| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੪੦. ਅવੇਭਙ੍ਗਿਯਨਿਦ੍ਦੇਸવਣ੍ਣਨਾ
40. Avebhaṅgiyaniddesavaṇṇanā
੩੨੨-੫. ਆਰਾਮਾ…ਪੇ॰… ਮਤ੍ਤਿਕਭਣ੍ਡਾਨੀਤਿ ਏਤੇ ਪਞ੍ਚ ਅવਿਭਾਜਿਯਾਤਿ ਸਮ੍ਬਨ੍ਧਿਤਬ੍ਬਂ । ਪਞ੍ਚਾਤਿ ‘‘ਆਰਾਮਾਰਾਮવਤ੍ਥੂਨਿ ਏਕ’’ਨ੍ਤਿਆਦਿਨਾ ਰਾਸਿવਸੇਨ ਪਞ੍ਚ, ਸਰੂਪવਸੇਨ ਪਨੇਤਾਨਿ ਪਣ੍ਣਂ ਤਿਣੇ ਪਕ੍ਖਿਪਿਤ੍વਾ ਪਞ੍ਚવੀਸਤਿવਿਧਾਨਿ ਹੋਨ੍ਤਿ। ਤਥਾ ਚਾਹ –
322-5. Ārāmā…pe… mattikabhaṇḍānīti ete pañca avibhājiyāti sambandhitabbaṃ . Pañcāti ‘‘ārāmārāmavatthūni eka’’ntiādinā rāsivasena pañca, sarūpavasena panetāni paṇṇaṃ tiṇe pakkhipitvā pañcavīsatividhāni honti. Tathā cāha –
‘‘ਦ੍વਿਸਙ੍ਗਹਾਨਿ ਦ੍વੇ ਹੋਨ੍ਤਿ, ਤਤਿਯਂ ਚਤੁਸਙ੍ਗਹਂ।
‘‘Dvisaṅgahāni dve honti, tatiyaṃ catusaṅgahaṃ;
ਚਤੁਤ੍ਥਂ ਨવਕੋਟ੍ਠਾਸਂ, ਪਞ੍ਚਮਂ ਅਟ੍ਠਭੇਦਨਂ॥
Catutthaṃ navakoṭṭhāsaṃ, pañcamaṃ aṭṭhabhedanaṃ.
‘‘ਇਤਿ ਪਞ੍ਚਹਿ ਰਾਸੀਹਿ, ਪਞ੍ਚਨਿਮ੍ਮਲਲੋਚਨੋ।
‘‘Iti pañcahi rāsīhi, pañcanimmalalocano;
ਪਞ੍ਚવੀਸવਿਧਂ ਨਾਥੋ, ਗਰੁਭਣ੍ਡਂ ਪਕਾਸਯੀ’’ਤਿ॥ (ਚੂਲ਼વ॰ ਅਟ੍ਠ॰ ੩੨੧)।
Pañcavīsavidhaṃ nātho, garubhaṇḍaṃ pakāsayī’’ti. (cūḷava. aṭṭha. 321);
ਤਤ੍ਥ ਆਰਾਮੋ ਨਾਮ ਪੁਪ੍ਫਾਰਾਮੋ વਾ ਫਲਾਰਾਮੋ વਾ। ਆਰਾਮવਤ੍ਥੁ ਨਾਮ ਤੇਸਂਯੇવ ਪਤਿਟ੍ਠਾਨੋਕਾਸੋ, વਿਨਟ੍ਠੇਸੁ વਾ ਤੇਸੁ ਪੋਰਾਣਕਭੂਮਿਭਾਗੋ। વਿਹਾਰੋ ਨਾਮ ਪਾਸਾਦਾਦਿ ਯਂ ਕਿਞ੍ਚਿ ਸੇਨਾਸਨਂ। ਲੋਹਕੁਮ੍ਭੀ ਨਾਮ ਕਾਲ਼ਲੋਹੇਨ વਾ ਤਮ੍ਬਲੋਹੇਨ વਾ ਕਤਕੁਮ੍ਭੀ। ਕਟਾਹਾਦੀਸੁਪਿ ਏਸੇવ ਨਯੋ। ਏਤ੍ਥ ਭਾਣਕਨ੍ਤਿ ਅਰਞ੍ਜਰੋ વੁਚ੍ਚਤਿ। વਾਰਕੋਤਿ ਘਟੋ। ਰਾਸਿਂ ਅਪੇਕ੍ਖਿਤ੍વਾ ਏਤੇਤਿ ਪੁਲ੍ਲਿਙ੍ਗਨਿਦ੍ਦੇਸੋ। ਅવਿਭਾਜਿਯਾਤਿ ਮੂਲਚ੍ਛੇਜ੍ਜવਸੇਨ ਅવੇਭਙ੍ਗਿਯਾ। ਪਰਿવਤ੍ਤਨવਸੇਨ ਪਨ ਪਰਿਭੁਞ੍ਜਨ੍ਤਸ੍ਸ વਿਸ੍ਸਜ੍ਜੇਨ੍ਤਸ੍ਸ ਚ ਅਨਾਪਤ੍ਤਿ। ਅવਿਸ੍ਸਜ੍ਜਿਯਾਨਿ ਚਾਤਿ ਚ-ਸਦ੍ਦੇਨ ਅવੇਭਙ੍ਗਿਯਾਨਿ ਚਾਤਿ ਅવੁਤ੍ਤਂ ਸਮ੍ਪਿਣ੍ਡੇਤਿ।
Tattha ārāmo nāma pupphārāmo vā phalārāmo vā. Ārāmavatthu nāma tesaṃyeva patiṭṭhānokāso, vinaṭṭhesu vā tesu porāṇakabhūmibhāgo. Vihāro nāma pāsādādi yaṃ kiñci senāsanaṃ. Lohakumbhī nāma kāḷalohena vā tambalohena vā katakumbhī. Kaṭāhādīsupi eseva nayo. Ettha bhāṇakanti arañjaro vuccati. Vārakoti ghaṭo. Rāsiṃ apekkhitvā eteti pulliṅganiddeso. Avibhājiyāti mūlacchejjavasena avebhaṅgiyā. Parivattanavasena pana paribhuñjantassa vissajjentassa ca anāpatti. Avissajjiyāni cāti ca-saddena avebhaṅgiyāni cāti avuttaṃ sampiṇḍeti.
੩੨੬-੮. ਏਕਨ੍ਤਗਰੁਭਣ੍ਡਤ੍ਤਾ ਆਦਿਤੋ ਤਯੋ ਰਾਸੀ ਠਪੇਤ੍વਾ ਚਤੁਤ੍ਥਰਾਸਿਤੋ ਪਟ੍ਠਾਯ ਗਰੁਭਣ੍ਡਾਗਰੁਭਣ੍ਡੇ વਿਭਜਿਤੁਂ ‘‘વਲ੍ਲੀ’’ਤਿਆਦਿ ਆਰਦ੍ਧਂ। ਅਡ੍ਢਬਾਹੁਮਤ੍ਤਾਪਿ વਲ੍ਲਿ ਚ ਅਟ੍ਠਙ੍ਗੁਲਾਯਤੋ વੇਲ਼ੁ ਚ ਮੁਟ੍ਠਿਮਤ੍ਤਮ੍ਪਿ ਤਿਣਾਦਿ ਚ ਏਕਮ੍ਪਿ ਪਣ੍ਣਞ੍ਚ ਪਾਕਤਾ વਾ ਪਞ੍ਚવਣ੍ਣਾ વਾ ਤਾਲਪਕ੍ਕਪ੍ਪਮਾਣਾਪਿ ਮਤ੍ਤਿਕਾ ਚ ਤਾਲਪਕ੍ਕਪ੍ਪਮਾਣਾਪਿ ਸੁਧਾ ਚ ਤਾਲਪਕ੍ਕਪ੍ਪਮਾਣਾਪਿ ਕਙ੍ਗੁਟ੍ਠਆਦਿਕਾ ਚ ਦਿਨ੍ਨਾ વਾ ਤਤ੍ਥਜਾਤਕਾ વਾ ਸਙ੍ਘਿਕਾ ਰਕ੍ਖਿਤਾ ਅਭਾਜਿਯਾ, ਰਜ੍ਜੁਯੋਤ੍ਤਾਦਿ ਚ ਦਿਨ੍ਨਾ ਸਙ੍ਘਿਕਾ ਅਭਾਜਿਯਾਤਿ ਯੋਜਨਾ। વੇਲ਼ੁ ਪਰਿਣਾਹਤੋ ਪਣ੍ਣਸੂਚਿਦਣ੍ਡਮਤ੍ਤੋ ਗਹੇਤਬ੍ਬੋ। ਤਿਣਂ ਮੁਞ੍ਜਂ ਪਬ੍ਬਜਞ੍ਚ ਆਦਿਸਦ੍ਦਸਙ੍ਗਹਿਤਂ ਠਪੇਤ੍વਾ ਅવਸੇਸਂ ਯਂ ਕਿਞ੍ਚਿ ਤਿਣਂ। ਪਣ੍ਣੋ ਅਟ੍ਠਙ੍ਗੁਲਪ੍ਪਮਾਣੋ ਰਿਤ੍ਤਪੋਤ੍ਥਕੋ ਗਰੁਭਣ੍ਡਮੇવ। ਪਾਕਤਾਤਿ ਪਕਤਿਯਾ ਜਾਤਾ। ਪਞ੍ਚવਣ੍ਣਾਤਿ ਰਤ੍ਤਸੇਤਾਦਿਪਞ੍ਚવਣ੍ਣਾ। ਸੁਧਾਕਙ੍ਗੁਟ੍ਠਾਦਯੋ ਮਤ੍ਤਿਕਗ੍ਗਹਣੇਨ ਗਹਿਤਾ। ਕਙ੍ਗੁਟ੍ਠਆਦਿਕਾਤਿ ਆਦਿ-ਸਦ੍ਦੇਨ ਸਜ੍ਜੁਰਸਜਾਤਿਹਿਙ੍ਗੁਲਕਾਦੀਨਂ ਗਹਣਂ। ਦਿਨ੍ਨਾਤਿ ਸਙ੍ਘਸ੍ਸ ਦਿਨ੍ਨਾ। ਤਤ੍ਥਜਾਤਾਤਿ ਸਙ੍ਘਿਕਭੂਮਿਯਂ ਜਾਤਾ। ਰਜ੍ਜੁਯੋਤ੍ਤਾਦੀਤਿ ਸੁਤ੍ਤਮਕਚਿવਾਕਨਾਲ਼ਿਕੇਰਹੀਰਚਮ੍ਮਮਯਾ ਰਜ੍ਜੁ ਚ ਯੋਤ੍ਤਾਦਿ ਚ। ਆਦਿ-ਸਦ੍ਦੇਨ ਮਕਚਿવਾਕਾਦਿਕੇ વਟ੍ਟੇਤ੍વਾ ਕਤਾ ਏਕવਟ੍ਟਾ ਗਹਿਤਾ। ਬ੍ਯਤਿਰੇਕવਸੇਨ ਪਨੇਤ੍ਥ ਚਤੁਤ੍ਥਰਾਸਿਮ੍ਹਿ ਇਤਰੇ ਭਾਜਿਯਾਤਿ વੇਦਿਤਬ੍ਬਾ। ਸਙ੍ਘਿਕੇ ਕਮ੍ਮੇ, ਚੇਤਿਯਸ੍ਸ વਾ ਕਮ੍ਮੇ ਨਿਟ੍ਠਿਤੇ ਭਾਜਿਯਾਤਿ ਯੋਜਨੀਯਂ।
326-8. Ekantagarubhaṇḍattā ādito tayo rāsī ṭhapetvā catuttharāsito paṭṭhāya garubhaṇḍāgarubhaṇḍe vibhajituṃ ‘‘vallī’’tiādi āraddhaṃ. Aḍḍhabāhumattāpi valli ca aṭṭhaṅgulāyato veḷu ca muṭṭhimattampi tiṇādi ca ekampi paṇṇañca pākatā vā pañcavaṇṇā vā tālapakkappamāṇāpi mattikā ca tālapakkappamāṇāpi sudhā ca tālapakkappamāṇāpi kaṅguṭṭhaādikā ca dinnā vā tatthajātakā vā saṅghikā rakkhitā abhājiyā, rajjuyottādi ca dinnā saṅghikā abhājiyāti yojanā. Veḷu pariṇāhato paṇṇasūcidaṇḍamatto gahetabbo. Tiṇaṃ muñjaṃ pabbajañca ādisaddasaṅgahitaṃ ṭhapetvā avasesaṃ yaṃ kiñci tiṇaṃ. Paṇṇo aṭṭhaṅgulappamāṇo rittapotthako garubhaṇḍameva. Pākatāti pakatiyā jātā. Pañcavaṇṇāti