| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਅવਿਜ੍ਜਾਪਚ੍ਚਯਸੁਤ੍ਤવਣ੍ਣਨਾ
5. Avijjāpaccayasuttavaṇṇanā
੩੫. ਦੇਸਨਂ ਓਸਾਪੇਸੀਤਿ ਯਥਾਰਦ੍ਧਕਥਂ ਠਪੇਸਿ। ਤਤ੍ਥ ਨਿਸਿਨ੍ਨਸ੍ਸ ਦਿਟ੍ਠਿਗਤਿਕਸ੍ਸ ਲਦ੍ਧਿਯਾ ਭਿਨ੍ਦਨવਸੇਨ ਉਪਰਿ ਕਥੇਤੁਕਾਮੋ। ਬੁਦ੍ਧਾਨਞ੍ਹਿ ਦੇਸਨਾવਾਰਂ ਪਚ੍ਛਿਨ੍ਦਾਪੇਤ੍વਾ ਪੁਚ੍ਛਿਤੁਂ ਸਮਤ੍ਥੋ ਨਾਮ ਕੋਚਿ ਨਤ੍ਥਿ। ਤੇਨਾਹ ‘‘ਦਿਟ੍ਠਿਗਤਿਕਸ੍ਸ ਓਕਾਸਦਾਨਤ੍ਥ’’ਨ੍ਤਿ। ਦੁਪ੍ਪਞ੍ਹੋ ਏਸੋ ਸਤ੍ਤੂਪਲਦ੍ਧਿਯਾ ਪੁਚ੍ਛਿਤਤ੍ਤਾ । ਸਤ੍ਤੂਪਲਦ੍ਧਿવਾਦਪਦੇਨਾਤਿ ‘‘ਸਤ੍ਤੋ ਜੀવੋ ਉਪਲਬ੍ਭਤੀ’’ਤਿ ਏવਂ ਪવਤ੍ਤਦਿਟ੍ਠਿਦੀਪਕਪਦવਸੇਨ। વਦਨ੍ਤਿ ਏਤੇਨਾਤਿ વਾਦੋ। ਦਿਟ੍ਠਿ-ਸਦ੍ਦੋ ਪਨ ਦ੍વਯਸਙ੍ਗਹਿਤੋ, ਬ੍ਰਹ੍ਮਚਰਿਯવਾਸੋ ਪਨ ਪਰਮਤ੍ਥਤੋ ਅਰਿਯਮਗ੍ਗਭਾવਨਾਤਿ ਆਹ ‘‘ਅਰਿਯਮਗ੍ਗવਾਸੋ’’ਤਿ। ਅਯਂ ਦਿਟ੍ਠੀਤਿ ਅਨਞ੍ਞੇ ਸਰੀਰਜੀવਾਤਿ ਦਿਟ੍ਠਿ। ‘‘ਜੀવੋ’’ਤਿ ਚ ਜੀવਿਤਮੇવ વਦਨ੍ਤਿ। વਟ੍ਟਨ੍ਤਿ ਦੁવਿਧਂ વਟ੍ਟਂ। ਨਿਰੋਧੇਨ੍ਤੋਤਿ ਅਨੁਪ੍ਪਤ੍ਤਿਧਮ੍ਮਤਂ ਆਪਾਦੇਨ੍ਤੋ। ਸਮੁਚ੍ਛਿਨ੍ਦਨ੍ਤੋਤਿ ਅਪ੍ਪવਤ੍ਤਿਯਂ ਪਾਪਨੇਨ ਉਪਚ੍ਛਿਨ੍ਦਨ੍ਤੋ। ਤਦੇਤਂ ਮਗ੍ਗੇਨ ਨਿਰੋਧੇਤਬ੍ਬਂ વਟ੍ਟਂ ਨਿਰੁਜ੍ਝਤੀਤਿ ਯੋਜਨਾ। ‘‘ਅਯਂ ਸਤ੍ਤੋ વਿਨਾਸਂ ਅਭਾવਂ ਪਤ੍વਾ ਸਬ੍ਬਸੋ ਉਚ੍ਛਿਜ੍ਜਤੀ’’ਤਿ ਏવਂ ਉਚ੍ਛੇਦਦਿਟ੍ਠਿਯਾ ਗਹਿਤਾਕਾਰਸ੍ਸ ਸਮ੍ਭવੇ ਸਚ੍ਚਭਾવੇ ਸਤਿ। ਨ ਹੋਤੀਤਿ ਸਾਤ੍ਥਕੋ ਨ ਹੋਤਿ।
35.Desanaṃ osāpesīti yathāraddhakathaṃ ṭhapesi. Tattha nisinnassa diṭṭhigatikassa laddhiyā bhindanavasena upari kathetukāmo. Buddhānañhi desanāvāraṃ pacchindāpetvā pucchituṃ samattho nāma koci natthi. Tenāha ‘‘diṭṭhigatikassa okāsadānattha’’nti. Duppañho eso sattūpaladdhiyā pucchitattā . Sattūpaladdhivādapadenāti ‘‘satto jīvo upalabbhatī’’ti evaṃ pavattadiṭṭhidīpakapadavasena. Vadanti etenāti vādo. Diṭṭhi-saddo pana dvayasaṅgahito, brahmacariyavāso pana paramatthato ariyamaggabhāvanāti āha ‘‘ariyamaggavāso’’ti. Ayaṃ diṭṭhīti anaññe sarīrajīvāti diṭṭhi. ‘‘Jīvo’’ti ca jīvitameva vadanti. Vaṭṭanti duvidhaṃ vaṭṭaṃ. Nirodhentoti anuppattidhammataṃ āpādento. Samucchindantoti appavattiyaṃ pāpanena upacchindanto. Tadetaṃ maggena nirodhetabbaṃ vaṭṭaṃ nirujjhatīti yojanā. ‘‘Ayaṃ satto vināsaṃ abhāvaṃ patvā sabbaso ucchijjatī’’ti evaṃ ucchedadiṭṭhiyā gahitākārassa sambhave saccabhāve sati. Na hotīti sātthako na hoti.
ਗਚ੍ਛਤੀਤਿ ਸਰੀਰਤੋ ਨਿਕ੍ਖਮਿਤ੍વਾ ਗਚ੍ਛਤਿ। વਿવਟ੍ਟੇਨ੍ਤੋਤਿ ਅਪ੍ਪવਤ੍ਤਿਂ ਕਰੋਨ੍ਤੋਤਿ ਅਤ੍ਥੋ। વਿવਟ੍ਟੇਤੁਂ ਨ ਸਕ੍ਕੋਤਿ ਨਿਚ੍ਚਸ੍ਸ ਅਪ੍ਪવਤ੍ਤਿਂ ਪਾਪੇਤੁਂ ਅਸਕ੍ਕੁਣੇਯ੍ਯਤ੍ਤਾ। ਮਿਚ੍ਛਾਦਿਟ੍ਠਿ ਸਮ੍ਮਾਦਿਟ੍ਠਿਂ વਿਜ੍ਝਤਿ ਅਸਮਾਹਿਤਪੁਗ੍ਗਲਸੇવਨવਸੇਨ ਤਥਾ ਪવਤ੍ਤਿਤੁਂ ਅਪ੍ਪਦਾਨવਸੇਨ ਚ ਪਜਹਿਤਬ੍ਬਾਪਜਹਨવਸੇਨ ਸਮ੍ਮਾਦਿਟ੍ਠਿਂ વਿਜ੍ਝਤਿ। વਿਸੂਕਮਿવਾਤਿ ਕਣ੍ਡਕੋ વਿਯ। ਨ ਕੇવਲਂ ਅਨਨੁવਤ੍ਤਕੋવ, ਅਥ ਖੋ વਿਰੋਧੋਪਿ ‘‘ਨਿਚ੍ਚ’’ਨ੍ਤਿਆਦਿਨਾ ਪવਤ੍ਤਨਧਮ੍ਮਤਾਯ વਿਞ੍ਞਾਪਨਤੋ। વਿਰੂਪਂ ਬੀਭਚ੍ਛਂ ਫਨ੍ਦਿਤਂ વਿਪ੍ਫਨ੍ਦਿਤਂ। ਪਣ੍ਣਪੁਪ੍ਫਫਲਪਲ੍ਲવਾਨਂ ਅવਤ੍ਥੁਭੂਤੋ ਤਾਲੋ ਏવ ਤਾਲਾવਤ੍ਥੁ ‘‘ਅਸਿવੇ ਸਿવਾ’’ਤਿ વੋਹਾਰੋ વਿਯ। ਕੇਚਿ ਪਨ ‘‘ਤਾਲવਤ੍ਥੁਕਤਾਨੀ’’ਤਿ ਪਠਨ੍ਤਿ, ਅવਤ੍ਥੁਭੂਤਤਾਯ ਤਾਲੋ વਿਯ ਕਤਾਨੀਤਿ ਅਤ੍ਥੋ। ਤੇਨਾਹ ‘‘ਮਤ੍ਥਕਚ੍ਛਿਨ੍ਨਤਾਲੋ વਿਯਾ’’ਤਿ। ਅਨੁਅਭਾવਨ੍ਤਿ વਿਨਾਸਂ।
Gacchatīti sarīrato nikkhamitvā gacchati. Vivaṭṭentoti appavattiṃ karontoti attho. Vivaṭṭetuṃ na sakkoti niccassa appavattiṃ pāpetuṃ asakkuṇeyyattā. Micchādiṭṭhi sammādiṭṭhiṃ vijjhati asamāhitapuggalasevanavasena tathā pavattituṃ appadānavasena ca pajahitabbāpajahanavasena sammādiṭṭhiṃ vijjhati. Visūkamivāti kaṇḍako viya. Na kevalaṃ ananuvattakova, atha kho virodhopi ‘‘nicca’’ntiādinā pavattanadhammatāya viññāpanato. Virūpaṃ bībhacchaṃ phanditaṃ vipphanditaṃ. Paṇṇapupphaphalapallavānaṃ avatthubhūto tālo eva tālāvatthu ‘‘asive sivā’’ti vohāro viya. Keci pana ‘‘tālavatthukatānī’’ti paṭhanti, avatthubhūtatāya tālo viya katānīti attho. Tenāha ‘‘matthakacchinnatālo viyā’’ti. Anuabhāvanti vināsaṃ.
ਅવਿਜ੍ਜਾਪਚ੍ਚਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Avijjāpaccayasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਅવਿਜ੍ਜਾਪਚ੍ਚਯਸੁਤ੍ਤਂ • 5. Avijjāpaccayasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਅવਿਜ੍ਜਾਪਚ੍ਚਯਸੁਤ੍ਤવਣ੍ਣਨਾ • 5. Avijjāpaccayasuttavaṇṇanā
