̇о саммохо сад̇д̇зсу бад̇идтид̇о яасмаа ход̇и, д̇асмаа наамагааяо авиж̇ж̇ааяа бад̣̇адтаанам̣ бхавад̇ийд̇и яож̇анаа гаад̇аб̣б̣аа. ид̣̇ам̣ вуд̇д̇ам̣ ход̇и – руубагааяанаамагааязсу аарамман̣агаран̣авасзна д̇ан̣хааяа жа авиж̇ж̇ааяа жа уббаж̇ж̇анад̇о руубагааяо д̇ан̣хааяа бад̣̇адтаанам̣, наамагааяо авиж̇ж̇ааяа бад̣̇адтаананд̇и нийхарид̇аб̣б̣ааваад̇и.
‘‘Kasmā nāmakāyo avijjāya padaṭṭhānaṃ bhavati, rūpakāyo taṇhāya padaṭṭhānaṃ bhavatī’’ti pucchitabbattā ‘‘taṃ kissa hetū’’ti pucchitvā ‘‘rūpīsu bhavesu ajjhosānaṃ, arūpīsu sammoho’’ti vuttaṃ. Rūpīsu bhavesu rūpadhammesu ahaṃmamādivasena ajjhosānaṃ taṇhābhiniveso sattesu patiṭṭhito yasmā hoti, tasmā rūpakāyo taṇhāya padaṭṭhānaṃ bhavati. Anamatagge hi saṃsāre itthipurisā aññamaññarūpābhirāmā bhavanti. Arūpīsu phassādīsu sukhumabhāvato sammoho sattesu patiṭṭhito yasmā hoti, tasmā nāmakāyo avijjāya padaṭṭhānaṃ bhavatīti yojanā kātabbā. Idaṃ vuttaṃ hoti – rūpakāyanāmakāyesu ārammaṇakaraṇavasena taṇhāya ca avijjāya ca uppajjanato rūpakāyo taṇhāya padaṭṭhānaṃ, nāmakāyo avijjāya padaṭṭhānanti nīharitabbāvāti.
‘‘гад̇амо руубагааяо, гад̇амо наамагааяо’’д̇и бужчид̇аб̣б̣ад̇д̇аа ‘‘д̇ад̇т̇а руубагааяо руубагканд̇хо, наамагааяо жад̇д̇ааро аруубино канд̇хаа’’д̇и вуд̇д̇ам̣. д̇ад̇т̇а д̇зсу руубагааяанаамагааязсу руубагааяо руубасамуухо наама руубагканд̇хо ход̇и, наамагааяо наамасамуухо наама жад̇д̇ааро аруубино канд̇хаад̇и. имз бан̃жагканд̇хаа авиж̇ж̇аад̇ан̣хаанам̣ аарамман̣ад̇д̇аа саубаад̣̇аанаа бхавзяяум̣, ‘‘гад̇амзна убаад̣̇аанзна саубаад̣̇аанаа бхаванд̇ий’’д̇и бужчид̇аб̣б̣ад̇д̇аа д̇ат̇зва бужчид̇ваа виссаж̇ж̇зд̇ум̣ ‘‘имз бан̃жагканд̇хаа гад̇амзна убаад̣̇аанзна саубаад̣̇аанаа? д̇ан̣хааяа жа авиж̇ж̇ааяа жаа’’д̇и вуд̇д̇ам̣. д̇ад̇т̇а убаад̣̇аанабхууд̇ааяа д̇ан̣хааяа жа убаад̣̇аанабхууд̇ааяа авиж̇ж̇ааяа жа имз бан̃жагканд̇хаа саубаад̣̇аанаа наама бхаванд̇ийд̇и яож̇анаа гаад̇аб̣б̣аа.
‘‘Katamo rūpakāyo, katamo nāmakāyo’’ti pucchitabbattā ‘‘tattha rūpakāyo rūpakkhandho, nāmakāyo cattāro arūpino khandhā’’ti vuttaṃ. Tattha tesu rūpakāyanāmakāyesu rūpakāyo rūpasamūho nāma rūpakkhandho hoti, nāmakāyo nāmasamūho nāma cattāro arūpino khandhāti. Ime pañcakkhandhā avijjātaṇhānaṃ ārammaṇattā saupādānā bhaveyyuṃ, ‘‘katamena upādānena saupādānā bhavantī’’ti pucchitabbattā tatheva pucchitvā vissajjetuṃ ‘‘ime pañcakkhandhā katamena upādānena saupādānā? Taṇhāya ca avijjāya cā’’ti vuttaṃ. Tattha upādānabhūtāya taṇhāya ca upādānabhūtāya avijjāya ca ime pañcakkhandhā saupādānā nāma bhavantīti yojanā kātabbā.
‘‘гид̇д̇агаани убаад̣̇аанаани д̇ан̣хаа наама бхаванд̇и, гид̇д̇агаани убаад̣̇аанаани авиж̇ж̇аа наама бхаванд̇ий’’д̇и бужчид̇аб̣б̣ад̇д̇аа ‘‘д̇ад̇т̇а д̇ан̣хаа д̣̇вз’’д̇иаад̣̇и вуд̇д̇ам̣. д̇ад̇т̇аад̇и д̇аасу д̇ан̣хааавиж̇ж̇аасу. гаамубаад̣̇аанан̃жа сийлаб̣б̣ад̇убаад̣̇аанан̃жа д̣̇вз убаад̣̇аанаани д̇ан̣хаа наама бхаванд̇и. д̇ан̣хаавасзна хи ‘‘мама сийлам̣, мама вад̇а’’нд̇и бараамасанам̣ бхавад̇и. д̣̇идтубаад̣̇аанан̃жа ад̇д̇аваад̣̇убаад̣̇аанан̃жа д̣̇вз убаад̣̇аанаани авиж̇ж̇аа наама бхаванд̇и. авиж̇ж̇аавасзна хи сассад̇ад̣̇идти жзва ахам̣мамаад̣̇ид̣̇идти жа бхаванд̇и. ‘‘имзхи жад̇уухи убаад̣̇аанзхи саубаад̣̇аанагканд̇хаа жад̇уусу сажжзсу гид̇д̇агам̣ сажжам̣ наамаа’’д̇и бужчид̇аб̣б̣ад̇д̇аа ‘‘имзхий’’д̇иаад̣̇и вуд̇д̇ам̣. яз логияагканд̇хаа саубаад̣̇аанаа канд̇хаа бхаванд̇и, убаад̣̇аанзна хи убаад̣̇аанааниби бхаванд̇и, ид̣̇ам̣ саубаад̣̇аанагканд̇хабан̃жагам̣ д̣̇угкам̣ д̣̇угкасажжам̣ наама. яаани жад̇д̇аари убаад̣̇аанаани д̣̇угкагааран̣аани бхаванд̇и, аяам̣ убаад̣̇аанажад̇угго самуд̣̇аяо самуд̣̇аяасажжам̣ наама бхавад̇и. бан̃жагканд̇хаад̇и саубаад̣̇аанаа бан̃жагканд̇хаа д̣̇угкавад̇т̇убхаавад̇о д̣̇угкам̣. д̇зсанд̇и саубаад̣̇аанаанам̣ бан̃жагканд̇хаанам̣. д̇хаммам̣ д̣̇зсзд̇ийд̇и ‘‘аарамбхат̇аа’’д̇иаад̣̇игам̣ д̇хаммам̣ взнзяяаануруубам̣ бхаг̇аваа д̣̇зсзд̇и. сааман̃н̃зна буб̣б̣з вуд̇д̇амби ад̇т̇авасзна висзсам̣ д̣̇ассзд̇ум̣ буна ‘‘д̣̇угкасса барин̃н̃ааяа, самуд̣̇аяасса бахаанааяаа’’д̇и вуд̇д̇ам̣.
‘‘Kittakāni upādānāni taṇhā nāma bhavanti, kittakāni upādānāni avijjā nāma bhavantī’’ti pucchitabbattā ‘‘tattha taṇhā dve’’tiādi vuttaṃ. Tatthāti tāsu taṇhāavijjāsu. Kāmupādānañca sīlabbatupādānañca dve upādānāni taṇhā nāma bhavanti. Taṇhāvasena hi ‘‘mama sīlaṃ, mama vata’’nti parāmasanaṃ bhavati. Diṭṭhupādānañca attavādupādānañca dve upādānāni avijjā nāma bhavanti. Avijjāvasena hi sassatadiṭṭhi ceva ahaṃmamādidiṭṭhi ca bhavanti. ‘‘Imehi catūhi upādānehi saupādānakkhandhā catūsu saccesu kittakaṃ saccaṃ nāmā’’ti pucchitabbattā ‘‘imehī’’tiādi vuttaṃ. Ye lokiyakkhandhā saupādānā khandhā bhavanti, upādānena hi upādānānipi bhavanti, idaṃ saupādānakkhandhapañcakaṃ dukkhaṃ dukkhasaccaṃ nāma. Yāni cattāri upādānāni dukkhakāraṇāni bhavanti, ayaṃ upādānacatukko samudayo samudayasaccaṃ nāma bhavati. Pañcakkhandhāti saupādānā pañcakkhandhā dukkhavatthubhāvato dukkhaṃ. Tesanti saupādānānaṃ pañcakkhandhānaṃ. Dhammaṃ desetīti ‘‘ārambhathā’’tiādikaṃ dhammaṃ veneyyānurūpaṃ bhagavā deseti. Sāmaññena pubbe vuttampi atthavasena visesaṃ dassetuṃ puna ‘‘dukkhassa pariññāya, samudayassa pahānāyā’’ti vuttaṃ.
