махааваг̇г̇а-адтагат̇аа

Mahāvagga-aṭṭhakathā

1. маг̇г̇асам̣яуд̇д̇ам̣

1. Maggasaṃyuttaṃ

1. авиж̇ж̇ааваг̇г̇о

1. Avijjāvaggo

1-2. авиж̇ж̇аасуд̇д̇аад̣̇иван̣н̣анаа

1-2. Avijjāsuttādivaṇṇanā

1-2. махааваг̇г̇асса батамз буб̣б̣ан̇г̇амаад̇и сахаж̇аад̇авасзна жа убаниссаяавасзна жаад̇и д̣̇вийхаагаарзхи буб̣б̣ан̇г̇амаа. самаабад̇д̇ияаад̇и самаабаж̇ж̇анааяа сабхаавабадилаабхааяа, уббад̇д̇ияаад̇и ад̇т̇о. анвад̣̇зва ахиригам̣ анод̇д̇аббанд̇и саа банзсаа яад̣̇зд̇ам̣ алаж̇ж̇анаагаарасан̣тигам̣ ахиригам̣, абхааяанаагаарасан̣тид̇ан̃жа анод̇д̇аббам̣, зд̇ам̣ ануд̣̇зва сахзва згад̇ова, на винаа д̇зна уббаж̇ж̇ад̇ийд̇и ад̇т̇о. авиж̇ж̇ааг̇ад̇ассаад̇и авиж̇ж̇ааяа убаг̇ад̇асса саманнааг̇ад̇асса. мижчаад̣̇идтийд̇и аяаат̇аавад̣̇идти анияяаанигад̣̇идти. баход̇ийд̇и ход̇и уббаж̇ж̇ад̇и. мижчаасан̇габбаад̣̇ийсуби аяаат̇ааваанияяаанигавасзнзва мижчаабхааво взд̣̇ид̇аб̣б̣о. ид̇и имаани адтаби агусалад̇хаммасамаабад̇д̇ияаа мижчад̇д̇аан̇г̇аани наама хонд̇и. д̇аани бана на згагкан̣з саб̣б̣аани лаб̣бханд̇и, наанагкан̣з лаб̣бханд̇и.

1-2. Mahāvaggassa paṭhame pubbaṅgamāti sahajātavasena ca upanissayavasena cāti dvīhākārehi pubbaṅgamā. Samāpattiyāti samāpajjanāya sabhāvapaṭilābhāya, uppattiyāti attho. Anvadeva ahirikaṃ anottappanti sā panesā yadetaṃ alajjanākārasaṇṭhikaṃ ahirikaṃ, abhāyanākārasaṇṭhitañca anottappaṃ, etaṃ anudeva saheva ekatova, na vinā tena uppajjatīti attho. Avijjāgatassāti avijjāya upagatassa samannāgatassa. Micchādiṭṭhīti ayāthāvadiṭṭhi aniyyānikadiṭṭhi. Pahotīti hoti uppajjati. Micchāsaṅkappādīsupi ayāthāvaaniyyānikavaseneva micchābhāvo veditabbo. Iti imāni aṭṭhapi akusaladhammasamāpattiyā micchattaaṅgāni nāma honti. Tāni pana na ekakkhaṇe sabbāni labbhanti, nānakkhaṇe labbhanti.

гат̇ам̣? яад̣̇аа хи д̣̇идтисамбаяуд̇д̇ажид̇д̇ам̣ гааяавин̃н̃ад̇д̇им̣ самудтаабзнд̇ам̣ уббаж̇ж̇ад̇и, д̇ад̣̇аа мижчаад̣̇идти мижчаасан̇габбо мижчаавааяаамо мижчаасад̇и мижчаасамаад̇хи мижчаагамманд̇од̇и ча ан̇г̇аани хонд̇и. яад̣̇аа д̣̇идтивиббаяуд̇д̇ам̣, д̇ад̣̇аа мижчаад̣̇идтиваж̇ж̇аани бан̃жа. яад̣̇аа д̇аанзва д̣̇вз важийвин̃н̃ад̇д̇им̣ самудтаабзнд̇и, д̇ад̣̇аа мижчаагамманд̇адтаанз мижчааваажааяа сад̣̇д̇хим̣ д̇аанзва ча ваа бан̃жа ваа. аяам̣ ааж̇ийво наама губбамаано гааяаважийд̣̇ваарзсуязва ан̃н̃ад̇арасмим̣ губбад̇и, на манод̣̇ваарз. д̇асмаа яад̣̇аа ааж̇ийвасийсзна д̇аанзва жид̇д̇аани гааяаважийвин̃н̃ад̇д̇ияо самудтаабзнд̇и, д̇ад̣̇аа гааяагаммам̣ мижчааж̇ийво наама ход̇и, д̇ат̇аа важийгамманд̇и мижчааж̇ийвасса васзна д̇аанзва ча ваа бан̃жа ваа. яад̣̇аа бана вин̃н̃ад̇д̇им̣ асамудтаабзд̇ваа д̇аани жид̇д̇аани уббаж̇ж̇анд̇и , д̇ад̣̇аа мижчаад̣̇идтимижчаасан̇габбамижчаавааяаамамижчаасад̇имижчаасамаад̇хивасзна бан̃жа ваа, мижчаасан̇габбаад̣̇ивасзна жад̇д̇аари ваа хонд̇ийд̇и звам̣ на згагкан̣з саб̣б̣аани лаб̣бханд̇и, наанагкан̣з лаб̣бханд̇ийд̇и.

Kathaṃ? Yadā hi diṭṭhisampayuttacittaṃ kāyaviññattiṃ samuṭṭhāpentaṃ uppajjati, tadā micchādiṭṭhi micchāsaṅkappo micchāvāyāmo micchāsati micchāsamādhi micchākammantoti cha aṅgāni honti. Yadā diṭṭhivippayuttaṃ, tadā micchādiṭṭhivajjāni pañca. Yadā tāneva dve vacīviññattiṃ samuṭṭhāpenti, tadā micchākammantaṭṭhāne micchāvācāya saddhiṃ tāneva cha vā pañca vā. Ayaṃ ājīvo nāma kuppamāno kāyavacīdvāresuyeva aññatarasmiṃ kuppati, na manodvāre. Tasmā yadā ājīvasīsena tāneva cittāni kāyavacīviññattiyo samuṭṭhāpenti, tadā kāyakammaṃ micchājīvo nāma hoti, tathā vacīkammanti micchājīvassa vasena tāneva cha vā pañca vā. Yadā pana viññattiṃ asamuṭṭhāpetvā tāni cittāni uppajjanti , tadā micchādiṭṭhimicchāsaṅkappamicchāvāyāmamicchāsatimicchāsamādhivasena pañca vā, micchāsaṅkappādivasena cattāri vā hontīti evaṃ na ekakkhaṇe sabbāni labbhanti, nānakkhaṇe labbhantīti.

суггабагкз виж̇ж̇аад̇и гаммассагад̇ан̃аан̣ам̣. ихааби сахаж̇аад̇авасзна жа убаниссаяавасзна жаад̇и д̣̇вийхаагаарзхи буб̣б̣ан̇г̇амад̇аа взд̣̇ид̇аб̣б̣аа. хирод̇д̇аббанд̇и хирий жа од̇д̇аббан̃жа. д̇ад̇т̇а лаж̇ж̇анаагаарасан̣тид̇аа хирий, бхааяанаагаарасан̣тид̇ам̣ од̇д̇аббам̣. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇з вуд̇д̇ова. виж̇ж̇ааг̇ад̇ассаад̇и виж̇ж̇ааяа убаг̇ад̇асса саманнааг̇ад̇асса. вид̣̇д̣̇асунод̇и вид̣̇уно бан̣д̣ид̇асса. саммаад̣̇идтийд̇и яаат̇аавад̣̇идти нияяаанигад̣̇идти. саммаагамманд̇аад̣̇ийсуби зсзва наяо. ид̇и гусалад̇хаммасамаабад̇д̇ияаа имаани адтан̇г̇аани хонд̇и, д̇аани логияамаг̇г̇агкан̣з на згад̇о саб̣б̣аани лаб̣бханд̇и, логуд̇д̇арамаг̇г̇агкан̣з бана лаб̣бханд̇и. д̇аани жа ко батамаж̇жхаанигамаг̇г̇з, д̣̇уд̇ияаж̇жхаанигаад̣̇ийсу бана саммаасан̇габбаваж̇ж̇аани сад̇д̇зва хонд̇и.

