| Library / Tipiṭaka / д̇ибидага • Tipiṭaka / нзд̇д̇иббагаран̣абаал̣и • Nettippakaraṇapāḷi |
7. ааваддахааравибхан̇г̇о
7. Āvaṭṭahāravibhaṅgo
29. д̇ад̇т̇а гад̇амо ааваддо хааро? ‘‘згамхи бад̣̇адтаанз’’д̇и аяам̣.
29. Tattha katamo āvaṭṭo hāro? ‘‘Ekamhi padaṭṭhāne’’ti ayaṃ.
‘‘аарамбхат̇а 1 ниггамат̇а, яун̃ж̇ат̇а б̣уд̣̇д̇хасаасанз;
‘‘Ārambhatha 2 nikkamatha, yuñjatha buddhasāsane;
д̇хунаат̇а мажжуно сзнам̣, нал̣ааг̇аарам̣ва гун̃ж̇аро’’д̇и.
Dhunātha maccuno senaṃ, naḷāgāraṃva kuñjaro’’ti.
‘‘аарамбхат̇а ниггамат̇аа’’д̇и вийрияасса бад̣̇адтаанам̣. ‘‘яун̃ж̇ат̇а б̣уд̣̇д̇хасаасанз’’д̇и самаад̇хисса бад̣̇адтаанам̣. ‘‘д̇хунаат̇а мажжуно сзнам̣, нал̣ааг̇аарам̣ва гун̃ж̇аро’’д̇и бан̃н̃ааяа бад̣̇адтаанам̣. ‘‘аарамбхат̇а ниггамат̇аа’’д̇и вийрияинд̣̇рияасса бад̣̇адтаанам̣. ‘‘яун̃ж̇ат̇а б̣уд̣̇д̇хасаасанз’’д̇и самаад̇хинд̣̇рияасса бад̣̇адтаанам̣. ‘‘д̇хунаат̇а мажжуно сзнам̣, нал̣ааг̇аарам̣ва гун̃ж̇аро’’д̇и бан̃н̃инд̣̇рияасса бад̣̇адтаанам̣. имаани бад̣̇адтаанаани д̣̇зсанаа.
‘‘Ārambhatha nikkamathā’’ti vīriyassa padaṭṭhānaṃ. ‘‘Yuñjatha buddhasāsane’’ti samādhissa padaṭṭhānaṃ. ‘‘Dhunātha maccuno senaṃ, naḷāgāraṃva kuñjaro’’ti paññāya padaṭṭhānaṃ. ‘‘Ārambhatha nikkamathā’’ti vīriyindriyassa padaṭṭhānaṃ. ‘‘Yuñjatha buddhasāsane’’ti samādhindriyassa padaṭṭhānaṃ. ‘‘Dhunātha maccuno senaṃ, naḷāgāraṃva kuñjaro’’ti paññindriyassa padaṭṭhānaṃ. Imāni padaṭṭhānāni desanā.
аяун̃ж̇анд̇аанам̣ ваа сад̇д̇аанам̣ яог̇з, яун̃ж̇анд̇аанам̣ ваа аарамбхо.
Ayuñjantānaṃ vā sattānaṃ yoge, yuñjantānaṃ vā ārambho.
д̇ад̇т̇а яз на яун̃ж̇анд̇и, д̇з бамаад̣̇амуулагаа на яун̃ж̇анд̇и. со бамаад̣̇о д̣̇увид̇хо д̇ан̣хаамуулаго авиж̇ж̇аамуулаго жа. д̇ад̇т̇а авиж̇ж̇аамуулаго язна ан̃н̃аан̣зна нивуд̇о н̃зяяадтаанам̣ наббаж̇аанаад̇и бан̃жагканд̇хаа уббаад̣̇аваяад̇хаммаад̇и, аяам̣ авиж̇ж̇аамуулаго. яо д̇ан̣хаамуулаго, со д̇ивид̇хо ануббаннаанам̣ бхог̇аанам̣ уббаад̣̇ааяа бариязсанд̇о бамаад̣̇ам̣ аабаж̇ж̇ад̇и, уббаннаанам̣ бхог̇аанам̣ аарагканимид̇д̇ам̣ барибхог̇анимид̇д̇ан̃жа бамаад̣̇ам̣ аабаж̇ж̇ад̇и аяам̣ логз жад̇уб̣б̣ид̇хо бамаад̣̇о згавид̇хо авиж̇ж̇ааяа д̇ивид̇хо д̇ан̣хааяа. д̇ад̇т̇а авиж̇ж̇ааяа наамагааяо бад̣̇адтаанам̣. д̇ан̣хааяа руубагааяо бад̣̇адтаанам̣. д̇ам̣ гисса хзд̇у, руубийсу бхавзсу аж̇жхосаанам̣, аруубийсу саммохо? д̇ад̇т̇а руубагааяо руубагканд̇хо наамагааяо жад̇д̇ааро аруубино канд̇хаа. имз бан̃жагканд̇хаа гад̇амзна убаад̣̇аанзна саубаад̣̇аанаа, д̇ан̣хааяа жа авиж̇ж̇ааяа жа? д̇ад̇т̇а д̇ан̣хаа д̣̇вз убаад̣̇аанаани гаамубаад̣̇аанан̃жа сийлаб̣б̣ад̇убаад̣̇аанан̃жа. авиж̇ж̇аа д̣̇вз убаад̣̇аанаани д̣̇идтубаад̣̇аанан̃жа ад̇д̇аваад̣̇убаад̣̇аанан̃жа. имзхи жад̇уухи убаад̣̇аанзхи яз саубаад̣̇аанаа канд̇хаа, ид̣̇ам̣ д̣̇угкам̣. жад̇д̇аари убаад̣̇аанаани, аяам̣ самуд̣̇аяо. бан̃жагканд̇хаа д̣̇угкам̣. д̇зсам̣ бхаг̇аваа барин̃н̃ааяа бахаанааяа жа д̇хаммам̣ д̣̇зсзд̇и д̣̇угкасса барин̃н̃ааяа самуд̣̇аяасса бахаанааяа.
Tattha ye na yuñjanti, te pamādamūlakā na yuñjanti. So pamādo duvidho taṇhāmūlako avijjāmūlako ca. Tattha avijjāmūlako yena aññāṇena nivuto ñeyyaṭṭhānaṃ nappajānāti pañcakkhandhā uppādavayadhammāti, ayaṃ avijjāmūlako. Yo taṇhāmūlako, so tividho anuppannānaṃ bhogānaṃ uppādāya pariyesanto pamādaṃ āpajjati, uppannānaṃ bhogānaṃ ārakkhanimittaṃ paribhoganimittañca pamādaṃ āpajjati ayaṃ loke catubbidho pamādo ekavidho avijjāya tividho taṇhāya. Tattha avijjāya nāmakāyo padaṭṭhānaṃ. Taṇhāya rūpakāyo padaṭṭhānaṃ. Taṃ kissa hetu, rūpīsu bhavesu ajjhosānaṃ, arūpīsu sammoho? Tattha rūpakāyo rūpakkhandho nāmakāyo cattāro arūpino khandhā. Ime pañcakkhandhā katamena upādānena saupādānā, taṇhāya ca avijjāya ca? Tattha taṇhā dve upādānāni kāmupādānañca sīlabbatupādānañca. Avijjā dve upādānāni diṭṭhupādānañca attavādupādānañca. Imehi catūhi upādānehi ye saupādānā khandhā, idaṃ dukkhaṃ. Cattāri upādānāni, ayaṃ samudayo. Pañcakkhandhā dukkhaṃ. Tesaṃ bhagavā pariññāya pahānāya ca dhammaṃ deseti dukkhassa pariññāya samudayassa pahānāya.
30. д̇ад̇т̇а яо д̇ивид̇хо д̇ан̣хаамуулаго бамаад̣̇о ануббаннаанам̣ бхог̇аанам̣ уббаад̣̇ааяа бариязсад̇и, уббаннаанам̣ бхог̇аанам̣ аарагкан̣ан̃жа гарод̇и барибхог̇анимид̇д̇ан̃жа, д̇асса самбадивзд̇хзна рагкан̣аа бадисам̣харан̣аа, аяам̣ самат̇о.
30. Tattha yo tividho taṇhāmūlako pamādo anuppannānaṃ bhogānaṃ uppādāya pariyesati, uppannānaṃ bhogānaṃ ārakkhaṇañca karoti paribhoganimittañca, tassa sampaṭivedhena rakkhaṇā paṭisaṃharaṇā, ayaṃ samatho.
со гат̇ам̣ бхавад̇и? яад̣̇аа ж̇аанаад̇и гаамаанам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о огааран̃жа сам̣гилзсан̃жа вод̣̇аанан̃жа нзгкаммз жа аанисам̣сам̣. д̇ад̇т̇а яаа виймам̣саа убабаригкаа аяам̣ вибассанаа. имз д̣̇вз д̇хаммаа бхааванаабаарибуурим̣ г̇ажчанд̇и самат̇о жа вибассанаа жа. имзсу д̣̇вийсу д̇хаммзсу бхаавияамаанзсу д̣̇вз д̇хаммаа бахийяанд̇и д̇ан̣хаа жа авиж̇ж̇аа жа, имзсу д̣̇вийсу д̇хаммзсу бахийнзсу жад̇д̇аари убаад̣̇аанаани нируж̇жханд̇и. убаад̣̇аананирод̇хаа бхаванирод̇хо, бхаванирод̇хаа ж̇аад̇инирод̇хо, ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и. звамзд̇асса гзваласса д̣̇угкагканд̇хасса нирод̇хо ход̇и. ид̇и буримагаани жа д̣̇вз сажжаани д̣̇угкам̣ самуд̣̇аяо жа, самат̇о жа вибассанаа жа маг̇г̇о. бхаванирод̇хо ниб̣б̣аанам̣ имаани жад̇д̇аари сажжаани. д̇знааха бхаг̇аваа ‘‘аарамбхат̇а ниггамат̇аа’’д̇и.
So kathaṃ bhavati? Yadā jānāti kāmānaṃ assādañca assādato ādīnavañca ādīnavato nissaraṇañca nissaraṇato okārañca saṃkilesañca vodānañca nekkhamme ca ānisaṃsaṃ. Tattha yā vīmaṃsā upaparikkhā ayaṃ vipassanā. Ime dve dhammā bhāvanāpāripūriṃ gacchanti samatho ca vipassanā ca. Imesu dvīsu dhammesu bhāviyamānesu dve dhammā pahīyanti taṇhā ca avijjā ca, imesu dvīsu dhammesu pahīnesu cattāri upādānāni nirujjhanti. Upādānanirodhā bhavanirodho, bhavanirodhā jātinirodho, jātinirodhā jarāmaraṇaṃ sokaparidevadukkhadomanassupāyāsā nirujjhanti. Evametassa kevalassa dukkhakkhandhassa nirodho hoti. Iti purimakāni ca dve saccāni dukkhaṃ samudayo ca, samatho ca vipassanā ca maggo. Bhavanirodho nibbānaṃ imāni cattāri saccāni. Tenāha bhagavā ‘‘ārambhatha nikkamathā’’ti.
яат̇ааби муулз анубад̣̇д̣̇авз д̣̇ал̣хз, чинноби ругко бунарзва 3 руухад̇и;
Yathāpi mūle anupaddave daḷhe, chinnopi rukkho punareva 4 rūhati;
звамби д̇ан̣хаанусаяз ануухад̇з, ниб̣б̣ад̇д̇ад̇ий д̣̇угкамид̣̇ам̣ бунаббунам̣.
Evampi taṇhānusaye anūhate, nibbattatī dukkhamidaṃ punappunaṃ.
аяам̣ д̇ан̣хаанусаяо. гад̇амассаа д̇ан̣хааяа? бхавад̇ан̣хааяа. яо зд̇асса д̇хаммасса бажжаяо аяам̣ авиж̇ж̇аа. авиж̇ж̇аабажжаяаа хи бхавад̇ан̣хаа. имз д̣̇вз гилзсаа д̇ан̣хаа жа авиж̇ж̇аа жа. д̇аани жад̇д̇аари убаад̣̇аанаани д̇зхи жад̇уухи убаад̣̇аанзхи яз саубаад̣̇аанаа канд̇хаа, ид̣̇ам̣ д̣̇угкам̣. жад̇д̇аари убаад̣̇аанаани аяам̣ самуд̣̇аяо. бан̃жагканд̇хаа д̣̇угкам̣. д̇зсам̣ бхаг̇аваа барин̃н̃ааяа жа бахаанааяа жа д̇хаммам̣ д̣̇зсзд̇и д̣̇угкасса барин̃н̃ааяа самуд̣̇аяасса бахаанааяа.
Ayaṃ taṇhānusayo. Katamassā taṇhāya? Bhavataṇhāya. Yo etassa dhammassa paccayo ayaṃ avijjā. Avijjāpaccayā hi bhavataṇhā. Ime dve kilesā taṇhā ca avijjā ca. Tāni cattāri upādānāni tehi catūhi upādānehi ye saupādānā khandhā, idaṃ dukkhaṃ. Cattāri upādānāni ayaṃ samudayo. Pañcakkhandhā dukkhaṃ. Tesaṃ bhagavā pariññāya ca pahānāya ca dhammaṃ deseti dukkhassa pariññāya samudayassa pahānāya.
язна д̇ан̣хаанусаяам̣ самууханад̇и 5, аяам̣ самат̇о. язна д̇ан̣хаанусаяасса бажжаяам̣ авиж̇ж̇ам̣ ваараяад̇и, аяам̣ вибассанаа. имз д̣̇вз д̇хаммаа бхааванаабаарибуурим̣ г̇ажчанд̇и самат̇о жа вибассанаа жа. д̇ад̇т̇а самат̇асса палам̣ рааг̇авирааг̇аа жзд̇овимуд̇д̇и, вибассанааяа палам̣ авиж̇ж̇аавирааг̇аа бан̃н̃аавимуд̇д̇и. ид̇и буримагаани жа д̣̇вз сажжаани д̣̇угкам̣ самуд̣̇аяо жа, самат̇о вибассанаа жа маг̇г̇о, д̣̇вз жа вимуд̇д̇ияо нирод̇хо. имаани жад̇д̇аари сажжаани. д̇знааха бхаг̇аваа ‘‘яат̇ааби муулз’’д̇и.
Yena taṇhānusayaṃ samūhanati 6, ayaṃ samatho. Yena taṇhānusayassa paccayaṃ avijjaṃ vārayati, ayaṃ vipassanā. Ime dve dhammā bhāvanāpāripūriṃ gacchanti samatho ca vipassanā ca. Tattha samathassa phalaṃ rāgavirāgā cetovimutti, vipassanāya phalaṃ avijjāvirāgā paññāvimutti. Iti purimakāni ca dve saccāni dukkhaṃ samudayo ca, samatho vipassanā ca maggo, dve ca vimuttiyo nirodho. Imāni cattāri saccāni. Tenāha bhagavā ‘‘yathāpi mūle’’ti.
‘‘саб̣б̣абаабасса агаран̣ам̣, гусаласса убасамбад̣̇аа;
‘‘Sabbapāpassa akaraṇaṃ, kusalassa upasampadā;
сажид̇д̇абарияод̣̇аабанам̣ 7, зд̇ам̣ б̣уд̣̇д̇хаана саасана’’нд̇и.
Sacittapariyodāpanaṃ 8, etaṃ buddhāna sāsana’’nti.
саб̣б̣абаабам̣ наама д̇ийн̣и д̣̇ужжарид̇аани гааяад̣̇ужжарид̇ам̣ важийд̣̇ужжарид̇ам̣ манод̣̇ужжарид̇ам̣, д̇з д̣̇аса агусалагаммабат̇аа баан̣аад̇ибаад̇о ад̣̇иннаад̣̇аанам̣ гаамзсумижчаажааро мусааваад̣̇о бисун̣аа ваажаа парусаа ваажаа сампаббалаабо абхиж̇жхаа б̣яаабаад̣̇о мижчаад̣̇идти, д̇аани д̣̇вз гаммаани жзд̇анаа жзд̇асиган̃жа. д̇ад̇т̇а яо жа баан̣аад̇ибаад̇о яаа жа бисун̣аа ваажаа яаа жа парусаа ваажаа, ид̣̇ам̣ д̣̇осасамудтаанам̣. яан̃жа ад̣̇иннаад̣̇аанам̣ яо жа гаамзсумижчаажааро яо жа мусааваад̣̇о, ид̣̇ам̣ лобхасамудтаанам̣, яо сампаббалаабо, ид̣̇ам̣ мохасамудтаанам̣. имаани сад̇д̇а гааран̣аани жзд̇анаагаммам̣. яаа абхиж̇жхаа, аяам̣ лобхо агусаламуулам̣. яо б̣яаабаад̣̇о, аяам̣ д̣̇осо агусаламуулам̣. яаа мижчаад̣̇идти, аяам̣ мижчаамаг̇г̇о. имаани д̇ийн̣и гааран̣аани жзд̇асигагаммам̣. д̇знааха ‘‘жзд̇анаагаммам̣ жзд̇асигагамма’’нд̇и.
Sabbapāpaṃ nāma tīṇi duccaritāni kāyaduccaritaṃ vacīduccaritaṃ manoduccaritaṃ, te dasa akusalakammapathā pāṇātipāto adinnādānaṃ kāmesumicchācāro musāvādo pisuṇā vācā pharusā vācā samphappalāpo abhijjhā byāpādo micchādiṭṭhi, tāni dve kammāni cetanā cetasikañca. Tattha yo ca pāṇātipāto yā ca pisuṇā vācā yā ca pharusā vācā, idaṃ dosasamuṭṭhānaṃ. Yañca adinnādānaṃ yo ca kāmesumicchācāro yo ca musāvādo, idaṃ lobhasamuṭṭhānaṃ, yo samphappalāpo, idaṃ mohasamuṭṭhānaṃ. Imāni satta kāraṇāni cetanākammaṃ. Yā abhijjhā, ayaṃ lobho akusalamūlaṃ. Yo byāpādo, ayaṃ doso akusalamūlaṃ. Yā micchādiṭṭhi, ayaṃ micchāmaggo. Imāni tīṇi kāraṇāni cetasikakammaṃ. Tenāha ‘‘cetanākammaṃ cetasikakamma’’nti.
агусаламуулам̣ баяог̇ам̣ г̇ажчанд̇ам̣ жад̇уб̣б̣ид̇хам̣ аг̇ад̇им̣ г̇ажчад̇и чанд̣̇аа д̣̇осаа бхаяаа мохаа. д̇ад̇т̇а яам̣ чанд̣̇аа аг̇ад̇им̣ г̇ажчад̇и, ид̣̇ам̣ лобхасамудтаанам̣. яам̣ д̣̇осаа аг̇ад̇им̣ г̇ажчад̇и, ид̣̇ам̣ д̣̇осасамудтаанам̣. яам̣ бхаяаа жа мохаа жа аг̇ад̇им̣ г̇ажчад̇и, ид̣̇ам̣ мохасамудтаанам̣. д̇ад̇т̇а лобхо асубхааяа бахийяад̇и. д̣̇осо мзд̇д̇ааяа. мохо бан̃н̃ааяа. д̇ат̇аа лобхо убзгкааяа бахийяад̇и. д̣̇осо мзд̇д̇ааяа жа гарун̣ааяа жа. мохо муд̣̇ид̇ааяа бахаанам̣ аб̣бхад̇т̇ам̣ г̇ажчад̇и. д̇знааха бхаг̇аваа ‘‘саб̣б̣абаабасса агаран̣а’’нд̇и.
Akusalamūlaṃ payogaṃ gacchantaṃ catubbidhaṃ agatiṃ gacchati chandā dosā bhayā mohā. Tattha yaṃ chandā agatiṃ gacchati, idaṃ lobhasamuṭṭhānaṃ. Yaṃ dosā agatiṃ gacchati, idaṃ dosasamuṭṭhānaṃ. Yaṃ bhayā ca mohā ca agatiṃ gacchati, idaṃ mohasamuṭṭhānaṃ. Tattha lobho asubhāya pahīyati. Doso mettāya. Moho paññāya. Tathā lobho upekkhāya pahīyati. Doso mettāya ca karuṇāya ca. Moho muditāya pahānaṃ abbhatthaṃ gacchati. Tenāha bhagavā ‘‘sabbapāpassa akaraṇa’’nti.
31. саб̣б̣абаабам̣ наама адта мижчад̇д̇аани мижчаад̣̇идти мижчаасан̇габбо мижчааваажаа мижчаагамманд̇о мижчааааж̇ийво мижчаавааяаамо мижчаасад̇и мижчаасамаад̇хи, ид̣̇ам̣ вужжад̇и саб̣б̣абаабам̣. имзсам̣ адтаннам̣ мижчад̇д̇аанам̣ яаа агирияаа агаран̣ам̣ анаж̇жхаажааро, ид̣̇ам̣ вужжад̇и саб̣б̣абаабасса агаран̣ам̣.
31. Sabbapāpaṃ nāma aṭṭha micchattāni micchādiṭṭhi micchāsaṅkappo micchāvācā micchākammanto micchāājīvo micchāvāyāmo micchāsati micchāsamādhi, idaṃ vuccati sabbapāpaṃ. Imesaṃ aṭṭhannaṃ micchattānaṃ yā akiriyā akaraṇaṃ anajjhācāro, idaṃ vuccati sabbapāpassa akaraṇaṃ.
адтасу мижчад̇д̇зсу бахийнзсу адта саммад̇д̇аани самбаж̇ж̇анд̇и. адтаннам̣ саммад̇д̇аанам̣ яаа гирияаа гаран̣ам̣ самбаад̣̇анам̣, аяам̣ вужжад̇и гусаласса убасамбад̣̇аа. сажид̇д̇абарияод̣̇аабананд̇и ад̇ийд̇асса маг̇г̇асса бхааванаагирияам̣ д̣̇ассаяад̇и, жид̇д̇з барияод̣̇аабид̇з 9 бан̃жагканд̇хаа барияод̣̇аабид̇аа бхаванд̇и, зван̃хи бхаг̇аваа ааха ‘‘жзд̇овисуд̣̇д̇хад̇т̇ам̣, бхигкавз, д̇ат̇ааг̇ад̇з б̣рахмажарияам̣ вуссад̇ий’’д̇и. д̣̇увид̇хаа хи барияод̣̇аабанаа нийваран̣аббахаанан̃жа анусаяасамуг̇гхаад̇о жа. д̣̇вз барияод̣̇аабанабхуумияо д̣̇ассанабхууми жа, бхааванаабхууми жа, д̇ад̇т̇а яам̣ бадивзд̇хзна барияод̣̇аабзд̇и, ид̣̇ам̣ д̣̇угкам̣. яад̇о барияод̣̇аабзд̇и, аяам̣ самуд̣̇аяо. язна барияод̣̇аабзд̇и, аяам̣ маг̇г̇о. яам̣ барияод̣̇аабид̇ам̣, аяам̣ нирод̇хо. имаани жад̇д̇аари сажжаани. д̇знааха бхаг̇аваа ‘‘саб̣б̣абаабасса агаран̣а’’нд̇и.
Aṭṭhasu micchattesu pahīnesu aṭṭha sammattāni sampajjanti. Aṭṭhannaṃ sammattānaṃ yā kiriyā karaṇaṃ sampādanaṃ, ayaṃ vuccati kusalassa upasampadā. Sacittapariyodāpananti atītassa maggassa bhāvanākiriyaṃ dassayati, citte pariyodāpite 10 pañcakkhandhā pariyodāpitā bhavanti, evañhi bhagavā āha ‘‘cetovisuddhatthaṃ, bhikkhave, tathāgate brahmacariyaṃ vussatī’’ti. Duvidhā hi pariyodāpanā nīvaraṇappahānañca anusayasamugghāto ca. Dve pariyodāpanabhūmiyo dassanabhūmi ca, bhāvanābhūmi ca, tattha yaṃ paṭivedhena pariyodāpeti, idaṃ dukkhaṃ. Yato pariyodāpeti, ayaṃ samudayo. Yena pariyodāpeti, ayaṃ maggo. Yaṃ pariyodāpitaṃ, ayaṃ nirodho. Imāni cattāri saccāni. Tenāha bhagavā ‘‘sabbapāpassa akaraṇa’’nti.
‘‘д̇хаммо хавз рагкад̇и д̇хаммажаарим̣, чад̇д̇ам̣ маханд̇ам̣ яат̇а вассагаалз;
‘‘Dhammo have rakkhati dhammacāriṃ, chattaṃ mahantaṃ yatha vassakāle;
зсаанисам̣со д̇хаммз сужин̣н̣з, на д̣̇уг̇г̇ад̇им̣ г̇ажчад̇и д̇хаммажаарий’’д̇и.
Esānisaṃso dhamme suciṇṇe, na duggatiṃ gacchati dhammacārī’’ti.
д̇хаммо наама д̣̇увид̇хо инд̣̇рияасам̣варо маг̇г̇о жа. д̣̇уг̇г̇ад̇и наама д̣̇увид̇хаа д̣̇звамануссз ваа убанид̇хааяа абааяаа д̣̇уг̇г̇ад̇и, ниб̣б̣аанам̣ ваа убанид̇хааяа саб̣б̣аа убабад̇д̇ияо д̣̇уг̇г̇ад̇и. д̇ад̇т̇а яаа сам̣варасийлз акан̣д̣агаарид̇аа, аяам̣ д̇хаммо сужин̣н̣о абааязхи рагкад̇и. звам̣ бхаг̇аваа ааха – д̣̇взмаа, бхигкавз, сийлавад̇о г̇ад̇ияо д̣̇зваа жа мануссаа жа. зван̃жа наал̣анд̣̇ааяам̣ ниг̇амз асиб̣анд̇хагабуд̇д̇о г̇ааман̣и бхаг̇аванд̇ам̣ зд̇ад̣̇авожа –
Dhammo nāma duvidho indriyasaṃvaro maggo ca. Duggati nāma duvidhā devamanusse vā upanidhāya apāyā duggati, nibbānaṃ vā upanidhāya sabbā upapattiyo duggati. Tattha yā saṃvarasīle akhaṇḍakāritā, ayaṃ dhammo suciṇṇo apāyehi rakkhati. Evaṃ bhagavā āha – dvemā, bhikkhave, sīlavato gatiyo devā ca manussā ca. Evañca nāḷandāyaṃ nigame asibandhakaputto gāmaṇi bhagavantaṃ etadavoca –
‘‘б̣раахман̣аа, бханд̇з, бажчаабхуумагаа гааман̣д̣алугаа сзвааламаалигаа уд̣̇агорохагаа аг̇г̇ибарижаарагаа, д̇з мад̇ам̣ гаалан̇гад̇ам̣ уяяаабзнд̇и наама, сан̃н̃аабзнд̇и наама, саг̇г̇ам̣ наама оггаамзнд̇и 11. бхаг̇аваа бана, бханд̇з, арахам̣ саммаасамб̣уд̣̇д̇хо баход̇и д̇ат̇аа гаад̇ум̣, яат̇аа саб̣б̣о лого гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяаа’’д̇и.
‘‘Brāhmaṇā, bhante, pacchābhūmakā kāmaṇḍalukā sevālamālikā udakorohakā aggiparicārakā, te mataṃ kālaṅkataṃ uyyāpenti nāma, saññāpenti nāma, saggaṃ nāma okkāmenti 12. Bhagavā pana, bhante, arahaṃ sammāsambuddho pahoti tathā kātuṃ, yathā sabbo loko kāyassa bhedā paraṃ maraṇā sugatiṃ saggaṃ lokaṃ upapajjeyyā’’ti.
‘‘д̇зна хи, г̇ааман̣и, д̇ан̃н̃звзд̇т̇а бадибужчиссаами, яат̇аа д̇з камзяяа, д̇ат̇аа нам̣ б̣яаагарзяяаасийд̇и.
‘‘Tena hi, gāmaṇi, taññevettha paṭipucchissāmi, yathā te khameyya, tathā naṃ byākareyyāsīti.