rattasetādipañcavaṇṇā. Sudhākaṅguṭṭhādayo mattikaggahaṇena gahitā. Kaṅguṭṭhaādikāti ādi-saddena sajjurasajātihiṅgulakādīnaṃ gahaṇaṃ. Dinnāti saṅghassa dinnā. Tatthajātāti saṅghikabhūmiyaṃ jātā. Rajjuyottādīti suttamakacivākanāḷikerahīracammamayā rajju ca yottādi ca. Ādi-saddena makacivākādike vaṭṭetvā katā ekavaṭṭā gahitā. Byatirekavasena panettha catuttharāsimhi itare bhājiyāti veditabbā. Saṅghike kamme, cetiyassa vā kamme niṭṭhite bhājiyāti yojanīyaṃ.
੩੨੯. ਲੋਹਭਣ੍ਡੇਸੁ ਭਿਕ੍ਖੁਸਾਰੁਪ੍ਪਂ ਪਤ੍ਤਾਦਿ વਾ ਤਥਾ વਿਪ੍ਪਕਤਾਕਤਂ ਲੋਹਭਣ੍ਡਂ ਤਥਾ ਪਾਦਗਣ੍ਹਕਂ વਾਰਕਂ ਭਾਜਿਯਨ੍ਤਿ ਯੋਜਨਾ। ਪਤ੍ਤਾਦੀਤਿ ਅਯੋਪਤ੍ਤੋ ਅਯਥਾਲਕਂ ਤਮ੍ਬਲੋਹਥਾਲਕਂ ਅਞ੍ਜਨਿਸਲਾਕਾ ਕਣ੍ਣਮਲਹਰਣੀ ਸੂਚਿ ਪਣ੍ਣਸੂਚਿ ਖੁਦ੍ਦਕੋ ਪਿਪ੍ਫਲਕੋ ਖੁਦ੍ਦਕਂ ਆਰਕਣ੍ਡਕਂ ਕੁਞ੍ਚਿਕਾ ਤਾਲ਼ਾਦਿ। વਿਪ੍ਪਕਤਨ੍ਤਿ ਅਪਰਿਨਿਟ੍ਠਿਤਂ। ਅਕਤਨ੍ਤਿ ਸਬ੍ਬਸੋ ਅਕਤਂ। ਪਾਦਗਣ੍ਹਕਨ੍ਤਿ ਸੀਹਲ਼ਦੀਪੇ ਪਾਦਗਣ੍ਹਨਕਂ। ਪਾਦੋ ਨਾਮ ਚਤੁਤ੍ਥਂਸੋ, ਮਗਧਨਾਲ਼ਿਯਾ ਪਞ੍ਚਨਾਲ਼ਿਮਤ੍ਤਾ। ਮਗਧਨਾਲ਼ਿ ਚ ਨਾਮੇਸਾ ਊਨਪਞ੍ਚਪਸਤਾ વੇਦਿਤਬ੍ਬਾ। ਤਥਾ ਘਟਕੋ ਤੇਲਭਾਜਨਞ੍ਚ। ਯਾਯ વਾਸਿਯਾ ਠਪੇਤ੍વਾ ਦਨ੍ਤਕਟ੍ਠਚ੍ਛੇਦਨਂ વਾ ਉਚ੍ਛੁਤਚ੍ਛਨਂ વਾ ਅਞ੍ਞਂ ਮਹਾਕਮ੍ਮਂ ਕਾਤੁਂ ਨ ਸਕ੍ਕਾ, ਅਯਂ ਭਾਜਿਯਾ। ਸਮ੍ਮੁਞ੍ਜਨਿਦਣ੍ਡਖਣਨਕਂ ਪਨ ਅਦਣ੍ਡਕਂ ਫਲਮਤ੍ਤਮੇવ, ਯਂ ਸਕ੍ਕਾ ਸਿਪਾਟਿਕਾਯ ਪਕ੍ਖਿਪਿਤ੍વਾ ਪਰਿਹਰਿਤੁਂ, ਅਯਂ ਭਾਜਨੀਯਾ। ਤਿਪੁਕੋਟ੍ਟਕਉਪਕਰਣੇਸੁ ਤਿਪੁਚ੍ਛੇਦਨਕਸਤ੍ਥਕਂ ਸੁવਣ੍ਣਕਾਰੂਪਕਰਣੇਸੁ ਸੁવਣ੍ਣਚ੍ਛੇਦਨਕਸਤ੍ਥਕਂ ਚਮ੍ਮਕਾਰਉਪਕਰਣੇਸੁ ਚਮ੍ਮਛਿਨ੍ਦਨਕਂ ਖੁਦ੍ਦਕਸਤ੍ਥਂ ਨਹਾਪਿਤਤੁਣ੍ਣਕਾਰਉਪਕਰਣੇਸੁ ਠਪੇਤ੍વਾ ਮਹਾਕਤ੍ਤਰਿਂ ਮਹਾਸਣ੍ਡਾਸਞ੍ਚ ਮਹਾਪਿਪ੍ਫਲਕਞ੍ਚ ਸਬ੍ਬਾਨਿ ਭਾਜਨੀਯਭਣ੍ਡਾਨਿ। ਤਥਾ ਕੁਞ੍ਚਿਕਾ। વੁਤ੍ਤવਿਪਲ੍ਲਾਸੇਨ ਪਨ ਲੋਹਭਣ੍ਡੇ ਅਭਾਜਿਯਾਤਿ વੇਦਿਤਬ੍ਬਾ।
