| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
4. авиж̇ж̇аанийваран̣асуд̇д̇аван̣н̣анаа
4. Avijjānīvaraṇasuttavaṇṇanā
14. жад̇уд̇т̇з – ‘‘наахам̣, бхигкавз’’д̇иаад̣̇ийсу на-гааро бадисзд̇хад̇т̇о. аханд̇и бхаг̇аваа ад̇д̇аанам̣ нид̣̇д̣̇исад̇и. ан̃н̃анд̇и ид̣̇аани вад̇д̇аб̣б̣аавиж̇ж̇аанийваран̣ад̇о ан̃н̃ам̣. зганийваран̣амбийд̇и зганийваран̣ад̇хаммамби. саманубассаамийд̇и д̣̇вз саманубассанаа – д̣̇идтисаманубассанаа жа н̃аан̣асаманубассанаа жа. д̇ад̇т̇а ‘‘руубам̣ ад̇д̇ад̇о саманубассад̇ий’’д̇иаад̣̇инаа (а. ни. 4.200; бади. ма. 1.130) ааг̇ад̇аа аяам̣ д̣̇идтисаманубассанаа наама. ‘‘анижжад̇о саманубассад̇и, но нижжад̇о’’д̇иаад̣̇инаа (бади. ма. 3.35) бана ааг̇ад̇аа аяам̣ н̃аан̣асаманубассанаа наама. ид̇хааби н̃аан̣асаманубассанаава ад̇хиббзд̇аа. ‘‘саманубассаамий’’д̇и жа бад̣̇асса на-гаарзна самб̣анд̇хо. ид̣̇ам̣ вуд̇д̇ам̣ ход̇и – ‘‘ахам̣, бхигкавз, саб̣б̣ан̃н̃уд̇ан̃н̃аан̣асан̇каад̇зна саманд̇ажагкунаа саб̣б̣ад̇хаммз хад̇т̇аамалагам̣ вияа ологзнд̇оби ан̃н̃ам̣ зганийваран̣амби на саманубассаамий’’д̇и.
14. Catutthe – ‘‘nāhaṃ, bhikkhave’’tiādīsu na-kāro paṭisedhattho. Ahanti bhagavā attānaṃ niddisati. Aññanti idāni vattabbaavijjānīvaraṇato aññaṃ. Ekanīvaraṇampīti ekanīvaraṇadhammampi. Samanupassāmīti dve samanupassanā – diṭṭhisamanupassanā ca ñāṇasamanupassanā ca. Tattha ‘‘rūpaṃ attato samanupassatī’’tiādinā (a. ni. 4.200; paṭi. ma. 1.130) āgatā ayaṃ diṭṭhisamanupassanā nāma. ‘‘Aniccato samanupassati, no niccato’’tiādinā (paṭi. ma. 3.35) pana āgatā ayaṃ ñāṇasamanupassanā nāma. Idhāpi ñāṇasamanupassanāva adhippetā. ‘‘Samanupassāmī’’ti ca padassa na-kārena sambandho. Idaṃ vuttaṃ hoti – ‘‘ahaṃ, bhikkhave, sabbaññutaññāṇasaṅkhātena samantacakkhunā sabbadhamme hatthāmalakaṃ viya olokentopi aññaṃ ekanīvaraṇampi na samanupassāmī’’ti.
