Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā)

(7) 2. яамагаваг̇г̇о

(7) 2. Yamakavaggo

1-7. авиж̇ж̇аасуд̇д̇аад̣̇иван̣н̣анаа

1-7. Avijjāsuttādivaṇṇanā

61-67. д̣̇уд̇ияасса батамаад̣̇ийни уд̇д̇аанад̇т̇аани. сад̇д̇амз нал̣агабаанагзд̇и звам̣наамагз ниг̇амз. буб̣б̣з гира (ж̇аа. адта. 1.1.19 аад̣̇аяо) амхаагам̣ б̣од̇хисад̇д̇о габияонияам̣ ниб̣б̣ад̇д̇о махаагааяо габирааж̇аа худ̇ваа анзгасад̇аваанарасахассабаривуд̇о баб̣б̣ад̇абаад̣̇з вижари, бан̃н̃аваа ко бана ход̇и махаабан̃н̃о. со барисам̣ звам̣ овад̣̇ад̇и, ‘‘д̇аад̇аа, имасмим̣ баб̣б̣ад̇абаад̣̇з висапалаани хонд̇и, амануссабариг̇г̇ахид̇аа богкаран̣игаа наама хонд̇и, д̇умхз буб̣б̣з каад̣̇ид̇абуб̣б̣аанзва палаани каад̣̇ат̇а, бийд̇абуб̣б̣аанзва баанийяаани биват̇а, зд̇т̇а во бадибужчид̇агижжам̣ над̇т̇ий’’д̇и. д̇з абийд̇абуб̣б̣ам̣ д̣̇исваа сахасаава абивид̇ваа саманд̇аа барид̇хаавид̇ваа махаасад̇д̇асса ааг̇аманам̣ ологаяамаанаа нисийд̣̇им̣су. махаасад̇д̇о ааг̇анд̇ваа ‘‘гим̣, д̇аад̇аа, баанийяам̣ на биват̇аа’’д̇и ааха. д̇умхаагам̣ ааг̇аманам̣ ологзмаад̇и. ‘‘саад̇ху, д̇аад̇аа’’д̇и саманд̇аа бад̣̇ам̣ бариязсамаано од̇ин̣н̣абад̣̇ам̣язва ад̣̇д̣̇аса, на уд̇д̇ин̣н̣абад̣̇ам̣. ад̣̇исваа ‘‘сабариссаяаа’’д̇и ан̃н̃ааси. д̇аавад̣̇зва жа д̇ад̇т̇а абхиниб̣б̣ад̇д̇аамануссо уд̣̇агам̣ д̣̇взд̇хаа гад̇ваа удтааси – сзд̇амуко, нийлагужчи, рад̇д̇ахад̇т̇абаад̣̇о, махаад̣̇аатиго, ванд̇ад̣̇аато, вируубо, б̣ийбхажчо, уд̣̇агарагкасо. со звамааха – ‘‘гасмаа баанийяам̣ на биват̇а, мад̇хурам̣ уд̣̇агам̣ биват̇а, гим̣ д̇умхз зд̇асса важанам̣ сун̣аат̇аа’’д̇и. махаасад̇д̇о ааха ‘‘д̇вам̣ ад̇хивад̇т̇о амануссо’’д̇и? аамааханд̇и. ‘‘д̇вам̣ ид̇ха од̇ин̣н̣з лабхасий’’д̇и ааха. аама, д̇умхз бана саб̣б̣з каад̣̇иссаамийд̇и. на сагкиссаси яагкаад̇и. баанийяам̣ бана бивиссат̇аад̇и. аама, бивиссаамаад̇и. звам̣ санд̇з згамби ваанарам̣ на мун̃жиссанд̇и. ‘‘баанийяан̃жа бивиссаама, на жа д̇з васам̣ г̇амиссаамаа’’д̇и нал̣ам̣ аахараабзд̇ваа годияам̣ г̇ахзд̇ваа д̇хами. саб̣б̣о згажчид̣̇д̣̇о ахоси. д̇ийрз нисийд̣̇ид̇ваава баанийяам̣ биви. сзсаваанараанамби баадиязггам̣ нал̣ам̣ аахараабзд̇ваа д̇хамид̇ваа ад̣̇ааси. саб̣б̣з д̇з бассанд̇ассзва баанийяам̣ бивим̣су. вуд̇д̇амби жзд̇ам̣ –