30. аарамбхабадибагкабхууд̇абамаад̣̇авасзна буримасажжад̣̇ваяам̣ аажариязна нид̣̇д̇хаарид̇ам̣, амхзхи жа н̃аад̇ам̣, ‘‘ид̇арасажжад̣̇ваяам̣ гат̇ам̣ нид̣̇д̇хаарид̇аб̣б̣а’’нд̇и вад̇д̇аб̣б̣ад̇д̇аа д̇ам̣ д̣̇ваяамби бамаад̣̇амукзнзва нид̣̇д̇хаарид̇аб̣б̣анд̇и д̣̇ассзд̇ум̣ ‘‘д̇ад̇т̇а яо д̇ивид̇хо’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу д̇ан̣хаамуулагаавиж̇ж̇аамуулагзсу бамаад̣̇зсу. д̇ассаад̇и д̇ивид̇хасса д̇ан̣хаамуулагасса бамаад̣̇асса. самбадивзд̇хзнаад̇и ассаад̣̇аад̣̇ийнам̣ бариж̇аананзна. рагкан̣аад̇и ад̇д̇ажид̇д̇асса рагкан̣асан̇каад̇аа. бадисам̣харан̣аад̇и ‘‘д̇ассаа’’д̇и иминаа вуд̇д̇асса бамаад̣̇асса бадибагкабхууд̇зна аббамаад̣̇аанануяог̇зна сам̣харан̣аа яаа кзбанаа ад̇т̇и, аяам̣ бамаад̣̇асса бадибагкабхууд̇зна аббамаад̣̇аануяог̇зна бавад̇д̇аа кзбанасан̇каад̇аа бхааванаа самат̇о наамаад̇и бамаад̣̇асса бадибагкамукзна буна ааваддзд̇ваа самат̇о нид̣̇д̇хаарид̇од̇и.
30. Ārambhapaṭipakkhabhūtapamādavasena purimasaccadvayaṃ ācariyena niddhāritaṃ, amhehi ca ñātaṃ, ‘‘itarasaccadvayaṃ kathaṃ niddhāritabba’’nti vattabbattā taṃ dvayampi pamādamukheneva niddhāritabbanti dassetuṃ ‘‘tattha yo tividho’’tiādi vuttaṃ. Tattha tatthāti tesu taṇhāmūlakaavijjāmūlakesu pamādesu. Tassāti tividhassa taṇhāmūlakassa pamādassa. Sampaṭivedhenāti assādādīnaṃ parijānanena. Rakkhaṇāti attacittassa rakkhaṇasaṅkhātā. Paṭisaṃharaṇāti ‘‘tassā’’ti iminā vuttassa pamādassa paṭipakkhabhūtena appamādānanuyogena saṃharaṇā yā khepanā atthi, ayaṃ pamādassa paṭipakkhabhūtena appamādānuyogena pavattā khepanasaṅkhātā bhāvanā samatho nāmāti pamādassa paṭipakkhamukhena puna āvaṭṭetvā samatho niddhāritoti.
‘‘со самат̇о гат̇ам̣ гзна убааязна бхавад̇ий’’д̇и бужчид̇аб̣б̣ад̇д̇аа д̇ат̇аа бужчид̇ваа убааяам̣ д̣̇ассзд̇ум̣ ‘‘со гат̇а’’нд̇иаад̣̇и вуд̇д̇ам̣. д̇ад̇т̇а гат̇анд̇и гзна убааязна. ‘‘гаамзнд̇ийд̇и гаамаа, гаамийяанд̇ийд̇и ваа гаамаа’’д̇и вуд̇д̇аанам̣ д̣̇виннам̣ гаамаанам̣ бадижжа уббаж̇ж̇амаанам̣ ассаад̣̇ан̃жа, ‘‘аббассаад̣̇аа гаамаа б̣ахуд̣̇угкаа’’д̇иаад̣̇и (ма. ни. 1.235) важанад̇о аббассаад̣̇анийяаанам̣ гаамаанам̣ бадижжа уббаж̇ж̇амаанам̣ аад̣̇ийнаван̃жа. гаамаананд̇и жа гаммад̇т̇з саамиважанам̣. д̇зна вуд̇д̇ам̣ –‘‘гаамз бадижжаа’’д̇и (нзд̇д̇и. адта. 30). ‘‘гаамаанамзд̇ам̣ ниссаран̣ам̣, яад̣̇ид̣̇ам̣ нзгкамма’’нд̇и (ид̇иву. 72) важанад̇о ниссаран̣анд̇и ид̇ха батамаж̇жхаанам̣ ад̇хиббзд̇ам̣. вогааранд̇и зд̇т̇а ва-гааро ааг̇амо, о-гаарам̣ лаамагабхаавам̣. аанисам̣санд̇и жад̇убаарисуд̣̇д̇хисийлаад̣̇игам̣. яад̣̇аа ж̇аанаад̇и, д̇ад̣̇аа д̇зна убааязна самат̇о бхавад̇ийд̇и ад̇т̇о.
‘‘So samatho kathaṃ kena upāyena bhavatī’’ti pucchitabbattā tathā pucchitvā upāyaṃ dassetuṃ ‘‘so katha’’ntiādi vuttaṃ. Tattha kathanti kena upāyena. ‘‘Kāmentīti kāmā, kāmīyantīti vā kāmā’’ti vuttānaṃ dvinnaṃ kāmānaṃ paṭicca uppajjamānaṃ assādañca, ‘‘appassādā kāmā bahudukkhā’’tiādi (ma. ni. 1.235) vacanato appassādanīyānaṃ kāmānaṃ paṭicca uppajjamānaṃ ādīnavañca. Kāmānanti ca kammatthe sāmivacanaṃ. Tena vuttaṃ –‘‘kāme paṭiccā’’ti (netti. aṭṭha. 30). ‘‘Kāmānametaṃ nissaraṇaṃ, yadidaṃ nekkhamma’’nti (itivu. 72) vacanato nissaraṇanti idha paṭhamajjhānaṃ adhippetaṃ. Vokāranti ettha va-kāro āgamo, o-kāraṃ lāmakabhāvaṃ. Ānisaṃsanti catupārisuddhisīlādikaṃ. Yadā jānāti, tadā tena upāyena samatho bhavatīti attho.
самат̇о аажариязна вибхад̇д̇о, амхзхи жа н̃аад̇о, ‘‘гад̇амаа вибассанаа’’д̇и бужчид̇аб̣б̣ад̇д̇аа вибассанам̣ вибхаж̇ид̇ум̣ ‘‘д̇ад̇т̇а яаа виймам̣саа’’д̇иаад̣̇и вуд̇д̇ам̣. ат̇а ваа гаамаанам̣ ассаад̣̇аад̣̇аяо яад̣̇аа ж̇аанаад̇и, д̇ад̣̇аа самат̇о бхавад̇ийд̇и вуд̇д̇о, ‘‘д̇асмим̣ самат̇з бхавамаанз сад̇и гад̇амаа бхавад̇ий’’д̇и бужчид̇аб̣б̣ад̇д̇аа ‘‘д̇ад̇т̇а яаа виймам̣саа’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇асмим̣ самат̇з бхавамаанз сад̇и ассаад̣̇аад̣̇ийнам̣ яаа анижжаад̣̇ивиймам̣саа убабаригкаа бан̃н̃аа бхавад̇и, аяам̣ виймам̣саа убабаригкаа бан̃н̃аа висзсзна бассанад̇о вибассанаа наама. ат̇а ваа д̇ивид̇хасса д̇ан̣хаамуулагасса бамаад̣̇асса самбадивзд̇хзна рагкан̣аа бадисам̣харан̣аа, аяам̣ самат̇од̇и аажариязна вуд̇д̇о, ‘‘гад̇амаа вибассанаа’’д̇и бужчид̇аб̣б̣ад̇д̇аа ‘‘д̇ад̇т̇а яаа виймам̣саа’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇асмим̣ яат̇аавуд̇д̇з самат̇з сад̇и яат̇аавуд̇д̇асса бамаад̣̇асса анижжаад̣̇ивасзна яаа виймам̣саа убабаригкаа бан̃н̃аа уббаннаа, аяам̣ виймам̣саа убабаригкаа бан̃н̃аа висзсзна бассанад̇о вибассанаа наама. виймам̣саава д̣̇уб̣б̣алаа, убабаригкаа б̣алавад̇ийд̇и висзсо.
