| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
авзбхан̇г̇ияавад̇т̇у
Avebhaṅgiyavatthu
322. ат̇а ко бхаг̇аваа саавад̇т̇ияам̣ яат̇аабхиранд̇ам̣ вихарид̇ваа язна гийдааг̇ири д̇зна жааригам̣ баггаами махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи саарибуд̇д̇амог̇г̇аллаанзхи жа. ассосум̣ ко ассаж̇ибунаб̣б̣асугаа бхигкуу – ‘‘бхаг̇аваа гира гийдааг̇ирим̣ ааг̇ажчад̇и махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи саарибуд̇д̇амог̇г̇аллаанзхи жа’’. ‘‘ханд̣̇а маяам̣, аавусо, саб̣б̣ам̣ сан̇гхигам̣ сзнаасанам̣ бхааж̇зма. баабижчаа саарибуд̇д̇амог̇г̇аллаанаа, баабигаанам̣ ижчаанам̣ васам̣ г̇ад̇аа; на маяам̣ д̇зсам̣ сзнаасанам̣ бан̃н̃абзссаамаа’’д̇и, д̇з саб̣б̣ам̣ сан̇гхигам̣ сзнаасанам̣ бхааж̇зсум̣. ат̇а ко бхаг̇аваа анубуб̣б̣зна жааригам̣ жарамаано язна гийдааг̇ири д̇ад̣̇авасари. ат̇а ко бхаг̇аваа самб̣ахулз бхигкуу ааманд̇зси – ‘‘г̇ажчат̇а д̇умхз, бхигкавз; ассаж̇ибунаб̣б̣асугз бхигкуу убасан̇гамид̇ваа звам̣ вад̣̇зт̇а – ‘бхаг̇аваа, аавусо, ааг̇ажчад̇и махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи саарибуд̇д̇амог̇г̇аллаанзхи жа. бхаг̇авад̇о жа, аавусо, сзнаасанам̣ бан̃н̃абзт̇а, бхигкусан̇гхасса жа, саарибуд̇д̇амог̇г̇аллаанаанан̃жаа’’’д̇и. ‘‘звам̣ бханд̇з’’д̇и ко д̇з бхигкуу бхаг̇авад̇о бадиссуд̇ваа язна ассаж̇ибунаб̣б̣асугаа бхигкуу д̇знубасан̇гамим̣су, убасан̇гамид̇ваа ассаж̇ибунаб̣б̣асугз бхигкуу зд̇ад̣̇авожум̣ – ‘‘бхаг̇аваа, аавусо, ааг̇ажчад̇и махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи саарибуд̇д̇амог̇г̇аллаанзхи жа . бхаг̇авад̇о жа, аавусо, сзнаасанам̣ бан̃н̃абзт̇а, бхигкусан̇гхасса жа, саарибуд̇д̇амог̇г̇аллаанаанан̃жаа’’д̇и. ‘‘над̇т̇аавусо, сан̇гхигам̣ сзнаасанам̣. саб̣б̣ам̣ амхзхи бхааж̇ид̇ам̣. свааг̇ад̇ам̣, аавусо, бхаг̇авад̇о. яасмим̣ вихаарз бхаг̇аваа ижчиссад̇и д̇асмим̣ вихаарз васиссад̇и. баабижчаа саарибуд̇д̇амог̇г̇аллаанаа, баабигаанам̣ ижчаанам̣ васам̣ г̇ад̇аа. на маяам̣ д̇зсам̣ сзнаасанам̣ бан̃н̃абзссаамаа’’д̇и. ‘‘гим̣ бана д̇умхз, аавусо, сан̇гхигам̣ сзнаасанам̣ бхааж̇ид̇т̇аа’’д̇и? ‘‘звамаавусо’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ассаж̇ибунаб̣б̣асугаа бхигкуу сан̇гхигам̣ сзнаасанам̣ бхааж̇зссанд̇ий’’д̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… сажжам̣ гира, бхигкавз…бз… ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… ‘‘гат̇ан̃хи наама д̇з, бхигкавз, могхабурисаа сан̇гхигам̣ сзнаасанам̣ бхааж̇зссанд̇и? нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси –
322. Atha kho bhagavā sāvatthiyaṃ yathābhirantaṃ viharitvā yena kīṭāgiri tena cārikaṃ pakkāmi mahatā bhikkhusaṅghena saddhiṃ pañcamattehi bhikkhusatehi sāriputtamoggallānehi ca. Assosuṃ kho assajipunabbasukā bhikkhū – ‘‘bhagavā kira kīṭāgiriṃ āgacchati mahatā bhikkhusaṅghena saddhiṃ pañcamattehi bhikkhusatehi sāriputtamoggallānehi ca’’. ‘‘Handa mayaṃ, āvuso, sabbaṃ saṅghikaṃ senāsanaṃ bhājema. Pāpicchā sāriputtamoggallānā, pāpikānaṃ icchānaṃ vasaṃ gatā; na mayaṃ tesaṃ senāsanaṃ paññapessāmā’’ti, te sabbaṃ saṅghikaṃ senāsanaṃ bhājesuṃ. Atha kho bhagavā anupubbena cārikaṃ caramāno yena kīṭāgiri tadavasari. Atha kho bhagavā sambahule bhikkhū āmantesi – ‘‘gacchatha tumhe, bhikkhave; assajipunabbasuke bhikkhū upasaṅkamitvā evaṃ vadetha – ‘bhagavā, āvuso, āgacchati mahatā bhikkhusaṅghena saddhiṃ pañcamattehi bhikkhusatehi sāriputtamoggallānehi ca. Bhagavato ca, āvuso, senāsanaṃ paññapetha, bhikkhusaṅghassa ca, sāriputtamoggallānānañcā’’’ti. ‘‘Evaṃ bhante’’ti kho te bhikkhū bhagavato paṭissutvā yena assajipunabbasukā bhikkhū tenupasaṅkamiṃsu, upasaṅkamitvā assajipunabbasuke bhikkhū etadavocuṃ – ‘‘bhagavā, āvuso, āgacchati mahatā bhikkhusaṅghena saddhiṃ pañcamattehi bhikkhusatehi sāriputtamoggallānehi ca . Bhagavato ca, āvuso, senāsanaṃ paññapetha, bhikkhusaṅghassa ca, sāriputtamoggallānānañcā’’ti. ‘‘Natthāvuso, saṅghikaṃ senāsanaṃ. Sabbaṃ amhehi bhājitaṃ. Svāgataṃ, āvuso, bhagavato. Yasmiṃ vihāre bhagavā icchissati tasmiṃ vihāre vasissati. Pāpicchā sāriputtamoggallānā, pāpikānaṃ icchānaṃ vasaṃ gatā. Na mayaṃ tesaṃ senāsanaṃ paññapessāmā’’ti. ‘‘Kiṃ pana tumhe, āvuso, saṅghikaṃ senāsanaṃ bhājitthā’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma assajipunabbasukā bhikkhū saṅghikaṃ senāsanaṃ bhājessantī’’ti! Atha kho te bhikkhū bhagavato etamatthaṃ ārocesuṃ…pe… saccaṃ kira, bhikkhave…pe… ‘‘saccaṃ bhagavā’’ti. Vigarahi buddho bhagavā…pe… ‘‘kathañhi nāma te, bhikkhave, moghapurisā saṅghikaṃ senāsanaṃ bhājessanti? Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi –
‘‘бан̃жимаани, бхигкавз, авзбхан̇г̇ияаани 1, на вибхаж̇ид̇аб̣б̣аани, сан̇гхзна ваа г̇ан̣зна ваа буг̇г̇алзна ваа. вибхад̇д̇ааниби авибхад̇д̇аани хонд̇и. яо вибхаж̇зяяа, аабад̇д̇и т̇уллажжаяасса. гад̇амаани бан̃жа? аараамо, аараамавад̇т̇у – ид̣̇ам̣ батамам̣ авзбхан̇г̇ияам̣, на вибхаж̇ид̇аб̣б̣ам̣, сан̇гхзна ваа г̇ан̣зна ваа буг̇г̇алзна ваа. вибхад̇д̇амби авибхад̇д̇ам̣ ход̇и. яо вибхаж̇зяяа, аабад̇д̇и т̇уллажжаяасса.
‘‘Pañcimāni, bhikkhave, avebhaṅgiyāni 2, na vibhajitabbāni, saṅghena vā gaṇena vā puggalena vā. Vibhattānipi avibhattāni honti. Yo vibhajeyya, āpatti thullaccayassa. Katamāni pañca? Ārāmo, ārāmavatthu – idaṃ paṭhamaṃ avebhaṅgiyaṃ, na vibhajitabbaṃ, saṅghena vā gaṇena vā puggalena vā. Vibhattampi avibhattaṃ hoti. Yo vibhajeyya, āpatti thullaccayassa.
‘‘вихааро, вихааравад̇т̇у – ид̣̇ам̣ д̣̇уд̇ияам̣ авзбхан̇г̇ияам̣, на вибхаж̇ид̇аб̣б̣ам̣, сан̇гхзна ваа г̇ан̣зна ваа буг̇г̇алзна ваа. вибхад̇д̇амби авибхад̇д̇ам̣ ход̇и. яо вибхаж̇зяяа, аабад̇д̇и т̇уллажжаяасса.
‘‘Vihāro, vihāravatthu – idaṃ dutiyaṃ avebhaṅgiyaṃ, na vibhajitabbaṃ, saṅghena vā gaṇena vā puggalena vā. Vibhattampi avibhattaṃ hoti. Yo vibhajeyya, āpatti thullaccayassa.
‘‘ман̃жо, бийтам̣, бхиси, б̣иб̣б̣оханам̣ – ид̣̇ам̣ д̇ад̇ияам̣ авзбхан̇г̇ияам̣, на вибхаж̇ид̇аб̣б̣ам̣, сан̇гхзна ваа г̇ан̣зна ваа буг̇г̇алзна ваа. вибхад̇д̇амби авибхад̇д̇ам̣ ход̇и. яо вибхаж̇зяяа, аабад̇д̇и т̇уллажжаяасса.
‘‘Mañco, pīṭhaṃ, bhisi, bibbohanaṃ – idaṃ tatiyaṃ avebhaṅgiyaṃ, na vibhajitabbaṃ, saṅghena vā gaṇena vā puggalena vā. Vibhattampi avibhattaṃ hoti. Yo vibhajeyya, āpatti thullaccayassa.
‘‘лохагумбхий, лохабхаан̣агам̣, лохаваараго, лохагадаахам̣, ваасий, барасу, гутаарий, гуд̣̇аало, никаад̣̇анам̣ – ид̣̇ам̣ жад̇уд̇т̇ам̣ авзбхан̇г̇ияам̣, на вибхаж̇ид̇аб̣б̣ам̣, сан̇гхзна ваа г̇ан̣зна ваа буг̇г̇алзна ваа. вибхад̇д̇амби авибхад̇д̇ам̣ ход̇и. яо вибхаж̇зяяа, аабад̇д̇и т̇уллажжаяасса.
‘‘Lohakumbhī, lohabhāṇakaṃ, lohavārako, lohakaṭāhaṃ, vāsī, parasu, kuṭhārī, kudālo, nikhādanaṃ – idaṃ catutthaṃ avebhaṅgiyaṃ, na vibhajitabbaṃ, saṅghena vā gaṇena vā puggalena vā. Vibhattampi avibhattaṃ hoti. Yo vibhajeyya, āpatti thullaccayassa.
‘‘валлий, взл̣у, мун̃ж̇ам̣, баб̣б̣аж̇ам̣, д̇ин̣ам̣, мад̇д̇игаа, д̣̇аарубхан̣д̣ам̣, мад̇д̇игаабхан̣д̣ам̣ – ид̣̇ам̣ бан̃жамам̣ авзбхан̇г̇ияам̣, на вибхаж̇ид̇аб̣б̣ам̣, сан̇гхзна ваа г̇ан̣зна ваа буг̇г̇алзна ваа. вибхад̇д̇амби авибхад̇д̇ам̣ ход̇и. яо вибхаж̇зяяа, аабад̇д̇и т̇уллажжаяасса. имаани ко, бхигкавз, бан̃жа авзбхан̇г̇ияаани, на вибхаж̇ид̇аб̣б̣аани, сан̇гхзна ваа г̇ан̣зна ваа буг̇г̇алзна ваа. вибхад̇д̇ааниби авибхад̇д̇аани хонд̇и. яо вибхаж̇зяяа, аабад̇д̇и т̇уллажжаяассаа’’д̇и.
‘‘Vallī, veḷu, muñjaṃ, pabbajaṃ, tiṇaṃ, mattikā, dārubhaṇḍaṃ, mattikābhaṇḍaṃ – idaṃ pañcamaṃ avebhaṅgiyaṃ, na vibhajitabbaṃ, saṅghena vā gaṇena vā puggalena vā. Vibhattampi avibhattaṃ hoti. Yo vibhajeyya, āpatti thullaccayassa. Imāni kho, bhikkhave, pañca avebhaṅgiyāni, na vibhajitabbāni, saṅghena vā gaṇena vā puggalena vā. Vibhattānipi avibhattāni honti. Yo vibhajeyya, āpatti thullaccayassā’’ti.
Footnotes:
