| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. আৰেণিকদুক্খসুত্তং
3. Āveṇikadukkhasuttaṃ
২৮২. ‘‘পঞ্চিমানি, ভিক্খৰে, মাতুগামস্স আৰেণিকানি দুক্খানি, যানি মাতুগামো পচ্চনুভোতি, অঞ্ঞত্রেৰ পুরিসেহি। কতমানি পঞ্চ? ইধ, ভিক্খৰে , মাতুগামো দহরোৰ সমানো পতিকুলং গচ্ছতি, ঞাতকেহি ৰিনা হোতি। ইদং, ভিক্খৰে, মাতুগামস্স পঠমং আৰেণিকং দুক্খং, যং মাতুগামো পচ্চনুভোতি, অঞ্ঞত্রেৰ পুরিসেহি। পুন চপরং, ভিক্খৰে, মাতুগামো উতুনী হোতি। ইদং, ভিক্খৰে, মাতুগামস্স দুতিযং আৰেণিকং দুক্খং, যং মাতুগামো পচ্চনুভোতি, অঞ্ঞত্রেৰ পুরিসেহি। পুন চপরং, ভিক্খৰে, মাতুগামো গব্ভিনী হোতি। ইদং, ভিক্খৰে, মাতুগামস্স ততিযং আৰেণিকং দুক্খং, যং মাতুগামো পচ্চনুভোতি, অঞ্ঞত্রেৰ পুরিসেহি। পুন চপরং, ভিক্খৰে, মাতুগামো ৰিজাযতি। ইদং, ভিক্খৰে, মাতুগামস্স চতুত্থং আৰেণিকং দুক্খং, যং মাতুগামো পচ্চনুভোতি, অঞ্ঞত্রেৰ পুরিসেহি। পুন চপরং, ভিক্খৰে, মাতুগামো পুরিসস্স পারিচরিযং উপেতি। ইদং খো, ভিক্খৰে, মাতুগামস্স পঞ্চমং আৰেণিকং দুক্খং, যং মাতুগামো পচ্চনুভোতি, অঞ্ঞত্রেৰ পুরিসেহি। ইমানি খো, ভিক্খৰে, পঞ্চ মাতুগামস্স আৰেণিকানি দুক্খানি, যানি মাতুগামো পচ্চনুভোতি, অঞ্ঞত্রেৰ পুরিসেহী’’তি। ততিযং।
282. ‘‘Pañcimāni, bhikkhave, mātugāmassa āveṇikāni dukkhāni, yāni mātugāmo paccanubhoti, aññatreva purisehi. Katamāni pañca? Idha, bhikkhave , mātugāmo daharova samāno patikulaṃ gacchati, ñātakehi vinā hoti. Idaṃ, bhikkhave, mātugāmassa paṭhamaṃ āveṇikaṃ dukkhaṃ, yaṃ mātugāmo paccanubhoti, aññatreva purisehi. Puna caparaṃ, bhikkhave, mātugāmo utunī hoti. Idaṃ, bhikkhave, mātugāmassa dutiyaṃ āveṇikaṃ dukkhaṃ, yaṃ mātugāmo paccanubhoti, aññatreva purisehi. Puna caparaṃ, bhikkhave, mātugāmo gabbhinī hoti. Idaṃ, bhikkhave, mātugāmassa tatiyaṃ āveṇikaṃ dukkhaṃ, yaṃ mātugāmo paccanubhoti, aññatreva purisehi. Puna caparaṃ, bhikkhave, mātugāmo vijāyati. Idaṃ, bhikkhave, mātugāmassa catutthaṃ āveṇikaṃ dukkhaṃ, yaṃ mātugāmo paccanubhoti, aññatreva purisehi. Puna caparaṃ, bhikkhave, mātugāmo purisassa pāricariyaṃ upeti. Idaṃ kho, bhikkhave, mātugāmassa pañcamaṃ āveṇikaṃ dukkhaṃ, yaṃ mātugāmo paccanubhoti, aññatreva purisehi. Imāni kho, bhikkhave, pañca mātugāmassa āveṇikāni dukkhāni, yāni mātugāmo paccanubhoti, aññatreva purisehī’’ti. Tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. আৰেণিকদুক্খসুত্তৰণ্ণনা • 3. Āveṇikadukkhasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. আৰেণিকদুক্খসুত্তৰণ্ণনা • 3. Āveṇikadukkhasuttavaṇṇanā