язна нийваран̣зна нивуд̇аа баж̇аа д̣̇ийгхарад̇д̇ам̣ санд̇хааванд̇и сам̣саранд̇ийд̇и язна нийваран̣агасабхаавад̇д̇аа нийваран̣зна д̇хаммасабхаавам̣ ж̇аанид̇ум̣ бассид̇ум̣ бадивиж̇жхид̇ум̣ ад̣̇ад̇ваа чаад̣̇зд̇ваа барияонанд̇хид̇ваа таанзна анд̇хагаарзна нивуд̇аа сад̇д̇аа анаад̣̇имад̇асам̣саарз абаримаан̣з габбз маханд̇зсу жзва куд̣̇д̣̇агзсу жа бхаваад̣̇ийсу абараабаруббад̇д̇ивасзна саб̣б̣ад̇о д̇хааванд̇и жзва сам̣саранд̇и, жа. аарамман̣анд̇арасан̇гаманавасзна ваа санд̇хааванам̣, бхаванд̇арасан̇гаманавасзна сам̣саран̣ам̣. гилзсаанам̣ б̣алавабхаавзна ваа санд̇хааванам̣, д̣̇уб̣б̣алабхаавзна сам̣саран̣ам̣. кан̣игамаран̣авасзна ваа згаж̇аад̇ияам̣ санд̇хааванам̣, вохаарамаран̣авасзна анзгаасу ж̇аад̇ийсу сам̣саран̣ам̣. жид̇д̇авасзна ваа санд̇хааванам̣, ‘‘жид̇д̇амасса вид̇хаавад̇ий’’д̇и хи вуд̇д̇ам̣, гаммавасзна сам̣саран̣ам̣. звам̣ санд̇хааванасам̣саран̣аанам̣ висзсо взд̣̇ид̇аб̣б̣о.
Yena nīvaraṇena nivutā pajā dīgharattaṃ sandhāvanti saṃsarantīti yena nīvaraṇakasabhāvattā nīvaraṇena dhammasabhāvaṃ jānituṃ passituṃ paṭivijjhituṃ adatvā chādetvā pariyonandhitvā ṭhānena andhakārena nivutā sattā anādimatasaṃsāre aparimāṇe kappe mahantesu ceva khuddakesu ca bhavādīsu aparāparuppattivasena sabbato dhāvanti ceva saṃsaranti, ca. Ārammaṇantarasaṅkamanavasena vā sandhāvanaṃ, bhavantarasaṅkamanavasena saṃsaraṇaṃ. Kilesānaṃ balavabhāvena vā sandhāvanaṃ, dubbalabhāvena saṃsaraṇaṃ. Khaṇikamaraṇavasena vā ekajātiyaṃ sandhāvanaṃ, vohāramaraṇavasena anekāsu jātīsu saṃsaraṇaṃ. Cittavasena vā sandhāvanaṃ, ‘‘cittamassa vidhāvatī’’ti hi vuttaṃ, kammavasena saṃsaraṇaṃ. Evaṃ sandhāvanasaṃsaraṇānaṃ viseso veditabbo.
яат̇аяид̣̇анд̇и яат̇аа ид̣̇ам̣. яа-гааро бад̣̇асанд̇хигаро, санд̇хивасзна рассад̇д̇ам̣. авиж̇ж̇аанийваран̣анд̇и зд̇т̇а буурзд̇ум̣ аяуд̇д̇адтзна гааяад̣̇ужжарид̇аад̣̇и авинд̣̇ияам̣ наама, алад̣̇д̇хаб̣б̣анд̇и ад̇т̇о. д̇ам̣ авинд̣̇ияам̣ винд̣̇ад̇ийд̇и авиж̇ж̇аа. вибарийд̇ад̇о гааяасужарид̇аад̣̇и винд̣̇ияам̣ наама, д̇ам̣ винд̣̇ияам̣ на винд̣̇ад̇ийд̇и авиж̇ж̇аа. канд̇хаанам̣ раасадтам̣, ааяад̇анаанам̣ ааяад̇анадтам̣, д̇хаад̇уунам̣ сун̃н̃адтам̣, инд̣̇рияаанам̣ аад̇хибад̇зяяадтам̣, сажжаанам̣ д̇ат̇адтам̣ д̣̇угкаад̣̇ийнам̣ бийл̣анаад̣̇ивасзна вуд̇д̇ам̣ жад̇уб̣б̣ид̇хам̣ ад̇т̇ам̣ авид̣̇ид̇ам̣ гарод̇ийд̇иби авиж̇ж̇аа. анд̇авирахид̇з сам̣саарз сад̇д̇з ж̇аваабзд̇ийд̇и ваа авиж̇ж̇аа, барамад̇т̇ад̇о ваа авиж̇ж̇амаанзсу ид̇т̇ибурисаад̣̇ийсу ж̇авад̇и бавад̇д̇ад̇и, виж̇ж̇амаанзсу канд̇хаад̣̇ийсу на ж̇авад̇и, на бавад̇д̇ад̇ийд̇и авиж̇ж̇аа. абижа жагкувин̃н̃аан̣аад̣̇ийнам̣ вад̇т̇аарамман̣аанам̣ бадижжасамуббаад̣̇абадижжасамуббаннаанан̃жа д̇хаммаанам̣ чаад̣̇анад̇оби авиж̇ж̇аа. авиж̇ж̇аава нийваран̣анд̇и авиж̇ж̇аанийваран̣ам̣.