‘‘д̇ам̣ гим̣ ман̃н̃аси, г̇ааман̣и, ид̇хасса бурисо баан̣аад̇ибаад̇ий ад̣̇иннаад̣̇ааяий гаамзсумижчаажаарий мусааваад̣̇ий бисун̣аваажо парусаваажо сампаббалаабий абхиж̇жхаалу б̣яаабаннажид̇д̇о мижчаад̣̇идтиго, д̇амзнам̣ махааж̇анагааяо сан̇г̇амма самааг̇амма ааяаажзяяа т̇омзяяа бан̃ж̇алиго анубарисаггзяяа ‘аяам̣ бурисо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇уу’д̇и. д̇ам̣ гим̣ ман̃н̃аси, г̇ааман̣и, аби ну со бурисо махад̇о ж̇анагааяасса ааяаажанахзд̇у ваа т̇оманахзд̇уваа бан̃ж̇алигам̣ 13 анубарисагганахзд̇у ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяаа’’д̇и. ‘‘но хзд̇ам̣, бханд̇з’’.
‘‘Taṃ kiṃ maññasi, gāmaṇi, idhassa puriso pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhiko, tamenaṃ mahājanakāyo saṅgamma samāgamma āyāceyya thomeyya pañjaliko anuparisakkeyya ‘ayaṃ puriso kāyassa bhedā paraṃ maraṇā sugatiṃ saggaṃ lokaṃ upapajjatū’ti. Taṃ kiṃ maññasi, gāmaṇi, api nu so puriso mahato janakāyassa āyācanahetu vā thomanahetuvā pañjalikaṃ 14 anuparisakkanahetu vā kāyassa bhedā paraṃ maraṇā sugatiṃ saggaṃ lokaṃ upapajjeyyā’’ti. ‘‘No hetaṃ, bhante’’.
‘‘сзяяат̇ааби, г̇ааман̣и, бурисо махад̇им̣ бут̇усилам̣ г̇амбхийрз уд̣̇агарахад̣̇з 15 багкибзяяа, д̇амзнам̣ махааж̇анагааяо сан̇г̇амма самааг̇амма ааяаажзяяа т̇омзяяа бан̃ж̇алиго анубарисаггзяяа ‘уммуж̇ж̇а, бхо, бут̇усилз, ублава бхо бут̇усилз, т̇аламублава, бхо бут̇усилз’д̇и. д̇ам̣ гим̣ ман̃н̃аси г̇ааман̣и, аби ну саа махад̇ий бут̇усилаа махад̇о ж̇анагааяасса ааяаажанахзд̇у ваа т̇оманахзд̇у ваа бан̃ж̇алигам̣ анубарисагганахзд̇у ваа уммуж̇ж̇зяяа ваа ублавзяяа ваа т̇алам̣ ваа ублавзяяаа’’д̇и. ‘‘но хзд̇ам̣ , бханд̇з’’. ‘‘звамзва ко, г̇ааман̣и, яо со бурисо баан̣аад̇ибаад̇ий…бз… мижчаад̣̇идтиго, гин̃жааби нам̣ махааж̇анагааяо сан̇г̇амма самааг̇амма ааяаажзяяа т̇омзяяа бан̃ж̇алиго анубарисаггзяяа ‘аяам̣ бурисо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇уу’д̇и. ат̇а ко со бурисо гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа.
‘‘Seyyathāpi, gāmaṇi, puriso mahatiṃ puthusilaṃ gambhīre udakarahade 16 pakkhipeyya, tamenaṃ mahājanakāyo saṅgamma samāgamma āyāceyya thomeyya pañjaliko anuparisakkeyya ‘ummujja, bho, puthusile, uplava bho puthusile, thalamuplava, bho puthusile’ti. Taṃ kiṃ maññasi gāmaṇi, api nu sā mahatī puthusilā mahato janakāyassa āyācanahetu vā thomanahetu vā pañjalikaṃ anuparisakkanahetu vā ummujjeyya vā uplaveyya vā thalaṃ vā uplaveyyā’’ti. ‘‘No hetaṃ , bhante’’. ‘‘Evameva kho, gāmaṇi, yo so puriso pāṇātipātī…pe… micchādiṭṭhiko, kiñcāpi naṃ mahājanakāyo saṅgamma samāgamma āyāceyya thomeyya pañjaliko anuparisakkeyya ‘ayaṃ puriso kāyassa bhedā paraṃ maraṇā sugatiṃ saggaṃ lokaṃ upapajjatū’ti. Atha kho so puriso kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya.
‘‘д̇ам̣ гим̣ ман̃н̃аси, г̇ааман̣и, ид̇хасса бурисо баан̣аад̇ибаад̇аа бадивирад̇о ад̣̇иннаад̣̇аанаа бадивирад̇о гаамзсумижчаажаараа бадивирад̇о мусааваад̣̇аа бадивирад̇о бисун̣ааяа ваажааяа бадивирад̇о парусааяа ваажааяа бадивирад̇о сампаббалаабаа бадивирад̇о анабхиж̇жхаалу аб̣яаабаннажид̇д̇о саммаад̣̇идтиго, д̇амзнам̣ махааж̇анагааяо сан̇г̇амма самааг̇амма ааяаажзяяа т̇омзяяа бан̃ж̇алиго анубарисаггзяяа ‘аяам̣ бурисо гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇уу’д̇и. д̇ам̣ гим̣ ман̃н̃аси, г̇ааман̣и, аби ну со бурисо махад̇о ж̇анагааяасса ааяаажанахзд̇у ваа т̇оманахзд̇у ваа бан̃ж̇алигам̣ анубарисагганахзд̇у ваа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяаа’’д̇и. ‘‘но хзд̇ам̣, бханд̇з’’.
‘‘Taṃ kiṃ maññasi, gāmaṇi, idhassa puriso pāṇātipātā paṭivirato adinnādānā paṭivirato kāmesumicchācārā paṭivirato musāvādā paṭivirato pisuṇāya vācāya paṭivirato pharusāya vācāya paṭivirato samphappalāpā paṭivirato anabhijjhālu abyāpannacitto sammādiṭṭhiko, tamenaṃ mahājanakāyo saṅgamma samāgamma āyāceyya thomeyya pañjaliko anuparisakkeyya ‘ayaṃ puriso kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatū’ti. Taṃ kiṃ maññasi, gāmaṇi, api nu so puriso mahato janakāyassa āyācanahetu vā thomanahetu vā pañjalikaṃ anuparisakkanahetu vā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyyā’’ti. ‘‘No hetaṃ, bhante’’.
‘‘сзяяат̇ааби, г̇ааман̣и, бурисо саббигумбхам̣ ваа д̇злагумбхам̣ ваа г̇амбхийрз 17 уд̣̇агарахад̣̇з ог̇аахзд̇ваа бхинд̣̇зяяа. д̇ад̇ра яаасса сагкараа ваа гаталаа 18, саа ад̇хог̇аамий асса. яан̃жа квасса д̇ад̇ра сабби ваа д̇злам̣ ваа, д̇ам̣ уд̣̇д̇хам̣г̇аами асса. д̇амзнам̣ махааж̇анагааяо сан̇г̇амма самааг̇амма ааяаажзяяа т̇омзяяа бан̃ж̇алиго анубарисаггзяяа ‘осийд̣̇а, бхо саббид̇зла, сам̣сийд̣̇а, бхо саббид̇зла, ад̇хо г̇ажча 19‘бхо саббид̇злаа’д̇и. д̇ам̣ гим̣ ман̃н̃аси г̇ааман̣и, аби ну д̇ам̣ саббид̇злам̣ махад̇о ж̇анагааяасса ааяаажанахзд̇у ваа т̇оманахзд̇у ваа бан̃ж̇алигам̣ анубарисагганахзд̇у ваа ‘осийд̣̇зяяа ваа сам̣сийд̣̇зяяа ваа ад̇хо ваа г̇ажчзяяаа’д̇и. ‘‘но хзд̇ам̣, бханд̇з’’.
‘‘Seyyathāpi, gāmaṇi, puriso sappikumbhaṃ vā telakumbhaṃ vā gambhīre 20 udakarahade ogāhetvā bhindeyya. Tatra yāssa sakkharā vā kaṭhalā 21, sā adhogāmī assa. Yañca khvassa tatra sappi vā telaṃ vā, taṃ uddhaṃgāmi assa. Tamenaṃ mahājanakāyo saṅgamma samāgamma āyāceyya thomeyya pañjaliko anuparisakkeyya ‘osīda, bho sappitela, saṃsīda, bho sappitela, adho gaccha 22‘bho sappitelā’ti. Taṃ kiṃ maññasi gāmaṇi, api nu taṃ sappitelaṃ mahato janakāyassa āyācanahetu vā thomanahetu vā pañjalikaṃ anuparisakkanahetu vā ‘osīdeyya vā saṃsīdeyya vā adho vā gaccheyyā’ti. ‘‘No hetaṃ, bhante’’.
‘‘звамзва ко, г̇ааман̣и, яо со бурисо баан̣аад̇ибаад̇аа бадивирад̇о…бз… саммаад̣̇идтиго, гин̃жааби нам̣ махааж̇анагааяо сан̇г̇амма самааг̇амма ааяаажзяяа т̇омзяяа бан̃ж̇алиго анубарисаггзяяа ‘аяам̣ бурисо гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇уу’’’д̇и. ат̇а ко со бурисо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяа. ид̇и д̇хаммо сужин̣н̣о абааязхи рагкад̇и. д̇ад̇т̇а яаа маг̇г̇асса д̇игкад̇аа ад̇химад̇д̇ад̇аа, аяам̣ д̇хаммо сужин̣н̣о саб̣б̣аахи убабад̇д̇ийхи рагкад̇и. звам̣ бхаг̇аваа ааха –
‘‘Evameva kho, gāmaṇi, yo so puriso pāṇātipātā paṭivirato…pe… sammādiṭṭhiko, kiñcāpi naṃ mahājanakāyo saṅgamma samāgamma āyāceyya thomeyya pañjaliko anuparisakkeyya ‘ayaṃ puriso kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatū’’’ti. Atha kho so puriso kāyassa bhedā paraṃ maraṇā sugatiṃ saggaṃ lokaṃ upapajjeyya. Iti dhammo suciṇṇo apāyehi rakkhati. Tattha yā maggassa tikkhatā adhimattatā, ayaṃ dhammo suciṇṇo sabbāhi upapattīhi rakkhati. Evaṃ bhagavā āha –
‘‘д̇асмаа рагкид̇ажид̇д̇асса 23, саммаасан̇габбаг̇ожаро;
‘‘Tasmā rakkhitacittassa 24, sammāsaṅkappagocaro;
саммаад̣̇идтибурзгкааро, н̃ад̇ваана уд̣̇аяаб̣б̣аяам̣;
Sammādiṭṭhipurekkhāro, ñatvāna udayabbayaṃ;
т̇инамид̣̇д̇хаабхибхуу бхигку, саб̣б̣аа д̣̇уг̇г̇ад̇ияо ж̇ахз’’д̇и.
Thinamiddhābhibhū bhikkhu, sabbā duggatiyo jahe’’ti.
32. д̇ад̇т̇а д̣̇уг̇г̇ад̇ийнам̣ хзд̇у д̇ан̣хаа жа авиж̇ж̇аа жа, д̇аани жад̇д̇аари убаад̣̇аанаани, д̇зхи жад̇уухи убаад̣̇аанзхи яз саубаад̣̇аанаа канд̇хаа, ид̣̇ам̣ д̣̇угкам̣. жад̇д̇аари убаад̣̇аанаани, аяам̣ самуд̣̇аяо. бан̃жагканд̇хаа д̣̇угкам̣, д̇зсам̣ бхаг̇аваа барин̃н̃ааяа жа бахаанааяа жа д̇хаммам̣ д̣̇зсзд̇и д̣̇угкасса барин̃н̃ааяа самуд̣̇аяасса бахаанааяа. д̇ад̇т̇а д̇ан̣хааяа бан̃жинд̣̇рияаани руубийни бад̣̇адтаанам̣. авиж̇ж̇ааяа манинд̣̇рияам̣ бад̣̇адтаанам̣. бан̃жинд̣̇рияаани руубийни рагканд̇о самаад̇хим̣ бхааваяад̇и, д̇ан̣хан̃жа ниг̇г̇ан̣хаад̇и. манинд̣̇рияам̣ рагканд̇о вибассанам̣ бхааваяад̇и, авиж̇ж̇ан̃жа ниг̇г̇ан̣хаад̇и. д̇ан̣хааниг̇г̇ахзна д̣̇вз убаад̣̇аанаани бахийяанд̇и гаамубаад̣̇аанан̃жа сийлаб̣б̣ад̇убаад̣̇аанан̃жа. авиж̇ж̇ааниг̇г̇ахзна д̣̇вз убаад̣̇аанаани бахийяанд̇и д̣̇идтубаад̣̇аанан̃жа ад̇д̇аваад̣̇убаад̣̇аанан̃жа. жад̇уусу убаад̣̇аанзсу бахийнзсу д̣̇вз д̇хаммаа бхааванаабаарибуурим̣ г̇ажчанд̇и самат̇о жа вибассанаа жа. ид̣̇ам̣ вужжад̇и б̣рахмажарияанд̇и.
32. Tattha duggatīnaṃ hetu taṇhā ca avijjā ca, tāni cattāri upādānāni, tehi catūhi upādānehi ye saupādānā khandhā, idaṃ dukkhaṃ. Cattāri upādānāni, ayaṃ samudayo. Pañcakkhandhā dukkhaṃ, tesaṃ bhagavā pariññāya ca pahānāya ca dhammaṃ deseti dukkhassa pariññāya samudayassa pahānāya. Tattha taṇhāya pañcindriyāni rūpīni padaṭṭhānaṃ. Avijjāya manindriyaṃ padaṭṭhānaṃ. Pañcindriyāni rūpīni rakkhanto samādhiṃ bhāvayati, taṇhañca niggaṇhāti. Manindriyaṃ rakkhanto vipassanaṃ bhāvayati, avijjañca niggaṇhāti. Taṇhāniggahena dve upādānāni pahīyanti kāmupādānañca sīlabbatupādānañca. Avijjāniggahena dve upādānāni pahīyanti diṭṭhupādānañca attavādupādānañca. Catūsu upādānesu pahīnesu dve dhammā bhāvanāpāripūriṃ gacchanti samatho ca vipassanā ca. Idaṃ vuccati brahmacariyanti.
д̇ад̇т̇а б̣рахмажарияасса палам̣ жад̇д̇аари сааман̃н̃апалаани сод̇аабад̇д̇ипалам̣ сагад̣̇ааг̇аамипалам̣ анааг̇аамипалам̣ арахад̇д̇ам̣ 25 аг̇г̇апалам̣. имаани жад̇д̇аари б̣рахмажарияасса палаани 26. ид̇и буримагаани жа д̣̇вз сажжаани д̣̇угкам̣ самуд̣̇аяо жа. самат̇о жа вибассанаа жа б̣рахмажарияан̃жа маг̇г̇о, б̣рахмажарияасса палаани жа д̇ад̣̇аарамман̣аа жа асан̇кад̇аад̇хаад̇у нирод̇хо. имаани жад̇д̇аари сажжаани. д̇знааха бхаг̇аваа ‘‘д̇хаммо хавз рагкад̇ий’’д̇и.
Tattha brahmacariyassa phalaṃ cattāri sāmaññaphalāni sotāpattiphalaṃ sakadāgāmiphalaṃ anāgāmiphalaṃ arahattaṃ 27 aggaphalaṃ. Imāni cattāri brahmacariyassa phalāni 28. Iti purimakāni ca dve saccāni dukkhaṃ samudayo ca. Samatho ca vipassanā ca brahmacariyañca maggo, brahmacariyassa phalāni ca tadārammaṇā ca asaṅkhatādhātu nirodho. Imāni cattāri saccāni. Tenāha bhagavā ‘‘dhammo have rakkhatī’’ti.
д̇ад̇т̇а яам̣ бадивзд̇хзна рагкад̇и, ид̣̇ам̣ д̣̇угкам̣. яад̇о рагкад̇и, аяам̣ самуд̣̇аяо. язна рагкад̇и, аяам̣ маг̇г̇о. яам̣ рагкад̇и, аяам̣ нирод̇хо. имаани жад̇д̇аари сажжаани. д̇знааха ааяасмаа махаагажжааяано ‘‘згамхи бад̣̇адтаанз’’д̇и.
Tattha yaṃ paṭivedhena rakkhati, idaṃ dukkhaṃ. Yato rakkhati, ayaṃ samudayo. Yena rakkhati, ayaṃ maggo. Yaṃ rakkhati, ayaṃ nirodho. Imāni cattāri saccāni. Tenāha āyasmā mahākaccāyano ‘‘ekamhi padaṭṭhāne’’ti.
нияуд̇д̇о ааваддо хааро.
Niyutto āvaṭṭo hāro.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 7. ааваддахааравибхан̇г̇аван̣н̣анаа • 7. Āvaṭṭahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 7. ааваддахааравибхан̇г̇аван̣н̣анаа • 7. Āvaṭṭahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 7. ааваддахааравибхан̇г̇авибхааванаа • 7. Āvaṭṭahāravibhaṅgavibhāvanā