Samatho ācariyena vibhatto, amhehi ca ñāto, ‘‘katamā vipassanā’’ti pucchitabbattā vipassanaṃ vibhajituṃ ‘‘tattha yā vīmaṃsā’’tiādi vuttaṃ. Atha vā kāmānaṃ assādādayo yadā jānāti, tadā samatho bhavatīti vutto, ‘‘tasmiṃ samathe bhavamāne sati katamā bhavatī’’ti pucchitabbattā ‘‘tattha yā vīmaṃsā’’tiādi vuttaṃ. Tattha tatthāti tasmiṃ samathe bhavamāne sati assādādīnaṃ yā aniccādivīmaṃsā upaparikkhā paññā bhavati, ayaṃ vīmaṃsā upaparikkhā paññā visesena passanato vipassanā nāma. Atha vā tividhassa taṇhāmūlakassa pamādassa sampaṭivedhena rakkhaṇā paṭisaṃharaṇā, ayaṃ samathoti ācariyena vutto, ‘‘katamā vipassanā’’ti pucchitabbattā ‘‘tattha yā vīmaṃsā’’tiādi vuttaṃ. Tattha tatthāti tasmiṃ yathāvutte samathe sati yathāvuttassa pamādassa aniccādivasena yā vīmaṃsā upaparikkhā paññā uppannā, ayaṃ vīmaṃsā upaparikkhā paññā visesena passanato vipassanā nāma. Vīmaṃsāva dubbalā, upaparikkhā balavatīti viseso.
самат̇о жзва вибассанаа жа д̣̇вз д̇хаммаа аажариязна нид̣̇д̇хаарид̇аа, ‘‘имз нид̣̇д̇хаарид̇аа д̣̇вз д̇хаммаа гим̣ г̇ажчанд̇ий’’д̇и вад̇д̇аб̣б̣ад̇д̇аа ‘‘имз д̣̇вз’’д̇иаад̣̇и вуд̇д̇ам̣. самат̇о самат̇абхааванаабаарибуурим̣ г̇ажчад̇и, вибассанаа вибассанаабхааванаабаарибуурим̣ г̇ажчад̇и. ‘‘имзсу д̣̇вийсу д̇хаммзсу бхаавияамаанзсу гад̇амз яог̇ааважарзна бахийяанд̇ий’’д̇и вад̇д̇аб̣б̣ад̇д̇аа ‘‘имзсуу’’д̇иаад̣̇и вуд̇д̇ам̣. самат̇з д̇хаммз бхаавияамаанз д̇ан̣хаа яог̇ааважарзна бахийяад̇и, вибассанааяа бхаавияамаанааяа авиж̇ж̇аа яог̇ааважарзна бахийяад̇ийд̇и имз д̣̇вз бахаад̇аб̣б̣аа д̇хаммаа бахийяанд̇и д̇ан̣хаа жзва авиж̇ж̇аа жа. ‘‘имзсу д̣̇вийсу д̇хаммзсу бахийяамаанзсу гад̇амз д̇хаммаа нируж̇жханд̇ий’’д̇и бужчид̇аб̣б̣ад̇д̇аа убаад̣̇аанаад̣̇аяоби нируж̇жханд̇ийд̇и сагалаваддад̣̇угканирод̇хам̣ д̣̇ассзнд̇о ‘‘имзсу д̣̇вийсу д̇хаммзсу бахийнзсуу’’д̇иаад̣̇имааха. д̇ад̇т̇а д̇ан̣хааяа самат̇абхааванааяа бахийяамаанааяа, авиж̇ж̇ааяа вибассанаабхааванааяа бахийяамаанааяа имзсу д̣̇вийсу д̇хаммзсу д̣̇вийхи бхааванаахи бахийнзсу гаамубаад̣̇аанаад̣̇ийни жад̇д̇аари убаад̣̇аанаани вигкамбханасамужчзд̣̇авасзна нируж̇жханд̇и, на бхан̇г̇агкан̣авасзна.
Samatho ceva vipassanā ca dve dhammā ācariyena niddhāritā, ‘‘ime niddhāritā dve dhammā kiṃ gacchantī’’ti vattabbattā ‘‘ime dve’’tiādi vuttaṃ. Samatho samathabhāvanāpāripūriṃ gacchati, vipassanā vipassanābhāvanāpāripūriṃ gacchati. ‘‘Imesu dvīsu dhammesu bhāviyamānesu katame yogāvacarena pahīyantī’’ti vattabbattā ‘‘imesū’’tiādi vuttaṃ. Samathe dhamme bhāviyamāne taṇhā yogāvacarena pahīyati, vipassanāya bhāviyamānāya avijjā yogāvacarena pahīyatīti ime dve pahātabbā dhammā pahīyanti taṇhā ceva avijjā ca. ‘‘Imesu dvīsu dhammesu pahīyamānesu katame dhammā nirujjhantī’’ti pucchitabbattā upādānādayopi nirujjhantīti sakalavaṭṭadukkhanirodhaṃ dassento ‘‘imesu dvīsu dhammesu pahīnesū’’tiādimāha. Tattha taṇhāya samathabhāvanāya pahīyamānāya, avijjāya vipassanābhāvanāya pahīyamānāya imesu dvīsu dhammesu dvīhi bhāvanāhi pahīnesu kāmupādānādīni cattāri upādānāni vikkhambhanasamucchedavasena nirujjhanti, na bhaṅgakkhaṇavasena.
зд̇т̇ааха – ‘‘д̇ан̣хаанирод̇хаа убаад̣̇аананирод̇хо’’д̇и вуд̇д̇ад̇д̇аа ‘‘д̇ан̣хааяа бахийяамаанааяа убаад̣̇аанаани нируж̇жханд̇ий’’д̇и важанам̣ яуд̇д̇ам̣ ход̇у, гат̇ам̣ авиж̇ж̇ааяа бахийяамаанааяа убаад̣̇аанаани нируж̇жханд̇ийд̇и? ‘‘д̇ан̣хаанирод̇хаа убаад̣̇аананирод̇хо’’д̇и баатз авиж̇ж̇аасахид̇ад̇ан̣хаанирод̇хаа убаад̣̇аананирод̇ход̇и ад̇т̇асамбхавад̇о. яат̇аа хи д̇ан̣хаасахид̇аава авиж̇ж̇аа сан̇каараанам̣ бажжаяо, звам̣ авиж̇ж̇аасахид̇аава д̇ан̣хаа убаад̣̇аанаанам̣ бажжаяо ход̇ийд̇и авиж̇ж̇аасахид̇ад̇ан̣хаанирод̇хаа убаад̣̇аананирод̇ход̇и ад̇т̇о самбхавад̇ийд̇и г̇ахзд̇аб̣б̣о. вигкамбханасамужчзд̣̇авасзна убаад̣̇аананирод̇хаа д̇ат̇зва бхаванирод̇ход̇и зса наяо сзсзсуби. звамзд̇асса гзваласса д̣̇угкагканд̇хасса нирод̇ход̇и зд̇т̇ааби д̇ан̣хаасахид̇аавиж̇ж̇аанирод̇хаа сан̇кааранирод̇ход̇иаад̣̇иго г̇ахид̇од̇и д̣̇адтаб̣б̣о. ид̇ийд̇и звам̣ висабхааг̇асабхааг̇ад̇хаммаанам̣ аавадданавасзна нид̣̇д̇хаарид̇аани жа буримагаани д̣̇вз сажжаани жа, самат̇о жа вибассанаа жа имз д̣̇вз д̇хаммаа маг̇г̇о жа маг̇г̇асажжан̃жа, вадданирод̇хо вадданирод̇хасажжан̃жа ниб̣б̣аананд̇и жад̇д̇аари сажжаани нид̣̇д̇хаарид̇аани.
Etthāha – ‘‘taṇhānirodhā upādānanirodho’’ti vuttattā ‘‘taṇhāya pahīyamānāya upādānāni nirujjhantī’’ti vacanaṃ yuttaṃ hotu, kathaṃ avijjāya pahīyamānāya upādānāni nirujjhantīti? ‘‘Taṇhānirodhā upādānanirodho’’ti pāṭhe avijjāsahitataṇhānirodhā upādānanirodhoti atthasambhavato. Yathā hi taṇhāsahitāva avijjā saṅkhārānaṃ paccayo, evaṃ avijjāsahitāva taṇhā upādānānaṃ paccayo hotīti avijjāsahitataṇhānirodhā upādānanirodhoti attho sambhavatīti gahetabbo. Vikkhambhanasamucchedavasena upādānanirodhā tatheva bhavanirodhoti esa nayo sesesupi. Evametassa kevalassa dukkhakkhandhassa nirodhoti etthāpi taṇhāsahitaavijjānirodhā saṅkhāranirodhotiādiko gahitoti daṭṭhabbo. Itīti evaṃ visabhāgasabhāgadhammānaṃ āvaṭṭanavasena niddhāritāni ca purimakāni dve saccāni ca, samatho ca vipassanā ca ime dve dhammā maggo ca maggasaccañca, vaṭṭanirodho vaṭṭanirodhasaccañca nibbānanti cattāri saccāni niddhāritāni.
‘‘вийрияабадибагкабхууд̇асса бамаад̣̇аад̣̇ид̇хаммасса васзна ваа сабхааг̇абхууд̇асса бамаад̣̇аад̣̇ид̇хаммасса васзна ваа ааваддзд̇ваа жад̇уннам̣ сажжаанам̣ нид̣̇д̇хаарид̇аб̣б̣абхааво амхзхи гзна сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘д̇знаахаа’’д̇иаад̣̇и вуд̇д̇ам̣. д̇зна д̇ат̇аа нид̣̇д̇хаарид̇аб̣б̣абхаавзна бхаг̇аваа ‘‘аарамбхат̇а ниггамат̇аа’’д̇иаад̣̇иг̇аат̇ааважанам̣ ааха, д̇зна ‘‘аарамбхат̇а ниггамат̇аа’’д̇иаад̣̇иг̇аат̇ааважанзна д̇ат̇аа жад̇уннам̣ сажжаанам̣ нид̣̇д̇хаарид̇аб̣б̣абхааво д̇умхзхи сад̣̇д̣̇ахид̇аб̣б̣од̇и вуд̇д̇ам̣ ход̇и.