Yathayidanti yathā idaṃ. Ya-kāro padasandhikaro, sandhivasena rassattaṃ. Avijjānīvaraṇanti ettha pūretuṃ ayuttaṭṭhena kāyaduccaritādi avindiyaṃ nāma, aladdhabbanti attho. Taṃ avindiyaṃ vindatīti avijjā. Viparītato kāyasucaritādi vindiyaṃ nāma, taṃ vindiyaṃ na vindatīti avijjā. Khandhānaṃ rāsaṭṭhaṃ, āyatanānaṃ āyatanaṭṭhaṃ, dhātūnaṃ suññaṭṭhaṃ, indriyānaṃ ādhipateyyaṭṭhaṃ, saccānaṃ tathaṭṭhaṃ dukkhādīnaṃ pīḷanādivasena vuttaṃ catubbidhaṃ atthaṃ aviditaṃ karotītipi avijjā. Antavirahite saṃsāre satte javāpetīti vā avijjā, paramatthato vā avijjamānesu itthipurisādīsu javati pavattati, vijjamānesu khandhādīsu na javati, na pavattatīti avijjā. Apica cakkhuviññāṇādīnaṃ vatthārammaṇānaṃ paṭiccasamuppādapaṭiccasamuppannānañca dhammānaṃ chādanatopi avijjā. Avijjāva nīvaraṇanti avijjānīvaraṇaṃ.
авиж̇ж̇аанийваран̣зна хи, бхигкавз, нивуд̇аа баж̇аа д̣̇ийгхарад̇д̇ам̣ санд̇хааванд̇и сам̣саранд̇ийд̇и ид̣̇ам̣ буримассзва д̣̇ал̣хийгаран̣ад̇т̇ам̣ вуд̇д̇ам̣. буримам̣ ваа – ‘‘яат̇аяид̣̇ам̣, бхигкавз, авиж̇ж̇аанийваран̣а’’нд̇и звам̣ обаммад̣̇ассанавасзна вуд̇д̇ам̣, ид̣̇ам̣ нийваран̣аанубхаавад̣̇ассанавасзна. гасмаа банзд̇т̇а авиж̇ж̇аава звам̣ вуд̇д̇аа, на ан̃н̃з д̇хаммаад̇и? аад̣̇ийнавабадижчаад̣̇анзна гаамажчанд̣̇аад̣̇ийнам̣ висзсаббажжаяабхаавад̇о. д̇ат̇аа хи д̇ааяа бадижчаад̣̇ид̇аад̣̇ийнавз висаяз гаамажчанд̣̇аад̣̇аяо бавад̇д̇анд̇и.
Avijjānīvaraṇena hi, bhikkhave, nivutā pajā dīgharattaṃ sandhāvanti saṃsarantīti idaṃ purimasseva daḷhīkaraṇatthaṃ vuttaṃ. Purimaṃ vā – ‘‘yathayidaṃ, bhikkhave, avijjānīvaraṇa’’nti evaṃ opammadassanavasena vuttaṃ, idaṃ nīvaraṇānubhāvadassanavasena. Kasmā panettha avijjāva evaṃ vuttā, na aññe dhammāti? Ādīnavapaṭicchādanena kāmacchandādīnaṃ visesappaccayabhāvato. Tathā hi tāya paṭicchāditādīnave visaye kāmacchandādayo pavattanti.
над̇т̇ан̃н̃од̇и аад̣̇игаа г̇аат̇аа вуд̇д̇асса авуд̇д̇асса жа ад̇т̇асса сан̇г̇ан̣ханавасзна бхаасид̇аа. д̇ад̇т̇а нивуд̇аад̇и ниваарид̇аа балиг̇ун̣тид̇аа, бадижчаад̣̇ид̇аад̇и ад̇т̇о. ахорад̇д̇анд̇и д̣̇иваа жзва рад̇д̇ин̃жа, саб̣б̣агааланд̇и вуд̇д̇ам̣ ход̇и. яат̇аа мохзна аавуд̇аад̇и язна багаарзна авиж̇ж̇аанийваран̣асан̇каад̇зна мохзна аавуд̇аа бадижчаад̣̇ид̇аа сувин̃н̃зяяамби аж̇аананд̇ияо баж̇аа сам̣саарз сам̣саранд̇и, д̇ат̇ааруубо ан̃н̃о згад̇хаммоби зганийваран̣амби над̇т̇ийд̇и яож̇зд̇аб̣б̣ам̣. яз жа мохам̣ баханд̇ваана, д̇амоканд̇хам̣ бад̣̇аалаяунд̇и яз бана арияасаавагаа буб̣б̣абхааг̇з д̇ад̣̇ан̇г̇аад̣̇иббахаанавасзна, хздтимамаг̇г̇зхи ваа д̇ам̣д̇ам̣маг̇г̇аваж̇жхам̣ мохам̣ баж̇ахид̇ваа аг̇г̇амаг̇г̇зна важ̇ируубаман̃аан̣зна мохасан̇каад̇амзва д̇амораасим̣ бад̣̇аалаяим̣су, анавасзсад̇о самужчинд̣̇им̣су. на д̇з буна сам̣саранд̇ийд̇и д̇з араханд̇о –
Natthaññoti ādikā gāthā vuttassa avuttassa ca atthassa saṅgaṇhanavasena bhāsitā. Tattha nivutāti nivāritā paliguṇṭhitā, paṭicchāditāti attho. Ahorattanti divā ceva rattiñca, sabbakālanti vuttaṃ hoti. Yathāmohena āvutāti yena pakārena avijjānīvaraṇasaṅkhātena mohena āvutā paṭicchāditā suviññeyyampi ajānantiyo pajā saṃsāre saṃsaranti, tathārūpo añño ekadhammopi ekanīvaraṇampi natthīti yojetabbaṃ. Ye ca mohaṃ pahantvāna, tamokhandhaṃ padālayunti ye pana ariyasāvakā pubbabhāge tadaṅgādippahānavasena, heṭṭhimamaggehi vā taṃtaṃmaggavajjhaṃ mohaṃ pajahitvā aggamaggena vajirūpamañāṇena mohasaṅkhātameva tamorāsiṃ padālayiṃsu, anavasesato samucchindiṃsu. Na te puna saṃsarantīti te arahanto –
‘‘канд̇хаанан̃жа бадибаади, д̇хаад̇уааяад̇анаана жа;
‘‘Khandhānañca paṭipāṭi, dhātuāyatanāna ca;
аб̣б̣ожчиннам̣ вад̇д̇амаанаа, сам̣саарод̇и бавужжад̇ий’’д̇и. –
Abbocchinnaṃ vattamānā, saṃsāroti pavuccatī’’ti. –
звам̣ вуд̇д̇з имасмим̣ сам̣саарз на сам̣саранд̇и на бариб̣бхаманд̇и. гим̣ гааран̣аа? хзд̇у д̇зсам̣ на виж̇ж̇ад̇и , яасмаа сам̣саарасса хзд̇у муулагааран̣ам̣ авиж̇ж̇аа, саа д̇зсам̣ на виж̇ж̇ад̇и, саб̣б̣асо над̇т̇и самужчиннад̇д̇аад̇и.
Evaṃ vutte imasmiṃ saṃsāre na saṃsaranti na paribbhamanti. Kiṃ kāraṇā? Hetu tesaṃ na vijjati, yasmā saṃsārassa hetu mūlakāraṇaṃ avijjā, sā tesaṃ na vijjati, sabbaso natthi samucchinnattāti.
жад̇уд̇т̇асуд̇д̇аван̣н̣анаа нидтид̇аа.
Catutthasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 4. авиж̇ж̇аанийваран̣асуд̇д̇ам̣ • 4. Avijjānīvaraṇasuttaṃ