329. Lohabhaṇḍesu bhikkhusāruppaṃ pattādi vā tathā vippakatākataṃ lohabhaṇḍaṃ tathā pādagaṇhakaṃ vārakaṃ bhājiyanti yojanā. Pattādīti ayopatto ayathālakaṃ tambalohathālakaṃ añjanisalākā kaṇṇamalaharaṇī sūci paṇṇasūci khuddako pipphalako khuddakaṃ ārakaṇḍakaṃ kuñcikā tāḷādi. Vippakatanti apariniṭṭhitaṃ. Akatanti sabbaso akataṃ. Pādagaṇhakanti sīhaḷadīpe pādagaṇhanakaṃ. Pādo nāma catutthaṃso, magadhanāḷiyā pañcanāḷimattā. Magadhanāḷi ca nāmesā ūnapañcapasatā veditabbā. Tathā ghaṭako telabhājanañca. Yāya vāsiyā ṭhapetvā dantakaṭṭhacchedanaṃ vā ucchutacchanaṃ vā aññaṃ mahākammaṃ kātuṃ na sakkā, ayaṃ bhājiyā. Sammuñjanidaṇḍakhaṇanakaṃ pana adaṇḍakaṃ phalamattameva, yaṃ sakkā sipāṭikāya pakkhipitvā pariharituṃ, ayaṃ bhājanīyā. Tipukoṭṭakaupakaraṇesu tipucchedanakasatthakaṃ suvaṇṇakārūpakaraṇesu suvaṇṇacchedanakasatthakaṃ cammakāraupakaraṇesu cammachindanakaṃ khuddakasatthaṃ nahāpitatuṇṇakāraupakaraṇesu ṭhapetvā mahākattariṃ mahāsaṇḍāsañca mahāpipphalakañca sabbāni bhājanīyabhaṇḍāni. Tathā kuñcikā. Vuttavipallāsena pana lohabhaṇḍe abhājiyāti veditabbā.
੩੩੦. ‘‘વੇਲ਼ੁਮ੍ਹੀ’’ਤਿਆਦਿਨਾ ਦਾਰੁਭਣ੍ਡਾਨਿ ਦਸ੍ਸੇਤਿ। ਦਾਰੁਭਣ੍ਡੇਨ ਪਨ ਸਙ੍ਗਹੇਤ੍વਾ ਸਬ੍ਬਾਪਿ ਦਾਰੁવੇਲ਼ੁਚਮ੍ਮੁਪਾਹਨਾਦਿવਿਕਤਿ વੇਦਿਤਬ੍ਬਾ। ਛਤ੍ਤਦਣ੍ਡੋ ਚ ਸਲਾਕਾ ਚਾਤਿ ਦ੍વਨ੍ਦੋ। ਉਪਾਹਨਾਯ ਦਣ੍ਡਕੋ ਉਪਾਹਨਦਣ੍ਡਕੋ।
330.‘‘Veḷumhī’’tiādinā dārubhaṇḍāni dasseti. Dārubhaṇḍena pana saṅgahetvā sabbāpi dāruveḷucammupāhanādivikati veditabbā. Chattadaṇḍo ca salākā cāti dvando. Upāhanāya daṇḍako upāhanadaṇḍako.
੩੩੧. ਅਨੁਞ੍ਞਾਤવਾਸਿਦਣ੍ਡੋਤਿ ਅਨੁਞ੍ਞਾਤવਾਸਿਯਾ ਦਣ੍ਡੋ। ਅਰਣਞ੍ਜਨਿਸਿਙ੍ਗਾਦੀਤਿ ਆਦਿ-ਸਦ੍ਦੇਨ ਅਞ੍ਜਨਿਸਲਾਕਾ ਛਤ੍ਤਂ ਮੁਟ੍ਠਿਪਣ੍ਣਂ ਉਪਾਹਨਾ ਧਮ੍ਮਕਰਣੋ ਪਾਦਗਣ੍ਹਨਕਤੋ ਅਨਤਿਰਿਤ੍ਤਂ ਆਮਲਕਤੁਮ੍ਬਂ ਆਮਲਕਘਟੋ ਲਾਬੁਕਤੁਮ੍ਬਂ ਲਾਬੁਕਘਟੋ વਿਸਾਣਤੁਮ੍ਬਨ੍ਤਿ ਇਦਂ ਸਙ੍ਗਣ੍ਹਾਤਿ।
331.Anuññātavāsidaṇḍoti anuññātavāsiyā daṇḍo. Araṇañjanisiṅgādīti ādi-saddena añjanisalākā chattaṃ muṭṭhipaṇṇaṃ upāhanā dhammakaraṇo pādagaṇhanakato anatirittaṃ āmalakatumbaṃ āmalakaghaṭo lābukatumbaṃ lābukaghaṭo visāṇatumbanti idaṃ saṅgaṇhāti.
੩੩੨. ਯਥਾવੁਤ੍ਤਤੋ ਅਞ੍ਞਂ ਦਾਰੁਭਣ੍ਡੇਸੁ ਗਰੁਭਣ੍ਡਂ। ਮਤ੍ਤਿਕਾਮਯੋ ਪਾਦਘਟਕੋ ਭਾਜਿਯੋਤਿ ਯੋਜਨਾ। ਪਾਦਘਟਕੋਤਿ ਪਾਦਸ੍ਸ ਪਹੋਨਕੋ ਘਟਕੋ। ਇਮਿਨਾ ਮਤ੍ਤਿਕਾਭਣ੍ਡਂ ਉਪਲਕ੍ਖੇਤਿ, ਤਸ੍ਮਾ ਪਤ੍ਤੋ ਥਾਲਕਂ ਕੁਣ੍ਡਿਕਾਤਿ ਇਮਾਨਿ ਭਾਜਨੀਯਾਨਿ, વੁਤ੍ਤਾવਸੇਸਾ ਅਭਾਜਿਯਾ।
332. Yathāvuttato aññaṃ dārubhaṇḍesu garubhaṇḍaṃ. Mattikāmayo pādaghaṭako bhājiyoti yojanā. Pādaghaṭakoti pādassa pahonako ghaṭako. Iminā mattikābhaṇḍaṃ upalakkheti, tasmā patto thālakaṃ kuṇḍikāti imāni bhājanīyāni, vuttāvasesā abhājiyā.
੩੩੩-੪. ਗਰੁਨਾ ਗਰੁਭਣ੍ਡਞ੍ਚ ਥਾવਰਞ੍ਚ ਪਰਿવਤ੍ਤੇਯ੍ਯ, ਥਾવਰੇਨ ਚ ਥਾવਰਮ੍ਪਿ ਪਰਿવਤ੍ਤੇਯ੍ਯਾਤਿ ਯੋਜੇਤਬ੍ਬਂ। ਗਰੁਨਾ ਮਞ੍ਚਪੀਠਾਦਿਨਾ। ਥਾવਰਨ੍ਤਿ ਆਰਾਮਾਦਿ ਪਠਮਰਾਸਿਦ੍વਯਂ। ਤਥਾ ਕਤ੍વਾ ਚ ਭੁਞ੍ਜਿਤੁਨ੍ਤਿ ਏવਞ੍ਚ ਪਰਿવਤ੍ਤੇਤ੍વਾ ਤਤੋ ਆਭਤਂ ਕਪ੍ਪਿਯਭਣ੍ਡਂ ਪਰਿਭੁਞ੍ਜੇਯ੍ਯਾਤਿ ਅਤ੍ਥੋ, વਿਧਿਮ੍ਹਿ ਅਯਂ ਤੁਂਪਚ੍ਚਯੋ। ਫਾਤਿਕਮ੍ਮੇਨ વਲ੍ਲਾਦਿਂ ਗਣ੍ਹੇਤਿ ਸਮ੍ਬਨ੍ਧਨੀਯਂ। ਫਾਤਿਕਮ੍ਮਂ ਨਾਮ ਸਮਕਂ વਾ ਅਤਿਰੇਕਂ વਾ ਤਦਗ੍ਘਨਕਂ વਾ વਡ੍ਢਿਕਮ੍ਮਂ। ਸੇਸਨ੍ਤਿ ਪਠਮਰਾਸਿਤ੍ਤਿਕਨ੍ਤਿ।
333-4. Garunā garubhaṇḍañca thāvarañca parivatteyya, thāvarena ca thāvarampi parivatteyyāti yojetabbaṃ. Garunā mañcapīṭhādinā. Thāvaranti ārāmādi paṭhamarāsidvayaṃ. Tathā katvā ca bhuñjitunti evañca parivattetvā tato ābhataṃ kappiyabhaṇḍaṃ paribhuñjeyyāti attho, vidhimhi ayaṃ tuṃpaccayo. Phātikammena vallādiṃ gaṇheti sambandhanīyaṃ. Phātikammaṃ nāma samakaṃ vā atirekaṃ vā tadagghanakaṃ vā vaḍḍhikammaṃ. Sesanti paṭhamarāsittikanti.
ਅવੇਭਙ੍ਗਿਯਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Avebhaṅgiyaniddesavaṇṇanā niṭṭhitā.