‘‘Vīriyapaṭipakkhabhūtassa pamādādidhammassa vasena vā sabhāgabhūtassa pamādādidhammassa vasena vā āvaṭṭetvā catunnaṃ saccānaṃ niddhāritabbabhāvo amhehi kena saddahitabbo’’ti vattabbattā ‘‘tenāhā’’tiādi vuttaṃ. Tena tathā niddhāritabbabhāvena bhagavā ‘‘ārambhatha nikkamathā’’tiādigāthāvacanaṃ āha, tena ‘‘ārambhatha nikkamathā’’tiādigāthāvacanena tathā catunnaṃ saccānaṃ niddhāritabbabhāvo tumhehi saddahitabboti vuttaṃ hoti.
‘‘аарамбхат̇а ниггамат̇аа’д̇иаад̣̇инаа вод̣̇аанабагкам̣язва нигкибид̇ваа д̇ассзва вод̣̇аанабагкасса висабхааг̇ад̇хаммасабхааг̇ад̇хаммавасзнзва ааваддзд̇ваа жад̇усажжанид̣̇д̇хааран̣ам̣ гаад̇аб̣б̣а’’нд̇и бужчид̇аб̣б̣ад̇д̇аа сам̣гилзсабагкамби нигкибид̇ваа д̇ассзва сам̣гилзсасса висабхааг̇ад̇хаммасабхааг̇ад̇хаммавасзнаби ааваддзд̇ваа жад̇усажжанид̣̇д̇хааран̣ам̣ д̣̇ассзнд̇о ‘‘яат̇ааби муулз’’д̇иаад̣̇иг̇аат̇ааважанамааха. адтагат̇ааяам̣ бана –
‘‘Ārambhatha nikkamathā’tiādinā vodānapakkhaṃyeva nikkhipitvā tasseva vodānapakkhassa visabhāgadhammasabhāgadhammavaseneva āvaṭṭetvā catusaccaniddhāraṇaṃ kātabba’’nti pucchitabbattā saṃkilesapakkhampi nikkhipitvā tasseva saṃkilesassa visabhāgadhammasabhāgadhammavasenapi āvaṭṭetvā catusaccaniddhāraṇaṃ dassento ‘‘yathāpi mūle’’tiādigāthāvacanamāha. Aṭṭhakathāyaṃ pana –
‘‘звам̣ вод̣̇аанабагкам̣ нигкибид̇ваа д̇асса висабхааг̇ад̇хаммавасзна, сабхааг̇ад̇хаммавасзна жа аавадданам̣ д̣̇ассзд̇ваа ид̣̇аани сам̣гилзсабагкам̣ нигкибид̇ваа д̇асса висабхааг̇ад̇хаммавасзна, сабхааг̇ад̇хаммавасзна жа аавадданам̣ д̣̇ассзд̇ум̣ ‘яат̇ааби муулз’д̇и г̇аат̇амаахаа’’д̇и (нзд̇д̇и. адта. 30) –
‘‘Evaṃ vodānapakkhaṃ nikkhipitvā tassa visabhāgadhammavasena, sabhāgadhammavasena ca āvaṭṭanaṃ dassetvā idāni saṃkilesapakkhaṃ nikkhipitvā tassa visabhāgadhammavasena, sabhāgadhammavasena ca āvaṭṭanaṃ dassetuṃ ‘yathāpi mūle’ti gāthamāhā’’ti (netti. aṭṭha. 30) –
вуд̇д̇ам̣. г̇аат̇аад̇т̇оби адтагат̇ааяам̣ вуд̇д̇о. д̇ат̇ааби яад̇ибод̇аанам̣ ад̇т̇ааяа адтагат̇аанусаарзнзва гат̇аяиссаама.
Vuttaṃ. Gāthātthopi aṭṭhakathāyaṃ vutto. Tathāpi yatipotānaṃ atthāya aṭṭhakathānusāreneva kathayissāma.
самуухо ругко муулад̇и бад̇идтаад̇и зд̇зна аваяавзна бхуумибхааг̇з тид̇знаад̇и муулам̣, гим̣ д̇ам̣? бхуумибхааг̇з тид̇о мууласан̇каад̇о ругкааваяаво, д̇асмим̣ муулз. над̇т̇и убад̣̇д̣̇аво парасучзд̣̇аад̣̇ианд̇арааяо асса муулассаад̇и анубад̣̇д̣̇аво. д̣̇ал̣хзд̇и убад̣̇д̣̇аваабхаавзна сабхаавад̇о т̇ирз сад̇и. чинд̣̇ийяад̇ийд̇и чинно, го со? бхуумияам̣ бад̇идтид̇амууласахид̇о ругкааваяаво, на чинд̣̇ид̇ваа г̇ахид̇о ругкааваяаво. рухад̇и вад̣дхад̇ийд̇и ругко. со жа бхуумияам̣ бад̇идтид̇амууласахид̇о ругкааваяаво ругкод̇и вуд̇д̇о яат̇аа ‘‘самуд̣̇д̣̇о д̣̇идто’’д̇и. бунарзва руухад̇ийд̇и буна ан̇гуруббаад̣̇анам̣ санд̇хааяа вуд̇д̇ам̣. д̇ан̣хаанусаязд̇и ад̇д̇абхаавасан̇каад̇асса ругкасса муулз. ануухад̇зд̇и арахад̇д̇амаг̇г̇ан̃аан̣зна анубажчиннз сад̇и ид̣̇ам̣ ад̇д̇абхаавасан̇каад̇ам̣ д̣̇угкам̣ д̣̇угкахзд̇у бунаббунам̣ аб̣б̣ожчиннам̣ ниб̣б̣ад̇д̇ад̇и на нируж̇жхад̇иязваад̇и г̇аат̇аад̇т̇о.
Samūho rukkho mūlati patiṭṭhāti etena avayavena bhūmibhāge ṭhitenāti mūlaṃ, kiṃ taṃ? Bhūmibhāge ṭhito mūlasaṅkhāto rukkhāvayavo, tasmiṃ mūle. Natthi upaddavo pharasuchedādiantarāyo assa mūlassāti anupaddavo. Daḷheti upaddavābhāvena sabhāvato thire sati. Chindīyatīti chinno, ko so? Bhūmiyaṃ patiṭṭhitamūlasahito rukkhāvayavo, na chinditvā gahito rukkhāvayavo. Ruhati vaḍḍhatīti rukkho. So ca bhūmiyaṃ patiṭṭhitamūlasahito rukkhāvayavo rukkhoti vutto yathā ‘‘samuddo diṭṭho’’ti. Punareva rūhatīti puna aṅkuruppādanaṃ sandhāya vuttaṃ. Taṇhānusayeti attabhāvasaṅkhātassa rukkhassa mūle. Anūhateti arahattamaggañāṇena anupacchinne sati idaṃ attabhāvasaṅkhātaṃ dukkhaṃ dukkhahetu punappunaṃ abbocchinnaṃ nibbattati na nirujjhatiyevāti gāthāttho.
‘‘ид̇ха г̇аат̇ааяам̣ яо д̇ан̣хаанусаяо ануухад̇абхаавзна д̣̇угкасса ниб̣б̣ад̇д̇анасса мууланд̇и вуд̇д̇о, аяам̣ д̇ан̣хаанусаяо гад̇амассаа д̇ан̣хааяа анусаяо’’д̇и бужчад̇и, ‘‘д̇ан̣хааяа гаамад̇ан̣хаад̣̇ивасзна б̣ахувид̇хад̇д̇аа бхавад̇ан̣хааяа анусаяо’’д̇и виссаж̇ж̇зд̇и бхавассаад̣̇ад̇ан̣хаабхаавад̇о. яо анусаяо зд̇асса бхавад̇ан̣хаасан̇каад̇асса д̇хаммасса бажжаяо ход̇и, аяам̣ анусаяо авиж̇ж̇аанусаяо ход̇и. ‘‘анусаяо б̣ахувид̇хо, гасмаа авиж̇ж̇аанусаяод̇и сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘авиж̇ж̇аабажжаяаа хи бхавад̇ан̣хаа’’д̇и вуд̇д̇ам̣. авиж̇ж̇ааяа бхавад̇ан̣хааяа бажжаяад̇д̇аа авиж̇ж̇аанусаяо сад̣̇д̣̇ахид̇аб̣б̣о. авиж̇ж̇ааяа хи бхавзсу аад̣̇ийнавасса ад̣̇ассанавасзна бхавассаад̣̇ад̇ан̣хаа бхавад̇ийд̇и. имз д̣̇вз гилзсаад̇иаад̣̇имхи хздтаа вуд̇д̇анаяаанусаарзна жад̇д̇аари сажжаани нид̣̇д̇хаарзд̇ваа висабхааг̇асабхааг̇ад̇хаммаавадданам̣ вин̃н̃аад̇аб̣б̣ам̣, самат̇авибассанаа бана маг̇г̇асамбаяуд̇д̇аава г̇ахзд̇аб̣б̣аа.