61-67. Dutiyassa paṭhamādīni uttānatthāni. Sattame naḷakapānaketi evaṃnāmake nigame. Pubbe kira (jā. aṭṭha. 1.1.19 ādayo) amhākaṃ bodhisatto kapiyoniyaṃ nibbatto mahākāyo kapirājā hutvā anekasatavānarasahassaparivuto pabbatapāde vicari, paññavā kho pana hoti mahāpañño. So parisaṃ evaṃ ovadati, ‘‘tātā, imasmiṃ pabbatapāde visaphalāni honti, amanussapariggahitā pokkharaṇikā nāma honti, tumhe pubbe khāditapubbāneva phalāni khādatha, pītapubbāneva pānīyāni pivatha, ettha vo paṭipucchitakiccaṃ natthī’’ti. Te apītapubbaṃ disvā sahasāva apivitvā samantā paridhāvitvā mahāsattassa āgamanaṃ olokayamānā nisīdiṃsu. Mahāsatto āgantvā ‘‘kiṃ, tātā, pānīyaṃ na pivathā’’ti āha. Tumhākaṃ āgamanaṃ olokemāti. ‘‘Sādhu, tātā’’ti samantā padaṃ pariyesamāno otiṇṇapadaṃyeva addasa, na uttiṇṇapadaṃ. Adisvā ‘‘saparissayā’’ti aññāsi. Tāvadeva ca tattha abhinibbattaamanusso udakaṃ dvedhā katvā uṭṭhāsi – setamukho, nīlakucchi, rattahatthapādo, mahādāṭhiko, vantadāṭho, virūpo, bībhaccho, udakarakkhaso. So evamāha – ‘‘kasmā pānīyaṃ na pivatha, madhuraṃ udakaṃ pivatha, kiṃ tumhe etassa vacanaṃ suṇāthā’’ti. Mahāsatto āha ‘‘tvaṃ adhivattho amanusso’’ti? Āmāhanti. ‘‘Tvaṃ idha otiṇṇe labhasī’’ti āha. Āma, tumhe pana sabbe khādissāmīti. Na sakkhissasi yakkhāti. Pānīyaṃ pana pivissathāti. Āma, pivissāmāti. Evaṃ sante ekampi vānaraṃ na muñcissanti. ‘‘Pānīyañca pivissāma, na ca te vasaṃ gamissāmā’’ti naḷaṃ āharāpetvā koṭiyaṃ gahetvā dhami. Sabbo ekacchiddo ahosi. Tīre nisīditvāva pānīyaṃ pivi. Sesavānarānampi pāṭiyekkaṃ naḷaṃ āharāpetvā dhamitvā adāsi. Sabbe te passantasseva pānīyaṃ piviṃsu. Vuttampi cetaṃ –

‘‘д̣̇исваа бад̣̇амануд̇д̇ин̣н̣ам̣, д̣̇исваанод̇арид̇ам̣ бад̣̇ам̣;

‘‘Disvā padamanuttiṇṇaṃ, disvānotaritaṃ padaṃ;

нал̣зна ваарим̣ биссаама, нзва мам̣ д̇вам̣ вад̇хиссасий’’д̇и. (ж̇аа. 1.1.20);

Naḷena vāriṃ pissāma, neva maṃ tvaṃ vadhissasī’’ti. (jā. 1.1.20);