Sukkapakkhe vijjāti kammassakatañāṇaṃ. Ihāpi sahajātavasena ca upanissayavasena cāti dvīhākārehi pubbaṅgamatā veditabbā. Hirottappanti hirī ca ottappañca. Tattha lajjanākārasaṇṭhitā hirī, bhāyanākārasaṇṭhitaṃ ottappaṃ. Ayamettha saṅkhepo, vitthāro pana visuddhimagge vuttova. Vijjāgatassāti vijjāya upagatassa samannāgatassa. Viddasunoti viduno paṇḍitassa. Sammādiṭṭhīti yāthāvadiṭṭhi niyyānikadiṭṭhi. Sammākammantādīsupi eseva nayo. Iti kusaladhammasamāpattiyā imāni aṭṭhaṅgāni honti, tāni lokiyamaggakkhaṇe na ekato sabbāni labbhanti, lokuttaramaggakkhaṇe pana labbhanti. Tāni ca kho paṭhamajjhānikamagge, dutiyajjhānikādīsu pana sammāsaṅkappavajjāni satteva honti.

д̇ад̇т̇а яо звам̣ вад̣̇зяяа ‘‘яасмаа маж̇жхиманигааяамхи махаасал̣ааяад̇анигасуд̇д̇з (ма. ни. 3.431) ‘яаа д̇ат̇аабхууд̇асса д̣̇идти, саасса ход̇и саммаад̣̇идти. яо д̇ат̇аабхууд̇асса, сан̇габбо, сваасса ход̇и саммаасан̇габбо. яо д̇ат̇аабхууд̇асса вааяаамо, сваасса ход̇и саммаавааяаамо. яаа д̇ат̇аабхууд̇асса сад̇и, сваасса ход̇и саммаасад̇и. яо д̇ат̇аабхууд̇асса самаад̇хи, сваасса ход̇и саммаасамаад̇хи. буб̣б̣зва ко банасса гааяагаммам̣ важийгаммам̣ ааж̇ийво жа субарисуд̣̇д̇хо’д̇и вуд̇д̇ам̣ д̇асмаа бан̃жан̇г̇игоби логуд̇д̇арамаг̇г̇о ход̇ий’’д̇и со вад̇д̇аб̣б̣о – д̇асмим̣язва суд̇д̇з ‘‘звамассааяам̣ арияо адтан̇г̇иго маг̇г̇о бхааванаабаарибуурим̣ г̇ажчад̇ий’’д̇и ид̣̇ам̣ гасмаа на бассаси ? яам̣ банзд̇ам̣ ‘‘буб̣б̣зва ко банассаа’’д̇и вуд̇д̇ам̣, д̇ам̣ баб̣б̣аж̇ид̇ад̣̇ивасад̇о бадтааяа барисуд̣̇д̇хабхаавад̣̇ассанад̇т̇ам̣. баб̣б̣аж̇ид̇ад̣̇ивасад̇о бадтааяа хи барисуд̣̇д̇хаани гааяагаммаад̣̇ийни логуд̇д̇арамаг̇г̇агкан̣з ад̇ибарисуд̣̇д̇хаани хонд̇ийд̇и аяамад̇т̇о д̣̇ийбид̇о.

Tattha yo evaṃ vadeyya ‘‘yasmā majjhimanikāyamhi mahāsaḷāyatanikasutte (ma. ni. 3.431) ‘yā tathābhūtassa diṭṭhi, sāssa hoti sammādiṭṭhi. Yo tathābhūtassa, saṅkappo, svāssa hoti sammāsaṅkappo. Yo tathābhūtassa vāyāmo, svāssa hoti sammāvāyāmo. Yā tathābhūtassa sati, svāssa hoti sammāsati. Yo tathābhūtassa samādhi, svāssa hoti sammāsamādhi. Pubbeva kho panassa kāyakammaṃ vacīkammaṃ ājīvo ca suparisuddho’ti vuttaṃ tasmā pañcaṅgikopi lokuttaramaggo hotī’’ti so vattabbo – tasmiṃyeva sutte ‘‘evamassāyaṃ ariyo aṭṭhaṅgiko maggo bhāvanāpāripūriṃ gacchatī’’ti idaṃ kasmā na passasi ? Yaṃ panetaṃ ‘‘pubbeva kho panassā’’ti vuttaṃ, taṃ pabbajitadivasato paṭṭhāya parisuddhabhāvadassanatthaṃ. Pabbajitadivasato paṭṭhāya hi parisuddhāni kāyakammādīni lokuttaramaggakkhaṇe atiparisuddhāni hontīti ayamattho dīpito.