‘‘Idha gāthāyaṃ yo taṇhānusayo anūhatabhāvena dukkhassa nibbattanassa mūlanti vutto, ayaṃ taṇhānusayo katamassā taṇhāya anusayo’’ti pucchati, ‘‘taṇhāya kāmataṇhādivasena bahuvidhattā bhavataṇhāya anusayo’’ti vissajjeti bhavassādataṇhābhāvato. Yo anusayo etassa bhavataṇhāsaṅkhātassa dhammassa paccayo hoti, ayaṃ anusayo avijjānusayo hoti. ‘‘Anusayo bahuvidho, kasmā avijjānusayoti saddahitabbo’’ti vattabbattā ‘‘avijjāpaccayā hi bhavataṇhā’’ti vuttaṃ. Avijjāya bhavataṇhāya paccayattā avijjānusayo saddahitabbo. Avijjāya hi bhavesu ādīnavassa adassanavasena bhavassādataṇhā bhavatīti. Ime dve kilesātiādimhi heṭṭhā vuttanayānusārena cattāri saccāni niddhāretvā visabhāgasabhāgadhammāvaṭṭanaṃ viññātabbaṃ, samathavipassanā pana maggasampayuttāva gahetabbā.
‘‘саб̣б̣абаабассаа’’д̇иаад̣̇игасса анусанд̇хяад̇т̇о адтагат̇ааяам̣ (нзд̇д̇и. адта. 30) вуд̇д̇о. саб̣б̣абаабассаад̇и гаммабат̇абхааваббад̇д̇аабад̇д̇асса ниравасзсасса агусаласса. агаран̣анд̇и сабарасанд̇аанзсу ануббаад̣̇анам̣ . гусалассаад̇и гаммабат̇абхааваббад̇д̇аабад̇д̇асса д̇збхуумагагусаласса жзва логуд̇д̇арагусаласса жа. убасамбад̣̇аад̇и санд̇аанз уббаад̣̇анавасзна самбад̣̇аа. сасса ад̇д̇ано жид̇д̇анд̇и сажид̇д̇ам̣, сажид̇д̇асса барияод̣̇аабанам̣ вод̣̇аанам̣ арахад̇д̇апалуббад̇д̇ияаад̇и сажид̇д̇абарияод̣̇аабанам̣ . арахад̇д̇амаг̇г̇уббаад̣̇о бана ‘‘гусаласса убасамбад̣̇аа’’д̇и бад̣̇зна г̇ахид̇о. зд̇ам̣ агаран̣аад̣̇ид̇д̇аяад̣̇ийбанам̣ б̣уд̣̇д̇хаанам̣ саммаасамб̣уд̣̇д̇хаанам̣ саасанам̣ оваад̣̇од̇и г̇аат̇аад̇т̇о.
‘‘Sabbapāpassā’’tiādikassa anusandhyattho aṭṭhakathāyaṃ (netti. aṭṭha. 30) vutto. Sabbapāpassāti kammapathabhāvappattāpattassa niravasesassa akusalassa. Akaraṇanti saparasantānesu anuppādanaṃ . Kusalassāti kammapathabhāvappattāpattassa tebhūmakakusalassa ceva lokuttarakusalassa ca. Upasampadāti santāne uppādanavasena sampadā. Sassa attano cittanti sacittaṃ, sacittassa pariyodāpanaṃ vodānaṃ arahattaphaluppattiyāti sacittapariyodāpanaṃ. Arahattamagguppādo pana ‘‘kusalassa upasampadā’’ti padena gahito. Etaṃ akaraṇādittayadīpanaṃ buddhānaṃ sammāsambuddhānaṃ sāsanaṃ ovādoti gāthāttho.
г̇аат̇ааяам̣ яасса баабасса агаран̣ам̣ вуд̇д̇ам̣, д̇ам̣ баабам̣ д̣̇ужжарид̇агаммабат̇авасзна вибхаж̇ид̇ум̣ ‘‘саб̣б̣абаабам̣ наамаа’’д̇иаад̣̇и вуд̇д̇ам̣. д̣̇осасамудтаананд̇и язбхуяяавасзна вуд̇д̇ам̣, лобхасамудтаанамби бхавад̇и. лобхасамудтаананд̇иби язбхуяяавасзна вуд̇д̇ам̣, д̣̇осасамудтаанамби бхавад̇и. мохасамудтаанамби д̇ат̇зва вуд̇д̇ам̣. лобхасамудтаанад̣̇осасамудтаанамби самбхавад̇ийд̇и д̣̇адтаб̣б̣ам̣. саб̣б̣абаабо д̣̇ужжарид̇агаммабат̇аббабхзд̣̇зна вибхад̇д̇о, ‘‘зд̇д̇агзнзва вибхаж̇ид̇аб̣б̣о, уд̣̇ааху ан̃н̃зна вибхаж̇ид̇аб̣б̣о’’д̇и бужчид̇аб̣б̣ад̇д̇аа ан̃н̃зна агусаламуулааг̇ад̇иг̇аманабхзд̣̇знаби вибхаж̇ид̇ум̣ ‘‘яаа абхиж̇жхаа’’д̇иаад̣̇и вуд̇д̇ам̣. адтагат̇ааяам̣ бана ‘‘звам̣ д̣̇ужжарид̇аагусалагаммабат̇агаммавибхааг̇зна ‘саб̣б̣абааба’нд̇и зд̇т̇а вуд̇д̇абаабам̣ вибхаж̇ид̇ваа ид̣̇аанисса агусаламуулавасзна аг̇ад̇иг̇аманавибхааг̇амби д̣̇ассзд̇ум̣ ‘агусаламуула’нд̇иаад̣̇и вуд̇д̇а’’нд̇и (нзд̇д̇и. адта. 30) анусанд̇хяад̇т̇о вуд̇д̇о. мохавасзна сабхаавам̣ аж̇аананд̇асса бхаяасамбхавад̇о яам̣ бхаяаа жа мохаа жа аг̇ад̇им̣ г̇ажчад̇и, ид̣̇ам̣ мохасамудтаананд̇и вуд̇д̇ам̣.
Gāthāyaṃ yassa pāpassa akaraṇaṃ vuttaṃ, taṃ pāpaṃ duccaritakammapathavasena vibhajituṃ ‘‘sabbapāpaṃ nāmā’’tiādi vuttaṃ. Dosasamuṭṭhānanti yebhuyyavasena vuttaṃ, lobhasamuṭṭhānampi bhavati. Lobhasamuṭṭhānantipi yebhuyyavasena vuttaṃ, dosasamuṭṭhānampi bhavati. Mohasamuṭṭhānampi tatheva vuttaṃ. Lobhasamuṭṭhānadosasamuṭṭhānampi sambhavatīti daṭṭhabbaṃ. Sabbapāpo duccaritakammapathappabhedena vibhatto, ‘‘ettakeneva vibhajitabbo, udāhu aññena vibhajitabbo’’ti pucchitabbattā aññena akusalamūlaagatigamanabhedenapi vibhajituṃ ‘‘yā abhijjhā’’tiādi vuttaṃ. Aṭṭhakathāyaṃ pana ‘‘evaṃ duccaritaakusalakammapathakammavibhāgena ‘sabbapāpa’nti ettha vuttapāpaṃ vibhajitvā idānissa akusalamūlavasena agatigamanavibhāgampi dassetuṃ ‘akusalamūla’ntiādi vutta’’nti (netti. aṭṭha. 30) anusandhyattho vutto. Mohavasena sabhāvaṃ ajānantassa bhayasambhavato yaṃ bhayā ca mohā ca agatiṃ gacchati, idaṃ mohasamuṭṭhānanti vuttaṃ.
саб̣б̣абаабо аажариязна вибхад̇д̇о, амхзхи жа н̃аад̇о, ‘‘гад̇амам̣ саб̣б̣абаабасса агаран̣а’’нд̇и бужчид̇аб̣б̣ад̇д̇аа д̇ад̇т̇а лобхо асубхааяаа’’д̇иаад̣̇и вуд̇д̇ам̣. адтагат̇ааяам̣ бана –
Sabbapāpo ācariyena vibhatto, amhehi ca ñāto, ‘‘katamaṃ sabbapāpassa akaraṇa’’nti pucchitabbattā tattha lobho asubhāyā’’tiādi vuttaṃ. Aṭṭhakathāyaṃ pana –
‘‘зд̇д̇аавад̇аа ‘саб̣б̣абаабасса агаран̣а’нд̇и зд̇т̇а баабам̣ д̣̇ассзд̇ваа ид̣̇аани д̇асса агаран̣ам̣ д̣̇ассзнд̇о ‘лобхо…бз… бан̃н̃ааяаа’д̇и д̇ийхи гусаламуулзхи д̇ин̣н̣ам̣ агусаламуулаанам̣ бахаанавасзна саб̣б̣абаабасса агаран̣ам̣ ануббаад̣̇анамаахаа’’д̇и (нзд̇д̇и. адта. 30) –
‘‘Ettāvatā ‘sabbapāpassa akaraṇa’nti ettha pāpaṃ dassetvā idāni tassa akaraṇaṃ dassento ‘lobho…pe… paññāyā’ti tīhi kusalamūlehi tiṇṇaṃ akusalamūlānaṃ pahānavasena sabbapāpassa akaraṇaṃ anuppādanamāhā’’ti (netti. aṭṭha. 30) –
вуд̇д̇ам̣. субхаад̇химуд̇д̇авасзна бавад̇д̇о лобхо асубхааяа асубхабхааванааяа д̇ат̇аабавад̇д̇зна алобхзна д̇ад̣̇ан̇г̇авигкамбханаббахаанзна бахийяад̇и, сад̇д̇зсу гуж̇жханад̣̇уссанавасзна бавад̇д̇о д̣̇осо мзд̇д̇ааяа мзд̇д̇аабхааванааяа д̇ат̇аабавад̇д̇зна ад̣̇осзна жа д̇ад̣̇ан̇г̇авигкамбханаббахаанзна бахийяад̇и, сад̇д̇зсу жзва сан̇каарзсу жа муяханавасзна бавад̇д̇о мохо бан̃н̃ааяа вижааран̣абан̃н̃ааяа жа бхааванаамаг̇г̇абан̃н̃ааяа жа д̇ад̣̇ан̇г̇авигкамбханасамужчзд̣̇аббахаанзна бахийяад̇и.
