| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. авиж̇ж̇аабажжаяасуд̇д̇аван̣н̣анаа
5. Avijjāpaccayasuttavaṇṇanā
35. д̣̇зсанам̣ осаабзсийд̇и яат̇аарад̣̇д̇хагат̇ам̣ табзси. д̇ад̇т̇а нисиннасса д̣̇идтиг̇ад̇игасса лад̣̇д̇хияаа бхинд̣̇анавасзна убари гат̇зд̇угаамо. б̣уд̣̇д̇хаанан̃хи д̣̇зсанааваарам̣ бажчинд̣̇аабзд̇ваа бужчид̇ум̣ самад̇т̇о наама гожи над̇т̇и. д̇знааха ‘‘д̣̇идтиг̇ад̇игасса огаасад̣̇аанад̇т̇а’’нд̇и. д̣̇уббан̃хо зсо сад̇д̇уубалад̣̇д̇хияаа бужчид̇ад̇д̇аа . сад̇д̇уубалад̣̇д̇хиваад̣̇абад̣̇знаад̇и ‘‘сад̇д̇о ж̇ийво убалаб̣бхад̇ий’’д̇и звам̣ бавад̇д̇ад̣̇идтид̣̇ийбагабад̣̇авасзна. вад̣̇анд̇и зд̇знаад̇и ваад̣̇о. д̣̇идти-сад̣̇д̣̇о бана д̣̇ваяасан̇г̇ахид̇о, б̣рахмажарияаваасо бана барамад̇т̇ад̇о арияамаг̇г̇абхааванаад̇и ааха ‘‘арияамаг̇г̇аваасо’’д̇и. аяам̣ д̣̇идтийд̇и анан̃н̃з сарийраж̇ийваад̇и д̣̇идти. ‘‘ж̇ийво’’д̇и жа ж̇ийвид̇амзва вад̣̇анд̇и. вадданд̇и д̣̇увид̇хам̣ ваддам̣. нирод̇хзнд̇од̇и ануббад̇д̇ид̇хаммад̇ам̣ аабаад̣̇знд̇о. самужчинд̣̇анд̇од̇и аббавад̇д̇ияам̣ баабанзна убажчинд̣̇анд̇о. д̇ад̣̇зд̇ам̣ маг̇г̇зна нирод̇хзд̇аб̣б̣ам̣ ваддам̣ нируж̇жхад̇ийд̇и яож̇анаа. ‘‘аяам̣ сад̇д̇о винаасам̣ абхаавам̣ бад̇ваа саб̣б̣асо ужчиж̇ж̇ад̇ий’’д̇и звам̣ ужчзд̣̇ад̣̇идтияаа г̇ахид̇аагаарасса самбхавз сажжабхаавз сад̇и. на ход̇ийд̇и саад̇т̇аго на ход̇и.
35.Desanaṃ osāpesīti yathāraddhakathaṃ ṭhapesi. Tattha nisinnassa diṭṭhigatikassa laddhiyā bhindanavasena upari kathetukāmo. Buddhānañhi desanāvāraṃ pacchindāpetvā pucchituṃ samattho nāma koci natthi. Tenāha ‘‘diṭṭhigatikassa okāsadānattha’’nti. Duppañho eso sattūpaladdhiyā pucchitattā . Sattūpaladdhivādapadenāti ‘‘satto jīvo upalabbhatī’’ti evaṃ pavattadiṭṭhidīpakapadavasena. Vadanti etenāti vādo. Diṭṭhi-saddo pana dvayasaṅgahito, brahmacariyavāso pana paramatthato ariyamaggabhāvanāti āha ‘‘ariyamaggavāso’’ti. Ayaṃ diṭṭhīti anaññe sarīrajīvāti diṭṭhi. ‘‘Jīvo’’ti ca jīvitameva vadanti. Vaṭṭanti duvidhaṃ vaṭṭaṃ. Nirodhentoti anuppattidhammataṃ āpādento. Samucchindantoti appavattiyaṃ pāpanena upacchindanto. Tadetaṃ maggena nirodhetabbaṃ vaṭṭaṃ nirujjhatīti yojanā. ‘‘Ayaṃ satto vināsaṃ abhāvaṃ patvā sabbaso ucchijjatī’’ti evaṃ ucchedadiṭṭhiyā gahitākārassa sambhave saccabhāve sati. Na hotīti sātthako na hoti.
г̇ажчад̇ийд̇и сарийрад̇о нигкамид̇ваа г̇ажчад̇и. виваддзнд̇од̇и аббавад̇д̇им̣ гаронд̇од̇и ад̇т̇о. виваддзд̇ум̣ на саггод̇и нижжасса аббавад̇д̇им̣ баабзд̇ум̣ асаггун̣зяяад̇д̇аа. мижчаад̣̇идти саммаад̣̇идтим̣ виж̇жхад̇и асамаахид̇абуг̇г̇аласзванавасзна д̇ат̇аа бавад̇д̇ид̇ум̣ аббад̣̇аанавасзна жа баж̇ахид̇аб̣б̣аабаж̇аханавасзна саммаад̣̇идтим̣ виж̇жхад̇и. висуугамиваад̇и ган̣д̣аго вияа. на гзвалам̣ ананувад̇д̇агова, ат̇а ко вирод̇хоби ‘‘нижжа’’нд̇иаад̣̇инаа бавад̇д̇анад̇хаммад̇ааяа вин̃н̃аабанад̇о. вируубам̣ б̣ийбхажчам̣ панд̣̇ид̇ам̣ вибпанд̣̇ид̇ам̣. бан̣н̣абубпапалабаллаваанам̣ авад̇т̇убхууд̇о д̇аало зва д̇аалаавад̇т̇у ‘‘асивз сиваа’’д̇и вохааро вияа. гзжи бана ‘‘д̇аалавад̇т̇угад̇ааний’’д̇и батанд̇и, авад̇т̇убхууд̇ад̇ааяа д̇аало вияа гад̇аанийд̇и ад̇т̇о. д̇знааха ‘‘мад̇т̇агажчиннад̇аало вияаа’’д̇и. ануабхааванд̇и винаасам̣.
Gacchatīti sarīrato nikkhamitvā gacchati. Vivaṭṭentoti appavattiṃ karontoti attho. Vivaṭṭetuṃ na sakkoti niccassa appavattiṃ pāpetuṃ asakkuṇeyyattā. Micchādiṭṭhi sammādiṭṭhiṃ vijjhati asamāhitapuggalasevanavasena tathā pavattituṃ appadānavasena ca pajahitabbāpajahanavasena sammādiṭṭhiṃ vijjhati. Visūkamivāti kaṇḍako viya. Na kevalaṃ ananuvattakova, atha kho virodhopi ‘‘nicca’’ntiādinā pavattanadhammatāya viññāpanato. Virūpaṃ bībhacchaṃ phanditaṃ vipphanditaṃ. Paṇṇapupphaphalapallavānaṃ avatthubhūto tālo eva tālāvatthu ‘‘asive sivā’’ti vohāro viya. Keci pana ‘‘tālavatthukatānī’’ti paṭhanti, avatthubhūtatāya tālo viya katānīti attho. Tenāha ‘‘matthakacchinnatālo viyā’’ti. Anuabhāvanti vināsaṃ.
авиж̇ж̇аабажжаяасуд̇д̇аван̣н̣анаа нидтид̇аа.
Avijjāpaccayasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. авиж̇ж̇аабажжаяасуд̇д̇ам̣ • 5. Avijjāpaccayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. авиж̇ж̇аабажжаяасуд̇д̇аван̣н̣анаа • 5. Avijjāpaccayasuttavaṇṇanā