д̇ад̇о бадтааяа яаава аж̇ж̇ад̣̇ивасаа д̇асмим̣ таанз нал̣аа згажчид̣̇д̣̇аава хонд̇и. имасмин̃хи габбз габбадтияабаадихаарияаани наама жанд̣̇з сасалагкан̣ам̣ (ж̇аа. 1.4.61 аад̣̇аяо), ваддаж̇аад̇агз (ж̇аа. 1.1.35) сажжагирияадтаанз аг̇г̇иж̇ааласса ааг̇аманубажчзд̣̇о, гхадийгаарасса маад̇аабид̇уунам̣ васанадтаанз ановассанам̣ (ма. ни. 2.291), богкаран̣ияаа д̇ийрз нал̣аанам̣ згажчид̣̇д̣̇абхаавод̇и. ид̇и саа богкаран̣ий нал̣зна баанийяасса бивид̇ад̇д̇аа ‘‘нал̣агабаанагаа’’д̇и наамам̣ лабхи. абарабхааг̇з д̇ам̣ богкаран̣им̣ ниссааяа ниг̇амо бад̇идтааси, д̇ассаби ‘‘нал̣агабаана’’нд̇взва наамам̣ ж̇аад̇ам̣. д̇ам̣ бана санд̇хааяа вуд̇д̇ам̣ ‘‘нал̣агабаанз’’д̇и. балаасаванзд̇и гим̣сугаванз.

Tato paṭṭhāya yāva ajjadivasā tasmiṃ ṭhāne naḷā ekacchiddāva honti. Imasmiñhi kappe kappaṭṭhiyapāṭihāriyāni nāma cande sasalakkhaṇaṃ (jā. 1.4.61 ādayo), vaṭṭajātake (jā. 1.1.35) saccakiriyaṭṭhāne aggijālassa āgamanupacchedo, ghaṭīkārassa mātāpitūnaṃ vasanaṭṭhāne anovassanaṃ (ma. ni. 2.291), pokkharaṇiyā tīre naḷānaṃ ekacchiddabhāvoti. Iti sā pokkharaṇī naḷena pānīyassa pivitattā ‘‘naḷakapānakā’’ti nāmaṃ labhi. Aparabhāge taṃ pokkharaṇiṃ nissāya nigamo patiṭṭhāsi, tassapi ‘‘naḷakapāna’’ntveva nāmaṃ jātaṃ. Taṃ pana sandhāya vuttaṃ ‘‘naḷakapāne’’ti. Palāsavaneti kiṃsukavane.

д̇ун̣хийбхууд̇ам̣ д̇ун̣хийбхууд̇анд̇и б̣яаабанижчааяам̣ ид̣̇ам̣ аамзд̣ид̇аважананд̇и д̣̇ассзд̇ум̣ ‘‘яам̣ яам̣ д̣̇иса’’нд̇иаад̣̇и вуд̇д̇ам̣. анувилогзд̇ваад̇и зд̇т̇а ану-сад̣̇д̣̇о ‘‘барий’’д̇и иминаа самаанад̇т̇од̇и ааха ‘‘д̇ад̇о д̇ад̇о вилогзд̇ваа’’д̇и. гасмаа ааг̇илааяад̇и годисахассахад̇т̇инааг̇аанам̣ б̣алам̣ д̇хаарзнд̇ассаад̇и жод̣̇агасса ад̇хиббааяо. аажарияо банасса ‘‘зса сан̇каараанам̣ сабхааво, яад̣̇ид̣̇ам̣ анижжад̇аа. яз бана анижжаа, д̇з зганд̇знзва уд̣̇аяаваяаббадибийл̣ид̇ад̇ааяа д̣̇угкаа зва. д̣̇угкасабхаавзсу д̇зсу сад̇т̇угааяз д̣̇угкуббад̇д̇ияаа аяам̣ бажжаяо’’д̇и д̣̇ассзд̇ум̣ ‘‘бхаг̇авад̇о’’д̇иаад̣̇и вуд̇д̇ам̣. бидтиваад̇о уббаж̇ж̇и, со жа ко буб̣б̣згад̇агаммабажжаяаа. зд̇т̇ааха ‘‘гим̣ бана д̇ам̣ гаммам̣, язна абаримаан̣агаалам̣ саггажжам̣ убажид̇авибулабун̃н̃асамбхааро сад̇т̇аа зваруубам̣ д̣̇угкавибаагаманубхавад̇ий’’д̇и? вужжад̇з – аяамзва бхаг̇аваа б̣од̇хисад̇д̇абхууд̇о ад̇ийд̇аж̇аад̇ияам̣ маллабуд̇д̇о худ̇ваа баабаж̇анасзвий аяонисоманасигаараб̣ахуло жарад̇и. со згад̣̇ивасам̣ ниб̣б̣уд̣̇д̇хз вад̇д̇амаанз згам̣ маллабуд̇д̇ам̣ г̇ахзд̇ваа г̇аал̣хад̇арам̣ ниббийл̣зси. д̇зна гаммзна ид̣̇аани б̣уд̣̇д̇хо худ̇вааби д̣̇угкаманубхави. яат̇аа жзд̇ам̣, звам̣ жин̃жамаан̣авигаад̣̇ийнамид̇т̇ийнам̣ яаани бхаг̇авад̇о аб̣бхагкаанаад̣̇ийни д̣̇угкаани, саб̣б̣аани буб̣б̣згад̇асса вибаагаавасзсаани, яаани гаммабилод̇игаанийд̇и вужжанд̇и. вуд̇д̇ан̃хзд̇ам̣ абад̣̇аанз (аба. т̇зра 1.39.64-96) –