Vuttaṃ. Subhādhimuttavasena pavatto lobho asubhāya asubhabhāvanāya tathāpavattena alobhena tadaṅgavikkhambhanappahānena pahīyati, sattesu kujjhanadussanavasena pavatto doso mettāya mettābhāvanāya tathāpavattena adosena ca tadaṅgavikkhambhanappahānena pahīyati, sattesu ceva saṅkhāresu ca muyhanavasena pavatto moho paññāya vicāraṇapaññāya ca bhāvanāmaggapaññāya ca tadaṅgavikkhambhanasamucchedappahānena pahīyati.
‘‘яад̣̇и д̇ийхи гусаламуулзхзва агусаламуулаани бахийяанд̇и, звам̣ сад̇и убзгкаагарун̣аамуд̣̇ид̇аа нирад̇т̇агаа бхавзяяу’’нд̇и вад̇д̇аб̣б̣ад̇д̇аа ‘‘д̇ат̇аа лобхо убзгкааяаа’’д̇иаад̣̇и вуд̇д̇ам̣. убзгкааяаад̇и ‘‘саб̣б̣з сад̇д̇аа гаммассагаа’’д̇иаад̣̇инаа бхаавид̇ааяа убзгкааяа. муд̣̇ид̇аа арад̇им̣ вуубасамзд̇ваа арад̇ияаа муулабхууд̇ам̣ мохамби баж̇ахад̇ийд̇и манаси гад̇ваа ‘‘мохо муд̣̇ид̇ааяа бахаанам̣ аб̣бхад̇т̇ам̣ г̇ажчад̇ий’’д̇и вуд̇д̇ам̣. ‘‘агусаламуулаанам̣ гусаламуулаад̣̇ийхи бахаад̇аб̣б̣ад̇д̇ам̣ гзна амхзхи сад̣̇д̣̇ахид̇аб̣б̣а’’нд̇и вад̇д̇аб̣б̣ад̇д̇аа ‘‘д̇знаахаа’’д̇иаад̣̇и вуд̇д̇ам̣. д̇зна д̇ат̇аа бахаад̇аб̣б̣ад̇д̇зна бхаг̇аваа ‘‘саб̣б̣абаабасса агаран̣а’’нд̇и важанам̣ ааха, д̇зна ‘‘саб̣б̣абаабасса агаран̣а’’нд̇и важанзна д̇ат̇аа бахаад̇аб̣б̣ад̇д̇ам̣ д̇умхзхи сад̣̇д̣̇ахид̇аб̣б̣анд̇и вуд̇д̇ам̣ ход̇и.
‘‘Yadi tīhi kusalamūleheva akusalamūlāni pahīyanti, evaṃ sati upekkhākaruṇāmuditā niratthakā bhaveyyu’’nti vattabbattā ‘‘tathā lobho upekkhāyā’’tiādi vuttaṃ. Upekkhāyāti ‘‘sabbe sattā kammassakā’’tiādinā bhāvitāya upekkhāya. Muditā aratiṃ vūpasametvā aratiyā mūlabhūtaṃ mohampi pajahatīti manasi katvā ‘‘moho muditāya pahānaṃ abbhatthaṃ gacchatī’’ti vuttaṃ. ‘‘Akusalamūlānaṃ kusalamūlādīhi pahātabbattaṃ kena amhehi saddahitabba’’nti vattabbattā ‘‘tenāhā’’tiādi vuttaṃ. Tena tathā pahātabbattena bhagavā ‘‘sabbapāpassa akaraṇa’’nti vacanaṃ āha, tena ‘‘sabbapāpassa akaraṇa’’nti vacanena tathā pahātabbattaṃ tumhehi saddahitabbanti vuttaṃ hoti.
31. ‘‘зд̇д̇аавад̇аа жа саб̣б̣абаабо вибхад̇д̇о, д̇асса агаран̣ан̃жа вибхад̇д̇ам̣ сияаа, звам̣ сад̇и адтамижчад̇д̇аанам̣ агаран̣ам̣ аниваарид̇ам̣ сияаа’’д̇и вад̇д̇аб̣б̣ад̇д̇аа ‘‘саб̣б̣абаабам̣ наама адта мижчад̇д̇ааний’’д̇иаад̣̇и вуд̇д̇ам̣. мижчаасад̇ийд̇и анижжаад̣̇ийсу ‘‘нижжа’’нд̇и ануссаран̣ажинд̇анаад̣̇ивасзна бавад̇д̇аагусалаббавад̇д̇и.
31. ‘‘Ettāvatā ca sabbapāpo vibhatto, tassa akaraṇañca vibhattaṃ siyā, evaṃ sati aṭṭhamicchattānaṃ akaraṇaṃ anivāritaṃ siyā’’ti vattabbattā ‘‘sabbapāpaṃ nāma aṭṭha micchattānī’’tiādi vuttaṃ. Micchāsatīti aniccādīsu ‘‘nicca’’nti anussaraṇacintanādivasena pavattaakusalappavatti.
саб̣б̣абаабасса агаран̣ам̣ б̣ахуд̇хаа аажариязна вибхад̇д̇ам̣, амхзхи жа вин̃н̃аад̇ам̣, ‘‘гат̇ам̣ гусаласса самбад̣̇аа вибхаж̇ид̇аб̣б̣аа вин̃н̃аад̇аб̣б̣аа’’д̇и вад̇д̇аб̣б̣ад̇д̇аа гусаласса самбад̣̇ам̣ вибхаж̇ид̇ваа д̣̇ассзнд̇о ‘‘адтасу мижчад̇д̇зсу бахийнзсуу’’д̇иаад̣̇имааха. адта саммад̇д̇аанийд̇и саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хийд̇и адтасаммад̇д̇аани висабхааг̇абаривад̇д̇анад̇хаммавасзна самбаж̇ж̇анд̇и. ад̇ийд̇ассаад̇и ад̇ийд̇зна саммаасамб̣уд̣̇д̇хзна д̣̇зсид̇асса. вибассино хи бхаг̇авад̇о аяам̣ баад̇имогкуд̣̇д̣̇зсаг̇аат̇аа. жид̇д̇з барияод̣̇аабид̇зд̇и жид̇д̇абадиб̣ад̣̇д̇хаа бан̃жагканд̇хааби барияод̣̇аабид̇аа бхаванд̇и. ‘‘жид̇д̇абарияод̣̇аабид̇зна бан̃жаннам̣ канд̇хаанам̣ барияод̣̇аабид̇абхааво гат̇ам̣ амхзхи сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘зван̃хий’’д̇иаад̣̇и вуд̇д̇ам̣. звам̣ вуд̇д̇аббагаарзна бхаг̇аваа яам̣ ‘‘жзд̇овисуд̣̇д̇хад̇т̇ам̣ бхигкавз д̇ат̇ааг̇ад̇з б̣рахмажарияам̣ вуссад̇ий’’д̇и важанам̣ ааха, д̇зна ‘‘жзд̇о…бз… вуссад̇ий’’д̇и важанзна д̇умхзхи сад̣̇д̣̇ахид̇аб̣б̣од̇и вуд̇д̇ам̣ ход̇и. ‘‘барияод̣̇аабанаа гад̇ивид̇хаа бхаванд̇ий’’д̇и вад̇д̇аб̣б̣ад̇д̇аа ‘‘д̣̇увид̇хаа хий’’д̇иаад̣̇и вуд̇д̇ам̣. самат̇авибассанааяа нийваран̣аббахаанан̃жа арияамаг̇г̇абхааванааяа анусаяасамуг̇гхаад̇о жаад̇и барияод̣̇аабанасса д̣̇увид̇хад̇д̇аа бан̃жагканд̇хаа барияод̣̇аабид̇аа бхаванд̇ийд̇и ад̇т̇о. бахийнанийваран̣аанусаяаа хи буг̇г̇алаа басаад̣̇анийяаван̣н̣аа хонд̇и.