яамби абхид̇хаммз вуд̇д̇ам̣ ‘‘д̇асмим̣ ко бана самаяз бан̃жан̇г̇иго маг̇г̇о ход̇ий’’д̇и (вибха. 212), д̇ам̣ згам̣ гижжанд̇арам̣ д̣̇ассзд̇ум̣ вуд̇д̇ам̣. яасмин̃хи гаалз мижчаагамманд̇ам̣ бахааяа саммаагамманд̇ам̣ буурзд̇и, д̇асмим̣ гаалз мижчааваажаа ваа мижчааж̇ийво ваа на ход̇и, д̣̇идти сан̇габбо вааяаамо сад̇и самаад̇хийд̇и имзсуязва бан̃жасу гаараган̇г̇зсу саммаагамманд̇о буурад̇и. вирад̇ивасзна хи саммаагамманд̇о буурад̇и наама. саммааваажаасаммааааж̇ийвзсуби зсзва наяо. ид̇и имам̣ гижжанд̇арам̣ д̣̇ассзд̇ум̣ звам̣ вуд̇д̇ам̣. логияамаг̇г̇агкан̣з жа бан̃жзва хонд̇и, вирад̇и бана анияад̇аа. д̇асмаа ‘‘чаан̇г̇иго’’д̇и авад̇ваа ‘‘бан̃жан̇г̇иго’’д̇взва вуд̇д̇ам̣. ‘‘яаа жа, бхигкавз, арияажид̇д̇асса анаасаважид̇д̇асса арияамаг̇г̇асаман̇г̇ино арияамаг̇г̇ам̣ бхааваяад̇о д̇ийхи гааяад̣̇ужжарид̇зхи аарад̇и вирад̇и бадивирад̇и взраман̣ий агирияаа агаран̣ам̣, аяам̣ бхигкавз саммаагамманд̇о арияо анаасаво логуд̇д̇арамаг̇г̇о’’д̇и (ма. ни. 3.139). звам̣ бана махаажад̇д̇аалийсагасуд̇д̇аад̣̇ийсу анзгзсу суд̇д̇зсу саммаагамманд̇аад̣̇ийнан̃жа логуд̇д̇арамаг̇г̇асса ан̇г̇абхаавасид̣̇д̇хид̇о адтан̇г̇игова логуд̇д̇арамаг̇г̇о ход̇ийд̇и взд̣̇ид̇аб̣б̣од̇и. имасмим̣ суд̇д̇з аяам̣ адтан̇г̇иго маг̇г̇о логияалогуд̇д̇арамиссагова гат̇ид̇о. д̣̇уд̇ияам̣ госаласам̣яуд̇д̇з вуд̇д̇амзва.

Yampi abhidhamme vuttaṃ ‘‘tasmiṃ kho pana samaye pañcaṅgiko maggo hotī’’ti (vibha. 212), taṃ ekaṃ kiccantaraṃ dassetuṃ vuttaṃ. Yasmiñhi kāle micchākammantaṃ pahāya sammākammantaṃ pūreti, tasmiṃ kāle micchāvācā vā micchājīvo vā na hoti, diṭṭhi saṅkappo vāyāmo sati samādhīti imesuyeva pañcasu kārakaṅgesu sammākammanto pūrati. Virativasena hi sammākammanto pūrati nāma. Sammāvācāsammāājīvesupi eseva nayo. Iti imaṃ kiccantaraṃ dassetuṃ evaṃ vuttaṃ. Lokiyamaggakkhaṇe ca pañceva honti, virati pana aniyatā. Tasmā ‘‘chaaṅgiko’’ti avatvā ‘‘pañcaṅgiko’’tveva vuttaṃ. ‘‘Yā ca, bhikkhave, ariyacittassa anāsavacittassa ariyamaggasamaṅgino ariyamaggaṃ bhāvayato tīhi kāyaduccaritehi ārati virati paṭivirati veramaṇī akiriyā akaraṇaṃ, ayaṃ bhikkhave sammākammanto ariyo anāsavo lokuttaramaggo’’ti (ma. ni. 3.139). Evaṃ pana mahācattālīsakasuttādīsu anekesu suttesu sammākammantādīnañca lokuttaramaggassa aṅgabhāvasiddhito aṭṭhaṅgikova lokuttaramaggo hotīti veditabboti. Imasmiṃ sutte ayaṃ aṭṭhaṅgiko maggo lokiyalokuttaramissakova kathito. Dutiyaṃ kosalasaṃyutte vuttameva.

Next: 3. саарибуд̇д̇асуд̇д̇аван̣н̣анаа • 3. Sāriputtasuttavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
1. авиж̇ж̇аасуд̇д̇ам̣ • 1. Avijjāsuttaṃ
2. убад̣дхасуд̇д̇ам̣ • 2. Upaḍḍhasuttaṃ

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-2. авиж̇ж̇аасуд̇д̇аад̣̇иван̣н̣анаа • 1-2. Avijjāsuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact