| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. авиж̇ж̇ааваг̇г̇о
6. Avijjāvaggo
1. авиж̇ж̇аабахаанасуд̇д̇ам̣
1. Avijjāpahānasuttaṃ
53. саавад̇т̇инид̣̇аанам̣ . ат̇а ко ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘гат̇ам̣ ну ко, бханд̇з, ж̇аанад̇о гат̇ам̣ бассад̇о авиж̇ж̇аа бахийяад̇и, виж̇ж̇аа уббаж̇ж̇ад̇ий’’д̇и?
53. Sāvatthinidānaṃ . Atha kho aññataro bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘kathaṃ nu kho, bhante, jānato kathaṃ passato avijjā pahīyati, vijjā uppajjatī’’ti?
‘‘жагкум̣ ко, бхигку, анижжад̇о ж̇аанад̇о бассад̇о авиж̇ж̇аа бахийяад̇и, виж̇ж̇аа уббаж̇ж̇ад̇и. руубз анижжад̇о ж̇аанад̇о бассад̇о авиж̇ж̇аа бахийяад̇и, виж̇ж̇аа уббаж̇ж̇ад̇и. жагкувин̃н̃аан̣ам̣… жагкусампассам̣… яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби анижжад̇о ж̇аанад̇о бассад̇о авиж̇ж̇аа бахийяад̇и, виж̇ж̇аа уббаж̇ж̇ад̇и. сод̇ам̣… гхаанам̣… ж̇ивхам̣… гааяам̣… манам̣ анижжад̇о ж̇аанад̇о бассад̇о авиж̇ж̇аа бахийяад̇и, виж̇ж̇аа уббаж̇ж̇ад̇и. д̇хаммз … мановин̃н̃аан̣ам̣… маносампассам̣… яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби анижжад̇о ж̇аанад̇о бассад̇о авиж̇ж̇аа бахийяад̇и, виж̇ж̇аа уббаж̇ж̇ад̇и. звам̣ ко, бхигку, ж̇аанад̇о звам̣ бассад̇о авиж̇ж̇аа бахийяад̇и, виж̇ж̇аа уббаж̇ж̇ад̇ий’’д̇и. батамам̣.
‘‘Cakkhuṃ kho, bhikkhu, aniccato jānato passato avijjā pahīyati, vijjā uppajjati. Rūpe aniccato jānato passato avijjā pahīyati, vijjā uppajjati. Cakkhuviññāṇaṃ… cakkhusamphassaṃ… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccato jānato passato avijjā pahīyati, vijjā uppajjati. Sotaṃ… ghānaṃ… jivhaṃ… kāyaṃ… manaṃ aniccato jānato passato avijjā pahīyati, vijjā uppajjati. Dhamme … manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccato jānato passato avijjā pahīyati, vijjā uppajjati. Evaṃ kho, bhikkhu, jānato evaṃ passato avijjā pahīyati, vijjā uppajjatī’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. авиж̇ж̇ааваг̇г̇аван̣н̣анаа • 6. Avijjāvaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. авиж̇ж̇ааваг̇г̇аван̣н̣анаа • 6. Avijjāvaggavaṇṇanā