Tuṇhībhūtaṃ tuṇhībhūtanti byāpanicchāyaṃ idaṃ āmeḍitavacananti dassetuṃ ‘‘yaṃ yaṃ disa’’ntiādi vuttaṃ. Anuviloketvāti ettha anu-saddo ‘‘parī’’ti iminā samānatthoti āha ‘‘tato tato viloketvā’’ti. Kasmā āgilāyati koṭisahassahatthināgānaṃ balaṃ dhārentassāti codakassa adhippāyo. Ācariyo panassa ‘‘esa saṅkhārānaṃ sabhāvo, yadidaṃ aniccatā. Ye pana aniccā, te ekanteneva udayavayappaṭipīḷitatāya dukkhā eva. Dukkhasabhāvesu tesu satthukāye dukkhuppattiyā ayaṃ paccayo’’ti dassetuṃ ‘‘bhagavato’’tiādi vuttaṃ. Piṭṭhivāto uppajji, so ca kho pubbekatakammapaccayā. Etthāha ‘‘kiṃ pana taṃ kammaṃ, yena aparimāṇakālaṃ sakkaccaṃ upacitavipulapuññasambhāro satthā evarūpaṃ dukkhavipākamanubhavatī’’ti? Vuccate – ayameva bhagavā bodhisattabhūto atītajātiyaṃ mallaputto hutvā pāpajanasevī ayonisomanasikārabahulo carati. So ekadivasaṃ nibbuddhe vattamāne ekaṃ mallaputtaṃ gahetvā gāḷhataraṃ nippīḷesi. Tena kammena idāni buddho hutvāpi dukkhamanubhavi. Yathā cetaṃ, evaṃ ciñcamāṇavikādīnamitthīnaṃ yāni bhagavato abbhakkhānādīni dukkhāni, sabbāni pubbekatassa vipākāvasesāni, yāni kammapilotikānīti vuccanti. Vuttañhetaṃ apadāne (apa. thera 1.39.64-96) –

‘‘анод̇ад̇д̇асараасаннз, раман̣ийяз силаад̇алз;

‘‘Anotattasarāsanne, ramaṇīye silātale;

наанаарад̇анабаж̇ж̇од̇з, наанааг̇анд̇хавананд̇арз.

Nānāratanapajjote, nānāgandhavanantare.

‘‘махад̇аа бхигкусан̇гхзна, барзд̇о логанааяаго;

‘‘Mahatā bhikkhusaṅghena, pareto lokanāyako;

аасийно б̣яаагарий д̇ад̇т̇а, буб̣б̣агаммаани ад̇д̇ано.

Āsīno byākarī tattha, pubbakammāni attano.

‘‘сун̣аат̇а бхигкаво маяхам̣, яам̣ гаммам̣ багад̇ам̣ маяаа;

‘‘Suṇātha bhikkhavo mayhaṃ, yaṃ kammaṃ pakataṃ mayā;

билод̇игасса гаммасса, б̣уд̣̇д̇хад̇д̇зби вибажжад̇и.

Pilotikassa kammassa, buddhattepi vipaccati.

‘‘мунаал̣и наамахам̣ д̇худ̇д̇о, буб̣б̣з ан̃н̃аасу ж̇аад̇ису;

‘‘Munāḷi nāmahaṃ dhutto, pubbe aññāsu jātisu;

бажжзгаб̣уд̣̇д̇хам̣ сурабхим̣, аб̣бхаажигким̣ ад̣̇уусагам̣.