Sabbapāpassa akaraṇaṃ bahudhā ācariyena vibhattaṃ, amhehi ca viññātaṃ, ‘‘kathaṃ kusalassa sampadā vibhajitabbā viññātabbā’’ti vattabbattā kusalassa sampadaṃ vibhajitvā dassento ‘‘aṭṭhasu micchattesu pahīnesū’’tiādimāha. Aṭṭha sammattānīti sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhīti aṭṭhasammattāni visabhāgaparivattanadhammavasena sampajjanti. Atītassāti atītena sammāsambuddhena desitassa. Vipassino hi bhagavato ayaṃ pātimokkhuddesagāthā. Citte pariyodāpiteti cittapaṭibaddhā pañcakkhandhāpi pariyodāpitā bhavanti. ‘‘Cittapariyodāpitena pañcannaṃ khandhānaṃ pariyodāpitabhāvo kathaṃ amhehi saddahitabbo’’ti vattabbattā ‘‘evañhī’’tiādi vuttaṃ. Evaṃ vuttappakārena bhagavā yaṃ ‘‘cetovisuddhatthaṃ bhikkhave tathāgate brahmacariyaṃ vussatī’’ti vacanaṃ āha, tena ‘‘ceto…pe… vussatī’’ti vacanena tumhehi saddahitabboti vuttaṃ hoti. ‘‘Pariyodāpanā katividhā bhavantī’’ti vattabbattā ‘‘duvidhā hī’’tiādi vuttaṃ. Samathavipassanāya nīvaraṇappahānañca ariyamaggabhāvanāya anusayasamugghāto cāti pariyodāpanassa duvidhattā pañcakkhandhā pariyodāpitā bhavantīti attho. Pahīnanīvaraṇānusayā hi puggalā pasādanīyavaṇṇā honti.
‘‘барияод̣̇аабанасса гид̇д̇игаа бхуумияо’’д̇и бужчид̇аб̣б̣ад̇д̇аа ‘‘д̣̇вз барияод̣̇аабанабхуумияо’’д̇иаад̣̇и вуд̇д̇ам̣. ‘‘‘саб̣б̣абаабасса агаран̣а’нд̇иаад̣̇иг̇аат̇ааяа д̣̇зсид̇зсу д̇хаммзсу гад̇амам̣ д̣̇угкасажжам̣, гад̇амам̣ самуд̣̇аяасажжам̣ , гад̇амам̣ маг̇г̇асажжам̣, гад̇амам̣ нирод̇хасажжа’’нд̇и бужчид̇аб̣б̣ад̇д̇аа ‘‘д̇ад̇т̇а яам̣ бадивзд̇хзнаа’’д̇иаад̣̇и вуд̇д̇ам̣. д̇ад̇т̇аад̇и г̇аат̇ааяа д̣̇зсид̇зсу д̇хаммзсу яам̣ канд̇хабан̃жагам̣ бадивзд̇хзна барин̃н̃аабхисамаязна барияод̣̇аабзд̇и, ид̣̇ам̣ канд̇хабан̃жагам̣ д̣̇угкам̣ д̣̇угкасажжам̣ бхавз. яад̇о д̇ан̣хаасам̣гилзсад̇о канд̇хабан̃жагам̣ барияод̣̇аабзд̇и, аяам̣ д̇ан̣хаасам̣гилзсо самуд̣̇аяо самуд̣̇аяасажжам̣. язна арияамаг̇г̇ан̇г̇зна барияод̣̇аабзд̇и, аяам̣ арияамаг̇г̇о маг̇г̇асажжам̣. яам̣ асан̇кад̇ад̇хаад̇ум̣ ад̇хиг̇ад̇зна буг̇г̇алзна барияод̣̇аабид̇ам̣, аяам̣ асан̇кад̇ад̇хаад̇уд̇хаммо нирод̇хо нирод̇хасажжам̣ бхавз. имаани жад̇д̇аари сажжаани г̇аат̇ааяа д̣̇зсид̇ад̇хаммаанам̣ сабхааг̇ависабхааг̇ад̇хаммаавадданавасзна нид̣̇д̇хаарид̇аани. ‘‘д̇знаахаа’’д̇иаад̣̇игасса ад̇т̇о хздтаа вуд̇д̇анаязна взд̣̇ид̇аб̣б̣о.
‘‘Pariyodāpanassa kittikā bhūmiyo’’ti pucchitabbattā ‘‘dve pariyodāpanabhūmiyo’’tiādi vuttaṃ. ‘‘‘Sabbapāpassa akaraṇa’ntiādigāthāya desitesu dhammesu katamaṃ dukkhasaccaṃ, katamaṃ samudayasaccaṃ , katamaṃ maggasaccaṃ, katamaṃ nirodhasacca’’nti pucchitabbattā ‘‘tattha yaṃ paṭivedhenā’’tiādi vuttaṃ. Tatthāti gāthāya desitesu dhammesu yaṃ khandhapañcakaṃ paṭivedhena pariññābhisamayena pariyodāpeti, idaṃ khandhapañcakaṃ dukkhaṃ dukkhasaccaṃ bhave. Yato taṇhāsaṃkilesato khandhapañcakaṃ pariyodāpeti, ayaṃ taṇhāsaṃkileso samudayo samudayasaccaṃ. Yena ariyamaggaṅgena pariyodāpeti, ayaṃ ariyamaggo maggasaccaṃ. Yaṃ asaṅkhatadhātuṃ adhigatena puggalena pariyodāpitaṃ, ayaṃ asaṅkhatadhātudhammo nirodho nirodhasaccaṃ bhave. Imāni cattāri saccāni gāthāya desitadhammānaṃ sabhāgavisabhāgadhammāvaṭṭanavasena niddhāritāni. ‘‘Tenāhā’’tiādikassa attho heṭṭhā vuttanayena veditabbo.
‘‘саб̣б̣абаабасса агаран̣а’’нд̇иаад̣̇иг̇аат̇ааяа д̣̇зсид̇аанам̣ д̇хаммаанам̣ сабхааг̇ависабхааг̇ад̇хаммаавадданавасзна жад̇д̇аари сажжаани аажариязна нид̣̇д̇хаарид̇аани, амхзхи жа вин̃н̃аад̇аани.
‘‘Sabbapāpassa akaraṇa’’ntiādigāthāya desitānaṃ dhammānaṃ sabhāgavisabhāgadhammāvaṭṭanavasena cattāri saccāni ācariyena niddhāritāni, amhehi ca viññātāni.
‘‘‘д̇хаммо хавз рагкад̇и д̇хаммажаарим̣, чад̇д̇ам̣ маханд̇ам̣ яат̇а вассагаалз;
‘‘‘Dhammo have rakkhati dhammacāriṃ, chattaṃ mahantaṃ yatha vassakāle;
зсаанисам̣со д̇хаммз сужин̣н̣з, на д̣̇уг̇г̇ад̇им̣ г̇ажчад̇и д̇хаммажаарий’д̇и –
Esānisaṃso dhamme suciṇṇe, na duggatiṃ gacchati dhammacārī’ti –
г̇аат̇ааяа д̣̇зсид̇аанам̣ д̇хаммаанам̣ висабхааг̇асабхааг̇ад̇хаммаанам̣ аавадданавасзна гат̇ам̣ жад̇д̇аари сажжаани нид̣̇д̇хаарид̇ааний’’д̇и вад̇д̇аб̣б̣ад̇д̇аа ‘‘д̇хаммо хавз’’д̇иаад̣̇имааха. д̇ааяа г̇аат̇ааяа д̣̇зсид̇з д̇хаммз вибхаж̇ид̇ваа д̣̇ассзнд̇о ‘‘д̇хаммо наамаа’’д̇иаад̣̇имааха. д̇ад̇т̇а д̇хаммо наамаад̇и бун̃н̃ад̇хаммо наама. инд̣̇рияасам̣варод̇и манажчадтинд̣̇рияасам̣варасийлаад̣̇иго саб̣б̣о сам̣варо. д̇зна вуд̇д̇ам̣ –‘‘инд̣̇рияасам̣варасийсзна жзд̇т̇а саб̣б̣амби сийлам̣ г̇ахид̇анд̇и д̣̇адтаб̣б̣а’’нд̇и (нзд̇д̇и. адта. 31). жад̇д̇ааро абааяаа д̣̇уггадагаммагаарийнам̣ г̇ад̇ибхууд̇ад̇д̇аа д̣̇уг̇г̇ад̇и. саб̣б̣аа убабад̇д̇ияо бана д̣̇угкад̣̇угкасан̇каарад̣̇угкавибарин̣аамад̣̇угкасаман̇г̇ийнам̣ г̇ад̇ибхууд̇ад̇д̇аа д̣̇уг̇г̇ад̇и наама.
Gāthāya desitānaṃ dhammānaṃ visabhāgasabhāgadhammānaṃ āvaṭṭanavasena kathaṃ cattāri saccāni niddhāritānī’’ti vattabbattā ‘‘dhammo have’’tiādimāha. Tāya gāthāya desite dhamme vibhajitvā dassento ‘‘dhammo nāmā’’tiādimāha. Tattha dhammo nāmāti puññadhammo nāma. Indriyasaṃvaroti manacchaṭṭhindriyasaṃvarasīlādiko sabbo saṃvaro. Tena vuttaṃ –‘‘indriyasaṃvarasīsena cettha sabbampi sīlaṃ gahitanti daṭṭhabba’’nti (netti. aṭṭha. 31). Cattāro apāyā dukkaṭakammakārīnaṃ gatibhūtattā duggati. Sabbā upapattiyo pana dukkhadukkhasaṅkhāradukkhavipariṇāmadukkhasamaṅgīnaṃ gatibhūtattā duggati nāma.
‘‘д̇асмим̣ д̣̇увид̇хз д̇хаммз инд̣̇рияасам̣варад̇хаммо гад̇т̇а тид̇о, гат̇ам̣ сужин̣н̣о, гуд̇о рагкад̇ий’’д̇и бужчид̇аб̣б̣ад̇д̇аа ‘‘д̇ад̇т̇а яаа сам̣варасийлз’’д̇иаад̣̇и вуд̇д̇ам̣. д̇ад̇т̇аад̇и д̇асмим̣ д̣̇увид̇хз д̇хаммз. сам̣варасийлз тид̇аа яаа акан̣д̣агаарид̇аа ход̇и, аяам̣ акан̣д̣авасзна гаад̇аб̣б̣о сам̣варасийлз тид̇о судту аажин̣н̣абарижин̣н̣о бун̃н̃ад̇хаммо жад̇уухи абааязхи ад̇д̇ано аад̇хаарам̣ ад̇д̇аанам̣ рагканд̇ам̣ буг̇г̇алам̣ зганд̇игабхаавзна рагкад̇и, анзганд̇игабхаавзна бана рагкид̇амад̇д̇о бун̃н̃ад̇хаммоби рагкад̇ийд̇и ад̇т̇о г̇ахзд̇аб̣б̣о. абааязхийд̇и жа бад̇хаанавасзна вуд̇д̇ам̣, рог̇аад̣̇ианд̇арааяад̇оби рагкад̇и. рог̇аад̣̇ианд̇арааяо ваа аяад̇о абаг̇ад̇ад̇д̇аа абааяанд̇ог̇ад̇ход̇и д̣̇адтаб̣б̣о.
‘‘Tasmiṃ duvidhe dhamme indriyasaṃvaradhammo kattha ṭhito, kathaṃ suciṇṇo, kuto rakkhatī’’ti pucchitabbattā ‘‘tattha yā saṃvarasīle’’tiādi vuttaṃ. Tatthāti tasmiṃ duvidhe dhamme. Saṃvarasīle ṭhitā yā akhaṇḍakāritā hoti, ayaṃ akhaṇḍavasena kātabbo saṃvarasīle ṭhito suṭṭhu āciṇṇapariciṇṇo puññadhammo catūhi apāyehi attano ādhāraṃ attānaṃ rakkhantaṃ puggalaṃ ekantikabhāvena rakkhati, anekantikabhāvena pana rakkhitamatto puññadhammopi rakkhatīti attho gahetabbo. Apāyehīti ca padhānavasena vuttaṃ, rogādiantarāyatopi rakkhati. Rogādiantarāyo vā ayato apagatattā apāyantogadhoti daṭṭhabbo.
‘‘д̇ат̇аа рагкад̇ийд̇и гзна амхзхи сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘звам̣ бхаг̇аваа’’д̇иаад̣̇и вуд̇д̇ам̣. звам̣ вуд̇д̇аббагаарзна лагкан̣абагаарад̣̇ассанам̣ бхаг̇аваа ‘‘д̣̇взмаа, бхигкавз, сийлавад̇о г̇ад̇ияо д̣̇зваа жа мануссаа жаа’’д̇и яам̣ важанам̣ ааха, д̇зна ‘‘д̣̇взмаа…бз… мануссаа жаа’’д̇и важанзна д̇умхзхи сад̣̇д̣̇ахид̇аб̣б̣од̇и вуд̇д̇ам̣ ход̇и. ‘‘сам̣варасийлз тид̇асса акан̣д̣агаад̇аб̣б̣асса сужин̣н̣асса бун̃н̃ад̇хаммасса абааязхи рагкан̣з зганд̇игабхааво гзна суд̇д̇зна д̣̇ийбзд̇аб̣б̣о’’д̇и вад̇д̇аб̣б̣ад̇д̇аа ‘‘зван̃жа наал̣анд̣̇ааяа’’нд̇иаад̣̇и вуд̇д̇ам̣. д̇ад̇т̇а зван̃жаад̇и иминаа ид̣̇аани вужжамаанзна багаарзнаби вуд̇д̇аббагааро ад̇т̇о взд̣̇ид̇аб̣б̣о. наал̣анд̣̇ааяанд̇и наал̣анд̣̇анаамагз ниг̇амз нисинно асиб̣анд̇хаганаамасса буд̇д̇о г̇ааман̣и г̇аамаж̇здтаго бхаг̇аванд̇ам̣ зд̇ам̣ вужжамаанам̣ ‘‘б̣раахман̣аа, бханд̇з’’д̇иаад̣̇иважанам̣ авожа.
‘‘Tathā rakkhatīti kena amhehi saddahitabbo’’ti vattabbattā ‘‘evaṃ bhagavā’’tiādi vuttaṃ. Evaṃ vuttappakārena lakkhaṇapakāradassanaṃ bhagavā ‘‘dvemā, bhikkhave, sīlavato gatiyo devā ca manussā cā’’ti yaṃ vacanaṃ āha, tena ‘‘dvemā…pe… manussā cā’’ti vacanena tumhehi saddahitabboti vuttaṃ hoti. ‘‘Saṃvarasīle ṭhitassa akhaṇḍakātabbassa suciṇṇassa puññadhammassa apāyehi rakkhaṇe ekantikabhāvo kena suttena dīpetabbo’’ti vattabbattā ‘‘evañca nāḷandāya’’ntiādi vuttaṃ. Tattha evañcāti iminā idāni vuccamānena pakārenapi vuttappakāro attho veditabbo. Nāḷandāyanti nāḷandanāmake nigame nisinno asibandhakanāmassa putto gāmaṇi gāmajeṭṭhako bhagavantaṃ etaṃ vuccamānaṃ ‘‘brāhmaṇā, bhante’’tiādivacanaṃ avoca.
б̣раахман̣аад̇и б̣аахирагаа б̣раахман̣аа. бханд̇зд̇и бхаг̇аванд̇ам̣ г̇ааман̣и аалабад̇и. бажчаабхуумагаад̇и бажчимад̣̇исааяа нисиннагаа. уяяаабзнд̇ийд̇и мануссалогад̇о уд̣̇д̇хам̣ д̣̇звалогам̣ яаабзнд̇и баабзнд̇и.
Brāhmaṇāti bāhirakā brāhmaṇā. Bhanteti bhagavantaṃ gāmaṇi ālapati. Pacchābhūmakāti pacchimadisāya nisinnakā. Uyyāpentīti manussalokato uddhaṃ devalokaṃ yāpenti pāpenti.
ид̇хассаад̇и ид̇халогз асса бхавзяяа. бурисо баан̣аад̇ибаад̇ий…бз… мижчаад̣̇идтиго асса бхавзяяаад̇и яож̇анаа. сзсам̣ баал̣ид̇о жзва вуд̇д̇аанусаарзна жа н̃зяяам̣.
Idhassāti idhaloke assa bhaveyya. Puriso pāṇātipātī…pe… micchādiṭṭhiko assa bhaveyyāti yojanā. Sesaṃ pāḷito ceva vuttānusārena ca ñeyyaṃ.
32. ‘‘висабхааг̇ад̇хаммасабхааг̇ад̇хаммаавадданавасзна жад̇уннам̣ сажжаанам̣ нид̣̇д̇хаарид̇абхааво гзна амхзхи сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘д̇знааха махаагажжаано згамхи бад̣̇адтаанз’’д̇и вуд̇д̇ам̣.
32. ‘‘Visabhāgadhammasabhāgadhammāvaṭṭanavasena catunnaṃ saccānaṃ niddhāritabhāvo kena amhehi saddahitabbo’’ti vattabbattā ‘‘tenāha mahākaccāno ekamhi padaṭṭhāne’’ti vuttaṃ.
‘‘зд̇д̇аавад̇аа жа ааваддо хааро барибун̣н̣о, ан̃н̃о нияуд̇д̇о над̇т̇ий’’д̇и вад̇д̇аб̣б̣ад̇д̇аа ‘‘нияуд̇д̇о ааваддо хааро’’д̇и вуд̇д̇ам̣. яассам̣ яассам̣ баал̣ияам̣ яо яо ааваддо хааро яат̇аалаабхавасзна яож̇ид̇о, д̇ассам̣ д̇ассам̣ баал̣ияам̣ со со ааваддо хааро д̇ат̇аа нид̣̇д̇хаарзд̇ваа яуд̇д̇о яож̇ид̇од̇и ад̇т̇о д̣̇адтаб̣б̣о.
‘‘Ettāvatā ca āvaṭṭo hāro paripuṇṇo, añño niyutto natthī’’ti vattabbattā ‘‘niyutto āvaṭṭo hāro’’ti vuttaṃ. Yassaṃ yassaṃ pāḷiyaṃ yo yo āvaṭṭo hāro yathālābhavasena yojito, tassaṃ tassaṃ pāḷiyaṃ so so āvaṭṭo hāro tathā niddhāretvā yutto yojitoti attho daṭṭhabbo.
ид̇и ааваддахааравибхан̇г̇з сад̇д̇иб̣алаануруубаа ражид̇аа
Iti āvaṭṭahāravibhaṅge sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана адтагат̇аадийгаанусаарзнзва г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣од̇и.
Paṇḍitehi pana aṭṭhakathāṭīkānusāreneva gambhīrattho vitthārato vibhajitvā gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 7. ааваддахааравибхан̇г̇о • 7. Āvaṭṭahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 7. ааваддахааравибхан̇г̇аван̣н̣анаа • 7. Āvaṭṭahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 7. ааваддахааравибхан̇г̇аван̣н̣анаа • 7. Āvaṭṭahāravibhaṅgavaṇṇanā