Paccekabuddhaṃ surabhiṃ, abbhācikkhiṃ adūsakaṃ.

‘‘д̇зна гаммавибаагзна, нираяз сам̣сарим̣ жирам̣;

‘‘Tena kammavipākena, niraye saṃsariṃ ciraṃ;

б̣ахуу вассасахассаани, д̣̇угкам̣ взд̣̇зси взд̣̇анам̣.

Bahū vassasahassāni, dukkhaṃ vedesi vedanaṃ.

‘‘д̇зна гаммаавасзсзна, ид̇ха бажчимагз бхавз;

‘‘Tena kammāvasesena, idha pacchimake bhave;

аб̣бхагкаанам̣ маяаа лад̣̇д̇хам̣, сунд̣̇аригааяа гааран̣аа.

Abbhakkhānaṃ mayā laddhaṃ, sundarikāya kāraṇā.

‘‘саб̣б̣аабхибхусса б̣уд̣̇д̇хасса, нанд̣̇о наамааси сааваго;

‘‘Sabbābhibhussa buddhassa, nando nāmāsi sāvako;

д̇ам̣ аб̣бхагкааяа нираяз, жирам̣ сам̣сарид̇ам̣ маяаа.

Taṃ abbhakkhāya niraye, ciraṃ saṃsaritaṃ mayā.

‘‘д̣̇аса вассасахассаани, нираяз сам̣сарим̣ жирам̣;

‘‘Dasa vassasahassāni, niraye saṃsariṃ ciraṃ;

мануссабхаавам̣ лад̣̇д̇хаахам̣, аб̣бхагкаанам̣ б̣ахум̣ лабхим̣.

Manussabhāvaṃ laddhāhaṃ, abbhakkhānaṃ bahuṃ labhiṃ.

‘‘д̇зна гаммаавасзсзна, жин̃жамаан̣авигаа мамам̣;

‘‘Tena kammāvasesena, ciñcamāṇavikā mamaṃ;

аб̣бхаажигки абхууд̇зна, ж̇анагааяасса аг̇г̇ад̇о.

Abbhācikkhi abhūtena, janakāyassa aggato.

‘‘б̣раахман̣о суд̇аваа аасим̣, ахам̣ саггад̇абууж̇ид̇о;

‘‘Brāhmaṇo sutavā āsiṃ, ahaṃ sakkatapūjito;

махааванз бан̃жасад̇з, манд̇з ваажзси маан̣авз.

Mahāvane pañcasate, mante vācesi māṇave.

‘‘д̇ад̇т̇ааг̇ад̇о иси бхиймо, бан̃жаабхин̃н̃о махид̣̇д̇хиго;

‘‘Tatthāgato isi bhīmo, pañcābhiñño mahiddhiko;

д̇ан̃жаахам̣ ааг̇ад̇ам̣ д̣̇исваа, аб̣бхаажигким̣ ад̣̇уусагам̣.

Tañcāhaṃ āgataṃ disvā, abbhācikkhiṃ adūsakaṃ.

‘‘д̇ад̇охам̣ аважам̣ сиссз, гаамабхог̇ий аяам̣ иси;

‘‘Tatohaṃ avacaṃ sisse, kāmabhogī ayaṃ isi;

маяхамби бхаасамаанасса, анумод̣̇им̣су маан̣аваа.

Mayhampi bhāsamānassa, anumodiṃsu māṇavā.

‘‘д̇ад̇о маан̣авагаа саб̣б̣з, бхигкамаанам̣ гулз гулз;

‘‘Tato māṇavakā sabbe, bhikkhamānaṃ kule kule;

махааж̇анасса аахам̣су, гаамабхог̇ий аяам̣ иси.

Mahājanassa āhaṃsu, kāmabhogī ayaṃ isi.

‘‘д̇зна гаммавибаагзна, бан̃жа бхигкусад̇аа имз;

‘‘Tena kammavipākena, pañca bhikkhusatā ime;

аб̣бхагкаанам̣ лабхум̣ саб̣б̣з, сунд̣̇аригааяа гааран̣аа.

Abbhakkhānaṃ labhuṃ sabbe, sundarikāya kāraṇā.

‘‘взмаад̇убхаад̇арам̣ буб̣б̣з, д̇ханахзд̇у ханим̣ ахам̣;

‘‘Vemātubhātaraṃ pubbe, dhanahetu haniṃ ahaṃ;

багкибим̣ г̇ирид̣̇уг̇г̇асмим̣, силааяа жа абим̣саяим̣.

Pakkhipiṃ giriduggasmiṃ, silāya ca apiṃsayiṃ.

‘‘д̇зна гаммавибаагзна, д̣̇звад̣̇ад̇д̇о силам̣ киби;

‘‘Tena kammavipākena, devadatto silaṃ khipi;

ан̇г̇удтам̣ бим̣саяий баад̣̇з, мама баасаан̣асагкараа.

Aṅguṭṭhaṃ piṃsayī pāde, mama pāsāṇasakkharā.

‘‘бурзхам̣ д̣̇аараго худ̇ваа, гийл̣амаано махаабат̇з;

‘‘Purehaṃ dārako hutvā, kīḷamāno mahāpathe;

бажжзгаб̣уд̣̇д̇хам̣ д̣̇исваана, маг̇г̇з сагалигам̣ кибим̣.

Paccekabuddhaṃ disvāna, magge sakalikaṃ khipiṃ.

‘‘д̇зна гаммавибаагзна, ид̇ха бажчимагз бхавз;

‘‘Tena kammavipākena, idha pacchimake bhave;

вад̇хад̇т̇ам̣ мам̣ д̣̇звад̣̇ад̇д̇о, абхимаарз баяож̇аяи.

Vadhatthaṃ maṃ devadatto, abhimāre payojayi.

‘‘хад̇т̇аарохо бурз аасим̣, бажжзгамунимуд̇д̇амам̣;

‘‘Hatthāroho pure āsiṃ, paccekamunimuttamaṃ;

бин̣д̣ааяа вижаранд̇ам̣ д̇ам̣, аасаад̣̇зсим̣ г̇аж̇знахам̣.

Piṇḍāya vicarantaṃ taṃ, āsādesiṃ gajenahaṃ.

‘‘д̇зна гаммавибаагзна, бханд̇о наал̣ааг̇ирий г̇аж̇о;

‘‘Tena kammavipākena, bhanto nāḷāgirī gajo;

г̇ириб̣б̣аж̇з бураварз, д̣̇аарун̣о самубааг̇ами.

Giribbaje puravare, dāruṇo samupāgami.

‘‘рааж̇аахам̣ бад̇т̇иво аасим̣, сад̇д̇ияаа бурисам̣ ханим̣;

‘‘Rājāhaṃ patthivo āsiṃ, sattiyā purisaṃ haniṃ;

д̇зна гаммавибаагзна, нираяз бажжисам̣ бхусам̣.

Tena kammavipākena, niraye paccisaṃ bhusaṃ.

‘‘гаммуно д̇асса сзсзна, ид̣̇аани сагалам̣ мама;

‘‘Kammuno tassa sesena, idāni sakalaṃ mama;

баад̣̇з чавим̣ багаббзси, на хи гаммам̣ винассад̇и.

Pāde chaviṃ pakappesi, na hi kammaṃ vinassati.

‘‘ахам̣ гзваддаг̇аамасмим̣, ахум̣ гзваддад̣̇аараго;

‘‘Ahaṃ kevaṭṭagāmasmiṃ, ahuṃ kevaṭṭadārako;

мажчагз гхаад̇ид̇з д̣̇исваа, ж̇анаяим̣ соманассагам̣.

Macchake ghātite disvā, janayiṃ somanassakaṃ.

‘‘д̇зна гаммавибаагзна, сийсад̣̇угкам̣ ахуу мама;

‘‘Tena kammavipākena, sīsadukkhaṃ ahū mama;

саб̣б̣з саггаа жа хан̃н̃им̣су, яад̣̇аа хани видадуубхо.

Sabbe sakkā ca haññiṃsu, yadā hani viṭaṭūbho.

‘‘пуссассаахам̣ бааважанз, саавагз барибхаасаяим̣;

‘‘Phussassāhaṃ pāvacane, sāvake paribhāsayiṃ;

яавам̣ каад̣̇ат̇а бхун̃ж̇ат̇а, маа жа бхун̃ж̇ат̇а саалаяо.

Yavaṃ khādatha bhuñjatha, mā ca bhuñjatha sālayo.

‘‘д̇зна гаммавибаагзна, д̇змаасам̣ каад̣̇ид̇ам̣ яавам̣;

‘‘Tena kammavipākena, temāsaṃ khāditaṃ yavaṃ;

ниманд̇ид̇о б̣раахман̣зна, взран̃ж̇ааяам̣ васим̣ д̇ад̣̇аа.

Nimantito brāhmaṇena, verañjāyaṃ vasiṃ tadā.

10.

‘‘ниб̣б̣уд̣̇д̇хз вад̇д̇амаанамхи, маллабуд̇д̇ам̣ нихзтаяим̣;

‘‘Nibbuddhe vattamānamhi, mallaputtaṃ niheṭhayiṃ;

д̇зна гаммавибаагзна, бидтид̣̇угкам̣ ахуу мама.

Tena kammavipākena, piṭṭhidukkhaṃ ahū mama.

11.

‘‘д̇игижчаго ахам̣ аасим̣, сздтибуд̇д̇ам̣ вирзжаяим̣;

‘‘Tikicchako ahaṃ āsiṃ, seṭṭhiputtaṃ virecayiṃ;

д̇зна гаммавибаагзна, ход̇и багканд̣̇игаа мама.

Tena kammavipākena, hoti pakkhandikā mama.

12.

‘‘аважаахам̣ ж̇од̇ибаало, суг̇ад̇ам̣ гассабам̣ д̇ад̣̇аа;

‘‘Avacāhaṃ jotipālo, sugataṃ kassapaṃ tadā;

гуд̇о ну б̣од̇хи мун̣д̣асса, б̣од̇хи барамад̣̇уллабхаа.

Kuto nu bodhi muṇḍassa, bodhi paramadullabhā.

‘‘д̇зна гаммавибаагзна, ажарим̣ д̣̇уггарам̣ б̣ахум̣;

‘‘Tena kammavipākena, acariṃ dukkaraṃ bahuṃ;

чаб̣б̣ассаанурувзлааяам̣, д̇ад̇о б̣од̇химабаабун̣им̣.

Chabbassānuruvelāyaṃ, tato bodhimapāpuṇiṃ.

‘‘наахам̣ зд̇зна маг̇г̇зна, баабун̣им̣ б̣од̇химуд̇д̇амам̣;

‘‘Nāhaṃ etena maggena, pāpuṇiṃ bodhimuttamaṃ;

гуммаг̇г̇зна г̇авзсиссам̣, буб̣б̣агаммзна ваарид̇о.

Kummaggena gavesissaṃ, pubbakammena vārito.

‘‘бун̃н̃абаабабаригкийн̣о, саб̣б̣асанд̇аабаваж̇ж̇ид̇о;

‘‘Puññapāpaparikkhīṇo, sabbasantāpavajjito;

асого анубааяаасо, ниб̣б̣ааяиссаманаасаво.

Asoko anupāyāso, nibbāyissamanāsavo.

‘‘звам̣ ж̇ино вияаагааси, бхигкусан̇гхасса аг̇г̇ад̇о;

‘‘Evaṃ jino viyākāsi, bhikkhusaṅghassa aggato;

саб̣б̣аабхин̃н̃ааб̣алаббад̇д̇о, анод̇ад̇д̇з махаасарз’’д̇и. (аба. т̇зра 1.39.64-96);

Sabbābhiññābalappatto, anotatte mahāsare’’ti. (apa. thera 1.39.64-96);

авиж̇ж̇аасуд̇д̇аад̣̇иван̣н̣анаа нидтид̇аа.

Avijjāsuttādivaṇṇanā niṭṭhitā.

Next: 9-10. батамагат̇аавад̇т̇усуд̇д̇аад̣̇иван̣н̣анаа • 9-10. Paṭhamakathāvatthusuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact